أفكـــــــــــــــــــارنــا لخبــرة روضـــــــــــــــــــتي

[مزاج]

بنات ابي فكره غريبه انا توني يديده بالتدريس

درسي يتعرف على بعض مرافق الروضه
وباخذ المطعم ابي منبه غريب شسوي بليز بنات

 

[* @ * كرستال * @ *]

- يتعرف على بعض مرافق الروضة
( ساحة الروضة )
- يراعي قواعد الامن والسلامة
- يلعب بألعاب الساحة

عطيهم المنبه صورة مقلوبة عالسبورة ماذا تتضمن ياترى عطيهم مجال يخمنون
الصورة المقلوبة صورة الساحة تعرفوا عليها ـ تعالوا معاي نروح الساحة
قربيهم للمعلومة قولي لهم انها صورة لمكان بالروضة خارج الفصل ( فيها أطفال يلعبون ) خلج سريعة لانكم بتطلعون من الصف . بيني لهم ان بنزور هذا المرفق نتعرف فيه على قواعد الأمن
روحوا الفرصة طبعا معاج المعلمة الثانية تساعدج
ناقشيهم عن السلوكيات الصحيحة لنتجنب بها الحوادث الممكنة سئليهم وهم يجاوبون مثلا ننتظر بالدور ـ مانتدافع ـ إذا خلصت الفرصة نصف طابور مع المعلمة ونعقم ايدنا ، أمس شفت بالفرصة ولد سقط من اللعبة ليش ؟ يجاوبون ... وشفت بنت طول الوقت بلعبة وحدة ما تعطي اللعبة لغيرها شنو لازم تسوي .. تغير وتروح لعبة ثانية ..
وهكذا لان الهدف من الدرس تعطينهم سلوكيات يمارسونها بفترة الفرصة وراح تشوفين نفسج اندمجتي معاهم بالنقاش

* و منبه صورة ألعاب ساحة ينقصها شي تطلبين منهم ماهو الشئ الناقص ؟ مثلا ينقصه أطفال
بعدها حطي صورة أطفال عالمنظر

ركزي على ساحة الروضة فالمرافق تقسم على عدة أيام كل يوم مرفق
أهدافج حلوة ومترابطة يتعرف على بعض المرافق بين قوسين ( ساحة الروضة )
يحرص على اتباع قولعد الأمن والسلامة فانت تقصدين الساحة فركزي عالساحة
يزور ساحة الروضة

مافي وقت تتكلمون عن المرافق الثانية لانكم بتطلعون بره وهدف اهو الساحة

الا في حالت انج اذا ماتبين تروحين الساحة
* المنبه تبحثون عن الصور بالفصل وتعرضين صورة لمرفق والتعليق عنه
ومرفق ثان والتعليق عنه
وثالث والتعليق عنه
في مرفق ناقص ماهو ؟
مرفق خارج الفصل ؟ مرفق به ألعاب ؟
ثم تناقشنهم بالسلوكيات
بعدها تعرضين فلم عن ألعاب الساحة من برمجيات الروضة بركن الحاسوب اذا عندكم .
---
مشاركة مني حتى تعم الفائدة للمعلمات​

 

[مدرسه يديده]

بنات عفيه بغيت يتعرف على مطبخ ونادى العلمي

 

[DoOoOoha]

يا حبيباتي الموضوع انحط عئشان نعين ونعاون

لا تصير فينا انانيه ناخذ وما نعطي خلونا نستفيد كلنا اشكثر مواضيع محطوطه

ولا فيه ردود عليها معقوله محد يعرف لهدرجه اللي يعرف يساعد وله الاجر

جم وحده الله يجزاها خير يردون على الاسئله

والباجي اللي تقرون وتروحون احذوا اجر في رد لو بسيط

الف شكر لتعاونكم وعسااااكم على القوه كلكم

 

[مدرسه يديده]

عفيه بنات ابى منبه

 

[DoOoOoha]

حبيبتي مدرسه يديده لازم تحددين بالبدايه سام طبختج واسم تجربتج

والمطبخ وايد حلو وسهل تلبسين عيالج الصداري وتودينهم للمطبخ وتعرفينهم على اسمه وتغسلون ايدينكم وتسوين منبه بسيط عن الاكله اللي بتسوينها

وعقب تدخلين بمكوناتها واذا خضروات تذكرينهم فوائدها مع الشرح وتسوين الاكله جدامهم وعقب تخلينهم يسون

ولازم تذكرينهم بالدعاء والجانب الوطني وتركزين على السلوكيات والنظافه

اما النادي العلمي لازم تحددين اسم التجربه

وعقب تحطين على كل طاوله تجربه وعندج تجربه وتلبسون البالطوات وتسوين منبه بسيط بعد وتدخلين على تجربتج وتشرحينها

لهم عندج وتسوينها جدامهم وتركزين على السلوكيات وعقب كل مجموعه تسوي تجربتها

بس الاهم انج تحددين شنو تبين ولا تنسين الاهداف

انا شرحتلج شرح عام انشاءالله وصلت الفكره واذا فيه زياده يفيدونج البنات

 

[DoOoOoha]

غموض حبيبتي حلو درس العاب الساحه والحركيه خلي منبهج عن اي لعبه من العاب الحركيه مثل الطوق تسوين لهم طوق بالقصدير
او عن طريق البوربوينت تسوين لهم منبه ويكون عندج بالصف العاب من الحركيه وتورينهم الالعاب وتتكلمين عن اللعاب واهميتها
وغرفه الحركيه ولا تنسين السلوكيات وعقب دخلي لهم ان بس هذي الالعاب اللي موجوده بالروضه ليمن يتوصلون ان هناكم العاب
للساحه واما انج تطلعين معاهم تورينهم ويلعبون هناك وتكونين حققتي الاجتماعي او انج تورينهم صور بالصف عن الالعاب وتخلينهم
يلعبون بالعاب الحركيه وهمن تكونين حققتي الاجتماعي اللعب مع اصدقائه ولاتنسين تعرضين لهم سلوكي عن التزاحم على الالعاب
واحترام الدور وعدم التدافع

اما الحركيه مهارة المشي عن طريق سرد قصه عن احمد اراد الذهاب الى الروضه القريبه من منزله وعندما اراد تشغيل سيارتهم
لم تعمل لعدم وجود البانزين ماذا يفعل احمد سوف يتاخر على روضته ليمن يقولون لج يروح مشي لانها قريبه من منزله ويمشون
الاطفال للامام وللخلف ويمشون على الحبل وتذكرينهم باسم المهاره وتطلعين نموذج لهم وعقب مجاميع المشي على الحبال والمشي
على المقعد السويدي والمشي حول الاطواق ولعب حر

انا شرحت لج باخنتصار بس انشاءالله وصلت المعلومه

 

[ارياف الكويت]

بنات بليززز ابي منبه يتعرف على مفهوم كبير وصغير من خلال الفصل بللييييييييز ابي منبه حلو وشاكره لكم

 

[Ťђё Ĕηđ]

اضم صوتي لج ارياف الكويت

بنات نبي منبه عن كبير وصغير واللي يعاافيكم ...

 

[candy21]

عندي مرسم ومشروع الفني قصص المكتبه فيريت وحده تألفلي قصه خياله

 

[Miss Cherry]

رفع للاستفاااااااده

 

[تمنيتك حلالي]

رد : أفكـــــــــــــــــــارنــا لخبــرة روضـــــــــــــــــــتي

ابي كلمات ولحن لخبرة روضتي وان شاءالله افيدكم اذا بغيتو شي مع اني توني مدرسه طازجه

 

[شمووووع الليل]

درس يتعرف على الاعمال يقوم بها قبل ذهاب للروضة شنو المنبة

 

[دلع شمّر]

بنات الله يعافيكم بغيت منبه

حق هدف يعرف على زملائه في الفصل

 

[aquamarine]

أبلات حبيباتي بليز ساعدوني مادري شسوي بهالاهداف 1- يذكر اسم روضته 2- يحافظ على مرافق الروضه 3- يقوم بجوله داخل الروضه
بلييييييز ساعدوني :yaaaaaarb:​

 

[شمووووع الليل]

يتعرف على ركن الفنية والحاسوب والمكتبة

 

[نجمه الحالمه]

بنات ماعليكم امر ابي قصيده حلوة للاطفال

عن الفصول الاربعه او البحر او اي شي بس تكون باللغه العربيه مو العاميه ؟؟؟؟؟؟؟؟؟؟؟؟

 

[Miss Cherry]

ابي منبه عن يتعرف على دور بعض العاملين بالروضة ( المديرة والمديرة المساعده ) شنو احط منبه

 

[الحرير]

ابي منبه عن يتعرف على دور بعض العاملين بالروضة ( المديرة والمديرة المساعده ) شنو احط منبه

me too​

 

[ع ــندك / خ ــبر]

ابلات ليش جذي
ردوا علي ابي خطوات عرض صورة
نفسها كلمة انا مستوى اول ولا بعد ازيدكم توني جديده خبرتي زيرووو