سمعوا هالخبر الجديد يا معلمات وشوفوا اخر فناتك التربيه

[ام نور العتيبى]

السلام عليكم انا طبعا معلمة بوزارة التربيه المهم قدمت من اسبوع مجلس طبى عن طريق المدرسه لانى حامل وبعد 12 سنه وبعد 4 اجهاضات المهم اليوم انصدمت ان السكرتيره مالت المدرسه داقه على تقول ما وافقوا لج على المجلس الطبى قلت ليش ؟ قالت ياينا قرار من الوزارة والمنطقه ان ممنوع اى معلمه تاخذ مجلس طبى. تصدقون؟ تقول يبون يحدون من غياب المعلمات . ما ادرى شنو اسوى يا ربى الحمال ويا رب يتممه هالمرة على خير ادعولى والا اداوم وانا تعبانه شنو تنصحونى

 

[نونا**]

موصحيح الخبر!

مستحييييييييييييييييييل

يمكن مجذبين المدرسه لانه على مااعتقد يحقلج المجلس الطبي حسب مايقرر الدكتور

 

[أبله^زوزو]

مو من صج !!!!!!!!!!!

ودي ريال يسفل فيهم شالمصخره خدم عندهم يصرفونج !!!

نصيحه لاتسكتين لايضيع حقج

 

[Turquoiseya]

الله يتم حملج ويهون عليج وتاخذين مجلس طبي غصبن عليهم

 

[¤§ زيتونة §¤]

لا تتعبين روحج مع المدرسة وروحة وردة وكلام فاضي

رووحي المراقب وطلبيه منه وشرحي ظروفج بالتفاصيل وقولي له انه اذا ما رضو لج بتغيبين واللي يصير يصير


الله يعينج الصراحة والله قهر بعد هالعمر وناطرة الفرج تاليتها الدوام يوقفون بويه رزقج؟؟


ما عليج منهم


الله يثبته لج يارب وتشوفينه بحضنج بالسلامة

 

[الأميرة جوري]

رد : سمعوا هالخبر الجديد يا معلمات وشوفوا اخر فناتك التربيه

اختى نصيحه الحمل اهم من كل شيء خصوصا انج تقولين لج 12 ومن غير الاجهاااااااااااضات ,,,,,,,,,الله يعوضج ويثبت حملج ويرزقج بالذريه الصالحه

 

[ام نور العتيبى]

ما قصرتوا حبيباتى وربى يوفقكم والله كلامكم هون على شوى من الصبح وانا محتارة شنو اسوى انا قلت باجر اخلى زوجى يروح المراقب ويشرح له حالتى لانى انا ما اقدر امشى وايد اتعب والى ربى كاتبه لى بيصير بس بسأل النشره هذى واصله مدارسكم والا بس مدرستنا لان السكرتيره اعرفها لا يمكن تقول شى مو متأكده منه ادعولى ربى يجعله فى ميزان حسناتكم

 

[ورديـــه]

الله يهون عليج يارب انا سكرتيره بمدرسه ما وصلت النشره وشكثر مدرسات طالعين مجلس طبي واي استفسار انا بالخدمه

 

[ورديـــه]

للعلم انا اخت ورديه وادش بنكها اي استغسار عالعام

 

[أم علاوي 14]

اختي 3 معلمات عندنا بالمدرسة ماخذين اجازة مرضية من مجلس طبي

راجعي واتأكدي

 

[منور بنت الطنايا]

مستحيل يالغلا انا ماشيه باجراءات المجلس الطبي ودخلت لجنه الاسبوع اللي فات وشفت اربع دكاتره يخرعون هههه

وقالو سوي فحوصات في مستشفى الجهرا لان ملفج فاضي بس فيه تقارير من الخاااص

وعبي ملفج وراجعينا لجنه ثانيه

 

[اسياف الكويت]

ما عليج منهم كلام فاضي انا كنت ماخذه مجلس طبي اول السنة بس اجهضت اللي وانا بالسادس وراح ادوام على شهر11ربي يحفظلج اللي بطنج ويعوضني باللي راحت ويجبر خاطري انشالله قولوا اميين

 

[أحلى^حياه]

انا ماخذه مجلس طبي !!

ليش يجذبون عليج ؟!!!


خلي ريلج يروح وانتي ارتاحي بالبيت

اصلا اذا غبتي اسبوعين ورا بعض دايركت تتحولين مجلس

 

[اريج الجوري]

رد : سمعوا هالخبر الجديد يا معلمات وشوفوا اخر فناتك التربيه

اولا سلامتج من كل شر وربي يتمم عليج حمالج بالسلامه ,,,

ثانيا هذه وزارة التربيه صل على النبي ,,, شتبين منهم ؟؟؟

والله لو تقطعين نفسج عشانهم مايبين بعينهم ,,, سئليني عنهم ,,,

قدمي مجلس طبي وخلي ريلج يراجع فيه وما عليج لا من الناظره ولا من غيرها ,,,

وان كان القرار صج وما رضوا يعطونج المجلس ,,,

غيبي ,,, ولا تردين على اكبر راس ,,,

انا حامل ومعلمه وحملي عزيز ,,, ولا خذيت مجلس طبي وللا شي ولا انطر منتهمم يوافقون او مايوافقون ,,,

قاعده اغيب ومقزرتها طبيات ,,,

صح قاعد يخصمون من معاشي ,,, لكن ولا همني الحمد الله ,,,

مادامي مرتاحه ومريحه نفسي ,,,

وسلامتج من كل شر يارب ,,,

تحياتي ...

 

[Miss Hayoon]

الله يتمم علييج يارب

 

[سلطانة القحطاني]

رد : سمعوا هالخبر الجديد يا معلمات وشوفوا اخر فناتك التربيه

الله يتمم عليج وتشوفين البيبي

 

[فطووومة]

الله يثبته لج يارب

ويرزقج الذرية الصالحة

 

[Om_Ksha]

الله يتمم عليج واانا معاهم هالوزاره التعيسه ماراح اتفيدج

 

[عزتي مالها حد]

رد : سمعوا هالخبر الجديد يا معلمات وشوفوا اخر فناتك التربيه

ماشالله على صديقاتي ثلاثتهم تبارك الرحمن كلهم مجلس طبي

ان شالله يااارب تقومون كلكم بالسلامة

الله يسهل امورج ان شالله ,,,, بس انا اقول لو يروح رجلج للمنطقة يحاجيهم يكون افضل
ان شالله يارب تبشرينا بولادتج ويرزقج بالذرية الصالحة يارب

اهم ماعليج صحتج وصحة جنينج اللي ببطنج وبس

 

[عسولتي]

كل يوم نكتشف شي بوزارة التخبط ابي اعرف بس من وين لهم الافكار الجهنمية ؟