يومياتي بلندن بالصور (موضوع متجدد)

[mr000]

رد: رد : يومياتي بلندن بالصور (موضوع متجدد)

هلا والله كويتيه فدعا اشلونج..والله آنا كنت بقولج انه مايسوى العنوه ولافي شي حلو ..بس قلت الناس إذواق ويمكن يعجبج ..آنا رحتله قبل 6 سنين والله حدي 5 دقايق وطلعت منه..بعد ولافكرت اروح له..يالله ان شاءالله تروحين اماكن احلى وتستانسين..لان صج لندن فيها اماكن حلوه وخضره ونظيفه تسوى العنوه..يلا عزمي على برايتون يوم يكون الجو زين طالعه الشمس وروحوا ..بس جيكي بالنت الجو قبل بليله من هالموقع http://news.bbc.co.uk/weather/forecast/8 وغيري حطي برايتون ويطلعلج الجو في برايتون http://news.bbc.co.uk/weather/forecast/2132?

 

[كويتيه فدعاا]

رد : يومياتي بلندن بالصور (موضوع متجدد)

هذي صور البيكاديللي
كنت بنزلهم قبل يومين بس الفيران خربت علي:eh_s(11):






وحنا نمشي شفنا متحف صدق او لاتصدق ودشيناه
شحلاته فيه شغلات غريبه
وفيه متاهه المرايات توووووووونس
هذي صورته من برا




هذي صوره مسوينها من خرز ملون





وهذا صاحب اطول خشم



وهذي مدري شفيها حاطه قفل بخشمها شكلها شمت ريحه مو زينه

 

[كويتيه فدعاا]

رد : يومياتي بلندن بالصور (موضوع متجدد)

وهذي السياره كلها شوار فيسكي تلامع








وهذي الصوره مو مقلوبه الغرفه اللي مقلوبه

 

[كويتيه فدعاا]

رد : يومياتي بلندن بالصور (موضوع متجدد)

وهالبطه مو تاركين شي مو حاطينه فيها



وهالصوره مسوينها من الفلوس الحديد






وهذا جنن فيني عرض ثلاثي الابعاد وقاعد يتكلم ويسولف
واللي جنني شلون يفتح الصندوق ويحرك الاوراق
والله خرعني صج جنه شبح

 

[وردة القعدة]

يسلمووووووووووووو

 

[كويتيه فدعاا]

رد : يومياتي بلندن بالصور (موضوع متجدد)

وهني الكوفنت قاردن













وهذا واحد يسوي عرض كوميدي
والثاني عرض غنائي

 

[كويتيه فدعاا]

رد : يومياتي بلندن بالصور (موضوع متجدد)

لووووووووووووووول
فيه صور مكررتهم مدري شفيه
مركز التحميل اليوم
نكمل مع الصور
شوفو هني طرارينهم كشخه









وهذا المطعم شنو خطيررررررررر
مطعم صيني ومكتوب عليه حلال
بس كلهم يجنن
عندهم النودلز روعه
والدجاج بالعسل والسمسم يمي روووووعه
لايطوفكم بنات

 

[eman84]

الله يعينج على الفيراان وااااي صج صج موو خوووش موقف رعب

ومشكووورة عالنقل المباشر انا ليلحين متابعه

 

[كويتيه فدعاا]

رد : رد: رد : يومياتي بلندن بالصور (موضوع متجدد)

هلا والله كويتيه فدعا اشلونج..والله آنا كنت بقولج انه مايسوى العنوه ولافي شي حلو ..بس قلت الناس إذواق ويمكن يعجبج ..آنا رحتله قبل 6 سنين والله حدي 5 دقايق وطلعت منه..بعد ولافكرت اروح له..يالله ان شاءالله تروحين اماكن احلى وتستانسين..لان صج لندن فيها اماكن حلوه وخضره ونظيفه تسوى العنوه..يلا عزمي على برايتون يوم يكون الجو زين طالعه الشمس وروحوا ..بس جيكي بالنت الجو قبل بليله من هالموقع http://news.bbc.co.uk/weather/forecast/8 وغيري حطي برايتون ويطلعلج الجو في برايتون http://news.bbc.co.uk/weather/forecast/2132?

هلا والله مروو :blueSmCLR:
اي والله صاجه مايسوى العنوه مو ليه
وان شاء الله برايتون بنروح لها وبنزل لكم الصور
ويعطيج العافيه على هالموقع:icon30:

 

[كويتيه فدعاا]

رد : رد: يومياتي بلندن بالصور (موضوع متجدد)

الله يعينج على الفيراان وااااي صج صج موو خوووش موقف رعب

ومشكووورة عالنقل المباشر انا ليلحين متابعه

رعب الا الرعب بعينه
والله قعدت يومين بعد السالفه
تعبانه ونفسيتي الله لايوريج صفر:eh_s(2):
بس الحمد لله اليوم نسيت و طلعت غيرت جو
والليله الله يستر لا تصير رعب بعد

 

[كويتيه فدعاا]

رد : يومياتي بلندن بالصور (موضوع متجدد)

اليوم وحنا رادين تخيلو بنات شصار :eh_s(12):
مدري شفينا كل يوم طالعه لنا سالفه
اقولكم شصار وحنا رادين للبيت
مرينا السوبر ماركت شرينا اغراض
للبيت وبعدين مرينا محل المواعين
وشريت منه المهم وصلنا عند باب الشقه
والا زوجي مضيع مفتاح البيت :s141:
دور منيه والا منيه
ماكو شي
مدري شنسوي ويدق زوجي على
صاحبة المكتب والا تقول المكتب اليوم مصكر
اليوم السبت اجازه
انطر عبال ما اروح ابطل المكتب
وادور سبير للمفتاح
المهم نطرنا جدام باب الشقه ساعتين :eh_s(11):
عبال ما جابت لنا المفتاح
والله يستر:yaaaaaarb: انا خايفه المفتاح
مكتوب عليه اسم العماره ورقم الشقه
والمكاتب اللي يغيرون مفتاح الباب
ما يفتحون الا يوم الاثنين باجر بعد
اجازه مدري شلون بنام الليله

 

[دموع تائهه]

رد: رد : يومياتي بلندن بالصور (موضوع متجدد)

الله يردكم بالسلامه
ويرزقكم بالذريه الصالحه


شوقتيني اروح هالاماكن اللي كتبتي عنها
ريلي مايوديني الا اجوار روود ولا اكسفورد
ولا لما نرد يكون معصب لانه كل مره ننزل لندن يصير له شي يا مخالفينه عالسياره
ولا مايكون لاقي الشغله اللي يبيها وكله حاط اللوم علي وانا تعودت طناش

 

[فراوله بالعسل]

الله يرزقكم ويرزقني بالذرية الصالحة
والفال لي انا بحياتي مارحت لاي دولة اوربية
وبصراحة الخوف مو مخليني اركب الطيارة لمدة طويلة شسوي حيل خوافة اهئ اهئ
بس لو معاي احد بيروح اكيد راح اتشجع

 

[angel_soul_1989]

رد : يومياتي بلندن بالصور (موضوع متجدد)

الله يرزقج الذريه الصالحه وتردين بالسلامه انتي وزوجج ،،،
الصراحه آنا رحت اسكوتش ( اسكتلندا ) وااايد استانست اهناك ورحت بلاك بووول منطقه يم مانشستر واهي كلها ملاهي والعاب نفس المدينه الترفيهيه بس وااايد احلى طبعا احنه شقتنه بسكوتلندا ونروحلها بسياره 4 ساعات على مانوصل وابرد وااايد من لندن لانها بشمال بريطانيا ،،، استانسوو حبيبتي لانه هلايام ماتتعوض الله يوفقكم .....

 

[Ftooosha]

الله يرزقكم بالذرية الصالحة وتردون بالسلامة يارب

 

[منيرة خالد]

لووووووووووول فيران لندن استقبلتكم ترحب فيكم >>> خبري عمارة الفورست كورت اهيا ام الفيران اثاري الفيران فاره المنطقه كلها



صورج حلوه



وان شاء الله تلقون المفتاح اللي ضاع



متااااااااااااااابعه

 

[عنود الغيد**]

رد : يومياتي بلندن بالصور (موضوع متجدد)

تقريرك يجنن

وصورك روعه

وماعليكم شر

اما سالفه الفيران
سالفه يمه

 

[دلوعة أبوهآ]

انا قبل ماروح كنت خااااااااايفه من سالفة الفيران
بس الحمدلله ماشفنا ولا كان مادري شصار فينا ..

عمري ماشفت فار حقيقي : (

بس الحمدلله انكم غيرتوا الشقه ..,
وان شاءالله تتسهل اموركم
بس تحصنوا دايم ..,


ومتابعه معاكِ ..
الله يرزقكم الذريه الصالحه يـارب

 

[$$ ام فهد $$]

هلاوغلا كويتية فدعا شخبارج

مشكوووووووووووورة عالصور الروعة حبيبتي بس سالفة الفيرا سالفة الحمدلله ربي فكج منهم وان شاءالله الشقة الثانية نظيفة

ضروري تروحين تغيرين جو روحي بورتسموث وبرمنجهام وبرايتون يكون يوم شمس وقعدي عالبحر0000علشان تنسين الخرعة

 

[mr000]

كويتيه فدعا ..تسلم ايدج حبيبتي عالصور الحلوه..واشرايج في كوفنت غاردن عسى عجبتج؟ لو ادري انج بتروحين جان قلت لج مري محل كله عطور وصابون وشاور جل وبودره على روايح ورد مختلفه ..بس روعه بصراحه روايح حلوه وخفيفه وتحسين بريحة نظافة لما تستعملينهم..