اعلان توظيف بنك التسليف

[ro7e t7bek]

بنات طالبين تخصص برمجة حاسب الي ؟ و التقديم شخصي يعني بس اوديلهم الأوراق اللي يبونها ؟ او وين مكانهم بضبط ؟

 

[KnDOoSh]

رد : اعلان توظيف بنك التسليف

بنات اللي قدمت عادي صوره من الشهاده ولا لازم طبق الاصل و من وين اطلعها ؟

اللي قدمت خل تقولنا شنو ودت والعنوان بالضبط يمكن اروح باجر اقدم انشالله واجرب حظي ماكوو شغل زهقنا

 

[Om_Ksha]

انا بعد ودي امر التأمينات و اروحلهم اودي اوراقي بس اتمنى اني اقووم

 

[g6wa-90]

رد : اعلان توظيف بنك التسليف

هاي حبايبي
موقع الجريدة موراضي يطلعلي؛(
يطلع بس نص الصفحه و الباجي يعلق
بسالكم تخصصي خدمة عملاء يبون !!!

 

[8yoona]

بناات اللي بترووح باجر عفية سالووهم عن تخصصي دبلوم من التكنلووجياا اذا ياخذوون والا لا بصراحة مالي خلق اطق طرييج اعييد قصة البنك المركزي واخر شي ماقبلووني عفية بناات لا تنسوون

 

[ام شريفه]

940 محاسبه ماتسوى بالحكومه باخذون 840

منو قالج انه 840؟؟؟؟؟؟؟؟ إاذا انا جامعيه و معاشي مع قص التأمينات 762 !!

 

[KnDOoSh]

رد : اعلان توظيف بنك التسليف

اي انا بعد بروح التأمينات واروح انشالله
بس انشالله روحتي مو على الفاضي يردوني مايقبلون شهادتي

 

[one two 3]

بنات الدوام فيه مختلط ؟؟ ولا الرجال مفصولين عن النساء <<< اعجبتني نسااء لووول

لا مختلط في منقبات بعد

 

[Om_Ksha]

يعني معاشهم 760 !!!!!

 

[one two 3]

يعني معاشهم 760 !!!!!

هاذا معاش الدبلوم ؟؟؟ ولا الجامعي

اذا الدبلوم خير وبركه :hjy5jewf:​

 

[one two 3]

up

يناات متى اخر يووم تقدييم ؟؟

وقدموو لا تنطرون انا ودي اقدم بس مشكلتي شهادتي اللي محد يبيها وطاحت بجبدي

شنو شهاتج انتي وليش طايحه بجبدج ​

 

[one two 3]

بنات طالبين تخصص برمجة حاسب الي ؟ و التقديم شخصي يعني بس اوديلهم الأوراق اللي يبونها ؟ او وين مكانهم بضبط ؟

مكانهم عند المثنى ومجلس البلدي جدام قصر نايف
ما يضيع

بس لازم ورقه التامينات :eh_s(13):
انا عنوني على ورقه التامينات رحت قدمت بعدين رحت التامينات خذيتها ورجعت لهم
الله يكتب الي فيه الخير انشاللللله
انا برمجه بعد قدمت وقالتلي ناخذها احتياط ​

 

[KnDOoSh]

رد : اعلان توظيف بنك التسليف

احتياط؟؟ يعني مايبوون التخصص

حبيبتي انتي اتصالات وملاحه ولا دورات خاصه؟؟

 

[one two 3]

رد: رد : اعلان توظيف بنك التسليف

احتياط؟؟ يعني مايبوون التخصص

حبيبتي انتي اتصالات وملاحه ولا دورات خاصه؟؟

دورات خاصه

 

[one two 3]

بناات اللي بترووح باجر عفية سالووهم عن تخصصي دبلوم من التكنلووجياا اذا ياخذوون والا لا بصراحة مالي خلق اطق طرييج اعييد قصة البنك المركزي واخر شي ماقبلووني عفية بناات لا تنسوون

قدمي انشالله خير انا دورات وقدمت

جود تمسك معاج
بعدين شسالفه االبنك المركزي ؟؟ :eh_s(10):​

 

[KnDOoSh]

رد : اعلان توظيف بنك التسليف

اي نفسي يعني دورات

برايج اروح باجر تسوى ولا بيحبطوني

والبنك المركزي حق الجامعيين دوره سنه بعدين تعيين

 

[ro7e t7bek]

ثاانكس حبيبتي بس بعرف ورقة شنو اللي اخذها من التأمينات ! شقولهم علشان يعطوني الورقه

 

[KnDOoSh]

رد : اعلان توظيف بنك التسليف

ورقه تثبت انج مو موظفه بأي جهة

 

[one two 3]

رد: رد : اعلان توظيف بنك التسليف

هاي حبايبي
موقع الجريدة موراضي يطلعلي؛(
يطلع بس نص الصفحه و الباجي يعلق
بسالكم تخصصي خدمة عملاء يبون !!!

حبيبتي يبون

*حمله الثانويه العامه *الوظيفه( منفذ معاملات) التخصص (ثانويه +دوره كمبيوتر)

*حمله الدبلوم بشرط لا يقل عن جيد جدا *
الوظيفه(فني حاسوب) التخصص(دبلوم اتصالات وملاحه تخصص صياغه برامج حاسب)
الوظيفه(مساعد مهندس مدني ) التخصص(دبلوم تكنلوجيا تطبيقيه مدني خريج كليه تكنلوجيه فقط)
الوظيفه(مساعد منسق اداري ) التخصص(دبلوم اداره وسكرتاريه)

*حمله المؤهل الجامعي لا يقل عن جيد*

الوظيفه(صايغ برامج) التخصص(علوم حاسب الي)
الوظيفه(مهندس مبتدئ كمبيوتر) التخصص(هندسه كمبيوتر)
الوظيفه(مهندس مبتدئ مدني) التخصص(هندسه مدنيه)
الوظيفه(مهندس مبتدئ معماري) التخصص(هندسه معماريه)
الوظيفه(باحث مبتدئ قانوني) التخصص(ليسانس حقوق)
الوظيفه(محاسب مبتدئ) التخصص(محاسبه)
الوظيفه(باحث مبتدئ تطوير اداري) التخصص(تنظيم وافراد أو اداره اعمال )

وبعد في حق الخبره بس مالي خلق اكتبها تعبت :tongue22:​

 

[one two 3]

رد: رد : اعلان توظيف بنك التسليف

اي نفسي يعني دورات

برايج اروح باجر تسوى ولا بيحبطوني

والبنك المركزي حق الجامعيين دوره سنه بعدين تعيين

قدمي خو ما وراج شي يمكن وانشاااله تصيب
بس اخذي ورقه من التامينات اسمها لمن يهمه الامر :tek:​