++++++++ دوانــــــيـــة معلــــمـات الـريـــــاض ++++++++

[غيمه ممطره]

رد : رد: ++++++++ دوانــــــيـــة معلــــمـات الـريـــــاض ++++++++

اليوم انصدمت دخلت علي المشرفة أركان

ماتوقعت اول يوم ودخول!! المهم مجهزه كل اركاني وصفي كان مرتب بس الاطفال مزعجين موملتزمين يعني يخلون اللي جدامهم عالطاوله وياخذون اللي عالرف اللي مابيهم يجيسونه!!
المهم ماعجبها الاخت تقول تبي ابهار وشي جاذب بالاركان شسوي مثل شنو ؟
شنو تحطون بأركانكم ؟ياليت كل ركن تقولون لي شنو حطيتوا فيه ؟

انا بالفنية تلوين تشكيل بالخامات والصلصال ورسم حر ورسم عالرسام
المكعبات لعبوا بالمكعبات الخشبية والمنزل سووا تزرير وربط ملابس
المطبخ عجينة والالعاب التربوية حطيت لهم متاهه توصل طفل لروضته
وحطيت لهم لعبه من الالعاب الجدد اللي مثل شكل روضه تركبين عليها كور صغار ماعرف اسمها لوووول وبركن العلوم حطيت تجربة تعاقب الليل والنهار اللي هي كرتون اسود من داخل وفيه كره ارضية وفتحه صغيره أسلط عليها الضوء وتصير نص الكره نهار ونص ليل طبعا استخفت على التجربه واستانست مع انها عاديه كل سنه احطها بس اهي جديده بروضتنا هههههههه
وركن المكتبة هدفون القصه ومطالعه القصه وألبوم الخبرة والحاسوب شغلوا البرمجيات والرمل والماء سووا طابوق للروضه وبنوها شكلها طلع حلو وسلامتكم

انا احس شغلي كامل بالاركان وكل ركن فعلته بشي من الدرس بس تبي اكثر اكثر اكثر
هيـلـب بنات كويـكـلـي

حطي لهم باالمكتبه قصه بالبوربونت ،، او حطي لهم صور تخدم الخبره ،،او سوي بهالركن ملف فيه صور للخبره

بركن الحاسوب خلي الاطفال يشوفون افلام انتي محضرتها عن الخبره ،،
او يسمعون اغنيه تفيد الخبره من اغاني سبيس تون،،


بس بغيت اعرف شلون بضبط مسويه تجربه الليل والنهار؟؟

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

انا مشرفتي ماتعرف الا انا
حبتني حيل فماتقاوم تدخل لي

مستوى أول و صغار
ودخول
ياربي ماعطونا فرصة نتنفس

قديمة وكل ما اتحرك عظامي تطقطق ما يستحون يدشون علي

 

[قلبي تركواز]

انا مكمله وحطوني مع وحده اهي المربيه بس اول مره تصير مربيه معطينا صف جديد
وحطيت ايدي بأيدها وكملنا الصف وعدلناه وسدينا النواقص
وكملنا كل شئ بالصف

اليوم دخلت علينا المشرفه تاخذ جوله تفقديه جان تقولنا واااااااااااااااااااي صفكم (( احس >>>> جيكوا على هالكلمه )) فاضي مافيه شئ

بالعكس كامل كل شئ فيه مابقى شئ الا وحطيناه حتى الديكوريشن مااغفلناها
شنو ناقص قولي لنا شنو تشوفين انه ناقص ؟؟؟؟؟؟؟؟
قالت ماادري ماادري احس احس فاضي
زين شنوووووووووووووووووووووو ؟؟؟

ماادري ماادري !!!!!
احس فاضي

واااااااااااااااي ترفع الضغط هامشرفه
آخر شئ تقول الفنيه فاضي


والله كل شئ فيه الوان شينيه وخشبيه والوان اصابع
ومقصات وغرا وصمغ
وخامات فيه

كل شئ فيه بس حاطينهم بعلب صغير وطالع شكلهم مرتب وحلو

اهي تبينا نكدس نكدس ليما تصير عفسه وحوسه
بعدين تقولنا خففوا من هالدثره

 

[قلبي تركواز]

بنات ترى ضبط الجهال يبي له طوله بال وشويه خبره

الحمد الله انا هذي السنه الخامسه وشوي شوي الحمدالله قدرت اضبط الجهال

اللي كاسرين خاطري الجدد احس مدودهين مع الاطفال ومعارفين يضبطونهم

وعندنا وحده تكسر الخاطر جديده وشايله هم فوق راسها الاطفال مجننينها واقول لها طولي بالج وان شاء الله مع الوقت تضبطينهم

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

شوقتيني للمناكير بس مابي الا تركواز



مشرفتكم غثيثة


احنا صفوفنا مرتبة وفي مساحات فراغ كبيرة عشان تقدرين ترتبين الصف بالعكس اشوفه افضل للطفل

ولكم انتم بعد اسهل بالتنظيف وفي مجال لعرض اشياء للحلقة واللاصفي

 

[@أمل@]

يامعلمات روضه

آنا دكتورتي عطتني سؤال تقول

ماهي الأشياء التي تتخيل ان تكون موجودة في الروضه ؟؟

من حيث التوقع والخيال؟؟؟

>>>>موفاهمه السؤال

اللي يرضى عليكم ساعدوني

 

[شمووووع الليل]

شخبااااااااااركم شمسوووين

 

[اللوحه الفضيه]

السلام اخت تركواز


حنا بعد الموجهه مارة على صفوفناوماتبي دثرة وايد وتكدس اغراض الظاهر مشرفتكم اهي الغثيثة

ما عليك منها ولاتحركم توكم في بداية المشوار والروضة مشوارها طويل ويالييييييييييييييل ما اطولك

طنش تعش

 

[رضاب]

رد : ++++++++ دوانــــــيـــة معلــــمـات الـريـــــاض ++++++++

شوقتيني للمناكير بس مابي الا تركواز



مشرفتكم غثيثة


احنا صفوفنا مرتبة وفي مساحات فراغ كبيرة عشان تقدرين ترتبين الصف بالعكس اشوفه افضل للطفل

ولكم انتم بعد اسهل بالتنظيف وفي مجال لعرض اشياء للحلقة واللاصفي

مرحبااااااااااا

تحمدوا لي بالسلامة وادعوا لي



تخيلوا


أدرس




صفين


صرت خماسي








:rgewrg:

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

ههههههههههه خماسي احلى شي شكلج وانتي مشاقل بين الصفين


شوفي يقال انه الميزة الوحيدة بالمنهج الجديد انه راح يطبق على فصول ب3 معلمات فقط

والله يعينج جربت النقص ومت حرة سنتين وانا اعاني
وهالسنة ماشي الحال اكو نقص واحتياطات بس نمشي حالنا شنسوي
الصبر طيب

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

عهود يقولون احتمال 4 ابلات بالصف عالمنهج اليديد صج ولا اشاعه لوووول

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

لا صج
بس 4 صعبة جدا ً
فراح يحاولون قدر الامكان بـ 3 معلمات

و يقولون بيطلبون من الوزارة معلمات لغة انجليزية
واصعب شي للعلم لحد الآن
العررررررررررربي
الحصيلة اللغوية شالعة قلوبهم

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

يعني احنا ما راح ندرس انجليزي؟

انا ما عطوني هالدورة ليلحين خذوا اسامينا قبل اسبوعين وما شفنا شي

 

[عهود الحب]

رد : ++++++++ دوانــــــيـــة معلــــمـات الـريـــــاض ++++++++

الدورة بتصير مسائيه واجبارية وفيها خصم
و الانجليزي ماراح ندرسه كما يقال من اهل الميدان والتجربة
والكارثة بالمنهج الجديد هو منهج اللغة العربية كمية دسمة
والناس الي مطبقينه على وشك الاستقالة
رغم انه حلو وبين على الاطفال الي يدرسونه كتجربة
بس متعب جدا ً ففي معلمات قاعد ينحاشون منه بشكل خيالي
لدرجة انه التوجيه مساكين بموقف حرج جدا بسبب عزوف المعلمات عنه وهروبهم منه


اهو واااااقع قادم لا محاله
بس مادامه للحين تحت التجربة اكيد راح يعدلون عليه
وطبعا هذا من قرادة حظ الي بيطلعون اشراف من الدفعات القديمة
عقب الشقا والتعب و صايمين صايمين وصابرين صابرين
اخرتها بينتحرون منه المناهج الجديدة متعبة للكل

انا اقتراحي للتوجيه
انه يزيدون عدد المشرفات مادام المنهج متعب ومنهك
ويكون في الروضة الواحدة 3 الى 4 مشرفات
واحدة منهم عالأقل للمنهج الجديد للغة العربية فقط
لأنها متعبة و يبيلها متابعة



شرايكم باقتراحي بنات

تخيلوا مشرفة واحدة على كل مستوى ومو سالمين

4 شيصير فينا ههههههههههههههههه

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

مسائية يا سلام خل يعطونا بدل بهذله

مو مجبورين نداوم بليل شنو الناس ماعندها شغل الا الروضة

اما اقتراحج للمشرفات عجيب اوكي يخلونهم 4 بس يلغون الموجهه لوووول

 

[3so0ola]

عهووووووووود شنو ٤ مشرفااات
لاااااااا نموووووت افففف
أمس بلغوا بعض الإبلات اللي يايهم إشراف
انصدمت بجم وحدة احس مايستحقون وفي اقدر منهم وماياهم حرااااااام
ومساكين ابلات الروضة اذا ياها الاشراف بعد ١١ سنه تطييييير من الفرحة
وغيرنا ٥ سنوات وتصير رئيسة قسم
اففففف بس اففففف

 

[3so0ola]

عهووووووووود شنو 4 مشرفااات
لاااااااا نموووووت افففف
أمس بلغوا بعض الإبلات اللي يايهم إشراف
انصدمت بجم وحدة احس مايستحقون وفي اقدر منهم وماياهم حرااااااام
ومساكين ابلات الروضة اذا ياها الاشراف بعد 11 سنه تطييييير من الفرحة
وغيرنا 5 سنوات وتصير رئيسة قسم
اففففف بس اففففف

 

[^ليلاس^]

رد : ++++++++ دوانــــــيـــة معلــــمـات الـريـــــاض ++++++++

عاد عسولة يقولون الحين اللي طلعت اساميهم للاشراف مافي امتحان تحريري في ملف انجازي

 

[شمووووع الليل]

منبة يتعرف على المفاهيم الرياضية للحلقة داخل وخارج وفوق وتحت

 

[المتميزة دائما]

رد : ++++++++ دوانــــــيـــة معلــــمـات الـريـــــاض ++++++++

السلام عليكم ابلات
الله يعطيكم العافية
انا ابلة روضة مثلكم .. الله يعيين
ابي اسالكم ..منو توجيه حولي ؟
وسمعتوا عن سالفة الاصفي الخاص اللي يخص تنمية المهارات العقلية ؟يعني لاصفي غير المرسم والمطبخ والقصة والمكتبة
وشنو افكاركم ؟
ودمتم سالمين