معلمات وش فيكم

[مختلفة]

معلمات وش فيكم احس السنه هذى بزود تحلطمون وكرهين التدريس واجد اللى سمعت انهم استقلوا انا معلمه جديده وحطمتونى احس انه مو تدريس احس انه عذاب المهم توكلوا على الله واحتسبوا الاجر وهى بدايه كل سنه صعبه لان احنا متعودين على الاجازه والراحه لاتكلفون نفسكم فوق طاقتهاانااعرف وحده قطت 300على وسائل من جيبها مولهدرجه انا اسوى اللى اقدر عليه اهم شى توصلين المعلوم ومايكفى وقفتج وتحضيرج وتصحيح الكتب والدفتر ومقابل ها الصبيان اللى يعلون القلب انا طبعا صبيان طلعوا روحى بس نتحمل وانتم كويتيات محد يقدر يقرب منكم انا سعوديه يعنى يمكن اذا معجبتهم يفنشونى:eh_s(11):بس ربى كريم ورزقى بيد ربى اذا ربى كاتبه لى فماراح احد يقدر يسوى شى ونصيحه اخت اخلصوا النيه وراح تشوفون التوفيق باذن الله وفيه دعاء حلو اللهم سخر لى جميع خلقك كما سخرت البحر لسيدنا موسى عليه السلام والن قلوبهم كما النت الحديد لداود عليه السلام ورددى اللهم سخر لى مديرتى ورئيسه قسمى وطلابى والله يوفقنا ويوفقكم

 

[ضايعه بالطوشه]

رد : معلمات وش فيكم

:bbbiu: الله كريم

 

[نوناA]

اي صح زاايد التحلطم




الله يسهل عليكم ويخفف عليكم ويوفقكم .. احتسبو الاجر واشتقلو لله فلله رآح تحسون براحه وانتو تشتقلوون


موفقين ابلآتي

 

[vviipp]

انا هالسنه احسن من العام
بس القوانين والتوجيه متغير 360 وهني المشكله

 

[Turquoiseya]

الله يوفقج حبيبتي

واحنا انتحلطم بسبب الظلم الواقع علينا

شنو تخصصج؟

 

[مختلفة]

انا تخصصى عربى اتعس تخصص فى الكويت كلها

 

[Turquoiseya]

الله يعينج
انا وياج سيم سيم
انجليزي وعربي نفس الشيء بس العربي توجيهه احسن من الانجلش

ودام انتي عربي 00 راح تكونين معانا في نادي المتحلطمين بعد فترة

الله يوفقج وان شالله ترتاحين بالتدريس

 

[مستعجلة ~]

رد : معلمات وش فيكم

اهلين بالسعودية لا تخافين محد يقدر يقرب صوبج والله يعينج ع الصبيان صج صج شيااااطييين

 

[رضاهم جنه]

انا بصراحه تعبت كل سنه اقول السنه الجايه يمكن احسن ويخففون عنا قرارات بس للاسف كل مالها وتصعب قراراتهم

والله اني اشتغل بضمير وحاسبه الاجر بس خلاص تعبنا والله ما يسوى هالمعاش الي ناخذه واعذريني اني قاعده اتحلطم بموضوعج بس جاء موضوعج وانا صاكه فيني الدنيا وضايق خلقي من هالتدريس

 

[قـہۈه فـرنسيـہ™]

خخخخخ والله يختي ماننلام ...بسم الله أنا من أول يووم داومت ...قالت لي رئيسة القسم ...هلا فيكم بسجن النسااا ...@@

 

[طيف الندى]

رد : معلمات وش فيكم

بناااااااااااااات لا تكلفووون نفسكم فوووق طاقتها خلااااص اشرحي درسج بأخلاص اما وسائل وخرابيط زايده ماله داعي اذا حاسه الطالبات ماراح يفهمون الا بوسيله جيبي وسيله واذا لا خلاص لاتجيبين
وصدقيني اذا الموجهه ولا رئيسه القسم شافتج شارحه عدل وموصله المعلومه لطالبات عدل بدون وسائل ماراح تقيمج الا ممتاز هذا اللي خايفه ربها ماراح تترك شرحج وتقيمج عالوسيله

 

[منور بنت الطنايا]

من قرارات التربية اللي زادت اعباء على كاهل المعلم تعبت و من مناهجنا الجدد وكاني مدرسه جديده وانا لي سنوات
وكل يوم صاارت المعلمة تاخذ شغلها معاه للبيت السنه اللي فاتت متعبه بجد

هالسنه ما داومت


الخاتمه <<<كان المعلم مايتعب مو انسان

 

[اقلام]

لا تندمون مثلى ..تركت التدريس اللى شغله ما يخلص لا نهار ولا ليل ولما تركت احسست بفراغ واشتقت الى التدريس بس الحمد لله اني استقلت من مدرسه خاصة مو حكومه

 

[معلمة_منكوبة]

رد : معلمات وش فيكم

أستأذن صاحبة الموضوع بس بنقد شي مايتعلق بموضوعها لانه سالفة التحلطم هذي فينا

فينا طول مافي قرارات دايخه كل يوم ....

بس ياجماعه ترى مالها داعي التواقيع اللي تبث الفتنه وماله داعي هالنغزات ...

اتوقع انه كلكم مربيات اجيال هني والاحترام واجب على "الكل" ... فبليز توقيعج اذا

فيه كلمة تنغزينها عن غيرج لا راح يودي ولا اييب .... وبالاخير الكويت فوق الكل..

خلج رقيبة نفسج كافي وشوفي اسلامج اذا صحيح واللا لا.. اذا تزكين وتصومين ولا

تنغزين غيرج .. واذا قلتي ازكي واصوم عيل خلج غيورة ولا تثيرين فتنه اللي الله

قال فيها "لعن الله من ايقضها" لاتخربين صومج وزكاتج بلعن من الله..

 

[حزن الهدير]

8
8
8

التواقيع ما فيها شئ
لا نغز ولا همز ولا لمز
إلا إذا التعدي على أمنا عائشة فيها غمز لج فبكيفج !!
لأنه أمنا وانسبت ونرد على من سبها ما جبنا باقي الطائفة وتكلمنا عنهم


صاحبة الموضوع

المشكلة انه كل يوم طالعين بقرار
قمت افكر فعلياً بقرار الاستقالة لأنه التدريس حلو
بس الجماعة اللي ماسكينه الله يهديهم ويصلح حالهم

المشكلة لا من مراقب ولا من توجيه ولا من وزيرة قولولي وين نروح يعني !!! << ابد ما تحلطمت

 

[الصارووووخ]

رد : معلمات وش فيكم

صاجه الارزاق بيد رب العالمين ولا يقطع الارقاب الا اللي خلقها
ونسوي اللي يرضي رب العالمين ويرضي ضمائرنا وكيفهم

 

[كارلوفي فاري]

رد: رد : معلمات وش فيكم

وصدقيني اذا الموجهه ولا رئيسه القسم شافتج شارحه عدل وموصله المعلومه لطالبات عدل بدون وسائل ماراح تقيمج الا ممتاز هذا اللي خايفه ربها ماراح تترك شرحج وتقيمج عالوسيله[/QUOTE]



:dddds::dddds::dddds::dddds: والله ضحكتيني اصلا ماتصير موجهه اذا سوت جذيه
وجهة نظر احترمها بس من الحره ضحك 0000لاتزعلين مني :tek:

 

[معلمة_منكوبة]

رد : رد: معلمات وش فيكم

8
8
8

التواقيع ما فيها شئ
لا نغز ولا همز ولا لمز
إلا إذا التعدي على أمنا عائشة فيها غمز لج فبكيفج !!
لأنه أمنا وانسبت ونرد على من سبها ما جبنا باقي الطائفة وتكلمنا عنهم


صاحبة الموضوع

المشكلة انه كل يوم طالعين بقرار
قمت افكر فعلياً بقرار الاستقالة لأنه التدريس حلو
بس الجماعة اللي ماسكينه الله يهديهم ويصلح حالهم

المشكلة لا من مراقب ولا من توجيه ولا من وزيرة قولولي وين نروح يعني !!! << ابد ما تحلطمت

حبيبتي انتي ماعندج توقيع اصلا علشان تزعلين .... وبعدين انا كلامي واضح

سبي وحرقي بيت اللي يسب بس مو تجمعين وتسبين طايفه كامله .. اللي عنده كلمة خير
وتنفع يقولها..

 

[درة أهل الطولات]

رد : معلمات وش فيكم

والله الحال يتغيــر

على حسب المدرســة

 

[مطيريه ماركه]

رد : معلمات وش فيكم



حبيبتي آنتي سعودية حآلج حآل آلكويتيآت لآنّج خليجية وآلمعآملة مآتختلف لآحظي قلت آلمعآملة

لو صآر لج شي عندج آلسفآرة روحي لهآآ لآ تقولين سعودية مو نفسكم

آنتي بِ آلكويت وآلكويت تعآمل آلخليجيين نفس معآملة آلكويتيين

وآلتحلطم : على زيآدة آلدوآم وآلتشدد في آلآستئذآنآت حتى آلصوت آلعآلي في آلفصل فيه آفآدة مآدري يبونآ نسآسر آلطلبة خخخ

وآلتدخل في طريقة آلتدريس بِ آشيآء مآلهآ دآعي

أمـــــور تــنــرفــز !!

وعلى قولتج نوكل أمرنآآ لله وآلحمدلله على كل حآل