Fatburger

[<miss botamba>]

الســلامـ عليــكمـ و رحمـــهـ الله و بــركاتـــهـ


بعد الاقبال الحلو على موضوعي السابق

b+f Open Flame Kitchen

http://www.q8yat.net/showthread.php?t=716476

قررت انزل تجربتي لمطعم



بالبدايه بعطيكم مختصر للمطعم

فات بيرغر تابع لمطاعم فات بيرغر الامريكيه , وله عده افرع داخل و خارج امريكا , موجود في عده ولايات منها ميامي و نيويورك وخارج امريكا في هونغ كونغ و دبي (تحديدا في دبي مول)

مؤخرا افتتح فرعه الثاني في الشرق الاوسط في الكويت , في مول سبونز الموجود في المهبوله



قبل اسبوعين رحت انا واختي نجربه

ووصلنا المطعم



مثل ما انتوا شايفين المطعم موجود يم شوكليت بار و ميس الغانم


طريقه المطعم الطلب يتم عند الكاونتر تطلبون وتدفعون وبعدها اهما ايبون لكم الطلب



طريقه الطلب:

المطعم يقدم 5 اصناف
بيف بيرغر
تيركي بيرغر
تشكين بيرغر
فيجي بيرغر
هوت دوغ

وايضا عندهم وجبات للاطفال

احنا طلبنا البيرغر العادي البيف

لمن تطلبون البيرغر ايي معاه الاضافات العاديه مثل ( مايونيز – طماط – خس – مخلل – بصل – رالش – ماسترد)
هالاضافات اتيي مع الساندويش

وفي اضافات ثانيه عليها charge مثل ( الجبن – البيكن – البيض – تشيلي)

واما تخلونه بس ساندويش او وجبه وتختارون معاه نوع الفرايز الي تبونه

وعندهم نوعين
فات فرايز (الفرايز المتين)
سكيني فرايز (الفرايزالعادي)
راح تشوفون الصور بعد شوي

وايي معاه مشروب غازي




شوفوا هذا صوره المنيو لمن انا رحت شوي مو واضحه بس دققوا على الاسعار

وهذول صور من النت (الاسعار كانت اغلى ونزلوها .. الظاهر شافوا ماكو اقبال ورخصوا)





بعد مادفعنا وخلصنا عطونا العلبه مالت المشروب وكل واحد يترس بروحه (وناسه حق اللعب)



ومثل ما انتوا شايفين تختارون نوع المشروب و في ريفل و الكاتشاب تحطون على كيفكم و الهوت صوص

 

[<miss botamba>]

ونطرنا شوي ووصل الطلب







الاكل واااااااااااااايد لذيذ

الفرايز الضعيف طعمه احلى من المتين
البيرغر مالتهم خفيفه و ماتقعد على الجبد

وطلع علينا



يعتبر نوعا ما غالي بس يسوى !!

وبالاخير اخليكم مع صور للمكان













وشكرا لكم

اتمنى ان يعجبكم التقرير


:eh_s(17)::eh_s(17):

 

[a7La_3eMeYa]

الله شكله يم يمييييي هيهيهي بالعافيه عليكم و مشكوووره عالتقريير الروعه

 

[*مارلين_مونرو*]

انا ماااكله من اللي بدبي لذيـــــــــــــــــــــــــــــــــــــــــــــــذذذذ طعم البيرجر جنها سوبر بني مالت هانجري بني

بس اللي اهني رفيجااتي ماامدحوه يقولون غير عن دبي !!!

يبليه ارووح اجرربه .. عليكم بالعااافيه

 

[dectora 7elwa]

مشكوره تقاريرج دايما حلوه ومفصله :eshrab:
ممكن توصفين مكانه بالضبط :yaaaaaarb:
لان عمري مارحت هناك يعني هو في مجمع ولا شلون

 

[@فطفوووطه@]

عليكم بالعافيه حبيبتي وحيييل تعجبني تقاريرج ماشاء الله

بس ويييييه فرعه بعيد علينا بس ماعليه حلو التغيير


ويسلمووووو

 

[دلوعة عمري]

رد : Fatburger

بالعافية

 

[هنـــد]

يم يم

عليج بالعافيه

 

[SupeR-GirL]

لذييييييييييييييييييييييييذ فات برغر امووت علييه
كل اسبووعييين اطق درب المهبوله عشانه
يا ريت يفتحون فرع بالديرة

ثانكيووو بوتمبه عل التقرييير اللذيذ

 

[بيـــشو17]

شكله حلو بس مافي احد:eh_s(3):
وطريقته حلوه
وتصويرج الاحلى يسلمووو
وبالعافيه عليكم

 

[أم حمودي**MALL**]

عليج بالعافيه

 

[Tom ♥ Jerry]

.


آحب المطآعم المتخصصه بالبورقر (=
عليج بالف عافيه حبيببتي :*

 

[شهرزاد الحكاية]

عليكم بألف عافية يارب .....

وتقريرج روعة والله ....

بس بسألج عن طعم البيرجر شلون قايل حلو ؟ نفس جوني روكتس يعني؟ خبرج اعتبر جوني روكتس احلى بيرجر عندي
ومشكورة مرة ثانية

 

[marshmallow]

مواضيعج حلوه ومتابعتج
شوقتيني عليه وايد انا ذايقه اللي بدبي كان لذيذ او انشالله بجرب اللي اهني
ومشكوورهه :*

 

[Om_Ksha]

وااااااي يازييينج و يازييييين تقريرج مشااااااءالله يهبلووووووون ))

مشكووووره و يعطيج الف عاافيه ))

انزين مو جنه جوني روكت ؟؟ و تنصحين انطق درب حقه ولا ناكل جوني p; )

 

[أساور]

واي يوعتيني بهالليل
عليكم بالعافية بس ما ادل المجمع وين صاير؟

 

[<miss botamba>]

الله شكله يم يمييييي هيهيهي بالعافيه عليكم و مشكوووره عالتقريير الروعه

الله يعافيج مشكوره ;**

 

[<miss botamba>]

انا ماااكله من اللي بدبي لذيـــــــــــــــــــــــــــــــــــــــــــــــذذذذ طعم البيرجر جنها سوبر بني مالت هانجري بني

بس اللي اهني رفيجااتي ماامدحوه يقولون غير عن دبي !!!

يبليه ارووح اجرربه .. عليكم بالعااافيه

مال الكويت نفس طعم جوني وماجربت مال دبي ان شاء الله اجربه

والله يعافيج :33_1185028183:

 

[<miss botamba>]

مشكوره تقاريرج دايما حلوه ومفصله :eshrab:
ممكن توصفين مكانه بالضبط :yaaaaaarb:
لان عمري مارحت هناك يعني هو في مجمع ولا شلون

لا اهوا بلوك كله مطاعم اسمه سبونز وللاسف ما اعرف اوصف بس طلعت لج الخريطه وانتي عاد استوعبي عليها

على قد ما اقدر وصفت عليها



ومشكوره على مرورج :eh_s(17):

 

[<miss botamba>]

عليكم بالعافيه حبيبتي وحيييل تعجبني تقاريرج ماشاء الله

بس ويييييه فرعه بعيد علينا بس ماعليه حلو التغيير


ويسلمووووو

الله يعافيج

اي حتى احنا شوي بعيد علينا

بس كنا رايحيله و احنا حادرين من الشاليه

لوول نضرب عصفورين بحجر :s142: