مشتريات العضوات من معرض الكتاب 2010 (تم دمج المواضيع)

[BlAcK_Witch]

رد: معررض الكتــآب ، والكتب إللي إللي شريتهـآ بــآلصوررررررررر تعالو قبل ماتروحون

زببببببببببببده فدييييييييييييييييييييييييييييييييييييييتج دراكولا طلعت صخرررررررررررررر ترجمه روعه انصدمت من دقه
وحاطين ضيف دراكولا Oo وموجوده مقدمه ستوكر بعد لا لا بس حطيتهم توب عندي بترجمه
ويبت مندوب شيطان والقتله المتسلسلون (شرايج فيني الحين )

 

[ذات الهمة العالية]

رد: *** مشترواتي من معرض الكتاب 2010 بالصور ***

حبايبي والله انتو تسلمون

باجر ان شاء الله بكمل جولتي بالمعرض

وعندي جم كتاب ما لحقت اصوره شريت كتاب عن القلق والاكتئاب طالبته مني جارتي مامداني اصوره

وكتب سلطات وريجيم وكتاب يسهل على اللي حاب يحفظ القران ياربي شنو ممتع هالكتاب

يا ريت تكتبين لى بسرعة شنو الكتاب أو صورية ليه لأن بروح اليوم وجزاااااك الله خير :e3:

 

[LaDantel]

رد : *** مشترواتي من معرض الكتاب 2010 بالصور ***

حلوين صراحه موفقه

 

[أم روعة]

رد: مشترياتكم من معرض الكتاب 2010 بالأسم و الصور

بنات مو ملاحظين ان حر بالمعرض ؟! الظاهر التكييف خربان ولا شسالفتهم
خذيت رواية العصفورية لغازي القصيبي و رواية ليلة واحده بدبي لهاني نقبشدني من دار الساقي
نيو ليبرالي من مكتبة جرير
فن البساطه من كتبة العبيكان
المروحه السرية من مكتبة العلوم العربيه للنشر
حب محرم

 

[rawona]

رد : مشترياتكم من معرض الكتاب 2010 بالأسم و الصور

عليكم بالعافية بنات مشترواتكم تهبل ..

ولي الشرف والله التقي فيكم واتمنى لكم قراءة ممتعة :eh_s(6):


بالنسبة لي امس التقيت بالاديب الكبير طالب الرفاعي .. وايد اعز هالانسان واحترمه واحسه مثل الاب الروحي وكلمة "يابنتي" ما تطيح من لسانه :eh_s(2): شريت له الثوب وهي يديدة وهم رائحة البحر ..

وبما ان عندي كل اصدارات خالد النصر الله ما عدا كويتي من كوكب آخر ، فرحت خذيته لأني ما قريت هالكتاب وحبيت اقراه ..

هاليومين باشتري بعد مجموعة من الكتب لأن بصراحة ما يمديني بالمعرض .. فكل يوم او يومين اخذ لي كتاب او اثنين بس لا قررت ان شاءالله هالويك اند اقوم بجولة تسوق محترمة وعقبها باحط لكم صور مشترواتي ..

بنات منو شافت رواية اليهودي الحالي؟ وين احصلها عند اي دار؟

ووايد سمعت عن 2012 منو كاتب هالرواية ووين احصلها؟؟

ويعطيكم العافية :aha:

​

 

[ladyah]

رد: مشترياتكم من معرض الكتاب 2010 بالأسم و الصور

صباح الخيرات ,, رحت أمس معرض الكتاب وشريت الكتب :-

1- حلم العتم دوستويفسكي وترجمة بدر شكري

2- بائعة الخبز كزافيه دي مونتابين ومراجعة محمد الشامي

3- الأبلـه دوستويفسكي وترجمة عوض حسين

4- العناق الاخير إميل منذر

5- أبناء العم توم ريتشارد رايت وترجمة عزت المحروسي

6- السكرية نجيب محفوظ

7- إمرأة من زمن العولمة خولة القزويني

8- رجل تكتبه الشمس خولة القزويني

9- صانع الدمى خالد الزبيب

ولي رجعة إذا شاء الرحمن ,,, ودمتم بحفظه

 

[سبائك]

رد : مشترياتكم من معرض الكتاب 2010 بالأسم و الصور

هذي مشترياتي

عزازيل
استمتع بحياتك
هوس العبقريه
باسمك نحيا
بنت بطوطه
القتله المتسلسلون
خرافة التقدم والتأخر للكاتب جلال امين

وبصراحه اغلبهم اذا مو كلهم ماخذه اساميهم من نصايحكم بالمنتدى

ورديت كتبت قائمه ثانيه من هالموضوع:O_SHH_:

وشكلي بروح مره ثانيه مو عاجبتني حصيلتي هالسنه كل مره اكثر من جذي بوايد:jumpon:

 

[الصحفية]

رد: رد : مشترياتكم من معرض الكتاب 2010 بالأسم و الصور

بسم الله الرحمَـن الرحيـم .. ~

شلونكم كويتيات ؟

خل أقولكم شصار معاي أمس :/
رآيحه الكليه من الساعه 8 الصبح ومخلصه محاضراتي الساعه 7 المغرب !

رديت البيت طيرآن خذيت إختي وما بدلت ولا شي رحت سيده معرض الكتآب ولمن وصلت إكتشفت أن الإخت ليلى ما عندها كاش !
وطبعاً ماكو كي نت مناك عااد رحت سحبت من البنك ورديت والحمد لله لقيت مسفط جدام .. نزلت وكان حر داخل

يلآ خل أقولكم لسته مشتريآتي ..

رحت ذات السلاسل وخذيت ..
1- تاجر البندقيه لـ ويليم شكسبيـر ..
2- عاشق مهزوم لـ عبد الله غآزي المضف ..
3- حبيبه لـ عليآء الكاظمي ..
4- شهامه لـ عليآء الكآظمي ..
5- السهره الأخيـره لـ عبد الله غآزي المضف ..

بعدين رحت مكتبه العجيري وخذيت :
هرطقه لـ خالد عادل نصر الله ..

وبعدين رحت المجلس الوطني للثقافه والفنون والآداب وخذيت :
1- مسرحيـه الليله التي أمضاها ثورو في السجن ..
2- عشيق الصين الشمآليـه لـ مارغريت دوراس ..

وختاماً رحت بلاتينيوم :eh_s(21): وخذيت :
1- مذكرات بنت بطوطه لـ أبرار الغصاب ..
2- كفن الحب لـ شيماء أشكنآني ..

وبعد ما حذرت وبذرت طلع إني لازم أبدي بـ كفن الحب وإن شاء الله بآجر ببدي فيها وبرد الموضوع أحط رايي فيها أو إني أحط موضوع منفصل , عموماً مادري خواتي يتقبلون النقد ولا لا بس أنا رآح أنتقد لو في شي يستحق الإنتقاد :$ :**

وتشرفت شرف كبيـر إني شفت أبرار وشيمآء :nbvppw: وإن شاء الله بآجر بحط الصور ملوت الكتب <3

حبيبتي والله الشرف لي اني التقيت فيج :ggdw:

اكيد اكيد نتقبل النقد وابي رايج بكل كل كل كل صراحه _03BA:

ان شاء الله يعجبج حبيبتي وموفقه وان شاء الله نلتقي مره ثانيه

 

[غلاتي غلاتي]

رد : مشترياتكم من معرض الكتاب 2010 بالأسم و الصور

انا مخلية جولتي الاخيرة للمعرض باااخر يوم ) يكووون المعاش نازل خخخخخ والله اعلنت افلاسي من الكتب و الروايات لووول

 

[اطياب طيبه.أم عبدالله]

رد: *** مشترواتي من معرض الكتاب 2010 بالصور ***

تسلمون حبايبي ومنورين الموضوع

ذات الهمه العاليه تم الرد على الخاص حبي

 

[LUXURY]

رد: مشترياتكم من معرض الكتاب 2010 بالأسم و الصور

بلاك ويتش
والله معلومه يديده مشكوره عالتنويه عاد انا احب التفاصيل
ماشريت منهم هالمره بس نبهتيني مشكووووووره

ام روعه
انا عمري ماشفت معرض بارض المعارض مو حار طول السنه كل المعارض حر
وعليج بالعافيه الكتب

 

[دانة الاحرار]

رد: مشترياتكم من معرض الكتاب 2010 بالأسم و الصور

بنات عفية ردوا علي
ابي رواية او كتاب soloعند اي دار نشر احصلها ؟؟
ورواية شاليه وين احصلها ؟؟

 

[قاهرتهم17]

رد: رد : مشترياتكم من معرض الكتاب 2010 بالأسم و الصور

عليكم بالعافية بنات مشترواتكم تهبل ..

ولي الشرف والله التقي فيكم واتمنى لكم قراءة ممتعة :eh_s(6):


بالنسبة لي امس التقيت بالاديب الكبير طالب الرفاعي .. وايد اعز هالانسان واحترمه واحسه مثل الاب الروحي وكلمة "يابنتي" ما تطيح من لسانه :eh_s(2): شريت له الثوب وهي يديدة وهم رائحة البحر ..

وبما ان عندي كل اصدارات خالد النصر الله ما عدا كويتي من كوكب آخر ، فرحت خذيته لأني ما قريت هالكتاب وحبيت اقراه ..

هاليومين باشتري بعد مجموعة من الكتب لأن بصراحة ما يمديني بالمعرض .. فكل يوم او يومين اخذ لي كتاب او اثنين بس لا قررت ان شاءالله هالويك اند اقوم بجولة تسوق محترمة وعقبها باحط لكم صور مشترواتي ..

بنات منو شافت رواية اليهودي الحالي؟ وين احصلها عند اي دار؟

ووايد سمعت عن 2012 منو كاتب هالرواية ووين احصلها؟؟

ويعطيكم العافية :aha:

​

اليهوودي الحالي مادري عنها انشا الله البنات يفيدوونج ..
اما 2012 للكاتب :: فووزي صادق و بمكتبه جرير ..و
انشا الله اكوون فدتج خيتوو .. =)

 

[قاهرتهم17]

رد: مشترياتكم من معرض الكتاب 2010 بالأسم و الصور

بنات عفية ردوا علي
ابي رواية او كتاب soloعند اي دار نشر احصلها ؟؟
ورواية شاليه وين احصلها ؟؟

solo ببلاتينيووم ..
و
الشاليه بالصحوه و دار سعاد الصباح ..

 

[المهفة]

رد: مشترياتكم من معرض الكتاب 2010 بالأسم و الصور

سالت عن اليهودى الحالى قالوا ممنوعة بس للعلم والرواية لكاتب يمنى الجنسية نسيت اسمة والمقصود بالحالى يعنى المزيون وتدور حول علاقة حب بين فتاة يمنية ويهودى ومانى مكملة .

 

[Strawberry Shortcake]

رد: مشترياتكم من معرض الكتاب 2010 بالأسم و الصور

بناات وين القى اميره ابليس للكاتب فوزي صادق ؟؟

 

[غلا دنيتي جابر]

رد: مشترياتكم من معرض الكتاب 2010 بالأسم و الصور

مررحبا بناااات
امس رحت المعرض ما بغييت اطلع منه والله

شرييت بناات الثانويه للكاتب محمد النشمي الثلاث اجزااء

وشريت القتله المتسلسلون
و مذكرات بنت بطوطه للمبدعه ابرار
وهذه آخرتك
وساره
واختي شرت كتاب solo
والسهره الأخيره حق رفيجتها

وحاليا قاعده اقرا اول جزء من بنات الثانويه وافكر اول ما اخلص منها ببدي بمذكرات بنت بطوطه


وبث

 

[SeLf^CoNfiDeNce]

رد: مشترياتكم من معرض الكتاب 2010 بالأسم و الصور

انا ما شريت ولا كتاب هالمره

 

[أم روعة]

رد: مشترياتكم من معرض الكتاب 2010 بالأسم و الصور

بناات وين القى اميره ابليس للكاتب فوزي صادق ؟؟

تحصلينها بالمكتبه اللي يم بلاتينيوم ماانتبهت لاسم المكتبه بس اللي يبيع واحد شايب لحيته بيضا <<< وصفج للمكتبه عجيب لووول

 

[joja <3]

رد: مشترياتكم من معرض الكتاب 2010 بالأسم و الصور

بنات

وين القى كتب احلام مستغانمي ؟

قريت لها مقتطفات من كتبها وعجبتني

و هم رجال بلا نساء او العكس المهم فيها هالكلمات