مشتريات العضوات من معرض الكتاب 2010 (تم دمج المواضيع)

[bent_7awa]

رد : مشترياتكم من معرض الكتاب 2010 بالأسم و الصور

^
^
^

هوس العبقرية من دار العين >> توها شآريته

 

[bent_7awa]

رد : مشترياتكم من معرض الكتاب 2010 بالأسم و الصور

بنآآت توني جآيه من المعرض وأخيراآ رحت قبل ما يخلص ,,,

اشتريت اللي أبيه وفي أشياءات مآحصلتهم ,,

حددده زحمه ولوية المدااارس وآآي لآ مو صج !

بس أصورهم انشالله بـ نزلهم بموضوع بروح عشان تبدون آرآءكم



وثانك يو لكم جميعآ استفدت من مشترواتكم ..

 

[رحيق الورد]

رد: مشترياتكم من معرض الكتاب 2010 بالأسم و الصور

اشلونكم بنات
رحت المعرض على يومين وان شاء الله ناويه أروحله بعد مره بودي بنت اختي , وهذي حصيلتي :
فيض شفاه لدينا العيسى
الثوب لطالب الرفاعي
خذها لا أريدها لليلى العثمان
المرأه والقطه لليلى العثمانأنا كارنينا
وشريت بعد كتابين نسيت اسمهم لأني بالدوام و خذيت قصص وكتب لليهال
بغيت أشتري كتاب مذكرات غيشا يمدحونه وايد البنات بس شفته وايد متين وهونت لووووول اشرايكم أشتريه ؟
وبغيت رواية بنات ايران هم يمدحونها بس ما أدري وين ألقاها ؟ و وين ألقى روايات يوسف السباعي ؟

حياتي بغيت اسألج ..

قصص ليلى العثممان جديدة ..؟

ومن أي دار ..؟

صج بنات بسألكم هوس العبقرية يتكلم عن شنو ..

أشووفكم حابينه ..

 

[الرياش]

رد: مشترياتكم من معرض الكتاب 2010 بالأسم و الصور

حياتي بغيت اسألج ..

قصص ليلى العثممان جديدة ..؟

ومن أي دار ..؟

صج بنات بسألكم هوس العبقرية يتكلم عن شنو ..

أشووفكم حابينه ..

هلا حبيبتي الثنتين وحده 2009 والثانيه 2010 من دار الاداب ما أدري المجلس الوطني للثقافه والفنون والاداب مو متأكده

 

[الصحفية]

رد: رد : مشترياتكم من معرض الكتاب 2010 بالأسم و الصور

كفن الحُب done

الروآيـه جِداً رائعَـه وحبيت أبدي إعجابي ببعض الكلمآت :

عندمَـا يموت الجسَـد قبل الحُب , تتناثـر حبآتـه مَـع تُراب قبري , فلا يبقى منه سوى ذكريآت تعيش فـي " كفَـن الحُب " !

( عباراتها أنزلت الدمع مِـن عيني ليحفر الورق ويترك أثراً مِـن شده ما فيني , فقد كتب قلبي بحبر الأحزان عبارات كلها جروح وآهات , واستنشقت أنفآساً مِـن السهام تركت جروح في مشاعري )

وأكثر الموآقف التي تأثرت بهآ موت حسَـن ! وجمآل وروان <3

فِعلاً روايه جميـله =)

بعض التعليقآت :
هناك بعض الكلمآت خرجت بلهجه عآميه وأظنهآ أخطاء مطبعيه كـ " معانا " !
هناك بعض العِبارات تكررت كثيراً ..
كنت أفضل لو كآنت هناك خاتمه جميلـه في الأخيـر ..
تمنيت لو أنه كانت هناك تفاصيل أكثر في بعض الموآقف ..

هذه فقط تعليقآت وتنبيهات مِـن أختك للمره القادمَـه ..
وتبقى الروايه جداً جميله , ننتظر جديدك شيمآء ..

حبيبتي مشكوره وايد وايد وايد على ملاحظاتج ويشرفني بصراحه ان الروايه نالت اعجابج

وان شاء الله الملاحظات الي قلتيها كلها باخذها بعين الاعتبار لكتاباتي القادمة

ما قصرتي حبوبه :eh_s(17):

:33_1185028183:

 

[bent_7awa]

رد : مشترياتكم من معرض الكتاب 2010 بالأسم و الصور

بنــآآآآآت هيلب مي بلييييـــــز !

من اليوم أصور الكتب وأعدل فيهم وأدورهم يمين ويسآآر واضبطهم ولمآ جيت أحملهم من الموقع مآآيصير ؟؟؟؟؟؟

ليش؟؟

انا مو أول مرة أنزل صور صآرلي دهر على هالطريقة ومآغيرتها !

ليش يطلع لي >> " عذراً ... لاحقة الملف غير مقبولة "


شسوي

مآآبي ... أبي انزلهم غصب ابيكم تشوفون كتبي اهئ

من أول ما بطل المعرض وانا أحن على ريلي ياخذني ولما رحت وصورتلكم ما ضبطت معاي why ؟؟

سـآآعدوني ,, منو يعرفلهم ؟

ا

 

[الصحفية]

رد: مشترياتكم من معرض الكتاب 2010 بالأسم و الصور

في موقع خاص تنزلين منه الصور حق المنتدى

حبيبتي روحي صوب قسم الصور في كل الطرق حق التحميل موضوع مثبت

ولا تخافين ناطرييينج يلا بنشوووووف :lkmnkl:

 

[الصحفية]

رد: مشترياتكم من معرض الكتاب 2010 بالأسم و الصور

يبتلج الطريقه كوبي من ام عكاش :edbf4317b9:


هذي طريقة علشان تحطين صوره من جهازج لي المنتدى

خلنسوي تطبيق على نفس الصورهـ

تروحين حق مركز تحميل الصور مثلا http://www.up-00.com

راح تضغطين كلمه browse من هلصندوق



و راح يطلعلج الفايلات الموجوده بكمبيوترج عاد انتي تدورين أي صورة حابة تنزلينهـا و تضغطين open و بعدين تحميل



بعدين تنسخين اول رابط و تلصقينهـ بالموضوع اليديد من غير استخدام الاداة لانه كود خاص بالمنتديات



اتمنى اني اكون كفيت و وفيت

و لاي استفسار انا حاضرة
om_3kash

 

[bent_7awa]

رد : مشترياتكم من معرض الكتاب 2010 بالأسم و الصور

8
8
8

مشكورة الصحفية بعد عمري .. مآآقصرتي عالشرح الكافي الوافي

انا اعرف للتحميل بس الظآهر طلع العيب من موبايلي

حتى بالموقع اللي حطيته جربت ومازبطتش !!

بجرًب احط صور الكتب من النت اذا لقيت أكو لهم صور ,,

 

[bent_7awa]

وأخييــرآ رحت المعرض..دشـوا بنــآآت...كـتبي آلتي اقـتـنـيـتـهاآ تـنـتظر آرآءكم ...

السلام عليكم خوآآتي ,,


اليوم الصبح رحت المعرض .. أول ما دشيت من البوآآبه والا اشوف بآصات المدارس حددده ضآىق خلقي

لأاني استنتجت ان الوضع رآح يكون لويه وززحمه ومأسـآآهـ وفعلا كان مثل مـآ خمًـنت !!

أول شي دشيت صالة 5 اللي أغلبها فيها دور نشر مصرية ولبنانية وعربية ككل ..


من مكتبة ابن سينا..




اشتريت كتآب " كفــاحي" >> ادري قديم بس لأنه قاريته من قبل رؤوس أقلام والحين نويت أقراهـ كله

اهو الكتآب اللي شريته مو نفس الغلاف اللي بالصورة ..

لأني كاميره موبايلي قامت تخرَف فـ حطيت صور من النت ..


وعقب سألته المصري اللي باعني هالكتاب عن كتب أنيس منصور لأن كان عندهم بعض الاصدارآت مو كلهم ..
فـ قال راح تلاقينهم كلهم موجودين بـ نهضة مصر وفغلا لقيت ضآلتي عندهم ألا وهو " قـالــوا" لأنيس منصور الجزء الثاني

اعذروني مالقيت له صورة بالنت !



من دآر الكتآآب العربي شريت




" جمهورية افلاطون" المدينة الفآضلة لـ أحمد المنياوي




اشتريت روآية عزآزيل من دآر الشروق ..شفت الأغلبية مدحها قلت انظم لـقرًآئها





" الطاقة البشرية والطريق إلى القمة للمبدع > د.ابراهيم الفقي

أخذته من دآر اليقيـن





+





"هوس العبقرية " من دآر العين لـ باربارا جولد سميث ..


وكتاب "جدد حياتك " لـ الغزالي بس مو الاصدار اللي بالصورة لأ اللي أخذته لونه هيك نص مشمشي ونص كركمي >> آخ عالوصف




ثم انتقلت إلى صآله رقم 6 ,,,

أكمل بنات بعد شوي لأني بروح أصلي ..,​

 

[غيدآء]

رد: وأخييــرآ رحت المعرض..دشـوا بنــآآت...كـتبي آلتي اقـتـنـيـتـهاآ تـنـتظر آرآءكم ..

خوش مقتنيات...

كتاب كفاحي قريته وانصحج فيه حيييل ...

ابراهيم الفقي انا هم خذيت له كتاب ( كيف تتحكم في شعورك واحاسيسك )

وبغيت اسألج هوس العبقريه روايه او شنو؟

وناطرين باجي الكتب وقراءه ممتعه

 

[قاهرتهم17]

رد: مشترياتكم من معرض الكتاب 2010 بالأسم و الصور

مشكوووووووره حبيبتي مااقصرتي.. وسلميلي عالوالده:hjy5jewf:

العفوو حبيبتي ..
و
يووصل انشا الله عاد تدرين انا قلت لها في بنت بالمنتدى تسألني عن كتابج ..;d

 

[bent_7awa]

رد : وأخييــرآ رحت المعرض..دشـوا بنــآآت...كـتبي آلتي اقـتـنـيـتـهاآ تـنـتظر آرآءكم .

ثم الى صـالة رقم 6


رحت حق مكتبة ذآت السلاسل وشريت السهرة الأخيرة لـ عبدالله غازي المضف و رواية ويبقى الأمل لـ علياء الكاظمي

وكآهم الصور




+






ومريت العبيكان وأخذت " فن الساطة " لـ دومنيك لورو بس الصورة للكتاب بالنسخة الانجليزية العربية ما لئيتش ,,








وشريت كتاب " كنوزالسيرة" لـ عثمان الخميس من دآر غراس وهم بعد اللي موجود هناك مدحلي كتآب نهـآية التاريخ لـ تركي العبدلي وشريته << أختكم ما تقول بـآطل

وهذي صورهم



+





ورحت رابطة الأدباء وشريت رواية رائحة البحر لـ طآلب الرفاعي .. بنات هالرواية فآزت بجائزة دولة الكويت 2002

مالقيتلها صوره بس لون الغلاف من برآ أزرق غامج ..

اخت ابرار انطر رآيج بـ هالرواية لأنج مدحتيها وآآيد


ومريت بلاتينيوم اشتريت أوراق مجهول لـ د.تامر ابراهيم + هذه آخرتك لـ فيصل الجاسم

وبنت خالتي شرت القتلة المتلسلون .. >> وبعين أتسلفها منها




+







واخيرا مرًيت دار الساقي وشريت بنات الريآآض >> حددي قديييييييمه لـ رجآء الصانع





وسلآمتكـم ..~ وتعيشـون ​

 

[رحيق الورد]

رد: وأخييــرآ رحت المعرض..دشـوا بنــآآت...كـتبي آلتي اقـتـنـيـتـهاآ تـنـتظر آرآءكم ..

قراءة ممتعة يا بنت حواء ..

ناطرين باجي الكتب لا اطوولين علينا ..

وبسألج عن كتاب كفاحي شسم المؤلف ومن أي دار نشر سعره إذا تذكرين ..

و يتكلم عن شنو ..

 

[ScarletteO'Hara]

رد: مشترياتكم من معرض الكتاب 2010 بالأسم و الصور

رحت المعرض
و اخذت القتلة المتسلسلون لعزيزتي ديفا
مذكرات بنت بطوطة لعزيزتي روونا
^^^^^^^^^^^
رحت المعرض لعيونكم و الله

و بعد السهرة الاخيرة
المنتظر
بنات الثانوية الاول و الثاني
سلالة الدم

بس لاحظت تعصبي للكتاب الكويتيين
هذا و انا ما اقرى عربي و خميت ثلاثة ارباع الكتب الله يعين لو اني من محبين العربي جان شسويت؟

 

[LuLiTa]

رد: وأخييــرآ رحت المعرض..دشـوا بنــآآت...كـتبي آلتي اقـتـنـيـتـهاآ تـنـتظر آرآءكم ..

عليج بالعافيه و قراءة ممتعه =)

 

[انا خطر]

رد : وأخييــرآ رحت المعرض..دشـوا بنــآآت...كـتبي آلتي اقـتـنـيـتـهاآ تـنـتظر آرآءكم .

عليج بالعافيه

و اللى تسال عن كفاحي اللى كاتبه :: هتلر

انا قاريته وايد حلوو

 

[Ǥoldɛn ʝɛωɛL]

رد : وأخييــرآ رحت المعرض..دشـوا بنــآآت...كـتبي آلتي اقـتـنـيـتـهاآ تـنـتظر آرآءكم .

تتهنين فيهم وان شاء الله كلهم حلوين

 

[Dnoona]

رد: مشترياتكم من معرض الكتاب 2010 بالأسم و الصور

رحت المعرض و طبعآآ كآآن زحمه حده اهنآكـ و مآخذيت وايد اشياء يمكن اروح يوم اليمعه اكمل باجي الكتب

شريت ورود ملونه حق علياء الكآظمي

و شريت رسآئل الخوف حق الكاتب عبد الوهاب السيد

و شريت هذا انحرافي حق بشاير القطآن

و شريت شآليه لعايشه الرشيدي

و خلصت شاليه كلها و زينه

و ورود ملونه خلصت نصها الصراحه عجييبه وحلوه

 

[joja <3]

رد: وأخييــرآ رحت المعرض..دشـوا بنــآآت...كـتبي آلتي اقـتـنـيـتـهاآ تـنـتظر آرآءكم ..

حسيت ان هوس العبقرية حلو

ان شاء الله اذا رحت مرة ثانية اخذه

وقراءة ممتعة < اعصـآبي هههههههه