الكاتب وليد الرجيب

[Princess Tota]

السلام عليكم بنات
إشلونكم شخباركم ؟؟
هذا أول موضوع لي بالمنتدى ..
حبيت إني أسألكم .. من فيكم تقرا للكاتب وليد الرجيب ؟؟؟
و عجبتكم كتبه ولا لأ ؟؟
اشرايكم فيه ؟؟
و شنو قريتو لو ؟؟
​

 

[Princess Tota]

اشدعوا بنات يعني محد يقرا له ؟؟

 

[حبيبه امها]

هلا اختي


احنا بخير الحمدالله

انتي شلونج ؟


انا قريتلة رواية ( اليوم التالي لامس ) بصراحة اعجبتني وايد

وايد حلو اسلوبة عجبني انه راقي ومعبر وبسيط ​

 

[Princess Tota]

هلا حبيبتي مشكورة على مرورج .. فيج الخير والله عبرتينا :tek:
آنا بصراحة هالرواية أثرت فيني بشكل كبير مع إنها بسيطة ..

 

[a3gl-5bla]

الرجيب لووووول فديته

هذا يصيرلي من بعيد

و جم مره ادق عليه عشان ايي يسوي ندوه حق البنات

بصراحه يكفي اسلوبه الراقي و تعامله معانا

و بالعيد يعطينا عيادي لوووووووووووووووووووول

اتمنى اني افدتج

 

[Princess Tota]

هلا حبيبتي منورة
واي وناسة يعطي محاضرات ؟؟ :ggdw:
آنا وايد أحب رواياته مع إن فيه عندي جم ملاحظة
و حطيت هالموضوع عشان نتبادل فيه آراءنا :gathering:
بس ما اشوف فيه تفاعل :eh_s(1):

 

[.]

انا قريت له موستيك وحبيت الروايه وناويه اقراله ان شاءالله اليوم التالي للامس..

ومشكوره..

 

[حبيبه امها]

هلا حبيبتي مشكورة على مرورج .. فيج الخير والله عبرتينا :tek:
آنا بصراحة هالرواية أثرت فيني بشكل كبير مع إنها بسيطة ..

هلا يا الغالية ... لا شدعوة ما سويت شي ...ونتبادل الاراء اافا عليج ما طلبتي شي ... قوليلي انتي شرايج بهلرواية ؟؟

انا حبيت عبد الرحمن وايد تعاطفت معاه ... انتي شرايج ؟​

 

[Princess Tota]

انا قريت له موستيك وحبيت الروايه وناويه اقراله ان شاءالله اليوم التالي للامس..

ومشكوره..

العفووو
و تسلمين حبوبة على المرور

عاد آنا أنصحج فيها وايد حلوة الرواية

 

[Princess Tota]

هلا يا الغالية ... لا شدعوة ما سويت شي ...ونتبادل الاراء اافا عليج ما طلبتي شي ... قوليلي انتي شرايج بهلرواية ؟؟

انا حبيت عبد الرحمن وايد تعاطفت معاه ... انتي شرايج ؟​

تسلمين حبوبة كلج ذوق والله ..
شخصية عبدالرحمن شخصية تشد و تخليج تتعاطفين معاها ..
مع إنها شخصية عميقة وفيها نوع من التعقيد ، و وجودها على آرض الواقع يزعج البعض كونه ضعيف الشخصية
آنا حبيته كشخص بس مو كثر ما حبيت اللي سواه .. قدر يغير حياة شخص " أقصد حياة فاطمة " و هذا إنجاز جدا عظيم حتى لو ما كان واعي بهالانجاز..
بعدين الرواية تحمل رومانسية رائعة .. حبيت اشلون شخصين بهالعمر لقو الحب ، و اشلون كانت علاقتهم - اذا قدرنا انسمي اللي بينهم علاقة - طااهرة وبريئة و بعيدة عن اللعب و الاستهتار و تحمل مشاعر احترام و حب صادق ..

 

[Princess Tota]

إيي عندي بعد ملاحظة.. كان فيه بعض المواضع اللي كتب فيها الكاتب بتحرر .. طوفت الموضوع مع إنه ما عجبني .. بس هالشي ما يلغي كون الرواية حلوة..
للأسف فيه بعض الكلمات كان من المفترض إنه ما يستخدمها .. لولا استخدامها لكانت الرواية من أرقى الروايات اللي قريتها بحياتي..

 

[Little_Queen]

قريتله موستيك و كتبت عنها في رابطة دودات الكتب راجعي الموضوع بنفس هالقسم عزيزتي


و باختصار شديد أقول انه كااااااااتب روائي من النوع الفاخر !

 

[miss_avocado]

شوقتوني حق هالكاتب بس ناطره يخلص رمضان ان شاء الله وبروح اشتري رواياته انزين شنو نوع الاسلوب اللي يكتب فيه اشوف الكل متفق على شغله (ان متحرر زياده!!)
عالعموم ابي اسامي رواياته و ممكن تقولولي وين احصلها ؟؟

 

[Princess Tota]

قريتله موستيك و كتبت عنها في رابطة دودات الكتب راجعي الموضوع بنفس هالقسم عزيزتي


و باختصار شديد أقول انه كااااااااتب روائي من النوع الفاخر !

منورة
مشكورة حبيبتي .. و إن شاء الله لي طلة في موضوع دودات الكتب

 

[Princess Tota]

شوقتوني حق هالكاتب بس ناطره يخلص رمضان ان شاء الله وبروح اشتري رواياته انزين شنو نوع الاسلوب اللي يكتب فيه اشوف الكل متفق على شغله (ان متحرر زياده!!)
عالعموم ابي اسامي رواياته و ممكن تقولولي وين احصلها ؟؟

هلا حبيبتي ..
آنا قريت له روايتين وحدة اسمها موستيك و الثانية اسمها اليوم التالي لأمس و اثنيناتهم روعة .. و شريتهم في فيرجن أتوقع إنهم متوفرين اهناك ..
وفعلا اهوا متحرر في كتاباته، شأنه كشأن بعض الأدباء الآخرين..
بس بصراحة في فرق، في بعض الناس يكون التحرر الزايد اللي بكتبهم من أجل التسويق
لأن كتبهم ما تحمل مادة قيمة أو تناقش قضية فعلية أو فيها أسلوب رائع و حبكة قوية.. فيختارون
إثارة الجدل من خلال هالتحرر عشان يسوقون لكتبهم ..
لكن هالكاتب يملك كل مقومات الكاتب الناجح و فعلا أثبت نفسه، و لو كان يستخدم التحرر للوصول و التسويق
لما كان عنده كل هالمعجبين، بس كلامي هذا مو معناته إني مؤيدة للتحرر في الكتابة.. بالعكس أفضل الطرح اللي ما يخدش الحياء ..
أحس إني خربطت في الرد ما عرفت أوصل وجهة نظري :dddds:
مشكورين كلكم على المرور

 

[يوم جديد]

وليد الرجيب الدكتور النفسي ؟؟

 

[miss_math]

رد : الكاتب وليد الرجيب

قريت له رواية اليوم التالي لأمس


أسلوب الكاتب مشوق ولغته جيدة

لكن الكثير الكثير من الفقرات ما عجبتني


وحسيت انها ما لها علاقة بفكرة الرواية ..

 

[.]

امم قريت له بعد طلقة بصدر الشمال عن الغزو واقرب للقصص القصيرة المتسلسله ..

وقريت اليوم لتالي للامس ..

وعندي اما بعد و الريح تهزها الاشجار ماقريتهم..

وادور بدريه يقولون ممنوعه بالكويت

 

[رحيق الورد]

امم قريت له بعد طلقة بصدر الشمال عن الغزو واقرب للقصص القصيرة المتسلسله ..

وقريت اليوم لتالي للامس ..

وعندي اما بعد و الريح تهزها الاشجار ماقريتهم..

وادور بدريه يقولون ممنوعه بالكويت

حسافة محد قال لي على روايته اليوم التالي للأمس ..

كنت أبي أما بعد بس كانت خالصة بالمعرض ..

و آنا ما قريت له إلا رواية بدرية ..

وصج أسلوبه بالكتابة حلو .. ويمكن اشوي فيه جرأة بس مو مثل جرأة بعض الكتاب ..

المهم صدمتيني ليش ممنوعة .. ؟!!

آنا عندي الرواية شاريتها ..

بس يمكن من 5 أو 6 سنين ..

 

[.]

حسافة محد قال لي على روايته اليوم التالي للأمس ..

كنت أبي أما بعد بس كانت خالصة بالمعرض ..

و آنا ما قريت له إلا رواية بدرية ..

وصج أسلوبه بالكتابة حلو .. ويمكن اشوي فيه جرأة بس مو مثل جرأة بعض الكتاب ..

المهم صدمتيني ليش ممنوعة .. ؟!!

آنا عندي الرواية شاريتها ..

بس يمكن من 5 أو 6 سنين ..

العاده كتبه تكون متوفره باكثر من مكان بالمعرض العام كانت بدار النشر ورابطة الادباء ..

وبالنسبه لبدريه من العام ادورها اللي برابطة الادباء يقولون لي من 5 سنين مخلصه ماطبعوها مره 2 ..

والسنه سالت دار النشر قالولي ممنوعه من الكويت وموجوده ببيروت :\

انتي ماتذكرين من وين شاريتها؟؟