مشتريات العضوات من معرض الكتاب 2010 (تم دمج المواضيع)

[rawona]

رد : ::::مشترياتي بمعرض الكتاب في اليوم الأخــير ::::

تسلمين حبيبتي على الكلام الحلو اللي قلتيه عني وان شاءالله يارب يعجبج محتوى الكتاب .. ناطرة رايج فيه

وعليج بالعافية خوش كتب تمنيت اني شفت كتاب مذكرات أبله في اوهايو شكله يشوق ..

قراءة ممتعه عزيزتي

:aha:

​

 

[rawona]

رد : مشترياتي البسييطه من المعرض

عليج بالعافية


وقراءة ممتعة

​

 

[rawona]

رد : .. المعرض و لقاء يتجدد ..

تغطية رائعة واختيارات موفقة ..

سنوات مع الخوف العراقي .. هالكتاب عندي وقرأت فيه ولكن ما كملته ونسيته الحين شفته تذكرته!! راح ارد اقرأه من جديد لأني قريته اول ما اشتريته من سنتين تقريباً ونسيته بالمره!!

:aha:
​

 

[rawona]

رد : شرينا كتب من معرض الكتاب وصورناهم وقلنا لبعض عنهم؟؟ الحين نبي رايكم فيهم

ماشاءالله خوش موضوع ويعطيج العافية ..

بالنسبة لي كل مشترواتي من الكتب روايات ،، كنت في السابق اشتري الكتب المتنوعة سواء كانت دينية او اجتماعية او تناقش مواضيع كالعلاقات الانسانية او النفسية او اسس التعامل مع الحياة وغيرها بس للأمانه من اندمجت بالانترنت هالشبكة العنكبوتية الضخمة وانا فقط اشتري القصص والروايات لأن اي معلومة ثانية ممكن أحصل عليها من الانترنت بسهولة بالاضافة الى الكتب اللي بالاساس عندي ..

حالياً ابتديت بقراءة التابع الحارس رواية لـ وائل رداد وهي عبارة عن الجزء الثاني من روايته المصعد رقم 7 ،، احب اسلوبه بالكتابة وطريقة تفكيره وحبكه للأحداث .. جداً اقدر هالكاتب واتمنى له كل التوفيق

وصلت لي الفصل ال12 .. ولي عوده :eh_s(7):

​

 

[اطياب طيبه.أم عبدالله]

رد: *** مشترواتي من معرض الكتاب 2010 بالصور ***

تسلمين يا قلبي على المرور

 

[كراميلا مرة]

رد: ::::مشترياتي بمعرض الكتاب في اليوم الأخــير ::::

خوش كتب نقرينهم بالعافيه
عاد شوقتيني ودي اشتريهم

 

[rawona]

رد : أخيراً .. حصيلتي من معرض الكتاب 2010

Bent_7awa

الله يعافيج مشكوره




بنت علمي

تسلمين واتمنى لج قراءة ممتعة



رحيق الورد

شكراً



دانة الأحرار


فعلاً أنا صارلي فترة طويلة ما اشتري غير الروايات ، مو عن شي لأن عندي مجموعة لا بأس فيها من الكتب السياسية والاجتماعية واللي لها علاقة بالتربية والعلاقات الزوجية والاستشارات النفسية الاجتماعية فما احتاج أكثر هذا بالاضافة الى الكتب الدينية لابن قيم الجوزيه وغيرهم .. الحين مع الانترنت كل شي ابيه او حابه اعرف عنه او أقرأ فيه احصله موجود ..

على سبيل المثال بالنسبة للأمور الصحية ومشاكل الحمل والولادة وجميع الامور المتعلقة بهالموضوع في مواقع اجنبية كثيرة اشتركت فيها وكل شهر ترسل لي نشرة او مقالة أقرأ فيها واتعلم وحتى بالنسبة للأولاد في موقع مشتركة فيه علشان أعرف مراحل تطور النمو لبناتي وكل الامور النفسية والعصبية والاجتماعية وقدراتهم الجسدية ومعدل ذكائهم في كل مرحلة يعني موقع جداً مفيد وحلو

فصرت اقتني الكتب للمتعة والتسلية وأغلب مشترواتي للكتب روايات او قصص منها بعد اقرأ أساليب مختلفة بالكتابة واطور من نفسي شوي بعد واحسن كتاباتي

مشكورة ويعطيج العافية :eh_s(17):



joja<3

دار الساقي كانت موجودة بصالة 5 حسافة خلص المعرض الحين ..

وعايزة اتجوز اهو نفسه المسلسل ههه والله يعافيج تسلمين على التواجد



ابتسامة للجميع

الله يعافيج يارب .. وان شاءالله يعجبج الكتاب لي النهاية وناطرة رأيج فيه أكيد ..



butterscotch

تسلمين .. ومشكورة على المرور الحلو


Mazyoona

مشكوووووره وناطرين حصيلتج انتي بعد وودنا نشوف الكتب اللي اخترتيها ورأيج فيهم



عهود الحب

تسلمين عزيزتي واختياراتج انتي بعد ماشاءالله أكثر من رائعة

مشكورة على المرور العذب


رونه

ايي انا بعد هالسنة حسيت اني ما افتريت وايد

المعرض كان مزحوم وذهني مشتت!! الله كريم ..

شاكرة لج وجودج الحلو زميليتي المدونة :eh_s(3):


أم روعه


غازي القصيبي الله يرحمه انسان رائع .. أعشق قلمه بصراحة وحيل تعجبني كتاباته .. الله يرحمه برحمته يارب ويغفر له ..

شاكرة لج تواجدج الحلو



LuLiTa

الله يعافيج يارب


كراميل ماكاياتو

انا حيل حيل قديمة بعالم القراءة والكتب

أقرأ من يوم كنت طفلة صغيرة وبلشت كتابة من الغزو بعمر 9 سنوات تقريباً

فزت بالثانوية بجائزتين في مجال القصة القصيرة أول وحدة خذيت فيها المركز الخامس والقصة الثانية كانت في المركز الثاني وكان الكتابة بالنسبة لي حلم مع الاسف ما تحقق الا الحين بسبب انشغالي فيما مضى بدراسة الهندسة!!

وانا قارئة نهمة ترا .. ما احب يطوف يومي من غير ما اقرأ وغالباً ما أقرأ قبل النوم ..جربي هالطريقة يمكن بعدها ما تقدرين تستغنين عن القراءة

ومشكورة على المرور




غلا غلاتي

اي كتاب فيهم؟ في كتاب حصلته في دار الساقي اللي اهو "هما" وكتابه الثاني اقصوصة ألزهايمر ما اذكر من وين بالضبط .. بس مع الاسف خلص المعرض الحين يمكن تحصلينه بجرير سألي اهناك وموفقه



Tom & Jerry


الله يعافيج مشكووورة ..



Scarlette O'Hara


الله يعافيج وتسلمين




:eh_s(17):

​

 

[كراميلا مرة]

رد: *** مشترواتي من معرض الكتاب 2010 بالصور ***

ماشاء الله كتبك حلوه
قراءه ممتعه

 

[كراميلا مرة]

رد: أخيراً .. حصيلتي من معرض الكتاب 2010

قراءه ممتعه

 

[سبائك]

رد : شرينا كتب من معرض الكتاب وصورناهم وقلنا لبعض عنهم؟؟ الحين نبي رايكم فيهم

رونه

اطياب طيبه.أم عبدالله

Strawberry Shortcake

نماين

رحيق الورد

~.ąvȍƈaȚ.~

Ala2-jum3a

ايمانو حلوة

my home

عيون منوعه

Ms_sWeeTaa


نبض الجود

عهود الحب

ابتسامة للجميع

rawona


حياكم الله حبيباتي مشكورين على اضافاتكم الروعه للموضوع

 

[سبائك]

رد : شرينا كتب من معرض الكتاب وصورناهم وقلنا لبعض عنهم؟؟ الحين نبي رايكم فيهم

امس كنت في سباق مع الزمن


تصدقون لو اقولكم باديه ب5 كتب تقريبا@@@@


ماني عارفه شبدي وشخلي الكتب تناديني كل كتاب يقول ابدي فيني

قريت (( صمود )) حق البنوته زينب بهمن

الله يوفقها ان شاءالله ماني قايله رايي الصريح بالروايه بس اللبيب بالاشاره يفهم (( لو تصبر جم سنه على ما تنضج افكارها وتكثر من قراية روايات الكتاب الكبار علشان تصقل اسلوبها ))
للامانه ما خلصت الروايه بقى لي فيها الصفحات الاخيره بس احس اكتفيت.... يمكن اقدر اكملها بالايام اليايه ان شاءالله عشان اعرف النهايه

قريت رواية (( اهل الأرض )) للكاتب محمد النشمي

انا عرفت هالكاتب من المنتدى بعد ما شفت اغلبية البنات شارين رواية بنات الثنويه

وبما اني ما حصلتها بالمعرض خذيت روايتين له (( اعداء الشمس + اهل الأرض )) بس عشان اعرف اسلوب كتابته وليش الكل مختب عليه

بعد ما قريت اهل الارض رجعت اعداء الشمس الي أخر لستة الكتب الي بقراها ان شاءالله وما عتقد اني بحاول اقرا بنات الثنويه

القصه يمكن كانت موجهه حق الاطفال بين سن 12 و15 يمكن@@!!!!!

يعني رعب بس حق اطفال فقط ما يصلح للكبار فيه سذاجه شوي

بديت بعزازيل بدايه موفقه واحس جذبتني اكملها واقول لكم رايي فيها ان شاءالله

طبعا ما يمنع اثناء قرايتي لعزازيل ادخل معاها بعض الروايات الخفيفه لتلطيف الجو لان عزازيل دسمه شوي وقرائتها يبيلها تركيز

قبل لا انام امس فتحت كتاب حديث الديوانيه لحمد الحمد وبصراحه بسرعه اندمجت بالقصص والحكاوي القديمه خاصه ان بعضها يذكر فيها اسماء الشخصيات<<<< حبيت الكتاب

ادري بتقولون هذيله بس اربعه وين الخامس

الخامس يا محفوظين السلامه اهو شمه في مهمه نسيت منو الكاتب

بصراحه انا شريت هالروايه لان عيالي دايما يقولون حق بعضهم شمه ويقعدون يتضحكون فلما شفت عنوان الروايه شدتني وخذيتها عشان عيالي الي مصرين يقرونها قبلي لما شافو اسمها هههههه
اول ما بديت القصه تقريباوصلت الصفحه الخامسه او السادسه جان اصكها

حسيت جني قاعده اطالع مسلسل عبدالله السلمان البوليسي

يمكن يمكن اكملها عاد مادري

 

[مفرفشه عالاخر]

رد : شرينا كتب من معرض الكتاب وصورناهم وقلنا لبعض عنهم؟؟ الحين نبي رايكم فيهم

مشالللله عليكم كويتيات

انا شريت كتب وااااااااااجد بديت فبضعها وبعضها لأ لأن بدت الامتحانات وبدت الدروس اتراكم علي

بس انشالله بس اقرا برد لكم

 

[مفرفشه عالاخر]

رد : ::::مشترياتي بمعرض الكتاب في اليوم الأخــير ::::

مشالله خوش كتب بالعافيه

ولا تنسين تكتبين رايج عنهم

 

[مفرفشه عالاخر]

رد : *** مشترواتي من معرض الكتاب 2010 بالصور ***

مشالله عليج .. عليكم بالعافيه

جد تفكيرج سليم ان تعودين عيالج عالقرايه راح ينفعهم وينمي ذكائهم

 

[أم روعة]

رد: ::::مشترياتي بمعرض الكتاب في اليوم الأخــير ::::

عليج بالعافيه خوش كتب

 

[مفرفشه عالاخر]

رد : أخيراً .. حصيلتي من معرض الكتاب 2010

بالعافيه على قلبج

اشكالهم رووووعه

 

[غلا ستايل]

رد: ::::مشترياتي بمعرض الكتاب في اليوم الأخــير ::::

مشكورين بنات....

 

[غلا ستايل]

رد: أخيراً .. حصيلتي من معرض الكتاب 2010

عليج بالعافيه رووووعة والله الكتب
لا تنسين رايج عفيه كاتبتنه الكبيرة

 

[غيدآء]

رد: مشترياتي البسييطه من المعرض

خوش حصيله

قراءه ممتعه ولاتنسين تقولين لنا رايج خصوصا بكتاب فرجينيا

 

[رحيق الورد]

رد: .. المعرض و لقاء يتجدد ..

حلووة تشكيلتج ..

وصاجة تووقيت المعرض غلط ..

ما يبون الناس تشتري ..