- إنضم
- 20 مارس 2008
- المشاركات
- 153
- مستوى التفاعل
- 0
- النقاط
- 0
شلونكم بنات ..
عندي مشكلة صار لها 7 شهور بعمر ولدي اسم الله عليه
بدت من أيام النفاس
أولها
كل وحده فيهم تشتري ملابس للبيبي وتقول الزين عندي
ومحد يعرف يشتري غيري .. والثانية تقول هذا مو حلو ( وع ) اللي يبته أنا أحلى !!!
طوفتها وما حبيت أتكلم
وكانت أم زوجي كل يوم عندي بالنفاس من العصر إلين الساعه 12.00 الليل
العذر : أمج تعبانه وآنا بنفسج >>> بيني وبينكم ما كنت راضيه بس صبرت عشان ( زوجي )
وطبعاً أمي مو عاجبها لانها صارت ما تاخذ راحتها حتى أخوي ما كنت أقدر أشوفه
دايم هي وبناتها عندي بالغرفه !!! زين ما تنام عندي بعد
خذيت اجازة وضع شهرين وأمومة 4 شهور عشان أرضع الولد والحين صار لي شهر وأنا بالدوام
وبدت الطامة الكبرى
كل وحده فيهم تبي الولد عندها
قلنا يوم وترك بس ما نفع دوام زوجي شفتات يوم بثلاثة
وأنا طبعا كل يوم الصبح أطلع من البيت وهو ياخذ الولد لبيت أهله
( أمي ) تزعل ... ليش يوديه عند أمه وليش وليش ......
ونفس الشي أمه إذا أنا خذيت اجازه وزجي راح الدوام أروح أنام في بيت أهلي
لانه يداوم يوم كامل ..
( أمه ) ليش ما تييبون لي الولد وليش وليش .......
وبدت المشاكل أمي بدت تكره زوجي وأمه بدت تكرهني
وأحنا ما لنا ذنب ..
يعلم الله اني أحبهم ثنتينهم بس هم الغيره ذابحتهم شسوي
شنو الحل بنات
ترى أنا مليت
