اعلان توظيف جامعة الكويت

[shmoo5 2ntha]

رد : اعلان توظيف جامعة الكويت

اليوم دقوا علي رفيجتي تخصصها دبلوم قانون وقالوا لها باجر ندق عليج نحدد موعد المقابله وبس

عاد مادري بيدقون مره ثانيه وإلا لأ

والفال لنا كلنا يااااااااااااااااااااااااااااااااااااااااااااااااااااااااارب

 

[sanyora]

تهقون معاش الجامعة فني مختبر أكثر من معاش المعلمة فى التربية؟.

وبعدين شلون دوام فني المختبر فى كلية يعني مثل الهيئة التعليمية ولا لأ ؟

 

[Om_Ksha]

احنا خابين عمرنا على الجامعه و ماندري جم معاشاتهم :\

يا بنات اللي يعرف يفيدنا

 

[frawlah_83]

رد : اعلان توظيف جامعة الكويت

اتوقع حاله حااال الباجي بال 800

 

[~MaNaR~]

رد : اعلان توظيف جامعة الكويت

دقوا علي مره ثانيه عندي مقابله يوم الاحد

بس بشويخ ادارة التخزين ما ادري شنوو

أول مره اسمع عن هالمكان يقولون يم صالة التسجيل !!

 

[bint_q8]

موفقين يارب

 

[~MaNaR~]

رد : اعلان توظيف جامعة الكويت

حق اللي سألوا عن المعاشات

اللي يشتغلون عالدبلوم الدرجه الخامسه
راتب اساسي 200
علاوه اجتماعيه 169
بدل طبيعة عمل 35
مكافأه تشجيعيه 125
مكافأه ماليه شهريه 50
بدل شاشه 30
غلاء معيشه 120
دعم مالي 50
=779

اللي يشتغلون عاالبكالوريوس الدرجه الرابعه
راتب اساسي 260
علاوه اجتماعيه 190
بدل طبيعة عمل 45
مكافأه تشجيعيه 155
مكافأه ماليه شهريه 50
بدل شاشه 30
غلاء معيشه 120
دعم مالي 50
=900

طبعا في بدل سماعه للي يشتغلون بالبداله 15 دينار
وللي تخصصهم محاسبه او IT ويشتغلون بنفس تخصصهم لهم كادر اضافي
لكن لو بفرض وحده تخصصها محاسبه وشغلوها اداريه مو بالماليه مثلا او المحاسبه ، مايمشي لها هالكادر
لازم بنفس التخصص
بس هالتخصصين الوحيدين اللي لهم كادر اضافي عن باقي التخصصات
وكل سنه الراتب يزيد 8 دنانير للدبلوم و10 للبكالوريوس (هذي يسمونها العلاوه الدويه)
وهذي البدلات والرواتب عندنا http://www.kuniv.edu/PDF/pro.pdf
يعني كل ما وحده صار عندها خبره صار راتبها اكثر
http://www.kuniv.edu/PDF/pro.pdf وهذا دليل البدلات والرواتب بالجامعه احطه لكم مره ثانيه

مقتبي من هالموضوع وفي كل شي عن التوظيف بالجامعه

http://www.q8yat.net/showthread.php?t=494339

 

[Om_Ksha]

مشكوووره منااار موفقه حبيبتي

 

[bnt_7waa]

البنات الي دقو عليكم ماسألوكم عن شهاده icdl

؟

انا كل يوم تلفوني عند راسي اصلا من كثر ماتلفوني سااكت قمت ادق على روحي اتأكد شغال ولا لأ

لووول

علعمووم حياهم الله يبون يدقون انا بالخدمه مايبون الديوان ينطرني

 

[كويتيه ذربه]

للحين مادقوا علي:0bee2e8d89:

 

[صحفية]

ما تدرون متى تقديمهم الياي ؟؟؟؟ انا مو ماخذه دورة اي سي دي ال ؟؟؟ تخصصي اعلام صحافه


مليييييت ودي اشتغل وما قدمت على وله شي ابي اتوظف بالجامعه

 

[نـعـومـه]

رد : اعلان توظيف جامعة الكويت

بنااااات بلييييييز فيدوني شلون اقدم على الانترنت بالضبط

 

[Om_Ksha]

بنات خلص التقديييم :\

و اللي تسأل عن التقديم اعتقد السنه اليايه لانهم توهم فتحو تقديم ...

 

[~MaNaR~]

رد : رد: اعلان توظيف جامعة الكويت

البنات الي دقو عليكم ماسألوكم عن شهاده icdl

؟

انا كل يوم تلفوني عند راسي اصلا من كثر ماتلفوني سااكت قمت ادق على روحي اتأكد شغال ولا لأ

لووول

علعمووم حياهم الله يبون يدقون انا بالخدمه مايبون الديوان ينطرني

سألوني عن الدورة بالمقابله بس لما دقوا ما سألوا

قالوا يبي اوراقج وال c.v بس

بنات محد يعرف شنو هذي ادارة شئون التخزين !!

انا ما ودي أروح مكان ما اعرفه ولا اعرف شي عنه كلش !!

 

[نـعـومـه]

رد : رد: اعلان توظيف جامعة الكويت

بنات خلص التقديييم :\

و اللي تسأل عن التقديم اعتقد السنه اليايه لانهم توهم فتحو تقديم ...

شلون خلص يقولون 30-10 يخلص ؟؟؟؟

 

[Om_Ksha]

منار والله ماعندي فكره :\

نعومه شككتيني بعمري اللي اعرفه انه خلص و توني دشيت السايت ادور ماكو شي !

 

[نـعـومـه]

رد : اعلان توظيف جامعة الكويت

وييييييي عيل لازم اسأل

لانه بموضوعج كتبتي لي 30-10

صج قهر اذا خلص التسجيل الجامعه ماتعوض

 

[محبوبة توتي]

بتوفيق انشالله لكل اللي دقوا عليهم انا دقو علي سالوني عن الشهاده وبس بلييييييز منو تعرف كم راتب الجامعيه الخليجيه عندهم انا زوجة كويتي

 

[Andie]

رد : اعلان توظيف جامعة الكويت

بنات انا لاحظت شي بالردود، الكل يقولو دقوا على أختي، او دقوا على أمي، او دقو على أبوي، سؤالي ليش ما دقوا عليكم شخصياً؟؟؟
لأن الصراحة قمت أحاتي انهم داقين على أختي، و أختي من النوع اللي ما ترد على أي رقم

 

[تعبتوني]

رد : اعلان توظيف جامعة الكويت

دقت على الرقم ورد عليها جهاز الرد الالي والا يقول جامعة الكويت الجابرية !!!!

محتارة تروح لهم والا تنطر ؟؟

بنات بليز ردوا البنت محتارة شتسوي؟؟؟ البنات اللي راحوا كلية الطب المساعد ماعندكم خبر أكيد هم اللي داقين عليها بالجابرية