### امهات اول وثاني وثالث ابتدائي حياكم ###

[غلاي عزوزي]

طل وحده نقولنا اي مدلاسه عيالها عشان نتشارك بالمشاكل


انا اولي اول مدرسة ملا حميمي بالخالديه


عشان نحل مشاكلنا بخصوص الابلات العاهات والمنهج
راج مختصر علي بعضنا الطريج


يالله منو يبلش مهاي

 

[اطياب طيبه.أم عبدالله]

طل وحده نقولنا اي مدلاسه عيالها عشان نتشارك بالمشاكل


انا اولي اول مدرسة ملا حميمي بالخالديه


عشان نحل مشاكلنا بخصوص الابلات العاهات والمنهج
راج مختصر علي بعضنا الطريج


يالله منو يبلش مهاي

بنتي في مدرسة عمره بنت حزم بالفيحا

خوش مدرسه بصراحه الحمد لله

اشلون المدرسات عندكم ؟؟

 

[78MariMar78]

صباح الخيرات


شلونكم يا امهات

 

[مــ_ــا مــ_ــي]

1- تغلب فريق القادسيه على اليرموك في مباراه كره السله كان الفارق بين النتيجتين 6 نقاط وتم تسجيل 96 نقطه في المباراه كم نقطه سجل كل من الفريقين ؟

ام خالد السؤل يقول الفارق بينهم 6 نقاط وتم تسجيل 96 ..

الحل : فريق القادسيه =49
فريق اليرموك=43
49_43 = 62



- خسر فريق القادسيه امام فريق السالميه بفارق 4 نقاط تم تسجيل 104 نقاط في المباراه كم نقطه سجل فريق السالميه ؟



الحل: فريق السالمية = 54

فريق القادسيه = 50


54 _ 50 = 4


3 - تغلب فريق العربي على فريق السالميه بفارق 8 نقاط تم تسجيل 70 نقطه في المباراه كم نقطه سجل الفريق العربي ؟


الحل: الفريق العربي سجل 39 نقطه .



4- عددان مجموعهما 65 والفرق بينهما 3 ماهما هذان العددان ؟


العددان همــا : 34 / 31 .



5- عددان مجموعهما 92 والفرق بينهما 12 ماهما هذان العددان ؟

العددان هما 52 / 40 .

 

[SARA*]

بنات ساعدوني بنتي باولى ابتدائي ماشالله بكل المواد زينه بس القران ماتحفظ للحين خذوا 5 سور وهيه حافظه بس اثنين عدل ومن تحفظ ماتحفظ اسم السوره مثال سورة الناس او الفاتحه يعني لازم اقوله اول كلمتين من سوره ياله تعرفها وتقراها هيه هل الابلات يساعدون بكلمات لو لا وين وصلو عيالكم بالقران بنتي وصلت سورة المسد والعربي امل قالت الوان....والعلوم للحواس رياضيات الرقم 10 والانكليزي ذا فاميلي وكتاب الاسلاميه الدرس الاول من كل لون خلصو

 

[حلوة الروح]

هلا والله

مشكووووره ام عبود انت فتحتي المجال ان نتناقش
انا عندي ثانيه وثالثه واي الله يعيني اللي بثانيه خطه واااااااااااايد سيئ

واللي بثالثه بنتي بالعربي ماشالله عليها زينه بس دايمه تطوف المدود يعني الكلمه اللي فيها مد ما تمدها

الله يعينه ما تدرون متى يوزعون الشهادات

 

[شووكولاته]

,واي ثالثه فرررق عن ثانيه

الانجيليزي والرياضيات لوووووووووووووعه

شلون الابلات يبون البنت تحفظ 4 جمل وتسمعها بالانجيليزي وهيا تكونها

شعرفهم اصلا

اكيد الاهل بيكتبون بعرف الواجب لنا ووللا لطالب ؟؟

والانجيليزي بالنسبه للقواعد ليش مايكتبون القاعده بالدفتر ويحلون عليها؟؟

 

[عمري الكويت]

رد : ### امهات اول وثاني وثالث ابتدائي حياكم ###

بنات ساعدوني بنتي تعبتني في رياضيات مو راضيه تستوعب معاي ما ادري شسوي فيها اليوم رحت للمدرسه تقول مستواها وايد نازل في رياضيات والله شوي ابجي قلت لها ليش ما تعطونا الامتحانات او اوراق عمل علشان نشوف طريقه تقول لا الاختبار ما نعلمكم فيه فجأ نسويه لها ليش حرام توها في اولى ابتدائي ما تعرف شيء

 

[برنسيسة الشمال]

تجمع ثانيه ابتدائي ..ونبيها تفوق

:tek:



يالله امهات شفت مافي تجمع خاص لثانيه

نبيها تجمع حق ثانيه نتبادل الافكار والحلول لمشاكل عيالنا :0bee2e8d89:


اللي عندها طريقه للمذاكره وتحس انها اهي سبب تفوقهم تسدحها هني


بالنسبه لي بنتي بثانيه متفوقه ووبودي احافظ على تفوقها

وحسيت بشوي فتور فقلت يالله اشجع الامهات واشجع نفسي
واي استفسار انا حاظرة


يالله شرايكم نسويها حملة نبيها تفوق:ada:

بالله ارحبو ا وحباااااااااكم

 

[مي الحلوة]

رد : ### امهات اول وثاني وثالث ابتدائي حياكم ###

انا بعد بنتى معطينهاااا امتحان رياضيات بس الحمد الله انا كنت مدرستهاااا شوي..
والعربي وصلوااا لدرس:امل قالت
وبنتى شوى شوى بالانجليزي..والله يعيناااا يارب..ويوفق عيالناااا يارب..

 

[برنسيسة الشمال]

رد: تجمع ثانيه ابتدائي ..ونبيها تفوق

يالله امهات حتى تشجيع مافيهoster_av1:

اوكي اببدأ بحل واجبات بنتي اليوميه

الانجليزي عليهم املاء الكلمات الاتيه

doll دميه
finger اصبع

brushيفرش
shoesحذاء
fishسمكه
carسيارة
هاذيلا املاء كل كلمه ومعناها حفظ الاملاء طريقته
كتابه الكلمه وحرف ناقص من الكلمه يكتبه الطفل
يعني تبي حفظ وتركيز بالحرف الناقص
سوري انشغلت واردلكم
راح اكمل مع انه مافي:jumpon:تشجيع

 

[شيــوخه]

الله يعين انا بنتي بثالثه املوعه جبدي بلعربي ماتعرف تقره ولا تكتب الاملاء كلش ملش

حدهااااااااااااااا علمتها نسختها قريت لها تقره معاي بس لا خلصتي تقولين لها اقري اقري ابدا عمك اصمممخ

الله ييعين ان شاءالله وابلاتها كلش مافيها صبر على بنتي بس تمشي وتهبد فيها يوم طاقتها بلكتاب ويوم بيدها ويوم اتزفها وعلى الله رحت كلمت الناضره وعطتها جم انذار بس بنتي كلش مو بالعتها الحين لا شافت الجدول قالت علينا عربي يما قلت اي قالت بغيب مابي احضر حصه العربي الله كريم ان شاءالله

 

[كويتيه وافتخر]

رد : تجمع ثانيه ابتدائي ..ونبيها تفوق

هلا هلا

الله يرزقني ويرزقج بتفوق عيالنا

باجر عند ولدي املاء
car
man
toy
bed
run
eat
بس انا ولدي مايحب ينسخ
جربت معاه طريقه شرح الحرف
ومشى الحال عالفهم
كاااااااااار اقوله مد بالف ونهايته را
مان نفس الشيء مد الف بعدها نون
رن اقوله الحرف اللي ياكل uعاد لاتشوفينه لانطقها جنه بياكلني خخخ


اممم
وبعد
انا طبيعتي امسك خطة الواجب الخميس والجمعه احل كل الواجبات معاه
وكل يوم امسكه ساعه مراجعه وتحضير سريع

والله يوفقه يارب

 

[ملكة بيتها]

رد: تجمع ثانيه ابتدائي ..ونبيها تفوق

يعطيكم العافيه

 

[ملكة بيتها]

للرفع

 

[برنسيسة الشمال]

رد: تجمع ثانيه ابتدائي ..ونبيها تفوق

اهلين كويتيه
انتي قصدج الخطه مالت الاسبوع اللي يطوف او الاسبوع القادم ؟
وطريقتج حلوه وبالتوفيق ان شاء الله للجميع

ملكه بيتها اهلين والله يعافيج
بالنسبه لطريقتي بالاملاء
بنتي تعرف الحروف ومعتمده على لسانها بالنطق والكتابه
يعني التهجيء تتهجئ الحرف وتكتبه اغلب الاحيان يطلع معها صح والكلمه الغلط
اهي اللي اخليها تنسخها ليما تحفظها

 

[كويتيه وافتخر]

رد : تجمع ثانيه ابتدائي ..ونبيها تفوق

ايه خطة الاسبوع القادم

نكون بالعطله متفرغين للحل
فكل يوم من ايام الدراسه بس اتفرغ للمراجعه والتحضير

لان الواجبات تاخذ مني وقت
وانا بين فتره وفتره احب اسوي اوراق عمل للمعلمات كمساعده
واكتب مع ولدي اورل وادرسه لحد مايتقنه يروح يقوله جدام ابلته

 

[أم حمني المزيون]

رد: تجمع ثانيه ابتدائي ..ونبيها تفوق

ولدي بثانية بنظم وياكم ....
كل شي ماشي اوكي الا العربي لدرجة ان ولدي قام يكره العربي بسبة أبلته التي توها ياية من ديرتها ومو عارفة تدرسهم ....ما تلاحظون ان المنهج سريييييييييييييييع ياخذ الدرس اليوم وبعد يومين املاء والدروس وااايد طويلة ما يقدر يحفظهم للاملاء ..وبس أطلع كتب العربي قام يصيح....ما أحبه وما أعرف له مع ان متفوق وليدي بس شقول والا ظلمونا مع هالأبلات وهالمناهج ...ارحمونااااااااااا:dfgl:

 

[السنعة2]

رد : تجمع ثانيه ابتدائي ..ونبيها تفوق

الله يعين ويسهل علينا ياربي عيالنا كرهونا والسبه الدراسه
يضيق خلقه اذا قلت له يله نسوي الواجب

يعني صج صج الابتدائي التعب على الام اذا تبي عيالها يتأسسون صح ويمشون بالدراسه عدل
لان الله يسامحهم بعض الابلات وجودها وعدمه واحد

وانا الي ذابحني منهج اللغة العربيه صراحه دسم بشكل مبالغ فيه
فوق قدررة الطالب
ومدرسة ولدي صعيديه
احنا الامهات لم حضرنا لها تمللنا بالحصة
وشي يفهمونه اليهال وشي لا
الله يعينا ويسهل لنا يارب

 

[برنسيسة الشمال]

رد: تجمع ثانيه ابتدائي ..ونبيها تفوق

كويتييه ماشاء الله عليج سنعه فديتج عيني عليج بارده

العام مدرسه بنتي حلوه الصراحه متميزه والسنه هاذي مادري شفيهم اسبوع في خطه واسبوع نووووو


علمينا شلون طريقتج باوراق العمل ماعليج امر


ام حمني والسنعه حياكم في التجمع وان شاء الله تستفيدون
بس هاه مانبي تحلطم خخخخ