بليز يا بنات دشوا وبليز يا ادارة لا تحذفين

[أم جوري]

رد : بليز يا بنات دشوا وبليز يا ادارة لا تحذفين

كلنا للكويت والكويت لنا ..
والله يحفظها ويحفظنا ان شاء الله

 

[بسمتي]

, ماقولكم ان انا مو وحدة من هالناس اللي اتنرفز لما كنت اشوف اشياء تمس طائفتي او اصلي

اختي اكلمج وانا بنت هالديرة مالي اهل لا بالجنوب ولا الشمال يعني بنت الكويت اباً عن جداو أنا أتفق معاج كلنا مصلحتنا الكويت
00حتى عيالنا في الابتدائية قاموا يسألون بعض انت سني ولا شيعي!!!!!
00لكن كلمتج( تمس أصلي) اختي احنا الكويت تجمعنا 0000وكلنا كويتين وبس 000ما في شي اسمه اصلي من ايران ولا العراق ولا السعودية يعني كلنا تجمعنا الكويت00

يعني بصريح العبارة اذا الاخوات تطرقوا لايران الافضل لج انج ما تدافعين عنها وجذي نكون ابتعدنا عن الطائفية 00
لاننا للاسف ابتلينا بجارتين العراق وايران ومازالوا يهددونا والكل يعرف هالشي
واذكر جدتي الله يرحمها تقول انها كانت تخيط عند خياطة يهودية كويتية اسمها ساره000وجيرانهم شيعة وسنه 00وعمرهم ما اشتكوا من بعض يعني الكويت تجمع كل الطوائف مسلم(سنه وشيعة) يهود ,مسيح
لكنهم كانوا على قلب واحد

 

[الموج البحري]

رد : بليز يا بنات دشوا وبليز يا ادارة لا تحذفين

اختي موضوعك مهم جدا وتنبيهك تشكرين عليه وياليت العضوات يتنبهون ويستوعبون ان الهدف من بعض المواضيع فتح باب الفتنه وبس

 

[hneen2]

صح لسانج اختي والله ان شالله نصير كلنا قلب واحد لان كلنا مسلمين وقبلتنا الكعبه

 

[ســتارز]

انا مو بس اشك انهم مو كويتيات

لا والله
اشك انهم يهود

منو اليهود ؟

 

[الموج البحري]

رد : بليز يا بنات دشوا وبليز يا ادارة لا تحذفين

اختي موضوعك مهم جدا وتنبيهك تشكرين عليه وياليت العضوات يتنبهون ويستوعبون ان الهدف من بعض المواضيع فتح باب الفتنه وبس

 

[ام خالد 78]

مشكووووووووره

 

[أحبه موت]

صح لسانج وياريت كلنا نسوي جذي
يعطيج العافية على هالموضوع الروعه

 

[!witcha!]

رد : بليز يا بنات دشوا وبليز يا ادارة لا تحذفين

اب اب

 

[تعويذه الحب]

ورب الكعبه اني كنت بنزل فس موضوعج لاني بصراحه اليوم الصبح شفت موضوع كله طائفيه و عموما هالبنات معروفين من وين وشنو

جنسيتهم واتمنى انهم ما يزرعون الفتنه بديرتنا كلنا كويتيين وعمرنا ما فرقنا بين سني وشيعي وانا معاج بكل كلمه قليتها اي موضوع في طائفيه

ما راح ارد عليه وراح اخليهم يمووووتون بغيظهم وبالعكس هالموضوع المفروض يتثبت لان صج مهم والحجي اللي قلتيله عدل 100%

الله يحفظ ديرتناااا ويحفظ شيوخنا ويحفظناااااااا من شر الفتنه

 

[Miss McDonald]

رد : بليز يا بنات دشوا وبليز يا ادارة لا تحذفين

.

صآجة حبيبتي ..^^ ..

مشكورة =)

 

[أم حوور]

بايمانا بالله


ووجودنا


وعقليتنا



وادب الحوار



ما نسمح لأحد بتفرقه الشعب الكويتي مهما كان




تقبلي مروري

 

[بـ البدور ـدر]

رد : بليز يا بنات دشوا وبليز يا ادارة لا تحذفين

اللهم احفظ الكويت من كل مكروه

 

[masoo 511]

صح كلامج والبنات اللي يحطون مواضيع يقصدون الفتنة انصح انكم تبلغون الادارة عن اي موضوع يثيرالفتنة وبهذي الطريقة نسدالطريق على مثيري الفتن والبنات اللي يثيرون الفتن المذهبية والطائفية معروفين واحنا مو الاشكال هذي تخرب وحدتنا وكلنا ندري ان الكويت انبنت على يداجدادنا اللي على قلب واحد واللي اصولهم من السعودية وايران والعراق والبحرين وفي عوايل اصولها تمتدللهند وافريقيا وهناك السني والشيعي تجنبوا الطابورالخامس والمزدوجين بالجنسية وبالولاء الله يحمي الكويت واللي يحبها مو اللي يحلبها

 

[سواري الليل]

حبيبتي اهديلج اكبر تحيه على هالموضوع

لانج صاجه

في ناس تنهش فينا من تحت ليتحت

لانه هالمنتدى كل الكويت فيه ماشالله تبارك الرحمن ومشهور فأكيد بيكون وجهتهم

حبايبي تكفون خنضم صوتنا معاها ومانرد علي اي موضوع يمس اي طائفه ولاتاخذكم الحميه
اذا حسيتي الموضوع يمسج لاتردين عليه اشتكي على الموضوع عند الاداره واهيا تدخل من غير اثارة اي فتنه

انا تعلمت من ابوي انه كلنا واح حضري او بدوي سني او شيعي

واي تعليق بقلبي على اي مذهب احتفظ فيه لنفسي ماقوله حق اللي جدامي احتراما لهم وعشان ماتصير في حزازيات

لانه في نهاية المطاف كلنا اخوان

 

[أحلى عيون]

رد : بليز يا بنات دشوا وبليز يا ادارة لا تحذفين

الله يحفظ ديرتنا وشيوخنااا ويبعد عن كل حاسد وحاقد اللهم امين


تسلمين حبوبه علي الكلام الطيب

 

[0(مـــســـ(مطير)ــــــك)0]

حبيبتي صاحبة الموضوع انتي اليوم في موضوع نصيحه ايرانيه لسعوديه .ز

كانت ردودج كلها فتن ..

وبعدين تقولين انا اتنرفز لما اشوف اشياء تمس طئفتي واصلي .. الكل نفسج .. فلاتنكرين شي انتي تسوينه ..

والله حافظج ياكويت

 

[aṕriliå]

رد : بليز يا بنات دشوا وبليز يا ادارة لا تحذفين

صح لساااانج

وكلنا للكويت والكويت لنا

~ . ~

 

[عيمية^والقلب^كندري]

هههههههههه حتى بهالموضوع في ناس مشططة خلت الكلام كله وقاعدة تسأل منو اليهود!!!

يا امي انتي شكوو منو اليهوود الموضوع محطوط للكويتيات فقط قعد نطالب بعض بالحب والمودة والابتعاد عن الفتن في شي يقهر؟؟ امبي موووصج والله :23_asmilies-com:

 

[اللعبه]

بنات حلفتكم الله اذا انتوا وانا فينا ولو ذرة حب وحدة للكويت ابيكم تعاهدوني والكلام لي انا بعد ان مانرد على اي موضوع القصد منه طائفي
انا ملاحظه هاليومين المواضيع الطائفية زايدة وايد بشكل مو معقول شي ورا الثاني و في ناس للأسف تاخذهم الحمية ويدشون وينسون عمرهم وهااات يا سب وشتم و لعن , ماقولكم ان انا مو وحدة من هالناس اللي اتنرفز لما كنت اشوف اشياء تمس طائفتي او اصلي واقعد ارد عليهم لكن الحمدالله ارد بحدود الادب واشوف ردود للأسف وايد بايخة وفيها طعن للوطنية.

تالي استوعبت شغلة .. بنات لاحظوا عدل كل اللي قاعدين يحطون هالمواضيع مو كويتيات و اللي يدشون ويسبون و يزيدون النار حطب هم مو كويتيات ... يعني الغرض بصراحة واااااضح جدا واهوا ضرب الوحدة الوطنية
طول عمرنا عايشين اخوان وبسلام ليش الفتن ؟؟ قال رسولنا صلى الله عليه واله وسلم
الفتنة نائمة لعن الله من ايقظها

يا بنات انتوا شفتوا كلمة بابا صباح سمعتوه شقال ؟؟ لا للفتنة الطائفية ولا لضرب الوحدة الوطنية .... يا بنات والله احنا مو حاسين شكثر تأثير الفتن هذي على مجتمعنا ووطنا ... راح نتفكك ونصير ضعفاء وراح يسهل على العدو التخلخل بيننا
صدقوووني لو كل وحدة تمسك نفسها وانا وياكم بعد و مانرد على هالاشكال راح ايي يوم ويملون ويوقفون

حلفتكم الله حبيباتي اذا تحبون وطنكم لا تخلون الغرباء يدشون بيننا ويزرعون الكراهية ويفككون مجتمعنا و ذكروا شلون طول عمرنا عايشين مع بعضنا بحب وسلام مسلم و مسيحي, سني وشيعي وحضري وبدوي وغيره وغيره
تحيا الكويت ويسقط كل من يحاول نهش الوطنية :q8:

شعاري من اليوم ما راح ارد على اي وحدة تحاول اثارة الفتن
واي وحدة بترد رد سخيف راح تنحقر شر حقرة

حبيبتي ابداي بنفسج وما لج شغل باحد .. اقول طالع من تحجي ام الفتن ... والذيب ما يهرول عبث؟؟؟؟؟؟؟:hjy5jewf: