روايتي الثانيه (عهدي مع الايام)(واقعيه)

[LOOLY]

:tek:

 

[Queen nor]

رد : روايتي الثانيه (عهدي مع الايام)(واقعيه)

up up up up

 

[@أحلاهم وأتحداهم@]

صباح الخير بنات ادري انكم زعلانين مني لاكن الله يشهد اني امر بضروف وماني قادره اكتب لكم بارت
وانا الحين ماراح انام الا اذا خلصت من البارت



اختكم

‌@أحلاهم وأتحداهم@

 

[@أحلاهم وأتحداهم@]

woooow khosh part
7da 7da qe9a moshwega
teslam alayady ;**

تسلمين حبوبه ومشكوره على المتابعه

 

[حلاتو]

رد : روايتي الثانيه (عهدي مع الايام)(واقعيه)

اب اب اب

 

[الوجه السمح]

بنتظارج حبوبه

 

[@أحلاهم وأتحداهم@]

يعطيج العااااااافيه خيتوووووووووووووه
ناطرينج باااااااااااااااااااااااجر انشالله
لا تاخرين علينا

الله يعافيج قلبي بس والله موبيدي ولا اتعمد اتـأخر عليكم

 

[@أحلاهم وأتحداهم@]

كلمه وااااااااااااااااااااااااااااااو شويه عليه ثانكيو قلبي تسلم ادينج روعه

حياتي تسلمين كلج ذوق مشكوره على المتابعه

 

[@أحلاهم وأتحداهم@]

يسلمووو على البارت ، حنااان تبط الجبد ما توقعتها جذي مسكييين طلال

الله يسلمج حبوبه ومشكوره على المتابعه وبالبارتات اليايه في موفاجأت وايد

 

[@أحلاهم وأتحداهم@]

بنات الحين بنزل البارت بس اعذروني البارت قصير ماقدرت اكمله بودي اخوي المستشفى تعبان حده وانشالله باجر المغرب انزلكم بارت طويل

 

[@أحلاهم وأتحداهم@]

البارت 11


طلال:شورتك وهدايت الله
احمد:اذا قالتلك خل اهلك يدقون باليوم الفلاني امش معاها بالفلم ...انا اخلي اختي الكبيره اتكلمهم على اساس انها امك وفهمها الموضوع بس بطريقه مختلفه شوي
طلال:صار ...بعد اشوي اكلمها واعطيك خبر


ثاني يوم في بيت احمد
محمد كان يدرس بصاله وحوالينه اوراقه وفايلاته ....واحمد الصغير يحوس عنده
محمد:احمدو وخر ....ويصارخ....آلاء ...آلاء
آلاء كانت بالمطبخ:نعم
محمد بصوت عالي:تعالي بسرعه
آلاء:كاني يايه....واول ماطلعت من المطبخ....اوالله حمود شنو هل حوسه
محمد:شيلي احمدو لا اكفخا
حصه وهيا طالعه من المطبخ:هذا الي ناقض تذبح ولدي
محمد:يمه ذبحني مايخليني ادرس لعب بالاوراق لعب
آلاء:ليش ماتدرس بدارك
محمد:مليت من الغرفه قلت انزل تحت
حصه وهيا تشيل احمد:تعال ماما ...ليش اتسوي جذي عمي بيدرس...اقعد عاجل زين حبيبي
محمد:لا فهمج
آلاء:حمود تقدر اتسولي بحث
محمد:لا ماقدر
حصه:اخوج دراسته صعبه ومو فاضي لج
آلاء:ماما والله ماعندي وقت اسوي شي
محمد:حتى انا ماعندي وقت احك راسي
آلاء:اوووف....خل ادق على رناد واقولها
محمد من سمع اسم رناد هد كل الي بيده :آلوء البحث لج ولا لها
آلاء:انا معاها
محمد:متى تبون البحث
آلاء وهيا تبتسم بخبث:مادري بس رناد تبيه ابسرعه اما انا اي وقت عادي
محمد:خلاص ان شاء الله اليوم اسويه لكم بس شنو موضوع البحث الي تبونه
ليال وهيا نازله من السلم:ألوء تعالي ساعديني والله ينيت ماني عارفه البس ولا البس ملوكه ولا ازهب جنطتها
محمد:شنو تبين انا اسويلج
ليال:بس حط اغراضها بالجنطه
محمد:وين اغراضها
ليال:فوق بداري
محمد:خلاص روحي يبي الاغراض علشان احطهم بالجنطه
ليال:اوكي ثواني بس ...وصعدت فوق ويابت ملابس ملاك والاغراض الي تبيهم......تفضل
محمد:ليول:الحين انتي بتروحين بيتهم يعني اكيد عندها ملابس واغراض هناك ...مالا داعي كل هل ملابس
ليال:الملابس الي ابيتهم كلها حفر ومابيها تستبرد
محمد:ليول ماتوقعت تتعلقين فيها جذي
ليال:حمود والله ماجذب عليك انا بعد ماتوقعت احبها جذي ....ملوكه تدخل القلب بشكل موطبيعي
محمد:بس ملوكه الي تدخل القلب ......وابوها مايدخل القلب
ليال بحيا:قليل ادب
محمد وآلاء:هههههههههههههههه
ليال بعصبيه:بتساعدوني ولا لاء
محمد:يبي انا احطهم لج
آلاء:انتي روحي لبسي بعد شوي ريلج يوصل وانتي بعدج
ليال:الحين البس وبعدين البس ملوكه
محمد:ليول يبيها انا ابدلها
آلاء:ههههههههههه بيبي سيتر مومحمد
محمد:مافيها شي لي ساعدة اختي ....على الاقل احسن من بعض الناس الي مايسون شي
آلاء:لاوالله
ليال:انا بروح البس وانتو تهاوشو على كيفكم



فلاة خالد
طلال كان متوجه للباب يبي يطلع من البيت ....وهنادي واريام قاعدين بصاله
هنادي:طلال
طلال:هلا يمه
هنادي:وين رايح
طلال:بروح دوانية سعود من زمان عنهم
هنادي:لايمه اليوم عمامك وعماتك بيون عندنا على العشى روحلهم وقت ثاني
طلال:يمه اهما ياين علشان جراح مو علشاني
هنادي بحزم:ولالو مايصير ماتكون موجود
اريام:طلول جنى بعد بتي
طلال بنفسيه:شسويلها
اريام:لا بس حبيت اقولك
هنادي:مايحتاج اتقوليله بنت ابليس ماكله عقله ماتخليه يشوف غيرها
طلال:يمه خلاص
اريام:طلول من صجك انت اتخلي جنونه وتركض ورى بنت الفقر
طلال بعصبيه:اقول يابنت العز ياليت تكرمينه بسكوتج
هنادي:طلال لاتكلم اختك جذي ...ولا علشان منو يليتها وحده تستاهل
طلال:يمه اذا تبيني اقعد بالبيت لاتتكلمين عنها جذي مهما يكون عندج بنات
هنادي بنبره حاده:لاتقارن خواتك بهذي فاهم
طلال كان معصب حده بس سكت وماحب يزعل امه ....هدهم وطلع من البيت
اريام:كل هذا حب
هنادي:اي حب هذي لاعبه بعقله عدل ...واخوج طيب وعلى نياته يصدق الي جدامه بسرعه




في احد المجمعات التجاريه
فرح:مساء الخير
سحر وهيفاء:مساء النور
فرح:مريوم وينها
سحر:والله من ذاك اليوم وهيا مختفيه
هيفاء:سحور كله منج ليش قلتيلها انه جراح تزوج
سحر:واذا قتلها عادي مافيها شي
فرح:مهما يكون هذا ريلها وابو بنتها اكيد بتزعل وتتضايق
سحر:اخاف صج حبيبتي مريوم ماتحب جراح ومن اول ماخذته وهيا تتشكه منه
هيفاء:سحور كلنا انعرف ليش تطلقت مريوم
فرح:انزين ماعرفتي شنو ناويه تسوي
سحر:كل الي اعرفه انها قاعده تسأل عن مرت جراح
هيفاء:وليش تسأل عنها اهيا تبي تأذي جراح مومرته
سحر:ياغبيه اشلون تحرق قلبه ...لازم اتسوي شي بمرته
فرح@@:شي مثل شنو
سحر:والله مادري بضبط
هيفاء:سحور قولها مالها شغل فيهم واذا على بنتها مردها لها
سحر :يعني انتي ماتعرفين مريوم الي براسها تسويه ...ورن تليفونها.....هذي مريوم....الووو
مريم:هااااااااااي
سحر:هههههههه شكلج مستانسه
مريم:مو بس مستانسه حاسه اني بطير
سحر:اكيد حصلتي الي تبينه
مريم:معلومات عجيييبه ...وهم احنه انزيد عليهم جم معلومه من عندنا ونقدمها على طبق من ذهب حق جراح
سحر:هههههههه شكلج نويتي عليه
مريم:من زمان ابي احرق قلبه ابي ماينام اليل
سحر:تعالي بسرعه شوقتيني ابي اعرف شنو ناويه تسوين
مريم:كل خير ...كل خير
سحر:اي خير وانتي بتذبحين الريال
مريم:ابركها من ساعه



فلاة خالد
بعد ماوصلو الاهل وتعرفو على ليال البنات خذو ليال بعيد عن الكبار علشان ياخذون راحتهم معاها اكثر...ليال كانت كل شوي اتشوف الساعه
جنى تساسر اريام:شفيها مرت اخوج كل اشوي اتشوف اساعه ليكون ماتبي قعد معانه
اريام:لا احنه الي ميتين ونقعد معاها
جنى :لالا جد شوفيها امبيه مو طبيعيه
اريام:الحين اوريج فيها....ليال
ليال:نعم
اريام:فيج شي
ليال:لا
اريام:مادري كل شوي قاعده اتشوفين الساعه ....وانا اتوقع ياوحده من الثنتين ياأنج مليتي منا او انج مومصدقه لابسه ساعه بشيء الفلاني
دانه:ريمو انتي وبعدين معاج
كادي:ليال حبيبتي ماعليج منها هذي مافي احد عاجبها
اريام:وانا صاجه من اول ماقعدت وهيا كل شوي اتشوف الساعه
امينه:اريام مايصير تتكلمين مع البنت جذي
اريام:وانا ماقلت شي غلط...اضاهر مومصدقه انها لابسه ساعه غاليه
كادي بعصبيه:الغالي للغالي عليها بالعافيه
جنى:بنات خلاص حصل خير
اريام:والله اهما مكبرين السالفه على الفاضي
دانه بعصبيه:احنه الي مكبرين السالفه ولا انتي ماتثمنين الكلام الي تقطينه
اريام:اوووف....ترا ماصارت لوعتو جبدي ...ليال كل الي صار ابسبتج هذا زياره وصار جذي الله يستر لي سكنتي عندنا شبي صير ...شكلج بتشبين حريجه بالبيت
كادي:لا انتي مصختيها ...وقامت
اما ليال كانت طول الوقت ساكته ومقلبها مقموت ودها تبجي بس ماسكه روحها
امينه:اريام خلاص وبعدين معاج صكري الموضوع
اريام وهيا تحط ريل على ريل:تدرون على الفرق الي بينها وبين مريوم الا انه مريوم بنت نعمه وذربه
كادي راحت حق جراح وقالتله الي صار .....جراح دخل وسمع آخر الكلام الي نقال وثارت عصابه على اريام :اريام
اريام من اسمعت صوت جراح تشنجت ابمكانها وبرتباك:نعم
جراح بعصبيه:نعم الله عليج ....انتي شنو ماتستحين....ولاتحترمين غيرج
اريام:جراح انا
جراح يقاطعها :جب ولا كلمه ...وبعدين من متى الهلقيه مريوم صارت ذربه مو طول عمرها هيلقيه بنضرج الحين الي صارت ذربه
اريام:...............
جراح:ماتردين
ليال:جراح ماصار شي علشان اتعصب جذي
جراح:كلمه وماأثنيها اليال احترامها من احترامي والي يغلط عليها او يجرحها بحرف مايلوم الا نفسه....فاهمه ولا اعيد الكلام
اريام:فاهمه
جراح مسك ايد ليال وسحبها:امشي معاي

وراح فوق
ليال:وين بتروح
جراح:بوريج الجناحنه
ليال :اوكي



نهاية البارت

 

[مجنونة حبه]

يعطيج الف عافيه
وزييييييييييييييييييين جراح برد قلبي لوووول
كنت بدش الشاشه واكفخ ارياموا بو لسان بس ماردها تنكسر
بس حبيت اسالج القصه صجيه وحتى الاحداث واقعيه ولا لا!!!!

 

[Aseert a7zanii]

رد : روايتي الثانيه (عهدي مع الايام)(واقعيه)

وايد حلوه الروايه :$


ناطرين البارت الياي :$
لا تطولين علينآ
وسجليني متآبعه حق روآيتج :$

 

[LOOLY]

:s142:

 

[MISS.D&G]

ثانكيو ناطرين

 

[حرم القيصركمودس]

رد : روايتي الثانيه (عهدي مع الايام)(واقعيه)

يعطيج العافيه

 

[queen2007]

رد : روايتي الثانيه (عهدي مع الايام)(واقعيه)

تسلمين على القصة بس بدون زعل فقدت حلاوتها من كثر التاخير


ياريت تكتبينها وتحفضينها عندج وتالي تنزلينها على بارتات احسن بوايد من جذية ملغتيها والقصة حلوة حرام

 

[6amni bs]

رد : روايتي الثانيه (عهدي مع الايام)(واقعيه)

مريم ويع ويع عمى بعينها
يعطيج العافيه حبيبتي
ناطرينح

 

[Zozαĺiиaђ]

واااي زين سواا جراح في اريااموو

تبط الجبد :/

ثينكيووو عالبارت روووعه

ناطرينج بعد

 

[bent.gaga]

رد : روايتي الثانيه (عهدي مع الايام)(واقعيه)

Waiting u la tt2khraain 3laina w ilrwaaya 7ilwa tslm edich