تكلفت الف دينار على كشختي والعرس ما حضرته

[MoonDiamond]

ثاني شغله للبنات الي يقولون اذا عندها عادي خل تصرف

اوكي بالعافيه عليها بس النبي عليه الصلاه والسلام قال ان الواحد لو يتوضى واهوا على نهر جار لا يسرف فما بالكم بالفلوس

الي اهيا بالاساس مو ملك لنا ملك لرب العالمين

واوكي الله قال بكتابه فاما بنعمه ربك فحدث

الي عنده خل يلبس وخل يقط بس بحدود المعقول

و مثل مايصرف على نفسه يرد هالشي للمجتمع (يزكي - يتصدق .. الخ) ولو بشق تمره مثل مايقول الرسول

والله استغرب من الناس تحرق الفلوس حراق وعند الجمعيه حتى ربع دينار ماتعطي الهندي الي يدز العربانه

وسوري طلعت بره الموضوع بس للتوضيح

وشغله ثانيه الي تقول عوره المرا من الصدر للركبه غلط

عوره المرا للمرا من السره للركبه

هالكلام للبنات مو لج موون مع احترامي الشديد لج ;*

بوتمبه يا قلبي كلامج عدل وحلو
بس الالف كان عنوان يشد العضوات بس
الالف كانت لها ولبناتها ترى مو وايد والصالون بروحه اخذ فوق ال200 دينار
وانتي عارفه

وصاجه الواحد مايسرف ويتصدق فيهم ابرك

 

[MoonDiamond]

موون دايمووند هههههههههههههههه
ما تسوى عليج نزلتي الموضوع


ماعليج وأنا أختج ...اللي مثل هالحــــــــاله ...المفروض ان اختج عالأقل قعدت شوي وطلعت ...
وبعدها خل تكلمهم ...وتزعل عليهم ...

حرآآم صرآآحه ..
قهر ..

ايه والله

لا والله ما تحضر العرس ولو انا معاها اطلع وجنه العيد

ولا فات الفوت ما ينفع الصوت

 

[MoonDiamond]

أما عليكم ردود
انا قريت من صفحه 1 الى اخر رد ... عشان اتأكد من الموضوع وما اظلم احد
اوكي اذا ما انتبهتوا انا انبهكم ان صاحبة الموضوع حطت مبلغ اجمالي للي صرفته هي وبناتها من لبس ومكياج وذهب يعني اجمالي طلع 1000
واللي حكموا بكيفهم ان سوت اشياء ثانيه من توصيل ومادري شنو .. ليش كنتوا معاها بالصالون مثلا ؟
واللي تقول مفاصيخ .. اقدر انصح المفصخه .. مو صعبه .. لكن ما اقدر اتحكم فيها
..
اللي تقول العرس اللاسلامي والمو اسلامي نفس الشي لا مونفس الشي ...
انزين خلو كلام صاحبة المضوع عن ال 1000 ... ( وصاحبة الموضوع اسفه بس بحط موقف ثاني يمكن يستوعبون اكثر )
انا وحده ملتزمه ولله الحمد ... عمري وركزوا عمكري ما سمعت اغاني ... بالسوق امي تقول حق صاحب المحل قصر على الاغاني ... والمحل اللي معلي على الاغاني ما ادخله .. اوكي .. عرسي ( عشان لا تقولون عروس وكيفها وانتي اكيد سويتي زفه )
عرسي اسلامي بحت ... ما فيه مفاصيخ لأن بيئه ملتزمه ... ويبت منشده بدون طقاقات او طيران او ادوات معازف ... ما فيه اغاني ولا حتى اغنيه وشايلين صوت الموسيقى ... وزفتي كذلك ومافيه كلمات مبتذله وغزل .. وما سويت شي احاسب عليه او حرام .. انزين ... و ما قطيت حتى على بدلة عرسي اكثر من 350 دينار ومكياجي 200 دينار ... انزين .. والكل طلع من عرسي يقول توب ... وكنا عازمين زوجات شيوخ دين ... وكلهم قعدوا لاخر العرس معناته ان العرس ما فيه شي حرام ..
المهم هذي مقدمه بس عشان تعرفون اني ملتزمه ..
حفلة حماي قالوا البدايه اسلامي وبعد العقد راح يشغلون موسيقى واغاني ... اول ما شغلوا لبست وقعدت بروحي بالحديقه ... وماهمني احد ... عرس حماتي ما حضرت خير شر لأن دي جي ومحد قدر ينقد علي ... انا واضحه والكل يعرف اني راعية واجب لكن في الدين ما فيه مجامله ...
وحده من اهلي قالت اسلامي .. دخلنا والا طيران وازعاج ... عند الباب سلمت على زوجة خالي وطلعت ... وحده ثانيه قالت اسلامي ... بس بدخلتها شغلت اغنيه .. قمت لبست واهلي نصهم لبسوا ... بس طفوا الاغنيه الكل دخل ... انا طلعت من العرس مع انهم حاولوا فيني اقعد لكن انا صاحبة مبدأ ان تنازلت راح ينتقدوني بالمستقبل ( مثل اللي قالت ما تحضر الا اسلامي وتشوفونها ترقص بالغير اسلامي )
ومع ذلك اهلي كلهم يقولون عني اني راعية واجب وفاقديني حيل ( لاني مو بالكويت ) لاني اكثر وحده راعية واجب ...
وحده من اهل زوجي قالت اسلامي ... وفجأه المنشده قامت تغني اغاني مادري شلون وشغلت الموسيقى ... صراحه لبست وقعدت بالحمام لين زوجي وصل وطلعت ..
اللي تقول لا تحضرين خير شر اذا صج متدينه ... مو لهالدرجه .. عرس قالوا اسلامي احضر واوجب ... بس الجذب ما قلتوا عنه شي ؟ ليش ؟
كلتوا البنيه ودخلتوا بنيتها وانتوا مو عارفين شي ؟
واللي تقول ما تشوفين مسلسلات ... اي ما اشوف لان مسلسلاتنا صايره تلوع الجبد من لبس وفكر وتفصخ وموسيقى ... اصلا صايره اكره التلفزيون ... وما اشوف اخبار اشوف الجريده ...
وبدال لا تقولون الله يثبتج وتدعون لها بالخير ...
حبيبتي صاحبة الموضوع .. اسفه اني طولت بالكلام ... ادري الوقف يقهر ... والردود بعضها يرفع الضغط ... بس شتسوين ... انا قمت اطوف وايد ... والناس حتى ما تقدر تنقد علي لأن عارفين مبدأي حيييل وما راح اتنازل عنه ...

الله ينصرج ويثبتج ويزيدج​

 

[MoonDiamond]

ماشالله عليج^^^

ياليتني نفسج انا ماتجرأ اطلع من المكان اللي احد مضيفني فيه علا ابو مسغلين اغاني كنت اعصب وازعل
وكنت الهي نفسي

حصلت انتقادات وضحك


وانا لاني مو حيل ملتزمه يعني مو متغطيه من راسي لي ريولي واحط ميك اب خفيف بس عندي ذنب وانتهيت منه اللي اهو الاغاني فلما الناس تشوفني جذي ينقدون علي

الحين انتي متدينه بو نص يعني !

يمكن عشان جذي شخصيتي ضعيفه بهالاشيا


الله يثبتج امين ويرزقنا من ما رزقج من دين وثبات ةالله يرضا عنا امين *


مادري ليش الناس لي شافوا وحده دينه يبونها يبونها ملاك ماتغلط لو وحده مو دينه عادي يطوفولها

مثل سالفه لما نشوف ملتحي بالشارع دايس سرعه والا طايف اشاره نقول هذا وانت مطوع ويسبونه مرات !! يعني مو بشر ؟؟ مايغلط؟؟

يعني هل لازم يترك كل الاشيا الزينة اللي يسويها علا ابو اهو مو كامل مو قادر يكون مثالي


يعني الحين لو نفرض انها مبذره بس اهي ماتسمع اغاني ماكفرت ولاغلطت تحملت ربي مثلا عاقبها بتبذيرها وماقدرت تحضر << قلت لو فرضا

لكن هل خلاص دام عندها ذنب التبذير ،، تخربها مره وحده ،، تسمع اغاني وتحف والخ الخ الخ

السالفه سالفه مجاهدة نفس

وهذا اهو زمن القابض علا الدين كالقابض عالجمره محتار ،، ومتوهق

عجزت اربي بنفسي

الذنوب الواحد مايخلا منها بس المفروض مايستسلم ولي سوا شي صح يكمل

الله يثبتج ويوفقج​

 

[MoonDiamond]

رد: رد : تكلفت الف دينار على كشختي والعرس ما حضرته

يا الله عليكم بششششششر !!!

تفكيركم لا تعليق :s142:

شدراكم اختها تحش بخلق الله ؟؟؟

موون دايموند تعرفينهم ؟؟​

ترا الظليمة شينة ومن ظلمات يوم القيامه

و سؤآل شفييييهم اللي مقطعين الديانه ؟ اللي ما يحشون بخلق الله

> ترا جد تنرفزوون !

حمدالله اعرف حريم ملتزمات دينااات لا حش ولا هم يحزنون !!!






و اما على سالفة الاغاني بالسوق يا ماما السووق غيييير

السووق ما قالوا بنحطلكم اغاني اسلامية تااااالي حطوا موسيقى و بالسووق شتسوين بعد لا حول ولا قوه

وللضرورة

وعلى فكره البنت قالت مثاااال في دشة العروس


ياماا حنعيش ياما حنشوووف !!

الحين اللي ما تبي تسمع اغاني سار الكل ضدهااا

هَزلت والله !! ااااااخر زمن

واللي تقول بالعرس مفاسيخ ومايشنوو

يا حبيبة آلبي إنتي،،

الدينيين ما يتفسخون ما يركبون شعر ولا رموش

انا مو دينة ما اركب

والكعب حلال خو كلللله حريم بغري منو فيه ؟؟؟؟

ليش تحللين وتحرمين ؟ ابن باز على غفله ؟!

وفيي عرس اسلامي ترا الدفوف حلال ولا بكيفكم حرمتوهم ؟!

موون دايموند اختج الصصصصصح ما عليج والله على راسي ​

ووالله يهدي هالبنآت​

:s141:

لا والله ما اعرفهم

ويسلم راسج :hearting:

والله يهديهم​

 

[MoonDiamond]

الحل انج تقاطعين العروس


اي اي اي اي اي تقاطعينهم لا تطالعوني جذي ؟؟؟

اول شي تعب ومدابج بالسوقه من قبلها بشهر

وبعد العرس بشهررر قيل و قال وحش و غيبه ؟؟

هذا غير الميزاانية اللي بينلعن خييرهاااا

البدله غاااليه الاكسسوواارااات المكيااااج التسرريحه

يبا ترا لاديناا امرنا بهذااا ولا عاداتنا وتقاليدنا

وهذا غير العرس شيصير فيييه .. هذي ابتسمت لي وهذي طوفتني وما سسسلمت

صصصصصصصج لي قالوا المعاريس اثنين و المجانين الفين

وااذاااااااا على صلة رحم او على مواجيب

يبا روحي لهم قبل العرس اهدييهم و هنيييييييهم وبس حلاوو اهوو

هذي وجهة نظرري اللي مو لاقيه احد يتقبلها او يقتنع فيهااا

انقاطعهم (بالعروس فقط لان مهما يكون هذيل اهل واصدقاء ومعارف وندعيلهم بالهدايه)
الحمدلله علاقاتنا متينه مع الكل ونحرص عليهم كل الحرص
لكن الموضوع يتكلم عن الجذب

ومشكوره اختي

 

[MoonDiamond]

انا صارة معاي والعروس واهلها ما يسمعون اغاني
ويوم صار عرس وحده من بناتهم
قالو ان الديجيه اسلامي اميه بالاميه
ويوم وصلت اول شيء اوكي بس بعدين قلب صار عادي
ولم كلمت اختها ردة علي وقالت سو روحك ما تسمعين
قلت لها نعم شلون ما اسمع يعني اصك اذوني قالت
لا اوحي الى نفسك انك ما تسمعين وما راح تسمعين
قلت لها ليش شيفتني عبيطه ولا عبيطه
وخليتهم وطلعت

لا حول ولاقوة الا بالله
هذا اللي قاعده اتكلم فيه
الجذب وهذيل طينوها بالاستعباط بعد!!!

 

[MoonDiamond]

انا بس بفهم شي واحد 8 صفحات من الردود

بس الي جاوبو البنت يمكن بس اشويه

سؤال البنت مو العرس حلال فيه الأغاني او لأ سؤال البنت واضح جدا

ناس قالولج العرس مافيه اغاني واخر شي طلع فيه اغاني هذا شي يخلي الواحد يعصب او لأ؟؟

الاجابه ايه يخلي الواحد يعصب لأنه يحس نفسه مغشوشو بغض النظر الأغاني حلال او حرام

بس اسهس تعنت وراحت حق عرس عساس انه ايهو شي وطلع شي ثاني

اشلون قلب الموضوع عن الأغاني واليدجي الاسلامي واللبس والحش والكعب؟؟

الله يهديكم بس

تصوري 8 صفحات
شالوا وحطوا فيني
وما ذبحهم الا الالف دينار:eh_s(12):
حطوا عليها وخلو الموضوع الاساسي
انا متاكده انهم ما قروا الموضوع ولا قروا الردود

والله يعطيج العافيه :hjy5jewf:
ويهدي الجميع

 

[MoonDiamond]

رد: رد : تكلفت الف دينار على كشختي والعرس ما حضرته

لووووووووووووووووووووووول اشصاير عليج الحين صراحه ماكو فرق بين الاسلامي والعادي بعدين على قولت الخوات شنو يعني يعني حطي اباذونج اي شي على ما اتخلص الاغنيه وبعدين فشله من حمولتج والاهل امخليتهم وما شيه مو معبره احد ابصراحه عند حمولتي عيييييييييييييييب صج ما اخليهم اي ش

لووووووووووووووووووووووول شحقه؟؟؟؟!!!!

الفشله مو من الناس
الفشله من رب العالمين اليوم اللي يحاسبني وانا قادره اطلع وابتعد عن منكر
وحمولتي مو نافعيني ذاك اليوم

ويزاج الله خير والله يهديج

 

[العين الكحيله]

اذا دخلتها فيها موسيقي اطلعوا ع مااتخلص الززفه
مثلا روحوا عند المناظر:eh_s(3):

 

[MoonDiamond]

حبيبتي خل اقولج شغله يمكن فعلا كان اسلامي بس انتي دشيتي على دخلة العرووس وكانت اغنية
لان الحين هذا الي صاير
كل اسلامي
بس دخلة العروس اغنيه
الله يهداج لو صبرتي شوي وشفتي بعينج

سالفة دخله العروس كانت ضرب مثل بس
واااااااااايد صارت العرس كله اسلامي بس دخله العروس مو اسلامي نطلع وننطر لما تخلص ونرد العرس
لكن العرس كله كان طقطقه

 

[om batool]

بصراحة بنات بدعتوا بالبنت !!


ابي افهم من قايل لكم انه حرام تقطين على كشختج الف دينار ..
يكون حرام لما يكون ماعندج .. اما الي معاشها زين ولا تاخذ من ريلها او ابوها واهما عندهم خير .. ماعتقد انه حرام ولا عيب .. العيب انكم تحكمون عليها بهالطريقه

لو معاشها 700 وهذا يأثر بميزانتها اي اهني حرام بس لو معاشها فوق الاف ونص وعندها خير من قايل لكم حرام ابي افهم

والي تقول لو متصدقه بنصهم انتو شدراكم بأخلاق البنية يمكن متصدقه بثلاث اضعافهم وهالمبلغ كان حق كشختها وتحسفت انها كشخت لانها طلعت من العرس من غير لاتفصخ العباة !!

امبيه بصراحة بدعتوا بنات !! .. يعني انا من عايله متدينه ونصرف على لبسنا وستايلنا يمكن اكثر .. والحمدلله هل معناته الناس جذي تتحجى عني
بصراحه مارضى على نفسي ولا على غيري

والي تقول توصيل ورموش .. من قايلج البنت وصلت ترى فيه صالونات ماتحط رموش من الاساس وفيه ناس عندهم مو حرام مثلي انا !! انتي شدراج شنو اهيا وشنو عندها حرام وحلال !!

واشدراج حاطه كريم جسم وشافوا عورتها استغفرالله العظيم .. عمري ماحطيت كريم جسم انا لا بصالون ولا بغيره يعني لازم تكون حاطه ؟؟

ومادري من قايلها لازم نروح الصالون ونبدل فيه ومادري من قال لما نروح الصالون ونطول مانذكر ربنا ونصلي اهناك .. ومانسوي اشياء حرام !!

وطبعا مادري شدراكم انه البنية تحش وحالتها حاله !

وصج كلمن يرى الناس بعين طبعه !!


بدال لاتقولون الحمدلله فيه بنات مايسمعون اغاني ومايهمهم لو قاطين المبلغ الي ذبحتوها فيه وطلعت بره العرس ماقالت انا كاشخه خل اقعد !!

حشيتوا فيها لما قلتوا بس !!


وبس الشكر موصول حق صاحبة الموضوع وسوري لاني رديت بدالها بس بصراحه لاني حطيت مكاني مكان اختج و خليت امي مكان اختج بعد لان امي كلش ماتحب هالحركات

وآسفة عالطوالة

:icon30::icon30::icon30::icon30::icon30:

 

[شمالية غربية]

رد : تكلفت الف دينار على كشختي والعرس ما حضرته

ما له داعي كل هالعصبية
قالولج اسلامي وحطوا اسلامي
بس زفة العروس مو مسئوليتها انت عارفة ان العروس هي اللي تختار دخلتها بنفسها
ومو معقولة يوقفون زفة العروس
ويمكن خوات المعرس مثلج متفاجئين
بس اكيد ما يبون يخربون العرس ويوفقون دخلة العروس مو حلوة يكسرون بخاطرها
وذنب العروس على جنبها
وانما الاعمال بالنيات
وانت كبرتي الموضوع وعطيتيه اكبر من حجمه
وضايقتي اهل العرس واهم بروحهم محتاسين
ما احب هالمواقف بالعروس تبط جبدي وتحرق دمي
واذا انت من النوع الملتزم المفروض تقاطعين العروس والطقاقات كلهم خير شر
واتقومين بالواجب قبل العرس تحضرين عندهم كل يوم قبل اسبوع من العرس تستقبلين معاهم الناس اللي تهنيهم وتهاديهم
وخلاص جزاج الله خير منتي مجبورة تحضرين العرس

 

[MoonDiamond]

رد: رد : تكلفت الف دينار على كشختي والعرس ما حضرته

ما له داعي كل هالعصبية
قالولج اسلامي وحطوا اسلامي
بس زفة العروس مو مسئوليتها انت عارفة ان العروس هي اللي تختار دخلتها بنفسها
ومو معقولة يوقفون زفة العروس
ويمكن خوات المعرس مثلج متفاجئين
بس اكيد ما يبون يخربون العرس ويوفقون دخلة العروس مو حلوة يكسرون بخاطرها
وذنب العروس على جنبها
وانما الاعمال بالنيات
وانت كبرتي الموضوع وعطيتيه اكبر من حجمه
وضايقتي اهل العرس واهم بروحهم محتاسين
ما احب هالمواقف بالعروس تبط جبدي وتحرق دمي
واذا انت من النوع الملتزم المفروض تقاطعين العروس والطقاقات كلهم خير شر
واتقومين بالواجب قبل العرس تحضرين عندهم كل يوم قبل اسبوع من العرس تستقبلين معاهم الناس اللي تهنيهم وتهاديهم
وخلاص جزاج الله خير منتي مجبورة تحضرين العرس

وين العصبيه!!!
اختي انتي قريتي الموضوع عدل؟؟؟!!!!

اقريه مره ثانيه وتعالي

ومو من حق اي احد يقيم التزامي او حتى يلزمني وين اروح ووين ايي
ومن حقي استفسر عن المكان اللي ابروحله وينقالي الصج وما يغشوني

والله يهدي الجميع

 

[ريفيل]

رد : تكلفت الف دينار على كشختي والعرس ما حضرته

لا تعليق بس مرت حماج كانت حلوه ؟؟؟

 

[غلاي غير]

موقف باااااااايخ

والشره عليهم ومعوضه اختج

 

[سحابة امل]

شكثررر تصيررررررر

عادي تعودنا على هالموضوع ..

 

[احلى ـآ وحده]

حركه تنرفزز بس انا عادي ماتفرق معاي

جذي جذي اكو موسيقى ورقص

 

[رحيل المرافيء]

رد : تكلفت الف دينار على كشختي والعرس ما حضرته

انا مع دراما كوين وعيون مغليك
قاطة الف دينار وتدور عرس اسلامي
خووش اسلام على كيفكم الدين
وراكبة مع السايق بروحها بمكياجها بعطرها بكشختها ويشم ريحتها كله واحد

 

[حربيه وبس]

رد : تكلفت الف دينار على كشختي والعرس ما حضرته

احنا ليش نقص على روحنا

العرس اهو عرس
سواء اسلامي ولا عادي
كلهم مثل الشي