مشكلة اصواااات البطن .. المحرجه

[MF!!!]

اولاً .. الحمدالله على نعمة الصحة ..

بنات ابي حل لمشكله اصوات البطن المزعجه والمحرجه .. والله مشكله مأرقتني !!

ابي اعرف ماهي اسباب هالاصوات .. وعلاجها .. وليش فيه ناس كلش مو مهتمين لاصوات بطونهم .. يمشون الامر عادي

هل هي فعلاً محرجه ولا الامر عادي :gr4uu:

 

[شمس 20]

هلا حبيبتي .. اصوات البطن شي طبيعي اذا كليتي واايد وانتي جوعانه لازم تطلع اصوات البطن انج مثلا شبعتي

والبطن يهضم لازم فيه اصوات بس .. تبين نصيحه مني .. روحي مجمع البيرق تحت السرداب في محل بالزاويه

متخصص بس بالشاي وانواعه .. عندهم شاي أعشاب للبطن اسمه شاي اخضر روووعه رووعه وبتدعيلي ماشالله

رفيجتي معاي بالدوام جابتلنا منه وشربناه ماشالله بعدها شنو ارتاحت ابطونا تخيلي مافي هوااء راح

بس شوي غالي جنه التوله ب 10 دنانير بس مو خساره فيه ..

=)

 

[MF!!!]

تسلمين زهور عمري

بس .. امممممم .. انا مو كويتيه بس بدور عليه في قطر

 

[شمس 20]

الله يسلمج حياتي =)

ياهلا والله فيج وباهل قطر احبهم انا عن جد

دوريه اكيد تلقينه .

 

[قطووه حلووه]

رد : مشكلة اصواااات البطن .. المحرجه

ماي المرقدووووش وبسسسسسسسسسسسسس حل جذري هذا واكيد يبيعونه عندكم

 

[سمسمة كويتية]

والله ماعندي فكره
بس صج مشكله تفشل
لووووووول ذكرتيني اول هالاصوات ما تطلع الا وقت الامتحان
فشله

 

[كيكه توفي]

انا اتوقع سببها داشج هوا او اذا كنتي يوعانه وان شاءالله يفيدونج البنات

 

[MF!!!]

زهور .. تسلمين ياعمري والله يديم المحبه بيناا
قطوه حلوه .. استخدم المرقدوش بس مالقيت نتيجه
سمسمه كويتيه .. ليت الاحراج على مستوى الطالبات !! المشكله الحين انا موظفه واحضر اجتماع يكون فيه مدراء ورؤساء اقسام .. صج احراج .. وافشيلتااااااه :eh_s(11):

كيكه توفي .. تسلمين وانا شاكره لج اهتمامج

 

[المـــاســــة]

اصوات البطن تجى اذا كنت جوعانه

او انج ماكله شي يسبب لج الهوى بالمعده فراقبي اكلج فى اكل معين يسبب الشغلات هذى


واشربي شاي اعشاب بعد الاكل والله يعينا احنا يالحريم

 

[ذايب حشاي]

زهور .. تسلمين ياعمري والله يديم المحبه بيناا
قطوه حلوه .. استخدم المرقدوش بس مالقيت نتيجه
سمسمه كويتيه .. ليت الاحراج على مستوى الطالبات !! المشكله الحين انا موظفه واحضر اجتماع يكون فيه مدراء ورؤساء اقسام .. صج احراج .. وافشيلتااااااه :eh_s(11):

كيكه توفي .. تسلمين وانا شاكره لج اهتمامج

آآآآآآآآآآآآآآآآآآآآآآآآآآآه جبتيها على الجرح
معاناتي هذي صار لها سنييييييين
من أيام الجامعة وولما توظفت زادت
الله يعلم شلون تكون حالتي النفسية
لما يكون عندي اجتماع تحوشني حالة اكتئاب طول الاسبوع بسبب خوفي من اصوات بطني اللي راح تطلع خلال الاجتماع اللي مدته ساعة، تخيلي علشان ساعة اكتئب طول الاسبوع !!!!!

وصلت لدرجة فكرت اني اقدم استقالتي
ووصلت لدرجة اني فكرت ارفض أي ترقية تجيني، لان الترقية معناها الاجتماعات مكثفة مع المسؤولين الكبار وانا اخاف من مواجهتهم واستحي والسبب (أصوات البطن)

بصراحة جربت اغلب العلاجات، واكتشفت انه مافيه حل سحري لهذي المشكلة، لأن أساسها التوتر النفسي،

فمثلاً طلع صوت من بطنج في مكان محدد وحسيتي انج بتموتين من الاحراج، خلاص يصير ارتباط في مخج ان في هذا المكان لالالالالالازم تطلع أصوات من بطني، ولذلك تحسين بتوتر اذا صار اجتماع ثاني بنفس هذا المكان

بينما لاحظي ان الاصوات هذي ما تطلع لما تكونين في البيت ومع أهلك، حتى لو كان المكان هدووووووووووووء وحتى لو كلتي أثقل الاكلات،
ما تطلع الا لما تكونين في مكان عمل والجو هادئ، اذا فكرتي فيها تلقين ان السبب نفسي بالدرجة الاولى ولازم تعالجين الموضوع من هذي الناحية


اكتشفت ان العلاج الوحيد هو (الثقة بالنفس) حاولي تكون ثقتك في نفسك كبيرة، ولو طلعت الاصوات لا تديرين لها بال أبداً،

ما تتخيلين انا شكر حاسة فيج،

أنا الاصوات اللي تطلع من بطني أصوات غازات في البطن مش أصوات الجوع والمعدة، تخيلي المأساة والاحراج آآآآآآآآآآآآآآه،

أدعي الله وايد انه يشافيني من هذي الحالة، والحمد لله أحس اني احسن الحين، صرت ما اهتم، واعطي لنفسي ثقة كبيرة، لان مرة حضرت اجتماع مدته نص ساعة تقريباً وماطلعت اصوات وايد، فخليت هذا الشي حافز لي واقول حق نفسي: شفتي شلون لان انتي واثقة من نفسك ما طلعت الاصوات

ومرة سمعت في برنامج تلفزيوني مشكلة وحدة انها تتوتر لما يناديها مديرها، قال لها المعالج لا تنتظرين هو يناديج، انتي روحي للمدير بين فترة وفترة وعودي نفسك على أجواء مكتبه، علشان لما يناديك تكون نفسيتك مهيئة لانك متعودة على المكان.


كرري على نفسك عبارة (so what) يعني حتى لو طلعت الاصوات، شبيصير في الدنيا؟؟؟؟؟؟؟؟؟؟

فوزية الدريع مرة تكلمت عن موضوع ما اذكر شنو بالضبط بس استفدت من كلامها شغلة انك لما تكونين خايفة من الشي لازم تقطين نفسك فيه، يعني لما تكونين خايفة مثلاً من الاماكن المرتفعة، عالجي نفسك بأنك تتعمدين انك تروحين هالاماكن، ولو خايفة من الطيارة مثلاً سافري وحطي نفسك في الموقف، وبتشوفين ان ما صار شي فيك، وبتقتنعين من داخلك ان الخوف هذا وهم مو أكثر


اكرر في بالي وايد هذي الفكرة: الاجتماع فترة قصيرة وبينتهي، ليش ادخل في اكتئاب علشان هالسبب التافه جداً

ولما احضر الاجتماع احاول قدر استطاعتي اني اركز في الكلام اللي ينقال، واتناسى بطني، واتناسى الخوف والتوتر لان ان توترتي طلعت الاصوات،

بمعنى أصح خلج ريلاكس


أتمنى ان كلامي يفيدك
حسيت فيج وايد، وشغلي مثل شغلك، واعتقد ان الكثير يعانون نفس المعاناة، ولو بحثتني عن نفس الموضوع في منتديات ثانية بترتاحين وبتعرفين انك مو الوحيدة، وهذي الشي يساعد انك تكررين عبارة (so what) ههههههههههههه

 

[مطنـوخهـ]

رد : مشكلة اصواااات البطن .. المحرجه

والله انا ما تجيني هالاصوات الا لما اكون عند ناس والا احد يجينا
ومرات احس الصوت طالع من ظهري وااااااااي فشله حده

 

[KUYH]

اولاً .. الحمدالله على نعمة الصحة ..

بنات ابي حل لمشكله اصوات البطن المزعجه والمحرجه .. والله مشكله مأرقتني !!

ابي اعرف ماهي اسباب هالاصوات .. وعلاجها .. وليش فيه ناس كلش مو مهتمين لاصوات بطونهم .. يمشون الامر عادي

هل هي فعلاً محرجه ولا الامر عادي :gr4uu:

منقول

انا جربت كل شي والحل هو
وصفه لي دكتور واختفت اصوات البطن المحرجة
cymbalta + zyprexa
بعد اسبوعين من استخدامي لهم ما عاد في صوت
سابقا الاصوات عزلتني جدا لكن بالعلاج الحمد لله مستمر بدون اصوات هذي تجربتي فقط
بالنسبة لحالتك الله اعلم ممكن تكون مثل حالتي وهي اصوات بالبطن في كل وقت
والله يشفيك يارب دعواتك ليه وشكرا

 

[يبقى الوله]

ماتشوفين شر حبيبتي

يمكن داشج هـوآ
او مثل ماقالو البنات سببها جوع

​

 

[عاشقة هواك]

الله يشافي الجميع

 

[NODA 2]

شوفي مثل ما قالوا البنات اليوع وانا اقولج بعد القولون العصبي اذا تنرفزتي او تفكرين و ساعات قبل النوم تسمعين اصوات غريبه هذا قولون عادي تاخذين علاج اهي حبه وحده وبعدها بيباي سالني من الثانويه وانا اعاني لما عرفت شنو مشكلتي

 

[أم متعب]

أطحني قرنفل ( مسمار )

والهمي على ماي فاتر

صج تقولين للأصوات بااااااااااااااااااي