'~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

[Miss-Madry]

شلونكم شخبارركم .. تقبل الله طآعتكم حبايبي وعيدكم مبآرك ..

اخترت هلقسم لانه تقرير مصور ماحبيت احطه بقسم الحج هلقسم اقبال اكثر:friends:

هالسنه الله سبحآنه وتعالى رزقني بتآدية فريضة الحج .. والحمدلله ..


وحبيت تكون رحلتي مميزه وصورت اغلب اللحظآت ..عشآن ماانسآهآ ..لآن يمكن تتكرر ويمكن لآ ..


توفقنآ بالاختيآر لمآ اخترنآ [حملة حمد الدوسري ]

حملة لآ يعلى عليهآ

تنظيم ..ترتيب

الادارين روعه ..وحبوبين >النسآء والرجآل <

يخآفوون على حجآجهم ويدورون رآحتهم ..

المكآن الي سكنآ فيهم ..كبير ونظيف والعآملآت ماقصروو ..بنفذون لنآ كل شي نبيه ..وطلبآتنآ مجآبه ..

وصج صج .. يستآهلون كل تقدير على جهودهم المبذوله ويآنآ ونعم الحمله ..



---

اسعار الرحله ..

احنا كنا 4 اشخآص >3 حريم ومحرمنآ < ..، ماشاء الله ،..

كآن سعر الشخص 1250 ..فآ احنا حجزنا مبجر .. وكان على ماعتقد 1200 ..

[الحمله حددوا يوم 7\11 لقآء تنويري ..وتكلمو معانا بكل شي وعطونا سيدي الحج لحظه بلحظه مع الشيخ بن عثيمين
رحمه الله .. وماقصروو القهوه والعصير والجاي والماي 24 ساعه يفروون وهم البوفيه ,,جزاهم الله كل خير ]



كانو لآزقين فوقه كاكاوه

خذينا غرفه رباعيه ..انا وامي واختي وخآلتي ويآنا والمحارم بسكن الرجآل .. وهم غرفة رباعيه ومعاهم شخصين ..

كانت رحلتنا على الطيرآن الكويتي يوم الخميس الفجر ..اجلوها عشان يبونا نرتاح وصارت الجمعه مع الطيرآن السعودي ..

والظهر كآن موعدهآ ..






الصور مجهودي الخآص وتعبي ..وما احلل اي وحده تنقله بدون ذكر المصدر واسم المنتدى واسمي وياريت تستاذن مني اول ..


نبدي بسم الله التقرير بالصور ..


الرحله على ماعتقد مفروض الساعه وحده اذا ماني غلطآنه وصار عليها تآخير ..طرنا الساعه 3 ونص ..




طيآرتنآ صآفطه ..


اول ما طارت الطياره واستقرينآ ..عطونا وجبه >دجاج وخضار مع عيش < الحمدلله ..




يتبع


​

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'



وصلنآ مطآر الحجآج .. واول ما وصلنا قعدنا فوق عبينا نفس الورقه فيها بياناتنا ونحط ستكرز على الجوآز وعلى الكرت ..

مادري شلقصد من الحركه .. ونطرنا مده اقل من ساعه ونزلنا تحت عساس يختمون على الجواز ونطلع من المطآر ..

وكآن الدور طويــــــل ويالله وصل دورنا والي يشتغلووون برود مو طبيعي على راحته يختم ويطالع ..ماجنه مليوون نفر ناطرين ..

وعقب قعدنا بره نفس الكراسي بكل مكان .. وحملتنا ماخذين مكآن خاص فيهم
اغراضنآ



وحاطين حلوو وعصيــر وبيبسي ومآآي بآآرد .. ونطرنآ مادري جم ساعه ..لآن مطار سعوديه مايدخلون الا باص باص ..

وسنه على مايسون ..الاجراءآت الخآصه بكل بآص.. لان من قوآنينهم اذا ماني غلطآنه البآص يركب 49 شخص فقط ..

وتوكلنآ على الله مني لين السكن .. وكآن سكنا بلعزيزيه .. [عمارتين كبار يم بعض وفي دور مشترك >حريم ورجاجيل <

وصلنآ العمآره .. وحاطين لنا عند الانصنصير عبارة ترحيب


وهذا جدول الانشطه ..



يتبع لو سمحتوو

:eh_s(22):

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

ووصلنا غرفتنا وكانو جناطنا واصلين قبلنا >لان ودوهم عن طريج البر <


وحطو لنا فوق كل فراش [فوطه وجيس في مستلزمات النظافه من فرشه ومعجون الــخ]



هذا الكبت .. وفوقه سليب بآجآت



هذول خطوط لكل شخص




للاسف نسيت اصور الحمام خخخ

اول ما ادشوون الغرفه على يمينكم في طاول وعليه خفايف فواكه ويسكوت وجاي وغلايه وثلآجه واكواب
والثلآجه متروسه بكل اناواع المشروبات من الماي لي العصير والبيبسي واللبن ..ماقصروو




مؤونتي ..


خلصنا من الغرفه الحين وين نروح ..

يتبع ..

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

بوريكم صالة البوفيه

وفيها طاولآت وكراسي وثلآجات عصير وماي الــخ واهم شي بثلالآجه البرد [برد كي دي دي بانواعه ] >رايحه راده عليه خخ <




وهني ويم صالة البوفيه نفس القعده وفي طاولات واجهزة مسآج ..وااي حده كان عجيب ..



وبرى في شاورمآ وذره وبوب كورن خاص بحملتنآ



وبوريكم باقي اماكن السكن بس لان في جزء خاص بلعيد ويطلعون هلاماكن ماحبيت اكرر ..

يتبع:eh_s(13):

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

نبدي بلمنآسك ..

اول ماوصلنا السكن اول يوم بدلنا ووتجهزنا ورحنا اعتمرنآ ..

ردينا دايخين وميتين جوع ..وكان حزتها 5 الفجر وعلى ماخذينا شاور وجذي الا الريوق زاهب تحت ..تريقنآ
ونمنا ..

وثاني يوم ماعندا شي ..فاضين وكانوو مسوين لنا دروس دينيه واحد عن شكر الله والثاني عن العين والحسد حسآآفه مامداني لان كنا بنتزهب حق عرفه .. لان بنمشي على 11 مادري 12 المهم بليل متاخر عشان ننام فيهآ لين ثآني يوم ..
ورحنا تزهبنا . شوفوو عفستنا .. واحنا نتزهب ..خخخ >تذبحني امي لووول لوعت جبدهم بتصوير <




وصلنا عرفه وكان مخيمنا عباره عن خيم البصمآن الكبيره مقسومه نصين >حريم\رجآل <
وعباره عن ..

سراير طابقين على مدار الصاله ..والباقي القنفه الي تفتح ..فرآش ..



انا خذيت الي فوق خخ وطلعت علي النومه فووق اخر التقرير تعرفون ليش ..:eh_s(16):


وكان يمي شجره علقت عليها عباتي لووول ..vip

http://www.m5zn.com/uploads/2010/11/24/
photo/112410191158ajsl6jtnkc07lvbwd.jpg

طبعا مانمنا الا جم ساعه لان لما وصلنا صارت الحرب على الفرش والمخاد ..؟ خخخ ويالله ركدوو وطفوو الليتات ونمنا

يتبع

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

المنتدى علق معآي

صورة الشجره ..

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

:wqedqw:

تابع ..



قعدونا على صلآة الفجر على حظنا طفت الكهرباء ..بس ردت لول
وردينا حدنا جوعانين ..انا معاي بلعتي خخ امشي واوزع كاكاو وبطاط >كسبت بالاوادم اجر < سموني .... ام المؤونه ...



ومانمت قريت قراان وخلصت دخت جان اشغل سورة البقره ونمت على صوتهآ ..
وصلينا جماعه ..
شوفووو

وقعدنا سمعنا الدرووس وتالي تغدينا بعد الغدى كل وحده بروح ..بدينا ندعي وليما قالو لنا يالله تزهبووا بنطلع..
وقبل لانطلع السعوديه انفجر بايب الماي وبعض الحملآت دش عليهم ماي اما احنا مادش علينا

وهذي لقطه ..شوفوو

مشينا مشي زحمه وحر وخيسه شلون مسكت نفسي مادري ..وتكرموون زبآله..


وكانوو في شاحنات من حملات كويتيه يوزعوون عصير بلكراتين تخيلوو على الفقار للاسف صورته فيديوو

ووقفنا لين الزوال ومشينا تالي للباصات عشان نروح مزدلفه ..

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

ولما وصلنا مزدلفه
وزعوو علينا وجبه وفرشنا سليب بآج وانسدحنا ماقدرنا انام من الازعاج والليت كان بعيونآ

لقطه>ترى انا مغطيه نص الصوره لان الحريم منسدحين <


عقب ردينا السكن بعد معاناة يومين ماسبحنا ولا غيرنا ملآبسنا

ولقيناهم حاطين على فرشنا هديه.. عطر.. عجبني الجيس

وعقب عرف على ماعتقد من ثاني يوم بعد ماريحنا رحنآ طواف الافآضه ..

وهذي صور ..

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'


ولما رجعنا لقينا العماره كلها زينه وبالونات وليتات وناسه حق العيد

العآملآت مسوين ىسمر للاسف طافني لآن كنت دايخه دايخه +تعبآنه اخليكم مع الصور





والعصر من اول يوم العيد رحنا لرمي الجمرأت ..
وزعو كاكو بلباص ومسابقات ..


ووزعوو فوطه معطره نفعتنا صج ..اخر شي



الطريج كان زحمة ووقفوا البآصآت ..


ومشينا مشي مشي مشي ..والطريج كان كله صعدآت ..تعبنا ..



شفتو الوصاخه..؟
وانآ امشي تعبت عليهم وقمت ابجي بجي خخخ الي وياي اخترعوو ..

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'


وعدى اليوم على خير ..وطبعا 2 يوم مارحت وكلت لان تعبانه حيل
وبنفس اليوم الصب كان سمر الاداريات والكل ستانس انا كنت نآيمه ..خخ تعبانه مالي خلق احد
وعقب كشخت ببدلة العيد ونزلت ..
و3 يوم كان مطر مطر مطر غرقه محد راح الا المحارم ..
وبعدها رحنا نمنا بمنى وهذي صوره لخيام منى


ومن داخل ..



اول يوم متنا حر ماري شسالفة التكيف.. ولما قالو بنرد السكن مشينا مشي واااااااااااااي مسافه طويله
الله يهداهم الشرطه السعوديه مادري شفيهم ماخلوو الباصات تقرب لنا حرآآم معانا كبار بالسن ..

وثآني يوم الحمدلله تعدل التكيف وصار بررد .. وثاني يوم مشينا مسافه اقل ,,

والحمدلله خلصنآ مناسكنا وردينا السكن زهبنا جناطنا وسبقوونا الكويت ..
الي صار لي هناك عقب عرفه تخيلوو قرصني قارص مو طبيعي اديني كلها وخذيت ابره وهذوول ادويتي



الحمدلله على كل حال ..
تجهزنا للسفره ويوم الجمعه من الظهر خلصنا عقب الغدى ودعنا الاداريات ومشينا المطآر ..



وبلباص وزعو علينا هديه الرجعه للكويت ..

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'


اخر جزء ..:hjy5jewf:



ووصلنا المطار وبدت مآسآة المطار الي الكل درى عنها ووصل الخبر الاعلآم الكويتي وشافوو الصوور
وانا اقول ياجماعه كل شي صار صج وبدون مبالغه شفنا اكثر من هشي جنه بلغزو ..
تخيلوو لوعو جبودنا ياريحين بوابه 1 او 2 لعبوو بحسبتنا وسنه على مادخلوونا وختمو على الجواز
وصعدنا داخل على بالنا بنلقى كراسي ولا كافتيريا مثل الناس
ماكو كراسي تخيلوو الكل قعد على الارض جنه بلغزوو
ومن 4 العصر واحنا قاعدين على الارض فرشنا السجاده مالت الصلآه وقعدنا ..ماساة ..لي الساعه 12 بليل قاعدين
وطيارتنا مفروض 7 بليل اطير .. متخيلين .. وبل 12 كسرنا خاطرهم ودخلونا على الاقل قعدنا على كراسي ..
وقعدنا من 12 لي 5 الفجر يآالله ودونا للطياره
على حظنا الطيارين وطاقم الطياره مسوين اضراب ياعلهم الضربه ..>من قلب<
متنا من البرد .. وفينا النوم وجواعه وكلشي حرام معانا شياااب وعجايز تعبوو والاغلبه خذوو برد وكل ناس تكح بصوب ..!
14 ساعه نطرنا وتحملنا شي عمرنآ بحيآتنا ماشفنآه ..
ووبلطياره انا خبري اذا الطياره الصبح يحطون لكم ريووق لآ الحبايب موزعين عيش ودجاج ..!!

الصوره فوق باول الموضوع خربطت :eh_s(3):

والكل لما دشوو الطياره نامو ماتسمعون الا شخير

وتعبنا حيل من الطياره الضعظ مو طبيعي انسدوو اذوني 2 والم فضيع .. والي فيهم ضغط مسآكين الله يرحم حالهم ..
ووصلنا بسلآمه الكويت الله ياحلو ديرتنا وياحلو مطارنا على الاقل لو نتاخر مليون ساعه فيه كلمه حلوه واعتذار ويقولون بلمايك
اهناك خير شر ما سمعنا كلمه السمووحه يآجمآعه على الي صآر ...
الله يهديهم ..
وحج مبرور وذنب مغفور لكل الحجأج ان شاء الله ..
اتمنى يعجبكم التقرير وسوري على الطوآله .. بس هذا الي قدرت اكتبه وترى مختصر صور شكثر خخخ
واشكر حملتنا والاداريين واقولهم مشكورين على تعبكم وعلى رآس الاداريات رئيستهم ام ناصر الردهآن ..يعطيج الف عافيه وبميزآن حسنآتج ان شاء الله

واستمتعت حيل اهناك جو ايماني وكلنا على قلب واحد وماكوو شي يلهينآ عن ربنآ.. :eh_s(22):
وشكرا لمتابعتكم وناطره الدرود الي تبرد الجبد ..


بليز بليز ادعولي اتشافى بسرعه ومايبقى اثر بمكآن الحرق :eh_s(16):


..:yaaaaaarb:

 

[نهى الأحمد]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

يسعدني أكون اول وحده ترد عليج ياقلبي



الحمدالله على سلامتكم وتقبل الله طاعتكم


وحج مبرور يا الغاليه



تقرير مميز واكثر من رائع

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

مشكووره نهاوي

منا ومنج وحيآج الله نورتي التقرير ..

 

[امارات]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

مشكوره حياتي
حج مبرور وسعيا مشكور
ومأجورين ان شاء الله على كل لي صار

 

[كراميلا مرة]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

الله يتقبل منج ومن جميع الحجاج
والحمدلله على سلامتك

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'



الله يسلمكم حبايبي ومنورين ..

 

[فجر@@]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

ونااااااااااااااااااسه ربي يتقبل منكم ويكتبلنا حجه السنه اليايه ان شاء الله

 

[Miss-Madry]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

اميييييييييين ان شاء الله..

 

[صدى القلب]

رد: '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

الحمدالله على السلامه حبيبتي

وحج مبرور وسعي مشكور وذنب مغفور

تقرررير رووووعه ماشاء الله

الله يكتبلنا حجه السنه الجايه ياااارب

 

[حبوبه]

رد : '~*-,._.,-*~> لـلحَرمْ عَزْمتٌ ع الروحه [حجتي مع حملةْ الدوسري ] <~*-,._.,-*~'

تقبل الله طاعتكم ..
خوش تقرير جزاج الله كل خير ..
ادعيلي احج السنه اليايه .. ياااارب ..