~{ سوأإأإأإلف ومناااقشة خــلــيــجــي 20 }~ عــدنــا *_*

[ترانيم القصيم]

رد : رد: ~{ سوأإأإأإلف ومناااقشة خــلــيــجــي 20 }~ عــدنــا *_*

عاااااااااااااااد حلوها حريم وحكووو فالكوره وش يسكتهم
وربي ماهو لايق ابد
احنا لنا التشجيع وبس لكن تحليل مباراة مالنا دخل فيه ولانعرفله
لاتجي كل وحده تتفلسف عالثانيه بكم كلمة سمعتها من اخوها والا زوجهاا
عزيزاتي ترا بجد الموضوع صار يضحك ردوو ووسعو صدوركم واللي يفوز باركوله
وتبون تتهاوشون تهاوشو بين بعضكم بس لادخلون الدول فالسالفه
قسم بالله
كرهتونا فشي اسمه كووره خلاااااااااااااااااااااااااااص فكونا وان شالله محد يفووووووووووز ونرتاااح ههههههههلالا امزح
بس بجد كل موضوع افتحه لازم نغزات سامن سعوديه والا من كويتيه
يا اخوات حنا بنات حلوات رقيقات نتكلم فالمكياج فالازياء نبدع فانوثتنا بس مالنا دخل فلعب العيالل >>>>كني غيرت السالفه
ثانكس صاحبة الموضوع لاني ماتحملت اقرا باقي الردود اخاف يرتفع ظغطي

هههههههههههههههههههههههههههههههههههههههههههههه

يا حبي لتس

والله أنـا وحدة أتكلم عن نفسي ما أفهم بالكورهـ و لا أعرف أحلل و أملل << هههههههه وشوو ذااا

يعني لو شفتِ شي منا و لا منـا مشي لي يا وخيتي تراي أنثى مشلتس و شرواتس :eh_s(22):

بس النتيجة مفرحة .. الحمد لله ..​

 

[PO PO22]

:q8::q8::q8::q8:

 

[ربي رحمآآآك]

رد : ~{ سوأإأإأإلف ومناااقشة خــلــيــجــي 20 }~ عــدنــا *_*

اول شي مبروك للكويت والسعوديه


ثاني شي المنتخب السعودي والكويت لكل منهم قوته ومكانته ومحد يقدر يقلل من شأن اي فريق منهم


الكويت برزة وظهرت في كاس الخليج والسعودية برزة وظهرت في كاس اسيا والعالم


بنات نحن السعوديات لا تلومونا يوم نقول احتياط يلعب معاكم

الله يسلمك شوفوا مبارة السعوديه في كاس الخليج السابق او كاس اسيا السابق

شوفوا منو الاعبين الي يلعبون فيها واتحداء لو لقيتم 3 من هذولي الاعبيين

مع المنتخب السعودي يلعبون في فريق اليوم الي قابل الكويت

يعني مثل ما قالت اختي ترنيم عن الاعبين الاساسين الي فقدناهم 15 لاعب

وهم:

وليد عبدالله , ومبروك زايد , وحمد المنتشري , و أسامه هوساوي , و مناف ابوشقير

و الأخوان عبده , واحمد عطيف , وناصر الشمراني , وسعود كريري , ونايف هزازي

وياسر القحطاني , وسعد الحارثي , وعبد الله شهيل , وحسن معاذ , عبدالله المعيوف

اتمنى تفهمون ليش نحن نقول بديل

والله ما نقولها من فراغ الا لمن شفنا تشكيلة المنتخب

انتم شوفوا يوم غاب بدر كيف تاثر المنتخب الكويتي فما بالكم لو غاب 15 لاعب مهمين كلهم؟؟!


بنات كويتيات يحق لكم تفتخرون في منتخبكم والتقدم الي وصل له

ويحق لنا نحن السعوديات نفتخر اننا نلعب بالبديل وتعادلنا معاكم وفزنا على اليمن



وهارد لك لكل من يخرج من المجموعه

وموفقين لكل من يفوز ويتاهل للمرحلة الثانيه​

 

[ربي رحمآآآك]

رد : ~{ سوأإأإأإلف ومناااقشة خــلــيــجــي 20 }~ عــدنــا *_*

اتمنى المباره الجايه


السعوديه تفوز على قطر

والكويت تفوز على اليمن

 

[مواصله]

رد : ~{ سوأإأإأإلف ومناااقشة خــلــيــجــي 20 }~ عــدنــا *_*

ماشاء الله عليك يالأخضر والله انك منت بسهل وبرضو المنتخب الكويتي لعب من قلب

والله يوفقكم في باقي المباريات وان شاء الله الكاس سعودي :ggdw:



ملاحظه

شوفو بنات انا متابعه هالموضوع والموضوع اللي نحذف اوكي حلو الوحده تشجع بمنتخب بلادها وتمدح فيه وان شاء الله توصله

للسماء بس لاتقعد تقلل وتتمسخر بتعليقاتها البايخه والساذجه على المنتخبات الثانيه

اجل شنو ( بنكسر روسكم ) ياربي لك الحمد والشكر ! وهالكلام عام للكل شجعو بدون تطاول على الثانيين

ترى هذا قلة ذوق وقلة تربيه وهالشيئ راجع لك لحالك احترمي غيرك مثل مانتي تتمنين غيرك يحترمك


سي يو:eh_s(8):

 

[مواصله]

رد : ~{ سوأإأإأإلف ومناااقشة خــلــيــجــي 20 }~ عــدنــا *_*

تعليقي على المباره انها مباراه عادله وبصراحه كنت متوقعه انه النتيجه بتكون تعادل

لان المنتخبين ماشاء الله لعيبه ومحترفين وكل واحد يقول الزود عندي

واتمنى النهائي يكون بين الكويت والسعوديه

 

[Hello_kitty]

اول شي مبروك للكويت هالمتخب وهالأداء وهالمستوى الرووعه اللي لي الحين وانه اتابع التحليلات بكل القنوات اشاده ومدح واعجاب كبير

وهذا شي مو غريب على منتخب الكويت احنا اهل الكره والصيت والبطولات

وبعدين في شغله احنا مو فرحانين بالتعادل بالعكس يعتبر خساره لنا لأن المنتخب الكويتي قدم مستوى بطولي اقل شي يطلع فايز 2 /0

احنا فرحانين بالأداء وان باخر دقيقه مصيريه وحاسمه حارسنا البطل يصد ضربه جزاء ظالمه صدها بيده موعارضه ولا راحت برا

واكيد هالشي بيفرحنا وبيصير مثل طعم الفوز ويخلينا ننسى ان متعادلين

ثاني شي في معلق سعودي محترم حيل بقناة ابوظبي نسيت اسمه يطلع مع عبدالله وبران اهو بنفسه قال هذا المتتخب السعودي لا رديف ولا شي
ماكو تغييرات الا بسيطه وهذي تصير باي منتخب وترى حتى احنا لاعبينا اغلبهم صغار بالأعمار وتوهم يلعبون واحنا ناقصين بعد وايد

وبعدين باستثناء بعض الردود في ردود مادري اشلون صايره من السعوديات يعني بمنتدانا منقصين علينا فرحتنا وتطاول و ومناجر.. شوي احترام

ما عندكم منتديات تقولون رايكم فيها مثلا؟؟يعني لازم تتناجرون وما تبينون وطنيتكم الا عندنا خير عسى ماشر؟؟

يا ما قلت وكتبت ما شفنا عضوه امارتيه ولا بحرينيه ولا عمانيه او قطريه تطاولت في يوم ولا تكلمت علينا بمنتدانا ما شالله عليهم ذوق

واخلاق وقمه في الإحترام..

يعني تدخلون وتكتبون وتدعون حق منتخبكم قلنا ما عليه والبنات بروح ديموقراطيه وحب يشجعون معاكم مع ان لو وحده كويتيه تجرب اليوم تكتب شي بمنتدياتكم جان حذفتوها للأبد

بس تطاولون حدكم عاد الكويت طول عمرها فووووق وسابقه الكل ومحد يوصلها فيكم وطنيه زايده ذابحتكم عندكم منتدياتكم غنوا ورقصوا بعد

 

[Hello_kitty]

لا ووشوفوا قناة الكاس الحين محلل اماراتي قاعد يقول هذا المتخب السعودي لا رديف ولا شي بس مطعم لاعبين شباب

والمنتخب الكويتي اصغر منهم اعمار لا وبعد ولا واحد فيهم محترف!!

وبعدين شنو اليديد يا ما فزنا عليكم وتعادلنا وانتوا بعزكم مو شي يديد اللي مستغربين وهذا منتخب رديف شباب مو منتخبنا اخاف البرازيل بس

 

[g76aniya]

الصرااااحة من اكثر المنتخبات وطنيه ..
منتخب الكوييت ..

واللعب حدددددده عجييب
ماقصروا بصرااحة
عسى الله يوفقهم ..

 

[شعطآنيه]

اول شي مبروك للكويت والسعوديه


ثاني شي المنتخب السعودي والكويت لكل منهم قوته ومكانته ومحد يقدر يقلل من شأن اي فريق منهم


الكويت برزة وظهرت في كاس الخليج والسعودية برزة وظهرت في كاس اسيا والعالم


بنات نحن السعوديات لا تلومونا يوم نقول احتياط يلعب معاكم

الله يسلمك شوفوا مبارة السعوديه في كاس الخليج السابق او كاس اسيا السابق

شوفوا منو الاعبين الي يلعبون فيها واتحداء لو لقيتم 3 من هذولي الاعبيين

مع المنتخب السعودي يلعبون في فريق اليوم الي قابل الكويت

يعني مثل ما قالت اختي ترنيم عن الاعبين الاساسين الي فقدناهم 15 لاعب

وهم:

وليد عبدالله , ومبروك زايد , وحمد المنتشري , و أسامه هوساوي , و مناف ابوشقير

و الأخوان عبده , واحمد عطيف , وناصر الشمراني , وسعود كريري , ونايف هزازي

وياسر القحطاني , وسعد الحارثي , وعبد الله شهيل , وحسن معاذ , عبدالله المعيوف

اتمنى تفهمون ليش نحن نقول بديل

والله ما نقولها من فراغ الا لمن شفنا تشكيلة المنتخب

انتم شوفوا يوم غاب بدر كيف تاثر المنتخب الكويتي فما بالكم لو غاب 15 لاعب مهمين كلهم؟؟!


بنات كويتيات يحق لكم تفتخرون في منتخبكم والتقدم الي وصل له

ويحق لنا نحن السعوديات نفتخر اننا نلعب بالبديل وتعادلنا معاكم وفزنا على اليمن



وهارد لك لكل من يخرج من المجموعه

وموفقين لكل من يفوز ويتاهل للمرحلة الثانيه

ولا لاعب قال إن غياب بدر المطوع بيأثر على المنتخب
ولاتنسين إن الدوري السعودي قوي وأقوى بكثير من الدوري الكويتي
ولاعبينهم الأساسيين نفس مستوى الصف الثاني ! ما أشوف إنه في فرق
ولا تنسين بعد إن السعوديه يلعبون ب 11 لاعب محترف
أما الكويت لاعبينهم هواة وولا واحد محترف !

والحكم الله يسامحه كان ضـــد الكويت وهالشي واضح .. ظلمهم وما حسب لهم ضربات جزاء كثيره

هذا مو عذر .. وبرايي إن الكويت كانت أفضل بالمباراة .. وبالتوفيق للجميع

 

[tmtmt]

رد: رد : رد: ~{ سوأإأإأإلف ومناااقشة خــلــيــجــي 20 }~ عــدنــا *_*

امبيييييه لا مو من صجججه صالح الحمادي السعودي بالكاس
كلللللللل الموجودين اتفقوا ان بلنتي حق الكويت وطرد لسعودي
الاا اهواااا يقول غلط على الكويييت !!!!!!!!

ماكو حقاااانيه كلللللللش
الواحد ما يشهد زور !!!

 

[مواصله]

رد : ~{ سوأإأإأإلف ومناااقشة خــلــيــجــي 20 }~ عــدنــا *_*

الشوط الاول كان الاستحواذ للكويت لكن بالشوط الثاني صار الاستحواذ للسعوديه والنتيجه كانت متوقعه من الكل

 

[Hello_kitty]

تمتم مو بس بلنتي واحد بلنتين الكل يتفق ان بلنتي وطرد واهو يالف قصص حتى كلمه حق مصداقيه ما فيه

احنا يوم ما انحسب هدف قطر علينا وكان صحيح من اكبر واحد بالوفدالكويتي لي اصغر اعلامي الكل يقول هدف صحيح

لأن كلمه الحق لازم تنقال والأمانه والمصداقيه اهم من كل شي

الناااااس معـــــــادن

 

[الشامخهـ]

شكوو من الحره عشان مالعبووو الابطال على قولتكم تسمونهم احتياطي هذا بأي حق خخخخخ صراحه شي غريب اسمه اساسي وكلمة الحق تنقال سواء لعبو بلاعبين كبار ولا صغار ومو معروفين

وترانيم سألتي سؤال ومحد رد صح قلتي بيتواجهون الكويت والسعوديه بكاس اسيا اهوو الصراحه فرصه سعيده لو تلاقينا بس بالدور الأول مالنا نصيب بس اذا الله كتب ووفق المنتخب الأزرق وتأهلت السعوديه بمجموعتها راح يكون في احتمال ان نتقابل بس اذا اختلفت المراكز بترتيب المجموعه يعني طلعنا مثلا المركز الاول بمجموعتنا وطلعتو منتخب السعوديه المركز الثاني بمجموعته راح نتقابل

والمجموعه الأولى .. الكويت وقطر واوزبكستان والصين
والمجموعه الثانيه .. السعوديه واليابان والأردن وسوريا
والمجموعه الثالثه .. كوريا الجنوبيه والبحرين والهند وواستراليا
والمجموعه الرابعه .. العراق وكوريا الشماليه والامارات وايران

 

[مـ ع ـزوفة حز*ن]

رد: رد : ~{ سوأإأإأإلف ومناااقشة خــلــيــجــي 20 }~ عــدنــا *_*

مـ ع ـزوفة حز*ن

وينج فقدنآأإج

شفتي المباراه روعه بدددددددع الازرق

ماتفقدييين غااالي ,,


موجوده *_*



إي وربي أحلا مباارااة شفتها صج ديربي الخليج

:sfg:

 

[jod.q8]

رد : ~{ سوأإأإأإلف ومناااقشة خــلــيــجــي 20 }~ عــدنــا *_*

رايي بالمباراه ، الشوط الاول كويتي و الشوط الثاني كويتي بس بالدقايق الاخيره سعودي ،

الحكم ظلمنا و ظلم منتخب الكويت بشغلات ما يحسبها لنا بلنتي و جذي .. ،

و منتخب السعوديه لو يسوي شي سيده يصفر يا كرت يا ما ادري شنو لـ لاعبينا .. ،

و الله يعطيه العافيه نواف الخالدي " الجسور " على الي قدمه و الله يعطيهم العافيه كلهم

عاللعب الحلوو مع انه انظلمنا من الحكم و مفروض بلنتي و طرد للاعب سعودي

و هالشي واضح بس الحمدلله على كل حال ،

بس السعوديين اشفيهم ؟ ، شكو زوجة نواف و بمنتديات ثانيه تتكلمون عن فهد العنزي !

نواف الخالدي : حارس لمنتخب الكويت و يلعب عشان للمنتخب الكويتي و لجمهور و الشعب الكويتي و بس

و فهد العنزي : حطيتوه معاه جنسيتين كويتيه و سعوديه و يلعب ضدكم ؟ و بالاساس فهد العنزي بدون !

و على سالفة الاحتياطي و جذي ، حتى لو لعبنا على قولتكم مع منتخب احتياطي او رديف او الاولمبي

كله واحد و تحت اسم منتخب السعوديه و كل الي صار تبديل بالاعبين توهم طالعين " جدد " .. ،

بس مدربكم ما ادري شلون بصراحه دقيقه 95 تبديل ؟ ،

بس اهم شي تطلع من المباراه فايز او متعادل .. احسن خسران ،

و بالتوفيق للموج الازرق و ان شاء الله نفوز عليهم و ناخذ الكاس ،

 

[مـ ع ـزوفة حز*ن]

رد: رد : ~{ سوأإأإأإلف ومناااقشة خــلــيــجــي 20 }~ عــدنــا *_*

يسلمووووئ على المووضوووع الحلوووؤ
اللي بيطلع طااقااااتنااااا الرياضيه >> ريد بول وحنا ماندري هع


بصراحه ما قصررر الجسووور الله يعطيه العافيه
ومااا قصرررر باقي المنتخب


بس الي رفع ضغــــــــــطي << ألي هو ؟؟
>< الحكــــــــــم بصررررراحه كان ظاااالم وانتوووا اشررراايكم ؟؟

فديتج والله ,,

الله يسلمج ..

اي والله ماقصر الجسووور :aha:

وصح أنا معاج الحكم ظاالم والله بيحااسبه ,,

 

[مـ ع ـزوفة حز*ن]

رد: رد : رد: ~{ سوأإأإأإلف ومناااقشة خــلــيــجــي 20 }~ عــدنــا *_*

اقؤؤؤؤؤؤؤل اقؤؤؤؤؤل :rerrerek:

ترا هو ماخذ بنت عمه ولولا بنت عمه ما درا عنكم << يعني مو لسواد عيونكم



بـــــنـــااااات انا ملاااااااحظه ان العضوات السعوديات من اليوم يتحرشون ويقطون نغزات وكلام


ما عدا اللهم ترانيم القصيم يعني بلااااااااش حركات مبرزه و خلو مستواكم ارفع من هالاسلوب والكلام


انا متاااااابعه المناقشات خلف الكواليس

البنت ماالت شي قالت فديت اللي ماخذ سعووديه كيفها مستانسه


ورجااءااا بلا تجريح *_*



:tek:

 

[مـ ع ـزوفة حز*ن]

عاااااااااااااااد حلوها حريم وحكووو فالكوره وش يسكتهم
وربي ماهو لايق ابد
احنا لنا التشجيع وبس لكن تحليل مباراة مالنا دخل فيه ولانعرفله
لاتجي كل وحده تتفلسف عالثانيه بكم كلمة سمعتها من اخوها والا زوجهاا
عزيزاتي ترا بجد الموضوع صار يضحك ردوو ووسعو صدوركم واللي يفوز باركوله
وتبون تتهاوشون تهاوشو بين بعضكم بس لادخلون الدول فالسالفه
قسم بالله
كرهتونا فشي اسمه كووره خلاااااااااااااااااااااااااااص فكونا وان شالله محد يفووووووووووز ونرتاااح ههههههههلالا امزح
بس بجد كل موضوع افتحه لازم نغزات سامن سعوديه والا من كويتيه
يا اخوات حنا بنات حلوات رقيقات نتكلم فالمكياج فالازياء نبدع فانوثتنا بس مالنا دخل فلعب العيالل >>>>كني غيرت السالفه
ثانكس صاحبة الموضوع لاني ماتحملت اقرا باقي الردود اخاف يرتفع ظغطي

صح إحنا بناات ونعوومات ورقيقات بس إحنا لااازم نشجع الكويت وكل بنت لازم تشجع بلدها ,,


الولاء والوفا للوطن وانا إختج *_*

وولكم وحيااج الله ,,

:eh_s(21):

 

[Hello_kitty]

وفي معلومه يمكن يستفيد منها بعض النااااااااااس

ترى المنتخب الكويتي في دوره الخليج الثامنه بالبحرينشارك بمنتخب الصف الثاني وكانوا ما يبون يشاركون وباخر اسبوع

تجهز الفريق الثاني وشارك بالبطوله والنتيجه شنو تتوقعون؟؟صحنا على الناس احنا منتخب رديف وصغار ؟؟ تتوقعون خساير ولا تعادل على احسن الأحوال؟؟

تدرون شنو النتيجه فزنا ببطوله الخليج كالعاده وفريق صف ثاني بكل عناصره