رحلتي المصور الى امريكا في صيف 2007 ..

[فراولة^فوشيا]

السلام عليكم ورحمة الله وبركاته



شلونكم بنوتات

حبيتكم تشاركوني رحلتي الأولى الى أمريكا

كان الهدف من هذي السفره ان نروح مع اخوي اللي قرر يدرس الجامعه هناك

ادعو له ان الله يحفظه ويوفقه ويهون عليه غربته ويرجعه لنا بالسلامه

الرحله ماكان مخطط لها عدل وكنا بنهون بعد ماحجزنا التذاكر بس آخر لحظه قررنا نروح فالاستعدادات صارت بسرعه بسرعه

كانت الرحله شهر والوجهه
كويت - لندن - نيويورك - لندن - كويت

طبعا لندن ترانزيت ،، ونيويورك نقعد فيها ومنها نروح حق المنطقه اللي بيدرس فيها اخوي واللي اهيه وحده من مناطق ولاية نيويورك،، وبعد ما نخلص شغله ونوصله مكانه ونتطمن عليه نرجع نيويورك مره ثانيه

بس خبراء امريكا قالوا لنا نيويورك ماينقعد فيها وايد حاولوا تروحون مكان ثاني ،، فرحنا اورلاندو جم يوم ....

شرايكم نختصر المقدمه ونبلش بسرعه

جهزوا جناطكم واستعدوا عدل ترى الرحله طويله :eh_s(20):

 

[فراولة^فوشيا]

بسم الله الرحمن الرحيم

الإقلاع من الكويت
اليوم: الجمعه 10/8/2007
موعد الإقلاع: 12:30 ظهرا
الخطوط: الجويه الكويتيه

رحنا المطار كان حده فاضي


جان تذكرون كان حزتها عطلة الإسراء والمعراج والناس مسافره من يوم الأربعاء واليوم الجمعه

بعد ما وزنا جناطنا وخلصنا رحنا نريح في قاعة دسمان

قعدنا شربنا قهوه وقرينا الجرايد ،، ونطرنا موعد الصلاة عشان نصلي الظهر ونركب الطياره على طول

توكلنا على الله وركبنا الطياره

تفضلوا العصير بردوا على قلوبكم

والقهوه بعد .. حي الله من زارنا

 

[فراولة^فوشيا]

الرجاء ربط حزام الأمان استعدادا للإقلاع
"سبحان الذي سخر لنا هذا وماكنا له مقرنين وانا الى ربنا لمنقلبون"

أكيد يعتوا شرايكم بوجبة الغدا الحييين :eh_s(15):

أخليكم تشوفوون الفيلم مع الوجبه

ما ودكم تحلوون ؟؟

بالعاااافيه :eh_s(17):

 

[فراولة^فوشيا]

اترككم مع الأجواء فوق السحاب واشوفكم في لندن :eh_s(8):

 

[الاسطورية]

وناسه كملي متى نوصل امريكا بشوفها امنيتي اروحلها

 

[فراولة^فوشيا]

وناسه كملي متى نوصل امريكا بشوفها امنيتي اروحلها

أهلييييين هلا والله بالأسطوريه الحلوه
هههههههه انشالله نوصل امريكا بس بنريح شوي بلندن عشان ما نتعب شرايج

 

[الاسطورية]

فرواله مالقيتي الا انا اريييييح وقت السفر كل النشاط يطلع ماكو نوم خخخخخخخخ

وناسه متشوقه

 

[فراولة^فوشيا]

فرواله مالقيتي الا انا اريييييح وقت السفر كل النشاط يطلع ماكو نوم خخخخخخخخ

وناسه متشوقه

انشالله دوووووووم هالنشاط يارب
بس بناخذج معانا لندن لوول

 

[فراولة^فوشيا]

لندن ... استراحة المحارب

10/8/2007 - 11/8/2007


الحمدلله على السلامه

شلون كانت الرحله عسى ماتعبتوا ولا حاشتكم مطبات :eh_s(12):

ليش لندن ؟؟ انا اقولكم

لأن الرحلة الدايركت من الكويت لي نيويورك تاخذلها 14 ساعه

والرحله ترانزيت عن طريق لندن تكون كويت - لندن 6 ساعات
بعدين نطره ساعتين في مطار هيثرو في لندن
بعدين لندن - نيويورك 6 ساعات
يعني كله 14 ساعه ما سوينا شي

فقررنا انا ننام ليله في فندق المطار ونكمل الرحله في اليوم الثاني

حجزنا في شيراتون هيثرو عن طريق موقع الانترنت
www.expedia.com

على فكره طووول رحلتنا كان حجز الفنادق عن طريق هالموقع
وايد حلو وسهل واسعاره زينه
احنا حطينا في بالنا الفنادق اللي بنروح لها وابوي راح سأل مكتب السفريات عن اسعارهم والا وايد اغلى من الموقع !! قاصين علينا

المهم تقدرون تدخلون هالموقوع وتشوفون الأسعار لأنها تتغير حسب الموسم ، وهو بهذا الشكل

تختارون Hotel وتحددون التواريخ والمنطقه ويعطيكم قائمه بكل الفنادق فيها كل التفاصيل حتى صور الغرف وخريطه صغيره يحدد موقع الفندق وتقييم للفندق وراي الناس فيه وكل شي

ماتحتاجون تسجلون بالموقع،، بس مجرد ان تسوين Sign in بحساب الهوتميل مالج وتدخلين تحجزين

سهل ومضمون والحمدلله ما واجهتنا اي مشاكل ،، حتى في امريكا حجزنا طيران داخلي من منطقه الى منطقه عن طريق هالموقع

نكمل

 

[فراولة^فوشيا]

وصلنا مطار هيثرو بعد 6 ساعات طيران ،، الحمدلله ما كان في زحمه وايد

ووصلنا فندقنا Sheraton Heathrow

يبعد عن المطار 7 دقايق فقط

الفندق مرتب ونظيف و ولا حسينا بإزعاج طيارات

هذا ممر الغرف

وهذي الغرفه من الداخل

تكرمون الحمام

والغرفه فيها ثلاجه ميني بار و أوتي وسشوار وكوفي ميكر

 

[فراولة^فوشيا]

هذا فيو الغرفه اللي تطل عليه من الدريشه

هذي وحده من القعدات بالممر

حديقه داخليه بالفندق

نزلنا تمشينا فيها وصورنا

 

[فراولة^فوشيا]

طبعا احنا وصلنا تقريبا 6:30 او 7 عندهم العصر

ورفيجتي العزيزه ألوووشه موجوده في لندن فتواعدنا من الكويت ان نطلع بهاليوم

حجزت لنا مطعم بالليل وطلعنا نتعشى كلنا مع اهلها

ما نستغني عن بعض حتى بالسفر ههههههههههه صح ألووووش ؟؟

المهم لما وصلنا غسلنا وارتحنا لما صار بالليل رحنا الـ knights bridge وقعدنا في مطعم جدام هارودز

طبعا يبعد عن الفندق (أو عن المطار) 40 دقيقه

خذتنا السوالف وماصورنا وايد

وانشالله اقولكم تفاصيل اكثر عن لندن في آخر الرحله لأن بنرجع لها انشالله

 

[فراولة^فوشيا]

رجعنا تعبانين ،، نمنا استعدادا للسفر الى نيويورك باجر الصبح

قعدنا ثاني يوم ونزلنا تحت نتريق

صالة الريوق بالريسبشن بس بالصعده اللي فوق ،، كان في ناس ماقدرت اصور

وهني صالة الريوق من بره

هذا ريوقي

هاا خلصتوا ؟؟؟



يالله نركب الطياره

باي باي لندن ،، نشوفكم في نيويورك انشالله :eh_s(8):

 

[شهووده]

الحمدلله عالسلامه حبيبتي ..

لج وحشه والله ..

متااابعينج =))

 

[جورية كويتية]

ناطريييييييييييييييييييينج

:eh_s(18): :eh_s(7): :eh_s(18):
​

 

[bambena]

حمدلله عل سلامتج وايد حلوه طريقه التقرير مالج وانا عندي قمه القهر انزل بديره ترانزيت وما احوس فيها جم يوم تنبط جبدي !

متابعتج

 

[أحلى الجياكر]

فراويــــــــــــــــــــــــــــــــــــــــــــــــــــــــــــــــــــــــــله
بون أغيفيه حبيبتى ..شلون الرحلة ؟؟ نيويورك زبــــــــــــــــــــــــــــالة مكرم السامع
قعدت فيها أسبوع واااى قمة الإكتئاب ..
المهم ..موضوعج يشوق ..و صورج تهبل
يلا ناطرينج

 

[Suwi]

[frame="1 50"] el7mdellah 3ala slmatech

yallah kamlee we waiting Uu DeaR[/frame]

 

[بيتي فورة]

عليج بالعافيه وانشالله تكونون استانستوا بالسفرة ..
ومشكورة على هالصور الحلوة ..

 

[رفرف]

الحمدلله على السلامة وموضوعج من اوله يشوووووق تصويرج يهبل ناطرين التكملة ..