بنات انا اللي كتبت (اللي فاضيه وتحب تسمعني..) شوفوا شلقيت من زوجي

[غنـــــج]

بسم الله الرحمن الرحيم

السلام عليكم


بنات اول شي حبيت اقولكم ان بموضوعي الاولي انا اساسا غيرت خطي وخذاه مره ثانيه
وانا ما ازورهم الا لما قالولي اهلي انسي الموضوع وخلينا نرد اهل نفس قبل

وما زرتهم الا مرتين او ثلاث بمناسبات كبار ولا توقعت اشوفه

وهذا رابط موضوعي للي ماقروه:
http://www.q8yat.net/showthread.php?t=753998


المهم

انا الحمد لله من كتبت الموضوع حسيت اني بجد ودي انهيه خلاص وانسى

انا صارلي سنه و6 شهور متزوجه


زوجي يحبني ويموت فيني وانا من اليوم اللي كتبت فيه احس مافي احد حاظته بعيوني الحين غيره خلاص
ريحتوني بكلامكم وكان عين العقل

بنات بقولكم عن طبع زوجي
اهوا عادي طبعه حلو وفري بكل شي بس يخاف ربه وملتزم

انا حسيته انه من تزوج بيفتح حياة جديدة ويغير نفسه بعد الزواج

لكن المشكله ذاك اليوم وانا اطقطق باللاب توب لقيت ببرنامج الوورد بتاريخ من قبل الزواج ب7 شهور وكان مملج علي بس ما كنت اكلمه

تخيلوا شلووون كاان يشششرح مدى اعجابه بالبنت اللي شافها بلبنان لما كان مسافر مع ربعه سياحه
وشلون يقولها انا من قبل سنين شفتج وابيج وووووووو وانتي بقلبي حتى لو اروح عنج وابعد


طبعا انا انصدمت وسكت
وخليتها بقلبي
ولا قلتله

المشكله في عدة اساله براسي:

هل اهوا دزلها هالكلام؟
هل افتح معاه هالموضوع واعاتبه؟
هل اسكت واقول وقتها ما كان يكلمني واحاسبه على اللي جدام من حياتنا واللي وراها طاف؟

بنات ماني قادره اني اتخيله بهالمنظر اخاف يفكر فيها للحين
بس والله حسيت روحي صرت كل حياته ما شاء الله مابي احسد نفسي


انا فيني صراااع بداخلي

قولولي شسوووي تكغووون لو كنتوا بمكاني

 

[مناير ...!]

رد : بنات انا اللي كتبت (اللي فاضيه وتحب تسمعني..) شوفوا شلقيت من زوجي

ولاتسوين ولااي شي
ببساطه انتي كان لك ماضي والكلام الي بالوررد انتي قلتيها قبل يتزوجك
ولما تزوجك ماقصر معاك فمالك حق تحاسبينه على ماضيه وانتي اصلن لك ماضي

فلايغير الي شفتيه اي شي بينكم
بالعكس حبي زوجك وحافظي عليه

 

[randomy]

ماضي مالج شغل فيه

ريحي راسج ولا تنبشين ورا ريلج

دام زين معاج

خلي حياتج حلوه ولاتصيرين ضده

والله يوفقج

 

[أحـلآم . *]

رد : بنات انا اللي كتبت (اللي فاضيه وتحب تسمعني..) شوفوا شلقيت من زوجي

صوني زوجج دام انج تقولين ماكو منه
لاتعاتبينه على شي انتي ماكنتي معاه وقتها
الله يوفقج

 

[{ انعم دفشة ~]

كل واحد يحط الماضي ورى ظهره ويعيش يومه افضل هذا رايي

واذا تبين تعاتبينه على شي قبل لا يعرفج.. حطي نفسج مكانه وهو يحاسبج شنو بيكون احساسج اكيد بتتضايقين

عشان جذي لا تيبين له طاري..

الله يوفقنا وياج وييسر امورنا جميع

 

[شيخه الحلى]

جنه ما شفتي شي
هذا ماضي
واغلب الشباب قبل الزواج لهم ماضي
عيشي حياتج
والحمد الله زوجج يحبج
عيشي الحاضر والمستقبل وانسي الماضي

 

[كلي ثقه و سنع]

رد : بنات انا اللي كتبت (اللي فاضيه وتحب تسمعني..) شوفوا شلقيت من زوجي

استمتعي بالحاضر و عيشي ًٓ ـ ياختي كأنك تبين الهم عطي الموضوع طاف و كلما تذكرت هالسوالف تعوذي من إبليس هذا شيطان ما نجح معاك مع ولد خالك الحين يبي ينكد عليك علي ملف قديم

 

[غنـــــج]

احس نفسي بكست لان السالفه لو بفتحها ما راح تعدي على خير ويمكن يقل احترامه لي لو كلمني عن علاقاته السابقه

وانا طبعي دايما امدحه واقوله انت غير غن الشباب وانت وانت وانا مادري عنه بس عشان لا يفكر يغلط وتردعه الصوره اللي حاطته انا فيها

 

[غنـــــج]

احس نفسي بكست لان السالفه لو بفتحها ما راح تعدي على خير ويمكن يقل احترامه لي لو كلمني عن علاقاته السابقه

وانا طبعي دايما امدحه واقوله انت غير غن الشباب وانت وانت وانا مادري عنه بس عشان لا يفكر يغلط وتردعه الصوره اللي حاطته انا فيها

 

[ام شووووق]

رد : بنات انا اللي كتبت (اللي فاضيه وتحب تسمعني..) شوفوا شلقيت من زوجي

خلاص الماضي راح واللي فات مات

دامه مو مقصر معاج ومحسسج انج كل دنيته لاتخربين بالسوالف هذي والشك اذا دخل بأي علاقه يخربها

 

[أم مشاري77]

لا تهدمين حياتك بيدك
مدام أنك عارفه أنه يحبك؟؟؟هذا يكفي بنظري
واللي فات مات
أدعي بس أن ربي يصرف عنه كل شر

 

[قصة_هوانا]

اوافقكم الرأي ^^

 

[شيخة الغراشيب]

غناتي مثل ما انتي لج كان ماضي له هو بعد ماضي لاتفتحين الموضوع معاه
عشان ماتذكرينه يمكن نساها ومعظم الشباب قبل لايرتبط كانت له علاقه يالله ربي
يوفقج ويسعدج ويرزقج بالذريه الصالحه

 

[ام زاكي]

مدام تحسين انه زوجج تغير ويحبج وناسي كل شي معناته انه ترك الماضي وسبب انتي
فحافضي عليه ولا تنبشين من وراه لانه التنبش يخرب البيوت

 

[dectora 7elwa]

من بدايه قصتج وانتي تصرفاتج كلها عين العقل
يمكن اصرارج عالطلاق نابع من حجم جرح كرامتج واللي بغيتيه صار
كملي عقلج وانسي اللي كان زوجج
وماضي زوجج مالج شغل فيه لان زوجج قلتي انه من الاهل فاكيد عارف انج كنتي مالجه على فلان ومع ذلك تقدم لج وكان مصر حسب كلامج يعني حتى انتي لج ماضي
لا تضيعينه من ايدج والماضي مالج شغل فيه لج الحاضر والمستقبل وبس

 

[عيش و مرق]

حبيبتى تبين اتعيشين مع الريال بعدى عن المثاليه وعطى طاف باكبر ماعندج الحين انتى زوجته بلواقع والحياة ومو فى برنامج على الوورد

والمره وموكل يوم لها رييل خلاص سكتى ولاتفتحين الموضوع معاه دام انج اعترفتى انج حاليا انتى كل حياته والريال مع العيال وكل ماكبر يحس بلمسؤوليه اكثر وترا الشباب قببل الزواج عقولهم صغيره وموناضجين

ومع الحياة والزواج يتغير الواحد تفكيره وحتى الى قبل كان يعجبه بعدين يقول انا شلون هذه الشى كان عاجبنى وشلون كنت اسوى جذى

انتى الحين مسكى اى صوره قديمه حقج بذاك الوقت كنتى كاشخه حق الصوره حدج وكان شكلج موضه واهوا الدارج بس طلعيها الحين بتضحكين على نفسج وتقولين اووووووووووووووله انا شلون صورت جذى شكلى يضحك

انتى هذه انتى ماتغيرتى بس الموضه تغيرت نفس الشي الانسان او الزوج يتغير تفكيره مع مرور السنين والعمر وحتى التجارب بلحياة اتغيرج وتخليج انضج بتفكيرج وبتصرفاتج
الحين انا بقولج ياغنج
بسسسسسسسسسسسسسسسس لحد هنى وخلاص اطوى الماضى والصفحات القديمه ولاتخربين على روحج ولايلعب بعقلج ابليس خلج قويه وشاطره وذكيه وتسحبين زوجج لج ومايطالع ولا بنت غيرج هذه الشطاره انتى الحين عنده وبذاك الوقت كان بروحه وماينلام لكن الحين الكره بملعبج
فكرى عدل وكيد النسا شغلى وتركى عنج التفكير الطفولى والمحاسبات الى ماتييب الا الخراب عيشي حياتج وعودى زوجج على الى انتى تبينه يكون ,,,,,,, وترفعى عن سفاسف الامور والدنيا ياحبيبتى فيها اشياء اكبر من سوالف ومراهقات ماقبل الزواج

والله يوفقج ويحبب زوجج فيج ويسخره لج ويجعلج جوهره وفى عينه والمره الوحيده له

 

[تعويذه الحب]

هل اسكت واقول وقتها ما كان يكلمني واحاسبه على اللي جدام من حياتنا واللي وراها طاف؟

هذا اللي لازم تسوينه انج ما تحاسبينه على الماضي ولا تفتحين على روحج بيبان مسكره

 

[فراشـهـ]

رد : بنات انا اللي كتبت (اللي فاضيه وتحب تسمعني..) شوفوا شلقيت من زوجي

اوافقكم الرأي ^^

 

[M!Ss Un!VerSe]

يمكن لإن بعقلج الباطن تفكرين بهذاك فتدورين عذر عشان تطلعين ريلج الحالي بالشينه؟!

مادري الماضي ماضي انسي اللي صار مع ريلج... ووايد رياييل جذي الحين منو اللي ماله ماضي؟!

بس عندي سؤال لو مره قال ريلج بروح لبنان راح ترضين؟ راح تشكين من رايي لا تفتحين الموضوع وانسي

مادري اهو ماضي بس لازم تتأكدين ان نساها حاولي انتي تنسينه اهتمي فيه وبحياتكم ..استانسو

مادري جربيه قبل يومين حاطين بجريدة الوطن ان 88% من اللبنانيات مسوين عمليات

اقري الجريده بصوت عالي سوي روحج مندمجه او تسولفين حق رفيجتج بالتلفون

وقولي وييع اووووله 88% ماضل من الشعب ماسوا صج بناتهم جياكر وجمالهم صناعي مادري على شنو يحبونهم الرياييل
حتى عملياتهم ابلاش من الدوله تلقينهم ماضل شي ماسووه اتطنزي
وشوفي شنو يعلق؟ او سأليه انته معاي بهالنقطه؟ مادري انتي سوي طريقة تتأكدين ان ناسي هالبنت
وان مافي شي حاليا عشان تضمنين مستقبلج؟! وتتأذين مره ثانيه؟!
الله يوفقكم.. يارب اكون قلت شي زين لإني مابي اشيشج بس قلت جذي عشان تنتبهين
بس ديري بالج على زوجج لا تضيعينه اذا كان ريال صج زين ويعاملج زين..

..
عاد تدرين انا مريت بالمواقف اللي مريتها فيها والله العظيم..
مثلها سالفة الوورد وسالفة يوصف لبنانية انه يبيها من يوم شافها
وسالفة يبجي يترجاج ويتأسف ويرقع بربعه
وسالفة ان يترجاج تردين وسالفة ضعف وتسمر وتغير ووضعه تغير وكله يدق يبيج ..
بس انا مو متزوجه.. والله حاسه فيج وبجرحج .. بس ماضي ..وتعقدت منه وكرهت الريايل وصرت شكاكه وارفض اتزوج اي واحد
انا همن مثلج 4 سنين؟! وهمن بالوقت نفسه صار الموضوع وييع ذكريات سووده والحمدلله على كل حال.. الله كريم..

 

[ام كوشه منكووشه]

رد : بنات انا اللي كتبت (اللي فاضيه وتحب تسمعني..) شوفوا شلقيت من زوجي

حبيبتي ماله داعى تحاسبينه على شي صاار قبل زواجكم طالما اهوا زين معاج الحين ولا شفتى علييه شي
خلييه يمكن ناسيها ولوفتحتي الموضوع معاه ماراح تستفيدين شي بالعكس بيرد يتذكرها