انا قطاعت رزق

[الفنانة لؤلؤة]

واثق الخطى يمشي ملكا :rerrerek:
مالج شغل بأحد حبيبتي،، وإللي تشوفينه صح سويه
آنا واااااايد حبيت مواضيعج >>> مع إني للأسف طحت عليهم متأخر
الرزق على رب العالمين ،، وإللي تقولج غير هالحجي ما عندها سالفة بالمرة











.

على فكرة متابعتج وناطرة يديدج :aha:

 

[العفاسيه]

اووف دشي قسم الزوجيه شوفي شلون يردون عالبنات الي يشتكون يتطنزون ويتشمتون اعوذ بالله

لا تستغربين منهم مادري شيبون بالضبط

 

[مليت من الاسامي]

محد قالج قطاعت رزق الا الي الكلام الي كتبتيه ينطبق عليها

 

[نور مغليها]

رد : انا قطاعت رزق

اهم شي انج تقولين الحق ومااا عليج بكلآم الناس
تلاقينهم غيرانيين او ما يحبون مواضيعج
ماادري عنهم
بس اهم شي انج تقولين الحق ...

 

[ORKDI]

معلومه لج وللتاجرات

اول شي انتي ما قاعده تقطيعن رزق لانه اهم قعدين نصبون يعني قطع نصب وأحتيال مو رزق

اوكي <<<< وحده معصبه لانه صج نصب واحتيال

والله والله قسم بالله انه في اشياء شكثثثثثثثثثثثثثثثر اشوفه بالسوق

توني اليوم شفت جنطه السعر .... انصدمت .. اهي موجود بسوق السالميه الحوش عند واحد هندي يبيع الاجناط التقليد والاكسسوارات التقليد ونظارات وساعات بربع السعر ربع اي منصدمه ربع السعر <<< اللي تبي وصف المكان تفضل خاص

معلومتي للتاجرات

في مره راحت العمره ونزلت قبل صلاة الجمعه قبل ما يخطب الشيخ

وكان عن التاجر اللي يستغلون الناس وحيطون السعر دبل

كان يقول شي يشتري من الجمله يسوي سعره مفرد 5 ريال يبيعه على الناس 20 ريال

وتاجر ثاني يشتري نفس البضاعه يبيع 7 ريال نقول 9 ريال

يقول اللي يبيع ب 20 راح تشتري منه الناس واحد اثنين بس

اما اللي يبيع 9 ريال راح تشتري منه الناس واحد واثنين واذا زاد راح ينزل بالسعر إلى 7 ريال وراح تاخذ الناس منه اكثر واكثر وراح يفتح الله عليه لانه فتح على ناس

وهذا الشخص راح تتوسع تجارته اكثر

تكلم باشياء شكثر بس ما اذكر

وبعدين ارد واقول لج قطع نصب واحتيال

اقول لج شي بعد في وحده بالمنتدى بس ما ادري ما اشوفه من مده تبيع ساعات بسعر خيالي والساعات هذي موجوده بدبي والبحرين ومصر ولندن

اغلى ساعه بالمحل بحدود 150 دينار تقريبا شي اهي تبيع اللي ب 50 ب 120 شدعوه يعني علشان الوزن زياده 70 دينار يمكن المطار اخذ على الوزن 50 دايم تقول اخر وحده يعني اشكره ما مرات على الجمارك

الله واكبر

وشفت مره منظم الساعات عند وحده من التاجرات

قالت لي ب 15 دينار << والله زين في باله تشتري

راحت سوق الكويت سرداب الشايع لقيت المنظم اهناك قلت لها بجم جان يقول 8 @@ انصدمت جان امشي شوي جان يقول شيل 5 دنيار @@ وناسه

مشيت جان يقول ماما لا يروح زعلان شيل 3 دينار يعني جم الفرق 13 دينار

غير التاجرات اللي تقول لج سعر التوصيل لها يجي المندوب بسياره صرفيت البنزين دينارين 3 ايام

واهي تاخذ على الزبونه الوحده دينارين يعني طلعت اكثر من سعر البنزين

لا تحطي بالج وانا معاج هذا نصب واحتيال

حتى اللي تطلب من موقع نصب بعد وااااااااااااااااااي وله منتهم اروح اطلب من مركز السلطان وله مكاتب اللي تسوي طلب من النت

سوري ع الاطاله

 

[مــ_ــا مــ_ــي]

ما عليج منهم .. شلو قطاعت ارزاق وانتي ما خصيتي احد بشي .. اللي قالت لج هالكلام هذي نصااااااااااااااااااااابه درجه اولى والا هي شكو ترد تقول قطاعت ارزااق ... ترا حتى انا لما اشوف منتج ينباع عند تاجره والاقيه برا برخص التراب اكتب ولا علي من احد ..

مثل مره وحده تبيع قطره التضييج بعشرين دينار وانا شايفتها بدينار ونص .. جان تدخل علي التاجره تقول تكفين ما عرفت العنوان اللي قلتي عليه وين بالظبط لاني اشتري من حرمه القطره بـ 8 دنانير وانا اعرضه بعشرين ...

وحده تقص على الثانيه ..


لا تشيلين هم شي ... وانتي وضحتي وانا بدخل موضوعج وبشوفه ولا تشيلين هم هالنصابات

 

[عــــــــــذ1ري]

رد : انا قطاعت رزق

الاعمال بالنيـآت ولكل شخص ما نوى

دآم نيتج صآفيـهـ مآعليج بأحد .... مآ سويتي الاآ عين العقـل

وتعلمي ان سويتـي خير للنآس لآ تتحسفين عليـه
حتى ى لو جاج المضرهـ من بعدهـ ... لآ تحسفيـــن
يكفيــج مأجــووورهـ على حسن نيتــج

 

[آلعناآأ]

بالعكس منتي قطاعة ارزاق الا اهم النصابات

ليش جذي حرااااااااااام والله ربي مايبارك لهم بحلالهم

تلاقينها تقول لج انتي قطاعات ارزاق واهي تروح تشتري وتبيع دبل دبل دبل الدبل لوووووووول

 

[كويتية وكلها جاذبية]

فديتج ما تكلمواا
الا لانج عضوه لهاا كلمتها بالمنتدى وخافواااا كلامج ياثر على البنات وينبهم

حبيبتي الرزق عند ربج مالج شغل انتي قلتي كلمة الحق وبليييييييييييييييييييييز كثري من هالمواضيع نبهينااا وعسى الله ينور بصيرتج مثل ما نورتينااااا

حرام والله فلوسنا مو لاقينهااا بالشارع دوام وتعب وقعده من الصبح >>> قلبي متروسه

وترى التجاره شي صعب والله يعين التاجرات الي ضميرهم صاحي
تحصلينها تخاف على كل فلس وخوش انسانه وتحسب حق كل فلس الف حساب وما تزيد بالهبل


والصراحه انا تاجره وحده بس الي تعاملت معاهاااا والوحيده الي اثق فيهااااااااا الله يوفقها يارب >>ما اقدر اقول منو


بس جد الي من هالنوع نادرين عسى الله يوفقها اهيااااا والي مثلهااااااااااا ​

 

[مس دلال]

في حديث يحرم هاللي سوييتيه

عمومآ انتي كانت نيتك زينه
الله يسامحك

 

[EnG.SaMoRa]

حبيبتي مالج شغل باحد
والي سويتيه عين العقل
ونصحتي خواتج
لان في تاجرات ماعندهم ذمه ويبيعون الشي بربح كبير
اذا كان الشي موموجود هني بعد لاحول ولا قوة امن موجود وتبيعه بغالي حرام
والي سويتيه صح
ومالج شغل باحد خل يقولون الي يقولونه
انتي موقطاعه رزق والله يعطيج على قد نيتج ان شالله
وانا ماكنت ادري عن موضوعج الي مسويته صراحه

بس الحين بروح اشوفه وارد اقولج مالج شغل باحد
دامج ماسويتي الا الشي الي ينفع الكل

 

[عرش الأنوثه]

لا تهتمين حق كلامهم ياقلبي

 

[FeShinGoOo]

رد : انا قطاعت رزق

بالعكس زين تسوين لما تنصحين البنات وتفيدينهم واكيد هذيلاك يحترون كل همهم الفلوس والسمعه ولا مصلحة البنات اخر همهم

 

[G!RLooNa]

فرق جم دينار حتا لو 3 مو وايد بعد المره بتربح بس البوق لما تدوبل السعر مليون مره و الشي ما يسوا و تلقينه بكل مكان

 

[غصن الغلا]

والله عادي إذا لقيت شيء بالسوق أرخص أقول عادي
بالعكس تخدمينا إحنا مو بنات هاوامير على قد حالنا
أنا مره شفت وحده حاطه مكياج سعره دبل ولقيت بالشايع نص السعر كتبت عنه التاجرة دخلت خاص تهاوش وتقول قطعتي رزقي اي رزق قولي وقفتي نصبي على البنات وانا مطنشتها لانه مو عيب ولاحرام

 

[لولو منثور]

لا بالعكس انتي نصحتي بعض البنات
وطبيعي تكون ردة فعل التاجرات جذيه

 

[عطورات المطيري]

جزاج الله خير علي انج تقولوين وتنبهين ومافيها شي
يااختي الرزق موزع من رب العالمين
واذا التاجرات لهم رزق بياخذونه
لازم من الكل انه يكون عنده صعه صدر ويتقبل من غيره مافيها شي

 

[أحبه موت]

حبيبتي الزرق بيده الله وحده مو بيد احد فينا وانتي مايبتي طاري تاجره معينه وذكرتيها بالاسم انتي كل الي سويتيه تكلمتي بشكل عام ونصحتي البنات الي يبي ياخذ بنصيحتج ياخذها والي مايبي يتوكل على الله والبنات صايرين هالايام على اتفه الاسباب بكبرون المواضيع ويشيشونها ترفعي عنهم وخلج انتي الكبيره

 

[الواثقه بالله]

لا تزعلين ولا يهمج

لأن الرزق على الله مو بيد الناس وقد قال الله تعالى ((وفي السماء رزقكم وما توعدون ))

ومعنى الأيه أن رزق الإنسان في السماءأي بيد الله سبحانه وتعالى وليس بيد البشر

وبالعكس نصيحتج في محلها إذا كانت لوجه الله وقصدج الخير لمن تنصحين .

أما اللي تقولج انج قطعت رزقها فهاذي تعاني من نقص اليقين في قلبها بأن الرزق بيد الله .

واحنا نشوف بالحياة إنسان يكدح كدح ورزقه مجرد شي بسيط يكفيه قوت يومه

ونشوف إنسان بمجرد إنه يتحرك يتنزل الرزق عليه من كل مكان فالرزق مو بالشطاره


والرزق ليس على قدر الجهد ((وإن كان الأخذ بالأسباب وااااجب )) وإنما هو من عند الله

وقد تكفل الله برزق العباد وهذا من رحمته بهم لكن خلق الإنسان عجولا

 

[MoonDiamond]

..



:stars::stars::stars:

الله يعطيكم العافيه والله يرزقكم ويرزق كل التاجرات رزقا حلالا مباركا​

:stars::stars::stars:






..