وصلتي لمرحلة ال..؟؟

[منوووووله]

اشلوونكم حباايب قلبي :33_1185028183:


موضوعي راح يتكلم عن ..

لحظه الموت


ببدي معاكم اول شي عن الموقف الي صارلي الي خلاني اكتب هلموضوع ..


الله يسلمكم .. كنت رايحه مشوار .. وانا بالطريج مااشيه رن تلفوني ...


ويت بطلعه من الجنطه طاح من ايدي صوب الكشن عالارض .. <<الحين ماكو صبر الى اعرف منو داق

نزلت ايدي ادور عليه ماقدرت اوصله .. طليت بالشارع لقيت ماكو احد جدامي جان انزل بسرعه واخمط التلفون

طليت بالشارع و لاذيج السيااره الي وااااااقفه بالشاارع .. @@ بطلت عيني وحزتهاا صبت عظامي وماعرفت شسوي

غير اني مسكت السكان بكل قوتي وقمت اطق بريكات واحاول الف .. وفعلا قدرت الف بسرعه بس بعد ماصلخت التواير

من البريك .. جان اوقف عاليمين واستوعب الي صار !!

قمت اهدي نفسي حسيت جنه مااي بارد مكبوب علي وعظامي صبت وقلبي يرقع من الموقف الي صار بسرعه بسرعه


قلت الحمدالله انه الله عطاني عمر يديد .. ولفيت صوب جمعيه ولقيت هندي جان اناديه واعطيه دفعة بلا

ومن حزتهاا وانا احط تلفوني يمي ومارد على احد الى اذا نزلت من السياره عشان لايتكرر الموقف,.,


بقولكم موقف ثااني ..


كنت طالعه من بيت اهلي ومعاي عيالي وخدامتي ,, ولدي نايم يمي عالكرسي وبنتي العنونه نايمه بالكرسي السيفتي مال البيبي

وبنتي الثانيه قاعده تسولف معاي .. والخدامه نعسانه وسادحه راسها بالجامه ..

المهم ..


طلعت من بيت اهلي ووقفت بالاشاره والاشاره هاذي الله يسلمكم على اربع تقااطع ..

ونطرناا لين تشب الاشاره .. الحين شبت الاشاره وبنتي قالت ماما خضراا .. توني مشيت ماشوف الى واحد

ياي 200 طايف الاشاره من صوب اليسار وطلع بويهي لدرجة انه فلاش سيارته بعينيي للحين اذكر شكل السياره

اشلون بويهي اطلعت وحده دايس والله بيني وبينه شعره لومولاف اهوا بسرعه جان داش فيناا ,,

لف اهوا عشان لايدعمني بس اهوا يوم لف ماقدر يسيطر على سيارته وكانت من الحجم الكبير ..

لفت فيه السياره وقام يقلب يمين ويسار وانا حدي انهرت ودمي نشف حزتهاا وقمت اطالع من منظرتي الاماميه اشلون قاعد

تلف عليه السياره تخيلوو تلف تلف جان تقلب وتقلب وتتكسر بالشارع انا رديت جيري حقه بسرعه ونزلت ولاالريال

مسكين انحكر بالسياره يقول طلعوني طلعوني تيمعوو العالم عليه جان اوقف وقوله الله يهدااك بس ليش طايف الاشاره

بغيت تعدمني اانا وعياالي شذمبنا الحين لوو داعمناا وصار فينا شي بسب تهورك !!

الله يساامحك بس ويعينك عالسياره الي عدمتهاا .. ومشيت العالم دقو عالاسعاف والدوريات .. وانا ماشيه مصدوومه واقول

لوداش فيني ومت الحين !! استغفرالله الله حمانا وكتبلنا عمر يديد لازم اتصدق واتحمدربي .. واهم شي كنت اقول

(( دعاء الركوب ..)) ..

فموضوعي راح يتكلم عن .. مواقفكم او بمعنى اصح وصلتي لمرحلة الموت وشفتي الموت بعيونج والله نجاج؟؟

ابي مواقفكم .. وتفااعلكم .. :tek:

 

[ترانيم القصيم]

رد : وصلتي لمرحلة ال..؟؟

يا هلا بك حبيبة قلبي ,,

ألف سلامة عليتس يا عسل ,, خطاك السووو يا الغلا ,, و عساهـ أجر ..

و الصدقة تكون بشكل شهري أفضل من إننا نحتري موقف قوي يجبرنا على دفعها ,, صح يا عسل ^_^

أوكي ,, حبيت أشاركك موضوعك الحلو زيك ,, ^^

أنـا وصلت لهذي المرحلة ,, و لكن ,, ماهوب حادث سيارة أو حريق أو طيحة أو أي شي من كذا

وصلت لهذا المرحلة بسبب موقف صار لي و كلام جارح وصلني من مجموعة من البنات

أحسن الدنيا ظلمت بعيني و ما قدرت آقف على رجليني ,, بغرفتي انسدحت على السرير و قلبي يدق بقوة شووي و يفلت من مكانه

ما قدرت آقف أو حتى أجلس ,, داخ راسي و حسيت بتعب شديييييييييد و إرهاق و رجفة و جلست أتشهد و انقلبت على جهة اليمين

قلت خلاص أنا ميــتة اليوم ,, ما ظنتي أبي أعيش ,,

مريت بحالة ماهيب طبيعيـة لأن فعلاً الكلام آللي وصلني كان ( رصاصة ) و اخترقت قلبي .. ما تحملته .. و من صديقاتي ..

الله يسامحهن و يسامحني معهن و يحللهن دنيـا و آخرة ^^ .. و عسى ربي يهدينا و يغفر لنا زلاتنا ..

:: استطراد بسيط خارج عن محور الموضوع و لعل الحبيبة منولي تغفر لي هذا ::

سبحان الله ,, الموقف هذا ذكرني بشي ,, ذكرني بحديث النبي صلى الله عليه و سلّم لمّا قال :

( المسلم من سلم المسلمون من لسانه و يدهـ ) ,,

ما سألنا أنفسنا ليه قدّم النبي صلى الله عليه و سلّم ( اللسان ) على ( اليد ) ؟

لأن ألم الكف مصيرهـ يخف و يختفي و الجرح مردّهـ يلتئم ,, لكن ألم الكلام ؟

صح ممكن يخف .. لكن يروح ؟ ,, هذا يعتمد على ذاكرة الإنسان ,,

معروف إنّوهـ جرح بالبدن أهون من الجرح باللسان .. لأن الثاني يبقى أثرهـ بالنفس ,,

و فيه ناس صعب عليها تسامح ,, و صعب تصفي قلوبـها .. عشان كذا الرسول صلى الله عليه و سلم نهانا عن الغضب ..

و مدح الحليم آللي يملك نفسه عند الغضب ,, لأن في لحظة الغضب يفلت اللسان و يخنبق و يبتدي يقول كلام ما يرضاهـ صاحبه في حال هدوءهـ ,,

احترامي و تقديري

ترانيم القصيم

 

[منوووووله]

ترانيم القصيم

والله انه كلامج عدل 100%

وياني بوقته خاصة موضوع لحظه الغضب بعد عمري مشكووره عالحديث..

وعالصدقاات الحمدالله

 

[بـــان]

واااى الله يعينج بجد شىء يخوف...زين الحمد لله ربي ستر عليكم..

انا كنت بمجمع بالبحرين وقعدنا بمطعم انا وزوجى وطالبين بيتزا وعصير ومن الشفاحه غصييت مو شرقه لا غصّه اللقمه موراضيه تنزل

وعيونى تدومع وموقادره اتنفس يمممممممممممه وربي مت الا شعره بس ربي ستر على ..الحمد لله

 

[الـــدفـــشـــة]

الحمدالله على سلامتج وانه ماصار فيج شي يما والله موقفج يخرع


انا شفت شريط حياااتي جدامي يعني بيني وبين الموت شعرااااا
كنت اسبح بالحوض السباحه وطبعا مكان الصغار الاني مااعرف اسبح كــــــــــــــلش
وله في بنيه صغيرا من اهلنا على طفاحيه مادري شسمها كانت صوب الغمييييييييق
قالتلي مسكي ايدي وسحبيني عندج وانا مسكت ايدها بدال لااسحبها سحبتني
ورحت للغميق يما قعدت ارافس بالماي وادخل داخل الماي واطلع راسي واصرخ وطووولت
والله شفت شريط حياتي والمصيبه كله اشوف مقاطع وانا اظحك
والكل طبعا جذي بدون اي حركه @@ مبطلين عيونهم ومتيبسين < ليلحين حاقدا عليهم

جا ولد خالتي كان عند الرجال وسمع صراخي جا ركض وطب ويقال انه سحبني وطلعني من الحوض
< لاني موذاكرا شصار وشلون سحبني كنت موبوعيي وقتها


اممم وهم مرا على ايام قبل عروس بالبيوت كنت صغيرا رايحه مع امي لعرس ناس بشارعنا
وانا واقفه ليلحين مادشينا البيت وله في ولد صغير طلع رشاش شطوووووله اطول منه
طلعه من دبت السياره وصوبه علي يعني يبي يخرعني طبعا انا جذي @@
وامي صرخت وسحبتني وعلمت اهله عليه وسمعتهم ذيج الحجوه وردينا بيتنا ههههههههههههههههه

 

[دوت نت]

الحمدلله على سلامتكم

 

[العبيدان tenuta]

رد : وصلتي لمرحلة ال..؟؟

هالموقف اللي صار لي عمري ما انساه هز عايلتي كلها الحمدالله برحمه رب العالمين جان انا الحين لي 3 سنينين ميته ومتحلله مره كنا راحين جبد وكان بشهر يناير وكان الجو باررررررررررررررد مووووووت صقيع بنام ماني قادره انام من البرد شفت دوه الفحم محطوطه بالصاله خذيتها ودخلتها غرفه النوم وسكرت باب الغرفه والدرايش والستاير سكرتهم عدل حتي الباب اللي يؤدي الي غرفه النوم سكرته :eh_s(2):بس لحد اهنينه خبري بالدنيا
اهنينه ادخلت العنايه الالهيه ادخلت بنت اختي الغرفه مافيها النوم قاعده تدور جنجفه ولا حظوا الساعه كانت 4 الفجر واختي
الكبيره قاعده بالصاله تصلي قيام الليل وماتبي تنام لما تصلي الفجر المهم هذه بنت اختي ادخلت الغرفه علي وشافت منظر شافتني مبحلقه عيني وجسمي معكف مثل الربيانه وكفوف ايدي متشنجه طلعت بره تنادي اختي الكبيره اللي اهي خالتها ابيه هناك خالتي ماادري اشفيها يعني انا وكانت تقولها ببروووووود ابيييييييه خالتيييييييي مااااااادري اشفيهاااااااااا ماادرررري ليش نااااااميه جذيييييه اختي الكبيره اللي كانت تصلي تذكرت اني مدخله الفحم قامت تصرخ وتنادي باجي خواتي والشباب اخواني وعيال اختي
والله يابنات والله ان خمسه من الشباب ماقدروا يشيلوني وعلي فكره وزني 62 يعني مو سمينه الحاله اللي كنت فيها متشنجه اختي اللي اكبر مني بسنه تقولي عطيتج طراقات وتراويني عطر خالي اتقولي كله رشيته بخشمج ماقعدتي عطيتج جم طراق طلعت حرتي مال اول كنتي باطه جبدي وهم ماقعدتي غرقناج بكلاصات ماي وهم ماقعدتي الاسعافات مالتهم كانت موليه حدها تقول طلعناج من الغرفه مثل الذبيحه خمسه من الشباب يسحبونج من حلات الروح الروح ثقليه ولد اختي متديين يقري علي ويمسح علي هم ماقعدت تقول لي قعدنا نشهد عليج والاحلي بناتي الثنتين واقفين علي راسي يشوفون امهم تحتضر المهم مانفع الا يوم اتصلوا بالاسعاف اوكسجين وكمام ودرب ياااااله فتحت عيني شسالفه اشوف امه محمد ظابيين علي اللي استوعب واشوف واحد واحد والله للحين اشوفهم الشباب يبجون البجي اللي علي وناسه ما ماتت فيها رررروح


​

 

[الـــدفـــشـــة]

^^^^

موقفج يخوووووووووووووووف @@

تصدقين اقرا وانا ساده نفسي مادري ليش حسيت اني اختنقت < اندمجت بموقفج عدل

الحمدالله على سلامتج

 

[ايام وردية]

رد : وصلتي لمرحلة ال..؟؟

الدفشة ضحكت على سالفه الرشاش تخيلت الموقف

وقت لما كت بالثانوي

كنت بموت والحين يمديني بخبر كااان

مافي سبب معين السالفه ومافيهاااا
كنت نايمة بالعصر والا امي تجي تقعدني من النوم وشوي الا صحيت اسمع كلامها بس ماقدر افتح عيني احاول مني مني موقادرة
وموقادرة افتح فمي واتكلم ابي اصرخ ابي انادي احد ابد موقادرة
وانا اسمعهم بس هم يحسبوني نايمة
واللة يبنات موقف مرعب يمااااااااا
بقيت امكن ثلاث دقائق وانا على هالحالة وبعدين فتحت عيوني وقمت اتكلم

ياربي ارحمناااا الا يجي يوم ونشوف نفسنا بموقف الموت

 

[lolayasmeen]

الحمدلله علي السلامه انا سويت حادث وعيالي معاي انا شفت سياره فيها واحد ومعاه ولده بعمر عيالي واليهال ينادون ولده ويظحكون معاه وانا شفت الريال يتبوسم ومستحي اكيد يوم شاف ولده يلعب استانس عاد انا غيرت صوب الشارع ولا اشوف واحد يدعم سيارته قلبي طار علي الياهل اللي معاه وادوس بريك وبيني وبينهم مسافه سيارتين ولا اسمع بضربه قويه من ورا وعيالي صراخ انا انصدمت ولي دعمني يقولي انا ماراح انحاش انا موجود وانا طالعت عيالي صج خايفين ويبجون من الخرعه وامسك التفون وادق علي الشرطه والحمد لله الياهل اللي بالسياره الثانيه مافيه شي بس قدر الله وما شاء فعل صج الصدقه في هالاوقات تدفع البلا

 

[دانة من البحرين]

خطاكم السؤ حبيبتي
والحمدالله على سلامتكم

 

[myfashionbag]

رد : وصلتي لمرحلة ال..؟؟

الموقف اللي صار معي مره طالعين من الدوام انا ومسئولتي ورفيجتي كانت حامل رايحين عزا ابوه وحده معانا بالدوام فجأه الشارع وقف زحمه اطق بريك ولا سياره ما فيها بريك موراضيه توقف قمت اصرخ اقول حق المسئوله مافي بريك ولا شوفهم مخترعين ويهم حمرا مو قادرين يتكلمون ولا مخي فجأه يفكر ولف حاره الامان وتمشي سياره وانا احاول اوقفها لمن وقفت فجأه

عاد الاحراج يعني كاشخه بسيارتي ومأخذه المسئوله ولا تفشلت منها بس الحمدالله انى الله نجانا

 

[q8_84]

خطاكم السو جميعا

انا اذكر مره كنت بودي اختي للجامعه وماسكه خط اليسار ولا اطالع من المنظره الاماميه ولا ذيك الساره طاااااااااااااايره انا سيده لفيت يمين ابي افتح له الطريق ولما طالعت من المنظره ولا اهو لاف يمين بعد وانا صبت اعظامي وغمضت عيني وسكت ما قلت لختي الي جمبي مستعده للحادث والله وقتها مادري حسيت انا الوقت وقف ولما حسيت السافه طولت فتحت عيني ولا اهو تدارك الموقف وراح اقصى اليمين والله بعدها من الخرعه ما قدرت اكمل احس رجولي ترجففففففف ومو قادره ادوس على البانزيل بس الحمد الله الي نجاني من الحادث

 

[G!RLooNa]

الحمدالله علا سلامتج و ديري بالج من سالفه الموبايل هذي بنت عمي دشت بالشبه لانه موبايلها طاح و نزلت تييبه

انا مواقف صارتلي... ممممم

اخر موقف قبل شهر يمكن

كنت متسبحه و انا لازم اقصر السنترال لي سبحت بسرعه اخذ برد.. بس سنترالي انا و اخوي تحكم واحد و اخوي نايم عنده مدرسه عاد اذا نايم ما اقصر السنترال اشغل دفايتي الهوا و اروح اسبح علا ما اطلع الا الدار دافيه

بس ذاك اليوم مادري ليش ما شغلت الدفايه و دشيت اسبح شغلتها عقب ما طلعت من الحمام

و انا اطول علا ما البس و انشف و ماحب بسرعه بسرعه اخذ راحتي عالاخر

ومادري شلون ما ثبت ياربي جنا في ريحه بالدار بس قاعده اجذب روحي

لما استوعبت صارت الريحه قويه... امبيه هذي ريحت الدفايه

يوم رحت عند البلاك ولا بلاك الدفايه و بلاك الطوفه ذايبين ابعض يماااااااااااي يعني كنت بشيل البلاك من الطوفه ماقدر ذايب

بس صكيت البلاك و قعدت مصدومه

اصلا لما طلعت من الدار و دشيتها تحسين فيها دخان و الريحه قووووويه بس لانه صار تدريجي و انا بالدار ما حسيت امبيه الله اعلم لو متاخره شوي جان شصار

 

[أمـونة]

رد : وصلتي لمرحلة ال..؟؟

يما قصصكم ،، سلامات الكل

أنا شفت الموت بعني من 3 شهور لما ياني الطلق على بنتي الأخيرة ،،

كنت داخله اسبوعين بشهري التاسع ،، ورحت لذاك المستشفى الخاص (اول مره اولد بخاص) قلت ادلع نفسي

انا دخلت لأن الماي نزل شوي بس ماكان فيني طلق ولما فحصوني قالوا بعد عالولاده (2سم)

وحطولي تحميله الطلق - اول مره يحطولي هالتحميله ،، وانا سبق وولدت طبيعي وحسيت بالطلق على بجري

بس من دخلت المستشفى لي الولاده طولت 8 - 9 ساعات وانا اطلق عالخفيف لين ولدت على اخر طلق قوي بنص ساعه

بس هالمره غير ،، هالتحميله اللي خلتني اطلق خلال ساعه ونص ،، وعنق الرحم بعده مومفتوح

شفت الدنيا سودت بعيني قمت من الالم اكفخ النرس و الدكتور ،، وقمت اهلوس وامسك ايد الدكتور (استغفرالله)

واترجاه ان يفكني لأني شفت شي موطبيعي ،، وبالأخير بعز ألمي شالوا الأجهزة عني وزخوني عالإسعاف بيودوني الصباح

وبالطريج ياني بعد طلق اللي ولدت بالاسعاف ،، بس للأسف طلعت البنت (ميته)

وزوجي كان وراي يقول مدخل الطوارئ مال الصباح كأنه ذبيحه يارينها عالأرض ،،، دم موطبيعي !!



أنا من حرتي بعد اللي صار قمت ادور بالنت ،، قريت ان الطلق الحامي وعنق الرحم مومفتوح يخنق الياهل ،، ويسبب انفجار بالرحم !!!

والله ستر علي وكتبلي عمر يديد ،، بس بنتي اللي ظلت ابطني ترفس 9 شهور وسمعت نبضها لي قبل ساعه ونص من الطلق ،، طارت لربها

وحرقت قلبي معاها ،،،،،،



ماتصدقون اني سجلت بالمنتدى علشان بكتب هالقصه بفضح المستشفى حسبي الله عليهم

بس كنت اتردد لأن العبرة تخنقني وماأقدر اكتب ،، ولهيت اباجي الاقسام والمواضيع

الحين كتبت اللي صار و عيوني مغورقه ،،،،،، سامحوني

 

[عيون منوعه]

خطاااااااااااااااااااااااااااااااج السو منوووووولة

ديري بااااااااااالج !!

 

[sweet.sanfoora]

انا مرتين منقلبة بالبانشي

اول مرة راكبة مع بنت خالتي وهي دايسة
وثاني مرة انا اللي دايسة وبغيت امووت حتى محد لاحظ غيابي

وثالث مرة اندعمت وصج بغييت اموووت اللي مخي وقف عن التفكير

 

[G!RLooNa]

امونه ما اشتكيتي عليهم !!!!!!!

 

[G!RLooNa]

رد: رد : وصلتي لمرحلة ال..؟؟

هالموقف اللي صار لي عمري ما انساه هز عايلتي كلها الحمدالله برحمه رب العالمين جان انا الحين لي 3 سنينين ميته ومتحلله مره كنا راحين جبد وكان بشهر يناير وكان الجو باررررررررررررررد مووووووت صقيع بنام ماني قادره انام من البرد شفت دوه الفحم محطوطه بالصاله خذيتها ودخلتها غرفه النوم وسكرت باب الغرفه والدرايش والستاير سكرتهم عدل حتي الباب اللي يؤدي الي غرفه النوم سكرته :eh_s(2):بس لحد اهنينه خبري بالدنيا
اهنينه ادخلت العنايه الالهيه ادخلت بنت اختي الغرفه مافيها النوم قاعده تدور جنجفه ولا حظوا الساعه كانت 4 الفجر واختي
الكبيره قاعده بالصاله تصلي قيام الليل وماتبي تنام لما تصلي الفجر المهم هذه بنت اختي ادخلت الغرفه علي وشافت منظر شافتني مبحلقه عيني وجسمي معكف مثل الربيانه وكفوف ايدي متشنجه طلعت بره تنادي اختي الكبيره اللي اهي خالتها ابيه هناك خالتي ماادري اشفيها يعني انا وكانت تقولها ببروووووود ابيييييييه خالتيييييييي مااااااادري اشفيهاااااااااا ماادرررري ليش نااااااميه جذيييييه اختي الكبيره اللي كانت تصلي تذكرت اني مدخله الفحم قامت تصرخ وتنادي باجي خواتي والشباب اخواني وعيال اختي
والله يابنات والله ان خمسه من الشباب ماقدروا يشيلوني وعلي فكره وزني 62 يعني مو سمينه الحاله اللي كنت فيها متشنجه اختي اللي اكبر مني بسنه تقولي عطيتج طراقات وتراويني عطر خالي اتقولي كله رشيته بخشمج ماقعدتي عطيتج جم طراق طلعت حرتي مال اول كنتي باطه جبدي وهم ماقعدتي غرقناج بكلاصات ماي وهم ماقعدتي الاسعافات مالتهم كانت موليه حدها تقول طلعناج من الغرفه مثل الذبيحه خمسه من الشباب يسحبونج من حلات الروح الروح ثقليه ولد اختي متديين يقري علي ويمسح علي هم ماقعدت تقول لي قعدنا نشهد عليج والاحلي بناتي الثنتين واقفين علي راسي يشوفون امهم تحتضر المهم مانفع الا يوم اتصلوا بالاسعاف اوكسجين وكمام ودرب ياااااله فتحت عيني شسالفه اشوف امه محمد ظابيين علي اللي استوعب واشوف واحد واحد والله للحين اشوفهم الشباب يبجون البجي اللي علي وناسه ما ماتت فيها رررروح


​

امبييييييه احد ينام ويدخل دوه الفحم معاه :eh_s(11):

 

[كراميلا مرة]

انا اتذكر موقف من زمان من كنت بثانوي يمكن
رايحين مزرعه وبالبركه يسبحون عاد انا ماعرف اسبح
يالله امشي بالماي عاد شفت وحده تسبح عدل ومنسدحه لورى وحسيت الحركه بسيطه واروح اقلدها
والله العظيم ماحسيت بنفسي مو قادره اتنفس وادخل وارقى واشاهق ولا احد درى عني الا بنت عمتي جزاها الله خير سحبتني
والله اهي لما طلعت بساعه تقولي منو طلعك ماتدري شصار من الموقف الحمدلله انها عدت جان انا بخبر كانا