ما ادري هالشي طيبة زايدة او هبل ؟؟ انتوا حكموا!!!

[فيفي الحلوة]

الله يسلمكم في وحدة تقول انها مرتاحة مع زوجها من جميع النواحي ومو مقصر عليهم بأي شي وفي نفس الوقت عندها رفيجة مو متزوجة وتشتغل دكتورة وعندها الماجستير وتموت فيها وتقول ما شافت مثل طيبتها ووقفتها وياها....الزبدة انه هالوحدة تقول دائما ابليس يوسوس لي انه الله ما بيطول في عمري وعيالي بيضيعون عقبي واللي بتكون حنونة عليهم هي رفيجتي اذا تزوجت زوجي بعد موتي لكن فكرت وقلت ليش اكون انانية وانتظر موتي علشان تاخذه؟؟ انا صج احب زوجي بس بعد ما احب اني امتلكه وفي نفس الوقت رفيجتي ما عندها احد لانها وحيدة امها وابوها متوفي وقربت تكون في الاربعين فليش ما اطلب من زوجي انه يتزوجها واخذ الاجر والثواب ونكون صديقات مع بعض اكثر!!!!

بالله هذي الواحد شنو يقول لها؟؟؟؟؟؟؟

 

[kuwaitya-frawla]

!!!!!!!!!!!امشي ولا تقولين لها شي!!!!!!!!!!!! شهل تفكير :/



استغفر الله تبي تهدم بيتها بايدها و مو عارفه شلون هههههههههههههههههههههههههه

 

[إنسانه وأكثر]

@@

غريبه الصراحه بس شوفي بداخل هالمره شنو فيه ماكو مره تفكر بهالطريقه الا في سبب ويمكن خاشته عنكم

بس انا عمري ماراح افكر بهالطريقه حتى لو لاسمح الله فيني شي

:/

 

[English.Teacher]

رد : ما ادري هالشي طيبة زايدة او هبل ؟؟ انتوا حكموا!!!

ويمكن زوجها يمووت قبلها

ويمكن صديقتها تموت قبلها

ويمكن كلهم يموتون في حادث ويبقون العيال لحالهم وياحرام يتغربلون



بالله وش هالتفكير الغير منطقي

اذا كانت تتكلم جد ومقتنعة بكلامها وهي ما تشتكي من مرض خطير

فاقول لك ان عندها علة اسمها الفسسسقة

عايشة حياتها باحسن حال ومو مصدقة نفسها انها عايشة عيشة حلوة

فوددها باكشن وودها بدور الضحية الطيبة

الموت حق والدين الاسلامي حث ع التفاؤل ونهى عن التشاؤم


اذا تتكلم من عقلها فانصحيها باخصائي نفسي

ادري كلامي غثيث بس صراحة فقعت كبدي هالفسقانة

*

 

[مشتطـه]

ينقال لها غبيه وغبيه وغبيه وأغبى من الغباء والله لو اختي محلله ما خليته ياخذها لو اني اكرهه

يمه يالحره والغيره غببببببببببببببببببببببببببببببببببببببيه

 

[al-musk]

رد : ما ادري هالشي طيبة زايدة او هبل ؟؟ انتوا حكموا!!!

اذا مابتغار وهذا مستحيل فليش لا عالعموم فعلا عش رجبا ترا عجبا والماس قدرات واطباع

 

[( مي )]

والله الريال مو ناطرها تدور له وتزوجه
قوليلها لي متتيي ذاك الوقت زوجج ماراح يعطل نفسه ،، لا تحاتين بيروح ويتزوج
استانسي فيه الحين بروحج

وخل تشوف لها دكتور نفسي يمكن فيها وسواس الخوف من الموت

 

[لمسه حزن]

رد : ما ادري هالشي طيبة زايدة او هبل ؟؟ انتوا حكموا!!!

وااي الله يعينها

ليش تفكر جذذي؟؟؟

باجر لي صارت الصجيه

تموت من لقهر و تتحسف قد شعر رااسها

 

[قلبين وسهم]

كلن حر بنفسه.

بس انا بصراحه ضد هالتفكير حلاتها مالقت تكسب اجر الا بانها تزوج زوجها

وابد العيال ماجايهم الا العافيه لو مايبقالهم احد بالدنيا ماهم بميتين قبل يومهم

 

[*غنج*]

????
الحمد لله والشكر لهدرجه!!!!!

 

[dubai girl]

قوليلها اذا متي بعد عمر طويل زوجج هو يقرر يتزوج ولا لا
اما انج اتحطين في باله هالفكره وعقب انتي تتوهقين حرام
تخربين حياتج وهي الحمدلله مستقره


شو هالتفكير لوول!!!
خليها تنشغل بأي شي

 

[فوفو22]

رد : ما ادري هالشي طيبة زايدة او هبل ؟؟ انتوا حكموا!!!

لو نفس مشاعرها استمرت عقب زوااااج زوجها من رفيجاتها

اقولج صديقتج وصلت مرحلة من الروحانية والايمان المطلق


ولكن اعرف نوعية رفيجتج

حاليا فيه حماااس وحب كبير لرفيجتها وتحب تدخل السرور بقلبها عن طريقة ارتباطها بزوجها

ولكن هناك رايي احلى وهو

انه رفيجتج تبحث لها عن عريس ويناسب شخصيتها

مش يكون كبش الفدا ابو عيالها

فوفو

 

[Stay alive]

الله يعينها متشاءمه

وتبي تجيب لروحها مشاكل

 

[ريماس77]

رد : ما ادري هالشي طيبة زايدة او هبل ؟؟ انتوا حكموا!!!

اسمحيلي رفيجتج عبيطه والا تستعبط بصراحه نرفزتني الله يهديها

 

[الأميرة جوري]

رد : ما ادري هالشي طيبة زايدة او هبل ؟؟ انتوا حكموا!!!

معقوله لهدرجه ؟ موصاحيه ومافيها ايمان الواحد يعيش يومه وعيالها مايضيعون لي ماتت ياما نولدوا بدون ام واب ..وعاشوا حياتكم

 

[*loveli-noni*]

لاحول ولاقوه الابالله..



هالوسوااس شي طبيعي بالانسان...يمكن ماااعندهااا شي يلهييهاااا مثل دووام او دراااسه..



عشااان جذي تعمق عندهااا هالتفكير....

 

[اشتياق]

رفيجتج حلوه
والدكتوره جيكره
اقص ايدي اذا مو توقعي صح
قولي لرفيجتج لا تعتمدين على جمالج ثم يفنقرج الريـال واتشبب الدكتوره وتصير الكل بالكل
خل تقرأ كلامي
وتقضب زوجها احسن لها
لانها اذا ارخصت فيه فالدكتوره مهي راخصه ياها عقب الشين وبتخليه لها بروحها
عطيني رقم رفيجتج لوووووووووول

 

[TamraBarney]

رد : ما ادري هالشي طيبة زايدة او هبل ؟؟ انتوا حكموا!!!

اذا تبي تسعد صديقتها تدور لها زوج من قرايبها معارفها الا مايكون في واحد بيتزوج وعمره مقارب لعمر صديقتها

اما تزوجها زوجها عشان صديقتها تستانس هذي مو صاحية مع احترامي

بكره اذا كلت قلب زوجها خلي سذاجتها تنفعها ترى الرجال يفرحون بالجديده ويروح الغلا لها كلها حتى لو مو حلوه ولا مو سنعه بمجرد انها تجربه جديده هذي كافي

الواحد يساعد الناس لكن مو على حساب نفسه

واذا على وفاتها بعد عمر طويل يعني كل هالمتزوجات ضامنات اعمارهم !! ما اشوف وحده دورت مره لزوجها ​

 

[đeɱɛɼɑ™]

رفيجتج مطبقة (( الاِيثار )) بحذافِيرَه
بس اهي وحدة من الثنتين

يآ صج تحب رفيجتها لـ درجة تبيها تشآرِكها بكِل شي حتى رَيلها!
يآ منغثثثثثثثثثثثثثة من ريلهآ و تبيه يفج عنهآ شوي

​

 

[فاقده ابوهاااا]

رد : ما ادري هالشي طيبة زايدة او هبل ؟؟ انتوا حكموا!!!

لا حبيبتي مافي زوجه تحب ريلها وترضى بهالوضع هذي يا انها تكره وكره مو طبيعي وتبي الفكه منه او فيوز ضارب براسها .. والضرة تحر لو بالقبر اشلون اعيش معاها حتى لو ما تحب زوجها وعلاقتها عاديه وبارده كرامتها ما تسمحلها .. انا ارجح ان فيوزها ضارب