هل تقبلين بمطلق تزوج ثلاث مرات قبلك وانتي الرابعه^^للنقاش

[Dreams Of a girL]

السلام عليكم ورحمه الله وبركاته









طبعآ هالموضوع للنقاش بس
هل تقبلين بالزواج من مطلق ثلاث مرات؟؟

وشفتوو بنات اخذوو مطلق 3 مرات واهي الرابعه ومتهنيه ؟؟









يلا بشووف رايكم؟؟ :aha:

 

[غُمـۈض بَنيـۃَ]

رد : هل تقبلين بمطلق تزوج ثلاث مرات قبلك وانتي الرابعه^^للنقاش

طبعا انا متزوجه نششكر الله

بس وجهة نظري لا مااقبل وشوله عاد

طيب لنفرض العيب ببزوجته الأولىآ
ماقدر يتفاهم مع زوجته الثانيه

طيب الثالثه وش علتها !؟

مدري احس فيها لعبه

وايه اعرف وحده اخذت واحد مطلق ثلاث مرات
وابششرك صارت الرابعه وجابت منه ولد

وكان يضربها ومايصرف علىآ البيت

وبعد ماتطلقت رجعت اخذت واحد متزوج ثنين وللحين معاه

وحملت منه من ايام الخطوبه وجوا زوجاته وكفخوهااا

وهذاكي مقطوطه ببيت اهلها معلقه لامطلقه ولا يدري عنهاا وبطنها قدامهاا

وربي تكسسر الخاطر

 

[*غنج*]

أكييييييييييييد لأ
لأن الموضوع فيه إن، بيقولون مسكين وما توفق بزواجاته الثلاث بعد لأ
لأن محد يعرف الغيب ولايعرف شلي كان بينه وبين زوجاته إلي وصلهم للطلاق
وأهله أكيد بيطلعون العيب في الحريم مو فيه لأنهم ببساطه أهله،،
وبعدين أنا ماني ناقصه ايد ولا ريل عشان أرضا فيه.

 

[زينة الزين]

لأ

وبس

 

[صمت المرافئ]

رد : هل تقبلين بمطلق تزوج ثلاث مرات قبلك وانتي الرابعه^^للنقاش

بصراحه لا
هذا ينخاف منه
لو مطلق مرة يمكن ...
مرتين ... نشوف الاسباب
ثلاث لا ... مستحييييييييييييل
حتى لو اهو طيب وحظه ردي بالزواج
هم أقولج لا
وابتعد عن الشر وغنيله
واعرف رياييل أخذوا ثلاث
وفعلا الثالثة ثابته
بس أربع لا ... ما مر علي​

 

[قلبي ابيض]

حتى لو اهو مافيه شي والعيب منهم

اتوقع بيكون متعقد من الحريم لوووووووووووول

 

[جنون العشق]

مستحيل

 

[نونه الزعفرانه]

أنا متزوجة بس رايي أقووول
عــــــــادي آخذ مطلق 4 وانا ال 5 كثر من ياهلين ينفق عليهم
الزواج والطلاق نصييييييييييييب يعني الطلاق مو دليل ان الريال مو زين او طليقته مو زينه

 

[أهداب]

رد : هل تقبلين بمطلق تزوج ثلاث مرات قبلك وانتي الرابعه^^للنقاش

اكيد الخلل فيه مو في حريمه
فالاجابة
نو وي

 

[وي وي بس]

رد : هل تقبلين بمطلق تزوج ثلاث مرات قبلك وانتي الرابعه^^للنقاش

اول شي قلتو لنقاش وبرد بنقاش

بمعنى الحديث الرسول علية الصلاة والسلام من ترضون دينه وخلوه زوجوه

ياجماعه وش ذنبه اذا ماتفاهم معهم

وبعدين بعاميه ظل راجل ولا حيطه ههههه

لا لاجد يعني اقسم بالله اذا كل وحده بترفض من تقدم لها عشانه فقير او مستوى الدراسي او مطلق قسم بالله ياعنوسه بتزيد حيييل

عن نفسي اتكلم عن مجتمعنا السعودي يعني الحين البنت زين تلقى رجال قادر يفتح له بيت وربي الدنياء غاليه والرواتب ضعيفه

لايغرك التلفزيون السعوديه والسعوديه خيرنا لغيرنا

تبين تدلع بعد ذا مطلق وذا مو حلو وذا مو دارس

الحين اهم شي رجال وسمعته طيبه ومصلي ومسمي تزوج لو على ذمته 4

الشعب مو قادر يفتح بيت لاتزدون طلبات عليهم وتقلون عنسنا

 

[ياليل مااطولك]

يقول المثل الثالثة ثابتة هذا حطم الرقم القياسي===============بس ترا اهم شي الدين السوال عنة من نحية الدين والتاكد من اخلاقة حق التاكد يمكن تفكر الوحدة ---------لانة 3 صعبة

 

[شمس 20]

نصيب يا جماعه

مره مرتين ايه

لكن 3 او 4 حراام يكسر الخاطر يمكن معقد

 

[NO_oNA]

مممم يعتمد
ويكون ابموضوع قابل للتفكير إذا ماكان عنده عيال وأكلم اللي طلقهم وأعرف إيش السالفه شرايكم فيني خخخخخخ

 

[منوووورة]

مستحيل اكيد فيه بلاا بصراحه لاا مستحيل ارضى

 

[NO_oNA]

مممم يعتمد
ويكون ابموضوع قابل للتفكير إذا ماكان عنده عيال وأكلم اللي طلقهم وأعرف إيش السالفه شرايكم فيني خخخخخخ

 

[مجنونة بس عاقلة]

مطلق مرتين ينبلع
اما ثلاث انحاااااااااااااشي

 

[قل علها خيره]

رد : هل تقبلين بمطلق تزوج ثلاث مرات قبلك وانتي الرابعه^^للنقاش

مممممممم لا لا

مطلق ثلاث مراااات قوووووويه هذا متساهل بأبغض الحلال عند الله وماخذ الطلااااق مثل شربة الماي "" اوكي قنا ماتوفق اول مره ثاني مره ماصابت الثالثه شنو؟؟؟ بعدين لو هو حكيم ويعرف يتصرف جان حل مشاكله معاهم وماوصل هالمررررحله ... إلا إذا كان مقرود ومامن حظ هذا شششي ثاني :tongue22:​

 

[doweha]

رد : هل تقبلين بمطلق تزوج ثلاث مرات قبلك وانتي الرابعه^^للنقاش

بعرف الحين حطيتم الخطا كله على الريال العيب ممكن اكون بالمره او الريال ويمكن بالضروف مو مقياس انه امطلق ثلاث لان اختى زوجها امطلق ثلاث ولمن خطبها كلن قالها انحاشي فيه وفيه لكنها استخارت والحمدلله مرتاحه وعسى ربي اعوضها عن الى شافته اللهم امين واتمم عليها

 

[بَيّروتْ .!]

رد : هل تقبلين بمطلق تزوج ثلاث مرات قبلك وانتي الرابعه^^للنقاش

والله ولد خالتي مطلق ثلاث مرات صج المشكله منه مانقول من بنات خلق الله

بس ترا همن البنات الي طلقهم ما عرفو يتعاملون وياه عدل ( :

لو تقدم لي عادي اوافق بس ما اتوقع اهلي راح يرض >_<

 

[FeShinGoOo]

رد : هل تقبلين بمطلق تزوج ثلاث مرات قبلك وانتي الرابعه^^للنقاش

لوول امنشفينه ثلاثه شببقالي منه بعد ؟؟