اهلااا منوله شلووونج
حبيبتي والله تماام ياقلبي بس اليوم صداع موطبيعي وقهر بسبت المباراة اقهرووني:lkmnkl:
وسامحيني اني ماشفت سؤالج والله مانتبهت العتب عالنظر وامسحيهااا بوشي ياختي وخودي بوسه :* عالراس
بما انج توأم
شنو الشي الحلو و البايخ بانج تكونين توأم؟
الشي الحلوو انه يكون لي نصف اخر يحس فيني واحس فيه وشي حلوو ومميز انه يكون لج شبيه :eh_s(6):
شنو شعورج خلال مراحل حياتج الطفوله و المراهقه و عمر الزواج
يعني ما تأذيتي من اليهال ان عندج توأم؟؟ و بالمراهقه و عمر الزواج مثلا لما انخطبتي انتي ولا اختج ما قلتي شمعنا ثنتينا نفس الشي
لوووووووول شوفي شعوور حلوو وايد وخاصاا اني لي توأم كانت اكشناااتناا موصج ونضحك اذا احد تلخبط
بأسااميناا او بشكلناا والمراهقه كنا انبدع وبالزواج تكنه اشوي بس مايمنع السوالف الي صارت
واليهال ماشاءالله عيال اختي عارفين الفرق وعياالي بعد
ووقت الخطووبه اختي لما يوها ناس شافوها وصارت الخطبه كانت اختي بالصالون وانا الي قاعده واختي تأخرت بالصالون امي قالت ودي الصينيه عالحريم
لهيهم على ماتي اختج وتوني بدش الديوانيه وماسكه الصينيه ولاالكل ايبب عبالهم انا العروس لوووووووول
حزتهاا طلعت اركض من الاحراج ههههههه وسبحان الله نصيب لما تزوجت اختي كان يشوفني ريلها يقول ماكو فرق
اشلون اميز ههههههه لين ياني نصيبي والحمدالله ..
ريلج يفرق بينج و بين اختج ؟
اكيد لانه التغيرات الجسماانيه بعد الزواج خلت الفرق واضح لوووووول:tongue22:
و عيالج يفرقون بينج و بين خالتهم
اي سبحان الله بس بنتي كله تسألني ماما انتي ليش وايد تشبهين خاله بتبوتاا ؟؟ عاد تعالي فهميها يعني شنو توأم هههههه
منو تزوجت قبل؟؟
بتبووت قبلي بشهور
و لو بتبووتا متزوجه قبلج تتضايقين ان كبر بعض و اهيا سبقتج
لاطبعااا بالعكس كانت فرحه لي واختي تزوجت الكبيره تالي بتبوت وانا وراهم بشوي ماكو وقت اعروسنا ورى بعض ماشاءالله ههههههههههه والي ضايقني اني تميت ابروحي وراحت الاكشنات
منو اللي كانت شخصيتها قويه و تفرض رايها؟؟
انا :tongue22:
بمعنى اصح بتبوت اطيب مني بواايد وفيهاا حنيه غيرعني بشوي انا كنت اشوي عصبيه اكثر منها ..
تمنيتي يوم انج تكونين انولدتي بروحج ما عندج توأم؟
نوو نهاائيااا واحمد ربي انه الله ميزنا بهلميزه الي خلاني انولد ومعاي اخت بنفس البطن ونفس الوقت
وعيدميلاد واحد ..
ووو وايد عندي اسئله بس جني مصختها
ياحيااتي الموضوع لكم وانا وافقت عالاضااافه عشاانكم عشان تسألون على راحتكم اذا في شي ماقدر اقوله اكيد بقوول
وهالشي يونسني انكم حابين تعرفوون منوول عن قرب :eh_s(6):
*
