ييبي الولد ولج معزة خااصة عند ابوالشباب واهل ابوالشباب ^_^

[مواصله]

رد : ييبي الولد ولج معزة خااصة عند ابوالشباب واهل ابوالشباب ^_^

الحمد لله عندي 3 بنات الله يخليهم اهلي واهل زوجي ماقط لمحو لي بهالشيئ بس اكيد لو احمل واجيب ولد ان شاء الله بيفرحون لي حيل

 

[بخـــارى]

رد : ييبي الولد ولج معزة خااصة عند ابوالشباب واهل ابوالشباب ^_^

شوفي
معاي ثنتين بالدوام
وحده عنده 4اولاد
والثانيه 5
مطلقات
تدرين شالمشكله

كل وحده تقول الزود عندي
الولد اوالبنت مايزيدون غلات المره عند ريلها
انا فبنتي قالولي ولد والله انه زوجي مااهتم
لما درا انها بنت طار من الفرحه
والحين ميت عليها
ولما اساله شنو حاب ربي يرزقنا المره اليايه
يبي بنت
وللعلم وايد ايحب البنات

نفترض انج حملتي ويبتي بنت للمره الثانيه شلي راح يصير ؟؟
ترى فرحة الولد بسونار واول يوم ينولد فقط
اما البنت العكس الكل يبيها ويتلاقفها

شوفي وقت الزواره الكل يشيل البنت ويدلعها ويغنيلها ويرقصها الخ

اما الولد ابو دم ثقيل بس تلقينه مستعسر ويسعبل ومحد يبيه واذا كبر بلشت شطانته حتى لي زرتي رفيجاتج محد يبيه

البنت نعمه مابعدها نعمه

يقولج خلفة البنات اولها شماته واخرها حسد
تذكري مراهقتج الهاديه مراهقة اخوج الي عفسلكم الدنيا لين كبر وشوفي الفرق


ياام مريوم في حريم وايد متزوجين وماعندهم عيال وشوفي غلاتهم عند رياييلهم
وياما حريم يابو كوكش عيال بنات وصبيان وطراقهم ابيزه

شوفي وايد الي يابوا بجرهم بنت ورجعوا حملوا يبون ولد وهالشي شبه طبيعي
لانه ردة الفعل على الام لي درت فيها بنت كلش مو حلوه لا عليها ولاعلى البيبي الي فبطنها

اقولج عن تجربتي
انا بجر امي وبعدي في 3اولاد
وبعدهم بنتين
ولا انه خواتي انهم عيوني وايديني
اروح اسافر الف الدنيا كله اهمه الي يساعدزني فبنتي
ولو ربي يرزقني اكثر ماراح يقصرون
وان شاءالله اذا ربي كتبلهم نصيب انا بعد ماراح اقصر معاهم

لاحظي العوايل الي فيها اولاد كله متشتتين خاصه لي تزوجوا الكل ياخذ مرته ويقب
اسفه قرقت وايد

 

[غلا ماجد]

امبلا في وااااااايد

 

[BABY MASTER]

كتكوته واموره,,,,جراح الغرام يزاكم الله خير,,,

 

[شقرديه كيوت]

رد : ييبي الولد ولج معزة خااصة عند ابوالشباب واهل ابوالشباب ^_^

والله انا وزوجي ميتييييييييييييييييين ع البنت ياااااااحلو البنات-امانه ادعولي اجيب بنت

 

[شقرديه كيوت]

رد : ييبي الولد ولج معزة خااصة عند ابوالشباب واهل ابوالشباب ^_^

وهم الولد غييييييييير - مرت اخوي عندها بنتين وطولت شوي عليهم والحين حامل ابولد والله حييييييييييييييييل استانسنا لأنه يشيل اسم اخوي وابوي وعزوه وظهر لخواته -- الله يرزقج بالولد الصالح

 

[ماني من الناس]

هاي شي رزق من الله يعني الوحده تعرف خلطه البنت والولد استغفر الله

الدنيا ارزاق

 

[مسك الكلام]

في ناس وايد عقليتهم متخلفه ليما ألحين بس الحمدالله أناعن نفسي ريلي ماتفرق معاه ولد ولابنت المهم السلامه وحتي أهل ريلي عادي المهم تيب موعقيم

 

[Smetk 3'lay]

كلامج عدل موجوه هالعقليه بين الناس

 

[sharshora80]

رد : ييبي الولد ولج معزة خااصة عند ابوالشباب واهل ابوالشباب ^_^

انا حمواتي كلهم عندهم بنات الا وحده يابيت ولد وبنتين
لما انا حملت ببجري وكان ولد علطول طلعوا علي اشاعه ان ما خذه ابره من دكتور ومحدد النوع اي شئ
ههههههههههههههههههههههه
وحماتي احملت وما شفتها تخيلوا خاشه روحها 8 شهور ولما اولدت يابت ولد من بعد 4 بنات بصراحه حسيت انها متخلفه انا عندي 2 ولد الحمد لله يعني على شنو بحسدج
بس تخلف الحمد لله والشكر
وخواتها كل ما سوو سونار يطلع بنت يقولون لي اي ما عندنا الحظ اللي عندج على كيفج تحددين نوع اللي في بطنج
مساكين يكسرون الخاطر

 

[ام اغلى الناس]

الحمدلله انا و زوجي ندنا عادي ..ولد ولا بنت
بس اكتشفت عقلية ناس واجد ... عقب ما ولدت يباركون لي ويقولون الحمدلله من اولها جبتي ولد مو بنت!!!!!!!!!!!!
واعرف ثنتين ... كل سنه يحملون بسرعه ويجيبون بنات ... و يردون يحملون عشان الولد!!!!!!
يكسرون الخاطر البنات

 

[هنـــــد]

رد : ييبي الولد ولج معزة خااصة عند ابوالشباب واهل ابوالشباب ^_^




هذي العقليـة ليما الحين !
وقاعدة تتطور مع الوقت ويصير الرغبه في الولد أمر ظروري
عند المره خصوصاً اللي عندها حريم حميان وكلهم جايبين صبيان
تشتغل الغيرة لان الولد مفضل عند الحموله اكثر من البنت بكثييييييييييييييييييييير

ومحد فينا بيقدر يغير هالفكرة
لان الولد يشيل اسم الاب والعايله ويكون سبب في تكاثرها ونموها
لانجذب على بعض ونقوول غير هالحجي ..!!
همن البنات حلوين ونعمة كبيره من الرب .. بس الولد غيررررررررررررر !

وشكراً

 

[حبـ admant ـك]

رد : ييبي الولد ولج معزة خااصة عند ابوالشباب واهل ابوالشباب ^_^

اي والله ليلحين هالتفكير موجود
من قبل لا احمل الكل يقول لي مبين بتيبين ولد @@ !!!
و اول ماحملت يقوولون لالا اكييد ولد مبين من نساتج
وطلع بالسونار ان فيني بنت واستانست وزوجي استانس خبركم بجر
وقالولنا معليه ان شاءالله الحمله الثانيه ولد
شفيها البنت والله البنت نعمه من الله كفايه دلعهم اينن
حتى ملابسهم رووعه يا حلاه الوردي والله

 

[dreams76]

رد : ييبي الولد ولج معزة خااصة عند ابوالشباب واهل ابوالشباب ^_^

بعض الرياييل عندهم الولد واجب وطني لازم تسوينه وبعدين جيبي اللي تجيبينه والله يرزقج بالولد الصالح

 

[أجراس الرحيل]

البعض للحين يعزوون المره اللي اغلب نسلها اولاد

والرجل يبي الاثنين البنت والولد علشان يكون سند لخواته ويشيل اسمه >>حقيقه ترى

حتى انا لما كنت احمل كل اهل زوجي واهلي واخواني (خصوص الصبيان )شقالولج بنت ولا ولد

الاولى قلت لهم تووم بنات وربي وربي مو عارفين شنو يسوون من الفرحه اشوف الدلع والراحه وين مااكون

هذا غير الطلعات مع اخواني وابوي واااااااااي اهبل اهبلحتى اخواني صارو اخصائيين تغذيه ويوم ولدت صرت نادر مااشوف بناتي

حتى بناتي الله فكهم انصابوا بعين لان اخواني كانوا يطلعونهم لربعهم وزوجي بعد

وهم خواتي كانوا يعاملهم كذا اذا طلعت اللي ببطنها بنت

وولدي مسكين ترى انا اللي دلعته بس طبعا فرحوا بس الصراحه مو مثل خواته يوم قلت لهم ولد قالو الحمد الله حق يشيل اسم ابوه

بس لاتشيلين هم كلهم نعمه وشي مو بيدج ولا بيد زوجج من الله

 

[om MaRyooM]

رد : ييبي الولد ولج معزة خااصة عند ابوالشباب واهل ابوالشباب ^_^

ماشالله الردود وايد . . قريت رد وحدة وحدة بعد عمري ماقصرتو كلللللللللللللكم


والله يرزق كل وحدة الذرية الصااالحة والخلقة الكاملة ..


(بخارى)

يسلم بؤك .. كلامج أثر فيني وايد

 

[وااي قلبي]

رد : رد: ييبي الولد ولج معزة خااصة عند ابوالشباب واهل ابوالشباب ^_^

ايه هالعقلية موجودة وبقوة :23_asmilies-com:

والله وكيلج احيانا اتكون عند الحريم اكثر من الرياييل

واتلاقين المرة مستنفرة لين اييها الولد

اصلا بعض الحريم لما اتكون حامل بولد اتخش احيانا

وام البنات كل ما احد شاف ويهها قالولها الله يرزقج الولد

وعمرهم ما قالوا الله يرزقج بنت

صاجه والله لللاسف للحين هالتفرقه بين البنت والصبي عندي وحده من حمواتى يابنت بنتين ورا بعض حملت على طول وااى احسه صج تعبت نفسيا بحمالها كلما احد شافها انشالله صبي انشالله صبي ولا خالتى (امها) ملنا تشوفها ترفع ايدينها للسما وتدعي من قلب الله يزرقج بفلان امبيه خو ادعي لها تقوم سالمه واتسهل ولادتها.؟؟؟؟؟؟؟؟؟؟؟؟
حتى لو المرا والريال مو ابالهم هالشي وما تفرق معاهم غصب يحطونه ابالهم ويخلونهم يحاتون
مسكينه حماتى حتى خايفه تسوي سونار

 

[الدلال]

بصراحه للحين العقليه هذي موجوده وانا اعترف اني دعيت ربي يرزقني اول ضنا ولد والحمدالله ربي ماقصر

والحين عندي ولدين

وما افكر احمل خلاص حمدت ربي وشكرته على نعمته

بس لو كان عندي بس بنات بظل احمل لما اييب الولد

انا ادري ان ماكو فرق بين البنت والولد بس هالعقليه موجوده بالريال حتى لو ماصرح فيها

الولد عزوه ويشيل اسم الابو وسند لخواته

 

[أمواج البحر]

رد : ييبي الولد ولج معزة خااصة عند ابوالشباب واهل ابوالشباب ^_^

سبحان الله الوضع عندي العكس تماااما

لما احمل بالولد يقولون ويييي يالله ماعليه خيرها بغيرها

وللاسف حتى اهلي

البنيه يطيرون فيها بس الولد ... عادي

ودايما يقولون الام تحس بامومتها بالبنت <<<< للامانه مادري هالكلام صج او مجرد كلام

ودايما بلسانهم الله يعينج والله يعينج <<<< طبعا يقولونها بشفقه .. لدرجة ساعات اكسر خاطر روحي

حسسوني ان اهم بيربونهم ويتعبون بتربيتهم

بس الحمدلله على نعمة ربي غيرنا بعد عمري يتمنون الياهل بغض النظر شنو جنسه

والله يرزق كل ام ما تتمنى

 

[مدام يجيى]

اتوقع ام الزوج هي اللي تبي الولد
انا توني حامل ولا ادري شمعاي بس اشوف ام زوجي بعد ماجابوا سلفاتي العيال صايره تحطهم على راسها وانا يالله اعطت وجه يوم حملت بس لو جبت الولد اكيد بتزيد معزتي
اما زوجي يقول افضل البكر يكون ولد عزوه لاهله بس لو جبتي بنت اكيد بموت فيها وبتكون دلوعة ابوها
وبالنسبه لي اللي يجي من الله ما احلاه