السلام عليكم
شلونكم يالغوالي
واللي يعافيكم (المتزوجة او المطلقة أو حتى الآنسة)
عندي لج جم كلمة أبيج توقفين عندها وتفكرين فيها عدل:
- قبل ما تكتبين أي موضوع خاص فيج فكري
قبل المرة مليون اذا كان عادي أو لأ؟؟ يمكن
يوم من الأيام أحد من معارفج يعرفج ويسولف
وبعدين تركضين للمشرفات: تكفون احذفوه
لايدرون هلي وحمولتي.
- تبين استشارة من العضوات ماله داعي ياقلبي
كتابة التفاصيل الدقيقة خلج كثر ما تقدرين حريصة.
- مالج شغل بغيرج حتى لو انج تعرفينها وتدرين
انها تلفق بالحجي والمواضيع صدقيني اذا مو
اليوم باجر تبين الجذبه وتطيح من عيون العضوات.
- موضوع تحسين ان الزوجة او ايا كانت كاتبة
موضوع موعاجبج مو ملزومة انج تردين طلعي
منه لاتعورين راسج بالمنتدى اشكثر مواضيع نقي اللي تبين ياعمري.
- الحيا الحيا والله ماكان في شي الا زانه يمكن
تقولون: شدعوة نبي نتعلم ونتثقف اوكي بس كل شي بالمعقول حلو ولا لأ؟
- أدري شكثر راح يدشون ويتشكرون بس مو
هذا اللي أبيه ياحبيباتي المطلوب الله لايهينكم
التنفيذ .
التنفيذ .
- ترى الأسلوب والتعامل مع الغير يبين عن
رقيج ومعاملتج مع الغير ويعكس صورتج .
السموحة لي طولت عليكم.
أحبكم في الله.
