@*@ تجــــمع العـائـدات من بـلاد العـام سـام لــ 2010 @*@

[اشراقة الحياة]

الـــــــــــســـــــلام عـــــــلــــــيــــــكــــــــــــــم

اشـــــــــــــــــــلـــــــونــــــــــــــكــــــــــــم ....؟؟؟

والله ولهت عليكم ..............
يــــــــــــا حلو امريكا وايـــــــــام امريكا .................

ودي اشارك بس مشاركتي حدها متاخره ......يعني اخباري حدها قديمه .........لوووول

 

[اشراقة الحياة]

هلا حبيباتي ممكن تساعدوني بسفره للوس انجلوس...ابي سكن حلو وفي نفس الوقت سعره حلو مابي يقول كلفتني السفره كذا او يهون لما يشوف الاسعار نار بلييييييييييييز ساعدوني ورتبو لي السفره بالاايام والفنادق

اهلين طوق اشلونج ...؟؟
نفس حالتي بضبط ..يبي يروح كالي وباسعار حلوووه .....ان شاء الله ان رتبها مع بعض وتصير هالسنه في
امـــــــــــــــــــريــــكـــــا

 

[كتكوته22]

واي الصراحه بخاطري اروح امريكا وبالاخص كلفورنيا تنصوحني اي شهر الجو يكون حلو فيها

 

[q8 83]

مفتون


شخبارج يالقاطعه من وين طالعه مكانج مبين

شلونج و شلون بنتوتج

شفتي شلون الي يروح اميتا يتعلق فيها رحتي السنه الي فاتت و عزمتي هالسنه ان شالله

متى حاطه فبالج تروحين اي شهر

 

[kakawa nona]

احنا انشالله اذا الله كتب بنروح اميريكا

بس احنا ماشالله عايله كلنا 7
شلون نبي نروح اكثر من ولايه ليلحين حددنا اورلاندو وكاليفورنيا وما ادري وين بعد

بس شلونعلى السكن ؟؟!!

 

[مفتـون]

طوق الياسمين...

انا سكنت في بيفرلي هيلز في فندق واااايد حلو اسمه موزاييك .. موقعه واسعاره حلوه .. بس ما قلتيلنا وين بتسكنين في لوس انجلس.. انا ما بغيت ديزني فعشان جذي قررت اسكن بيفرلي هيلز وباقي المناطق زرتهم بالسياره ..

 

[مفتـون]

بوران ..

ياااااارب تتيسر سفرتكم وتستاانسون حبيبتي..


==


q8 83

هيه والله من طبيت امريكا وانا اقول حق ريلي ان شالله كل صيف نكون في امريكا .. حبيت كل شي فيها و احس كل مره بكتشف مكان يديد فيها ..

انا حبيت مدة السفر لانه رحنا شهر فما حسيت انه وايد ولا كان شوي.. يعني بيرفكت بالنسبه لي حق امريكا

وكالي تجنن حبيت كل مدنها.. بس بغير الاماكن شوي وفي اماكن مثل لاهويا وسان دييغو ابا ازورهم مره ثانيه

ان شالله لو رب العالمين كتب لنا سفره بنروح على نهاية شهر ٦ ..


وانتي؟؟

 

[مفتـون]

اشراقة الحياة..

لا متاخره ولا هم يحزنون اصلا الكل لاهي هالفترة فمحد عاتب على حد :friends:

انتي العام وين سرتي في امريكا؟

==

كتكووته ..

يقولون كالي تستوي حر فالصيف بس انا العام لين نص 6 كنت هناك وكان الجو روعه.. بس هي معروفه باعتدال جوها طول السنه فاعتقد اي وقت يناسبكم بيكون حلو عادي...


==

kakawa nona

هلا فيج حبيبتي.. شوفي انا احس سفره وحده تسيرون فيها شرق وغرب وايد صعب.. لانه بين كاليفورنيا و اورلاندو 7 ساعات بالطياره على ما اذكر .. الا اذا كنتو بتقضون اكثر من شهر ونص قولي يمكن عادي.. لكن لو انا مكانج بحدد جهه وحده وبركز عليها عشان ازور المناطق اللي في هالجهه كلها..

يعني نحن العام نزلنا في نيويورك 9 ايام ومنها الى لاس فيغاس يومين وبالسياره الى لاهويا في جنوب كاليفورنيا قضينا فيها كم يوم ومنها الى لوس انجلس كملنا فيها باقي الشهر ورجعنا دبي من مطار لوس انجلس رحله مدتها 16 ساعه :23_asmilies-com:

 

[ظلال القرآن]

رد : رد: @*@ تجــــمع العـائـدات من بـلاد العـام سـام لــ 2010 @*@

اهلين طوق اشلونج ...؟؟
نفس حالتي بضبط ..يبي يروح كالي وباسعار حلوووه .....ان شاء الله ان رتبها مع بعض وتصير هالسنه في
امـــــــــــــــــــريــــكـــــا

اشراقه وطوق شوفو صوري اول الموضوع بلوس انجلوس سكنا شقه بماريوت وايد توفقنا فيها سعيه ونظيفه وسعرها حلو
وبلاس فيغاس اخذنا فلا بحمام سباحه عاد هذي الي صج صج سعرها مناسب وكبيره واستانسنا فيها واشوى ما سكنا فندق خبرج فنادقهم فيها بلاوي زرقا :rgewrg: بالوبي وحمام السباحه فاخذنا راحتنا حيل
دشو هوم اوي تحصلون وايد فلل وكل فلا احلى من الثانيه والاسعار بلااااااااش

 

[q8 83]

مفتون انا ماشيه ان شالله نص 3 لي نص 4 بس اتمنى ما تكون نيويورك برد لان جربت بردها اولت العام و كان مليق

 

[مفتـون]

مفتون انا ماشيه ان شالله نص 3 لي نص 4 بس اتمنى ما تكون نيويورك برد لان جربت بردها اولت العام و كان مليق

ماشالله عليكم .. هي اكيد بتكون برد بس انتي شو خط رحلتج في امريكا وكم بتمين في كل مدينه خبرينا

 

[فهههده]

رد : @*@ تجــــمع العـائـدات من بـلاد العـام سـام لــ 2010 @*@

هلا والله بربعنا العام وربع امريكا كلهم
هلا بالموجوده والي لاهيه
اشراقه وظلال ومفتون و83 والمفقودات حبوبه وام عيال وام خلودي وروان واماني و و و
شلونكم وشخباركم ووينكم
انا السنه الي راحت مرره انبسطت في كاليفورنيا وصمنا هناك رحلتنا شهرين
ثم في الحجه بعد رحت اسبوعين لعيالي الي يدرسون بس لحالي
والحمد لله كلها تساهيل من ربي
اللهم لك الحمد على كل شي

 

[مفتـون]

فهده هلا بالغاليه شخبارج
الحمدلله يوم شفتي عيالج وصمتي وياهم وطبختيلهم اكيد باقي الطلاب هناك غاروا منهم هههههه

الله يخليلج اياهم ويفرحج فيهم يارب

 

[اشراقة الحياة]

رد: رد : @*@ تجــــمع العـائـدات من بـلاد العـام سـام لــ 2010 @*@

اشراقة الحياة..

لا متاخره ولا هم يحزنون اصلا الكل لاهي هالفترة فمحد عاتب على حد :friends:

انتي العام وين سرتي في امريكا؟

asmilies-com:

اهلا مفتووون اهلا بتجمعنا العجيب
شخبارج ....؟؟؟
انا العام رحت كاليفورنيا 2009
و2010 رحت فلوريدا

اشراقه وطوق شوفو صوري اول الموضوع بلوس انجلوس سكنا شقه بماريوت وايد توفقنا فيها سعيه ونظيفه وسعرها حلو
وبلاس فيغاس اخذنا فلا بحمام سباحه عاد هذي الي صج صج سعرها مناسب وكبيره واستانسنا فيها واشوى ما سكنا فندق خبرج فنادقهم فيها بلاوي زرقا :rgewrg: بالوبي وحمام السباحه فاخذنا راحتنا حيل
دشو هوم اوي تحصلون وايد فلل وكل فلا احلى من الثانيه والاسعار بلااااااااش

هلا ظلوله اشلونج عسوووله .....شخبارج ...؟؟؟
والله انا حالتي مع ريلي هذي كل سنه ما كو رد الا حزة الحزه .....
بس ظلوله انا دشيت الموقع حده عجيب بس جربتي تحجزين منه ...لانه اسعاره حدها حلوه ؟؟؟

هلا والله بربعنا العام وربع امريكا كلهم
هلا بالموجوده والي لاهيه
اشراقه وظلال ومفتون و83 والمفقودات حبوبه وام عيال وام خلودي وروان واماني و و و
شلونكم وشخباركم ووينكم
انا السنه الي راحت مرره انبسطت في كاليفورنيا وصمنا هناك رحلتنا شهرين
ثم في الحجه بعد رحت اسبوعين لعيالي الي يدرسون بس لحالي
والحمد لله كلها تساهيل من ربي
اللهم لك الحمد على كل شي

هلا فهوده اشلونج .....؟؟
عساج بخير ....؟؟
انا والله حدي استانسنت ......العام بفلوريدا بس مشكلتي الجو والاماكن....
بكاليفورنيا كانت اكثر و متشعبه وااايد ......

 

[q8 83]

مفتون

ان شالله راح انزل ليلة بنيويورك و بعدها اطير على سان ديقوا بقد فيها اسبوع و بعدها بقعد اسبوعين بأنهايم عشان اقدر اتحرك منها على راحتي يعني بتمشى بسانتا مونيكا وربعها و احتمال امر بفرلي هلز

و بعدين بقعد بنيويورك اسبوع و انا الي راجعه الكويت ان شالله



هلا فهده شخبارج و الله بس شفت نكج تذكرة تجمعنا السنه الي فاتت

مالج روحه هالسنه على حبيبة القلب ؟

 

[مفتـون]

q8 83

لا تنسين في ردتج لنيويورك تسيرين الاوتلت وتشحنين الاغراض عالبريد الامريكي.. انا شحنت ٣٠ كيلو وحطيت فيه جاكيتاتي عشان ارجع بدون محاتاة الوزن .. ماشالله خط رحلتكم حلو بس غريبة ليش ما تقضون الاسبوع فنيويورك اول ما توصلون وعقب ترجعون الكويت من لوس انجلس بدال لا تنزلون فيها وتروحون غرب وتردون شرق..


--

اشراقه..

يعني من عقب فلوريدا تحسين انج تفضلين كالي؟ ناويه على امريكا السنه ولا لا..

انا ان شالله ناويه .. الله ايسر لنا

 

[q8 83]

مفتون

لاني اشحن من الاولت لت عشان جذي اخلي نيويورك اخر شي مع ان السنه الي فاتت ماعجبني كانوا خامينه الكندين

بس اذا تروحين اول السنه مثلي تحصلين فيه بضايع عجيبة

ولان احنا نطير على الخطوط الكويتيه و الكويتيه تنزل بنيويورك فأول تالي مارين عليها بالروحه و الرده ومنها عشان يكون الجو دفى شوي

 

[بوران]

رد : @*@ تجــــمع العـائـدات من بـلاد العـام سـام لــ 2010 @*@

شلون طيران الكويتية q8 83 مريح ؟ شلون كراسي الطيارة صج قديمة ؟ و صج يقولون عادي يتكنسل حجزج من غير ما تدرين ظ شلون مواعيدها؟
لانه متخوفة منها بس اهي الوحيدة دايركت و هم سعرها اغلى شوي يعني تسوى؟؟

 

[q8 83]

و الله بوران انا كل سنه اطير عليها

عمرها ما تأخرت >>> على حظي

و اول مره اسمع موضوع الحجز المتكنسل ول مره حاشني بكل رحلاتي سواء نيويرك او غيرها

و بالنسبة للكراسي انا اقعد اما على الc class و هو كراسية تكون بزنس بس نوع الاكل ايكونمي

او اقعد على البزنس

و ااذا على الكراسي مالت الايكونمي كل الخطوط كراسي الايكونمي ضيجه و بالنسبة لي الكويتية ارحم من اليونايتد

على الاقل الكويتية اكلهم ارحم وعندج بوفيه سناك مفتوح طوووول الرحله حق كل الكلاسات

اليونايتد يدوب 3 وجبات و لوووعه

و انتي اذا تبين اتوسعين ممكن تاخذين كراسي الاكونمي الي اول سطر عشان تمدين ريلج براحتج


انتي شنوا الخطوط الي حاطة فبالج تطيرين عليها غير الكويتية عشان تقارنين

 

[مفتـون]

على طاري خطوط الطيران الاماراتيه وايد ضيجه من ناحية الايكونومي في رحلة امريكا .. بس الشي الوحيد اللي يشفعلهم نظام التسليه والاكل ..

انا افكر فبنتي بتكون سنتين بس ماشالله عليها مستحيل على كرسي بروحها اعرفها.. ماعرف كيف بيكون الوضع