ودي اصفقها.. أتأيدووني.؟؟؟

[ShaGRa NoiSya]

لما وحده تحط مشكلتها ويردون عليها بنات مسوين روحهم فاهمين كل شي وصايدين الحركه ويقولون لها انتي نيتج جذي وجذي وانتي وانتي ؟؟ <<< ليييش يعني انتوا عايشين بجيبها وشدراكم بنيتها شنوو

ويقهروني الي لما تكتبين رايج تكتب لج الله يهديج او الله يصلح حالج او حمدالله والشكر مو عاجبج رايي لا تنزلين موضوع تقولين ابي رايكم !!!

 

[آهديت لك قلبى]

رد : ودي اصفقها.. أتأيدووني.؟؟؟

فيه مثلا وحده كاتبه مشكلتها بس بصرراحه واااضح انها غلطاانه مثل وحده تكتب زوجي او حماتي او اوو ..
واهي اللي غلطانه بالسالفه كلها مو اهم

مايعجبني لا اللي تجاملها بالغلط ولا اللي ترد باسلوب غلط وتقعد تزف فيها

يعني المفروض ما نجامل بعض بس باسلوب حلوو وراقي

لان الهدف اهو ان نتعلم من بعض ومحد فينا كامل الكمال لله سبحانه​

 

[franshiska]

رد : ودي اصفقها.. أتأيدووني.؟؟؟

انا احتقر اللي ترد على وحده كاتبة مشكلتها او موضوعها
وهذي بسلامتها تدخل تجذبها
وانتي شكو جذابة والا لا
يا انج تقولين كلمة طيبة تطيبين خاطرها أو حل أو مع السلامة
ولكل وحده ظروفها و طريقة تفكير
مو شرط تكون كوبي منج ومن ظروفج ومن طريقة تفكيرج

 

[الأميرة الحزينة]

يغثوني اللي وحده تكون كاتبه مشكلتها ومتضايجه .. ترد وحده معوضه خير تخيلوووااا بكل المواضيع نفس الرد ومبين مو قاريه المواضيع لأن بعض المواضيع يكون الرد موو راكب:rerrerek: وتوقيع شكبره عارضه منتجاتها وماترد تطيب خاطر هالمسكينه اللي منزله موضوع:lkmnkl: شالمانع ان الوحده ترد والتوقيع بيطلع بس اب اب ورد ماله معنى ..
ولما وحده تكتب عن ريلها ترد وحده تسفل بأم اللي يابته لوووول زين انا قلت عطينا رايج مو تسبين ريلي :016: مهما كان الوحده ماترضى على ريلها.. نفس وحده مره كنت منزله موضوع فرفشه عن ريلي تفاجأت برد من الردود تقولي ريلج ما يستحي وقليل ادب
شالكلام:lkmnkl: وانا والله العظيم ما اذكر اسمها ولا حطيتها ببالي بس واايد ضايجني الرد:rerrerek:

<<< بسج اميره طلعي شاركتي مو حلاو خخخخخخ

 

[تيموره]

رد : ودي اصفقها.. أتأيدووني.؟؟؟

السموحه مايخالف بس ما اقدر ما اعلق على التاجرات

انه اذا يهمها حيل الرد وتساعد العضوه بمشكلتها خصوصا اذا عويصه من اللائق اتشيل خاصية التوقيع مراعاة لمشاعر العضوه

يعني مو تجي تعرض بضاعتها بالموضوع والعضوه متأزمه وحالتها حاله والتوقيع هالطوووووله والرد حجوتين

كلش شي مزعج

حلو تقبل الراي الاخر بسعة صدر ومافي راي ينفرض لا بالتلعلع ولا طولة اللسان مو لازم نتفق

 

[ام شووووق]

رد : ودي اصفقها.. أتأيدووني.؟؟؟

كلمه اب اب خاصه لوحده كاتبه مشكلتها

 

[العفاسيه]

ودي اصفق اللي

ترد على وحده توه مشتركه وحاطه مشكله تبي حل او حاطه موضوع عام

ترد عليها وحده تقول توج عضوه جديده وحاطه مواضيع ومشاكل

اجل توقف مشكلتها لين تصير من كبار الشخصيات ؟؟

اكره هالنوعيه شايفين انفسهم على شنو مادري ولله محد درا عنج

 

[غــلآ]

رد : ودي اصفقها.. أتأيدووني.؟؟؟

لووووووووووول

مع العفاسيه هذول صج يقهروني خخخخخخخخخخخ


يعطيج العافيه على الموضوع الحلو

 

[اميره1980]

اللي ودي اصفها اللي ردها على الموضوع او المشكلة تافه و تحسين ان عمرها 12 سنة و يمكن اقل و داشة قسم الحياة الزوجية شكووووووووووووووووووووووووووو ؟؟؟؟؟
و اللي تشيش البنات على رياييلهم احسهم مو كويتيات صج شي يبط الجبد

 

[Tom ♥ Jerry]

رد : ودي اصفقها.. أتأيدووني.؟؟؟

.


لووول اي و الله صح !
تصدقين انا مرآت آدخل موضوع أكون قآريته آكثر من مره !
بس مآ أقول أنه قدييييم و شخباري هالموضوع
و الله فشله خو ! @@@
حسو شوي بالبنت مسوية موضوع و ناقلته و مكشخته و حآطته
آخر شي هالردود الي تقهر

 

[فيروزي]

انا يقهروني البنات اللي تكون وحده توها عضوه جديده وكاتبه مشكله وحوسه ...والمشكله واااااضح انها واقعيه ....
وفالاخير يقولون


(( اشك انك رجال ))
طيب شاكه لا تردين اصلا
او يكذبونها يووووه يرتفع ظغطي

 

[Miss LOoOLOoO]

رد : رد: ودي اصفقها.. أتأيدووني.؟؟؟

لما وحده تحط مشكلتها ويردون عليها بنات مسوين روحهم فاهمين كل شي وصايدين الحركه ويقولون لها انتي نيتج جذي وجذي وانتي وانتي ؟؟ <<< ليييش يعني انتوا عايشين بجيبها وشدراكم بنيتها شنوو

ويقهروني الي لما تكتبين رايج تكتب لج الله يهديج او الله يصلح حالج او حمدالله والشكر مو عاجبج رايي لا تنزلين موضوع تقولين ابي رايكم !!!

اي والله يقهروني مثلا انا حطيت موضوع بقسم لوكات المشاهير

وكان الموضوع تبادل الارآى لا اكثر ولا اقل

وعضوه ماعندها اسلوب ردت علي

الحمد لله والشكر عيب عيب يابنت؟؟؟؟؟؟؟؟؟؟؟ :eh_s(12):شكو شكو صج كانت متخلفه

وفي بنات ردودهم عسل وحتى لو ماعجبها تعلق بأسلوب راقي

 

[@البتووول@]

رد : ودي اصفقها.. أتأيدووني.؟؟؟

التاجرات اللي يردون أول رد >>>> ويــــــع تلوع جبدي صج كرهتهم من قلب والمشكله شفتهم بكذا قسم والمصيبه أول رد أو الـ2 @@ عفيه حيل والصفحه شكبرها لا وماتكتب رايها بس أب <<< أب على شنو الموضوع مايمدي نزل بينها وبين كاتبة الموضوع دقيقه@@

لوتجري جري الوحوش غير رزقك ماتحوش <<< فماله داعي الابأبه والتوقيع المليق اللي شكبره والرد اللي ماله شغل بالموضوع لووووووووووول

 

[Sa7rt al9looop]

رد : ودي اصفقها.. أتأيدووني.؟؟؟

يعطيج العافيهـ ع هالموضوع النايس

أنا وايد يقهروني

اولا :انا مع البنات بمسألة الي يتفلسفون وتكون العضوهـ يديدهـ وأول رد أتوقع إنج ريال يعني صايدهـ الحركهـ شارلكـ هومز

ثانيا: يقهروني حيييييييييييييييييييييييييييييييل البنات الي يقلدون يعني وحدهـ منزلهـ موضوع أو مشكلهـ وكان أول رد لعضوهـ وه>ي العضوهـ كان رايها إن الي كاتبهـ الموضوع غلطانهـ خلاااااااااااااص تصير كل الردود الي بعدها نفس الردود أو العكس إذا كان أول رد يا حياتي واللهـ معاج حق ... الخ تصير كل الردود نفس الستايل يعني أمووووت قهر ماكو رايي مستقل ماكو شخصيهـ

ثالثا: التاجراااااااااااااااااات الرازق بالسما يعني كاتبهـ موضوع وحاطهـ توقيعج خلاص يا حبيبتي بردودج ع الي دخلو موضوعج شيلي توقيعج واللهـ يخرب الموضوع ويعطي انطباع مو حلو

رابعا: التاجرات خصوصا بقسم العروس يعني وحدهـ كاتبهـ موضوع ابي جنطهـ تدخلين تقولين موفقهـ وحاطهـ صور جناطج بالتوقيع يعني نغزهـ اللهـ يهديج جان دزيتيلها بالخاص حياج عندي او بردج قلتي حياج عندي جناط إن شاء الله تعجبج

خامسا: الي تنزل موضوع وتنصح فيهـ عضوهـ بالعام ونصيحتها كل انتقاد للعضوهـ شنو هدفها تشويهـ هذا مو نصح

سادسا: مرهـ عضوهـ منزلهـ موضوع بس حرام مو عارفهـ تحمل صور وطلع موضوعها ناقص حرام غلطهـ مو قصد وحدهـ ردت عليها طبعا بعد ما هزؤوها البنات يا سخيفه سا مليقه يا بايخه ...إلخ وحدهـ ردت الله ياخذج ضيعتي وقتي شكووووووو تدعين لهدرجهـ ماكو اسلوب اللهـ يا وقتج الثمين عاد هذا مثل بعد ع الي يقلدون بالردود ع غير سنع

سادسا: هذا انتقاد بسيط ع الي تكتب ردها ويكون مثل العسل بس آخر شي تكتب تحياتي فلانهـ<<< والله نشوف الاسم
طولت عليج بس موضوعج شدني حيل

تقبلي مروري

 

[أحـلام * ورديـة]

رد : ودي اصفقها.. أتأيدووني.؟؟؟

انا تغثني اللي كلا تبي تتهاوش

يعني انتي تعرضين مشكله واهي تيي ترد رد تبي تتهاوش معاج

ليش عسى ما شر قاعدين عشان تفشين خلقج فينا ولا شنو

 

[صحفية]

والله جان زين التاجرات يدشون هالموضوع ويشوفون الاجماع الكبيير بالنقد على حركتهم ...

اب اب اب ،،، وحفظناها ،،، اما وحده كاتبه مشكتلها مع ريلها وتردين عليها يسلمووو قمة عدم الذووق صراحه !!

عندكم القسم مالكم سووو دعايات فيه على راحتكم ،، والي يبي يشتري يدل مكان القسم بيروح يطالع هناك ،،

اووووف يحرووووووني وصارو معروفين وحركتهم صارت واضحه والكل قام ينقد عليييهم

 

[مصدر الحب]

اكثر شي يرفع ضغطي الي تكتب يسلمو او موفقة
على موضوووع ماله خص في هالكلمتين مدري وش يحسوووووووووووون فيه البنات من جد

 

[فاطمةhz]

انا مااحب اللي تبي تتخانق وتسوي نفسها قويه ومحد يقدر عليها
احسها تافه وعندها اساليب مو شريفه
انا مره كتبت موضوع بالطلبات بمنتدى ثاني
وحده ردت علي عندها طلبي بس انا ماعجبني اللي عندها ببالي شي ثاني
فرديت عليها مشكوره وتشرفت بمعرفتج. حلو
راده علي قصبا عليج تشكريني وما تشرفت بمعرفتج
تخيلي ووصل الهواش انها توزع رقمي بشات علي انه رقمها ويدقون علي شباب اشكال وألوان حتى من السعوديه دقوا
هاذي عاد اللي ودي مو بس اصفقها اخ اخ اخ ودي الله يبليها بمصيبه

 

[Sa7rt al9looop]

رد : رد: ودي اصفقها.. أتأيدووني.؟؟؟

انا مااحب اللي تبي تتخانق وتسوي نفسها قويه ومحد يقدر عليها
احسها تافه وعندها اساليب مو شريفه
انا مره كتبت موضوع بالطلبات بمنتدى ثاني
وحده ردت علي عندها طلبي بس انا ماعجبني اللي عندها ببالي شي ثاني
فرديت عليها مشكوره وتشرفت بمعرفتج. حلو
راده علي قصبا عليج تشكريني وما تشرفت بمعرفتج
تخيلي ووصل الهواش انها توزع رقمي بشات علي انه رقمها ويدقون علي شباب اشكال وألوان حتى من السعوديه دقوا
هاذي عاد اللي ودي مو بس اصفقها اخ اخ اخ ودي الله يبليها بمصيبه

قهرتني حسبي اللهـ ع الي ما يخاف اللهـ

خبيثهـ وتافهـ

أنا بعد يغثني <<< يا كثر الي يغثونج

الي تكتب مشكلهـ وتقول هذا نكـ رفيجتي مو نكي أنا مستعيرتهـ منها يعني ع بالها إنهـ احنا هنود ما نفهم وإلا شنو صج في بنات جذي بس من كثر ما قاموا يسون هالحركهـ ما قمت أصدقهم صراحهـ :d​

 

[بندوله مصدعه]

لما وحده تكتب مشكلتها وتهب بوجها تقول لحد يرد لانه رجال <<<انتي شكو واشدراج
واللي يدخلون المواضيع يتهاوشون ويخربون المواضيع ويطلهون<<< صراحه قمة الهلاقه