إللي عندها أي استفسار بخصوص الديكورات والبناء تتفضل ( للفائده فقط )

[tattoma]

العفو حياج

انتي رسميلي حتى لو بالإيد وحطيها مع موقع الباب وان شالله اذا رديت البيت ارسم لج مخطط مع توزيع الأثاث*

 

[(ام سارا)]

جزاج الله خير اختي على مساعدتج البنات ماقصرتي
وموضوعج يهبل ماشاء الله ,,
حبيت اسالج انا عندي غرفة 4 في 4
وفيها مكتب زاويه نفس مال ايكيا بدور لج صورته وتلفزيون بلازما وصوفا وفارشتها وفيها دريشه كبيره الي تجي من فوق قوس ماخذ مساحه كبيره منها >>بصراحه مادري شلون مو مريحه فبغيرها من الى شنو اقتراحج من ناحيه الالوان ونوعيه الكنب ومكان التي في والمكتب
ودي احطها سيراميك او خشب واحط لها زوليه بدل الفرش الي فيها ..اذا مافهمتي وصفي ادز لج عالخاص الصوره
علما انه ابيه للدراسه وابيها قعده لي ولزوجي وجزاج الله خير..

 

[tattoma]

هلا والله حبيبتي.. مشكورة ما تقصرين

طبعا إذا شفت الصورة راح يكون أفضل، بس بالنسبة للألوان اختاري الألوان الفاتحة، وبما انها غرفة للدراسة لا تستعملين الألوان الباردة مثل الأخضر والأزرق والبنفسجي لأنها ألوان تساعد عالاسترخاء.. واستعملي الألوان الحارة مثل الأصفر والبرتقالي (الأحمر ما ينفع لأن الغرفة مو كبيرة)..

أما بالنسبة للأرضية الأفضل والأنظف السيراميك.. عند السويد نوعية جيدة وأسعار مناسبة وفيه عند الشايع وحسن أبل وأبيات والآسيوية

 

[الجازي2000]

مساء الخير حبيبتي
أولا جزاج الله خير على هالمجهود الرائع مع البنات
حبيت أخذ رأيج بغرفة نومي أنا عايشه مع أهلي وعندي ولد عمره 5سنين ودي أعدل غرفتي من جديد مع العلم ان ولدي معاي بنفس الغرفة ( الغرفة 4×4) يعني صغيره حيل ففكرت آخذ سرير طابقين بس هلي قالولي اخذي سرير نفر ونص يكفيني أنا ووولدي ،طبعا أنا ما أقدر أحطط سريرين منفصلين لأن الغرفة ما تكفي ، وناوية اشتري كبت بعرض الغرفة ، وخاطري باللون الأزرق السماوي والغامق ولا أحسن أزرق وأبيض وأحط الاستيكرات اللي حاطتهم احدى التاجرات بالمنتدى شكلهم زوغة ، وهل يكفي اشتري تسريحة أو أحسن مكتب لأني بخاطري بغرفة حلوة وشنو لون الأثاث الأفضل وما تقصرين

 

[الجازي2000]

خاطري باللون هذا شرايج فيه

أو

أو آخذ درجتين للأزرق فاتح وغامج أو فاتح وأبيض

 

[الجازي2000]

 

[الجازي2000]

شرايج باللون هذا
وشنو لون الأثاث اللي يصلحله
لأني ما بي أبيض

أو شرايج بهالتصميم شنو نوع الصبغ اللي يصلحله

 

[DALLOOL]

عندي عواميد بنص الصاله حيل مضايقيني عندج حل لهم ؟
قالولي أغطيهم بمنظره فيضيع شكلهم بس آنا ما حبيت الفكرة

​

 

[يونيك VVIP]

رد : إللي عندها أي استفسار بخصوص الديكورات والبناء تتفضل ( للفائده فقط )

حبيبتى الف شكر لك على الموضوع المهم
عندى استفسار
بما انى بمرحلة البناء ( الطابوق ) ف المقاول قالنا حددوا اماكن الابواب وعرضها اللى تبونه

وانا وايد محتاره للصالة الجانبيه اللى بالدور الارضى اكو 3 غرف كبار تطل على الصاله اللى فيها اساسا مصعد ودرج
وانا اعتبرها موزع بس مساحتها كبيره 7 ,5 × 6 متر
سؤالى اختى
بما ان كل الدور اللى تطل على هالموزع عباره عن غرفة طعام وغرفتين بتكون جلسات
شنو اقتراحج لى احط مقاس الابواب واكيد غرفة الطعام مدخلها متر ونص بدون باب

فشنو الافضل ؟؟

اتمنى ما اكون تعبتج معاى واى سؤال انا حاضره للتوضيح


وشكرااا

 

[tattoma]

مساء الخير حبيبتي
أولا جزاج الله خير على هالمجهود الرائع مع البنات
حبيت أخذ رأيج بغرفة نومي أنا عايشه مع أهلي وعندي ولد عمره 5سنين ودي أعدل غرفتي من جديد مع العلم ان ولدي معاي بنفس الغرفة ( الغرفة 4×4) يعني صغيره حيل ففكرت آخذ سرير طابقين بس هلي قالولي اخذي سرير نفر ونص يكفيني أنا ووولدي ،طبعا أنا ما أقدر أحطط سريرين منفصلين لأن الغرفة ما تكفي ، وناوية اشتري كبت بعرض الغرفة ، وخاطري باللون الأزرق السماوي والغامق ولا أحسن أزرق وأبيض وأحط الاستيكرات اللي حاطتهم احدى التاجرات بالمنتدى شكلهم زوغة ، وهل يكفي اشتري تسريحة أو أحسن مكتب لأني بخاطري بغرفة حلوة وشنو لون الأثاث الأفضل وما تقصرين

مساء النور.. الله يسلمج تستاهلون

أولا بالنسبة للسرير أفضل حل السريرين إللي فوق بعض، ما أنصح يكون الولد معاج بنفس السرير.. راح يكبر ويضايقج، كل واحد له سريره أحسن.. وإذا ما لقيتي بالسوق نفس اللي تحتاجينه تقدرين تعاملين عند منجرة أو أي نجار شاطر..

أما لون الغرفة السماوي مع الأبيض وايد حلو بس من ناحية علمية اللون الأزرق مو زين على صحة العين مع الوقت.. لأن المدى البصري له جدا قصير (لون هادي وغير متعب للعين) مما يسبب العمى بعيد الشر عنكم.. يمكن تستغربين بس هذي حقيقة في علم البصريات وعند بعض أطباء العيون..

أنصحج باللون الفستقي الفاتح مع البيج.. وتقدرين تحطين الاستيكرزات على وحدة من الطوف، وشوفي طريقة ترتيب الأثاث بهالتصاميم اللي سويتها لج (مع العلم إن عرض السرير 120 سم):

التصميم الأول:




التصميم الثاني:




التصميم الثالث:




وبالنسبة للألوان.. تقدرين تستعملين الألوان اللي تحبينها بالأثاث وماكو اي مشكلة تكون الستارة مشجرة والسجادة بس الأهم ان تكون الألوان متناسقة مع بعضها

 

[tattoma]

عندي عواميد بنص الصاله حيل مضايقيني عندج حل لهم ؟
قالولي أغطيهم بمنظره فيضيع شكلهم بس آنا ما حبيت الفكرة

​

السلام عليكم

اختي بالنسبة للعواميد إذا كانوا متوازيين: يعني على مستوى واحد، تقدرين تلبسينهم بالخشب وتسوين منهم كأنهم بوابة كبيرة ويصير تصميم الخشب كأن عواميد رومانية وتوصلين بينهم بالسقف..

ومكن تحطين الجهتين اللي عكس بعض ورق جدران منقوش (كلاسك) والجوانب اليمين واليسار مرايا مغبشة وترتبينهم على شكل معينات والجهة اللي فيها ورق جدران تحطين عليها لوحات مستطيله أو أبليكات مثل هالصورة:


وهذا شكل ثاني:


وللأسف العواميد مستحيل نقدر نلغيهم لأنهم أساس البيت وبالبيوت الحديثة قاموا المهندسين يستخدمون جسور بدل العواميد

 

[tattoma]

رد: رد : إللي عندها أي استفسار بخصوص الديكورات والبناء تتفضل ( للفائده فقط )

حبيبتى الف شكر لك على الموضوع المهم
عندى استفسار
بما انى بمرحلة البناء ( الطابوق ) ف المقاول قالنا حددوا اماكن الابواب وعرضها اللى تبونه

وانا وايد محتاره للصالة الجانبيه اللى بالدور الارضى اكو 3 غرف كبار تطل على الصاله اللى فيها اساسا مصعد ودرج
وانا اعتبرها موزع بس مساحتها كبيره 7 ,5 × 6 متر
سؤالى اختى
بما ان كل الدور اللى تطل على هالموزع عباره عن غرفة طعام وغرفتين بتكون جلسات
شنو اقتراحج لى احط مقاس الابواب واكيد غرفة الطعام مدخلها متر ونص بدون باب

فشنو الافضل ؟؟

اتمنى ما اكون تعبتج معاى واى سؤال انا حاضره للتوضيح


وشكرااا

هلا حبيبتي.. الصراحة انا ما فهمت بالضبط، بس اللي فهمته ان الصالة تطل على الدرج والمصعد واكو 3 غرف اضافية وحدة منهم غرفة الطعام صح؟

الأبواب حجمها الطبيعي الstandard يعني 87 سم ومع الجرجوب يصير متر وشوي..
بس ممكن توضحين، واذا عندج مخطط يكون أفضل

 

[النية الصافية]

رد : إللي عندها أي استفسار بخصوص الديكورات والبناء تتفضل ( للفائده فقط )

جزاج الله خير على الموضوع وقاعده اقرا صفحه صفحه
وانا حاليا مشيت بخطوات كبيره وباقي التاثيث والصبغ والثريات وان شاء الله باستشيرج فيهم

 

[الجازي2000]

يعطيج ألف ألف عافية

 

[النية الصافية]

رد : رد: إللي عندها أي استفسار بخصوص الديكورات والبناء تتفضل ( للفائده فقط )

وعليكم السلام ورحمة الله وبركاته

شخصيّاً ما أفضل المطبخ أو أي كبت تحت الدرج لأن حوسة وشكله ماراح يكون حلو.. إلا إذا كان ضروري

ممكن تحطين أحواض زرع أو أرفف أفضل

بصراحه انا حطيت تحت الدرج بالدور الثاني برادة ماي صغيره وعلي جنب كبتات تكرمين الجواتي اشرايج ؟؟؟ يم غرف النوم فوق

 

[النية الصافية]

رد : رد: إللي عندها أي استفسار بخصوص الديكورات والبناء تتفضل ( للفائده فقط )

السلام عليكم

اختي بالنسبة للعواميد إذا كانوا متوازيين: يعني على مستوى واحد، تقدرين تلبسينهم بالخشب وتسوين منهم كأنهم بوابة كبيرة ويصير تصميم الخشب كأن عواميد رومانية وتوصلين بينهم بالسقف..

ومكن تحطين الجهتين اللي عكس بعض ورق جدران منقوش (كلاسك) والجوانب اليمين واليسار مرايا مغبشة وترتبينهم على شكل معينات والجهة اللي فيها ورق جدران تحطين عليها لوحات مستطيله أو أبليكات مثل هالصورة:


وهذا شكل ثاني:


وللأسف العواميد مستحيل نقدر نلغيهم لأنهم أساس البيت وبالبيوت الحديثة قاموا المهندسين يستخدمون جسور بدل العواميد

هالصاله وايد عاجبتني من زمان اقصد البردات والقنفات ولونهم
ومفكره اسوي مثلهم لصالاات الاستقبال
بس محتاره بالثريات حق دوانيه الرجال ومدخل البيت وغرفة الطعام وعلى السلم ولازم شي مو طويل لان السقف عندي نازل ومحتارع اخذ كرستال مدور والا دمعه والا عادي ذهبي والا نحاسي والا سلفر
ابي رايج جزاج الله خير

 

[الجازي2000]

ألف ألف شكر يا الغالية ما قصرتي
بس أنا خاطري بهالديزاين ما يصلح لغرفة 4×4

 

[tattoma]

أكيد يصلح.. لأن مساحته بالضبط كأنج حاطه سرير واحد واللي فوق ما ينحسب..

أما الجوانب كأنج حاطه طاولات جانبية وانتي بهالموديل اصلا ماراح تحتاجين طاولات جانبية، وممكن يكون الكبت جدام السرير أو والتسريحة عالجانب..

وإن شالله تطلع حلوة الغرفة، وانسي الأثاث الكلاسك لأن ياخذ مساحة كبيرة

 

[tattoma]

رد: رد : رد: إللي عندها أي استفسار بخصوص الديكورات والبناء تتفضل ( للفائده فقط )

هالصاله وايد عاجبتني من زمان اقصد البردات والقنفات ولونهم
ومفكره اسوي مثلهم لصالاات الاستقبال
بس محتاره بالثريات حق دوانيه الرجال ومدخل البيت وغرفة الطعام وعلى السلم ولازم شي مو طويل لان السقف عندي نازل ومحتارع اخذ كرستال مدور والا دمعه والا عادي ذهبي والا نحاسي والا سلفر
ابي رايج جزاج الله خير

الستاير والكنبات حلوين بس لا تخلين لون الكوشيات واحد ومو منقش.. وحاولي ما يكون زيتي بهالدرجة لأن وايد غامج عالبنفسجي

بالنسبة للثريات ضروري تخلين اللي بغرفة وحدة نفس الشي.. حتى لو كل وحدة منفصلة، إذا يطلون على بعض خلي نفس الشكل واللون وإن اختلف الحجم.. تلقين بمجمع وارة عند (( أساس )) وعندهم فرع بالمنطقة الحرّة وتلقين عند (( الأضواء الإيطالية )) وعند (( Italian Concept )) موجود بوارة..

وكل انواع الكريستال حلوة.. سواء مدور أو دمعة.. وشوفي اللي فيهم خشب أو حديد بني يطلع جدا فخم..

 

[tattoma]

رد: رد : رد: إللي عندها أي استفسار بخصوص الديكورات والبناء تتفضل ( للفائده فقط )

بصراحه انا حطيت تحت الدرج بالدور الثاني برادة ماي صغيره وعلي جنب كبتات تكرمين الجواتي اشرايج ؟؟؟ يم غرف النوم فوق

بالنسبة لكبتات الجواتي أنا أأيدها لأنها ترتب المكان وتخلي الجواتي كلها بمكان واحد من غير حوسة.. بس برادة الماي مو المفروض يكون مكانها بهالمكان.. إلا إذا عندج مطبخ تحضيري تحت الدرج، بس لا تخلينها بمكان مكشوف حتى لو كان الدور هذا محد يدشه غير أهل البيت.. يفضل يكون مكانها بمطبخ