ودي اقولها له بس مو عارفه شلون

[LeeMa q8]

رد : ودي اقولها له بس مو عارفه شلون

عسى الله يكتبلج اللي فيه الخير ؟؟

 

[Tom ♥ Jerry]

رد : ودي اقولها له بس مو عارفه شلون

.



آدعي ربج و شوفي عيوبه و عدليها
الله يهديه يارب و يعينج

صبري يا قلبي

 

[بندوله مصدعه]

حياتي الطلاق مو حل
خاصه ان عندج بنوته الله يخليها لج
حاولي تسويلج جو هادي ونفاهمي معاه بس مو بعصبيه
غيري طريقة سوالج عن المرات اللي طافت
والله يسخركم لبعض ياااااااااااااارب

 

[ام دليار]

رد : ودي اقولها له بس مو عارفه شلون

الله يهديه و يسخره لج

 

[رو&الشقاوة&وح]

رد : ودي اقولها له بس مو عارفه شلون

مشكله اذا سكتي بتصير فيج نفسية وراح يعقد عيالج على مدى بعيد

مادري استخيري قبل كل شي

 

[رووووفان]

الله يعينج يالغالية ويفرج همج

 

[خشف العذارى]

رد : ودي اقولها له بس مو عارفه شلون

دخلي احد بالسالفة مثل ابوج اخوج او ابوه

 

[المستغفرة 74]

رد : ودي اقولها له بس مو عارفه شلون

حبيبتي الله يسخرة لج وترى الزواج مو مثل الافلام الي نشوفها كلة حب ودلع لا الزواج مسؤولية ويبيلة صبر وتحمل .وانتي سوى الي عليج والباقي على الله لا تقصرين معاة بشيء وحاولي تفهمينة وتعودينة على اسلوب الحوار والتفاهم . والحياة الزجية فيها اليوم الحلو واليوم المر .وبعدين انتي ليش تظنين فية الظن السوء ان يخوج شفتي علية شيء ملموس ؟؟؟ان بعض الظن اثم .ومو يمكن زوجج يمر بمشاكل بالدوام او مع اهلة او في شيء شاغلة (موشرط انة يكون عندة خيانة )واكيد بالتالي يكون مالة خلق يسولف او يضحك .
واذا تبين حل سحري هو الاستغفار وراح تشوفين المعجزات . وحاولي توخرين فكرة الطلاق لانها مو بصالحج ولا بصالح بنتج .
والله يهدي لج غصبن عنة .

 

[عجمية ماتهاب]

رد : ودي اقولها له بس مو عارفه شلون

الله يعينج حبيبتي

 

[عذآب إلـ أنآ]

حبيبتي لآتتهورين وتاخذين قرار عقبه تندمين
قبل كل شي استخيري ، واذا مانفع استخيري مره ثانيه وشوفي،
وفوق هذا آنا زوجي كله يصارخ على اتفه الاسباب ويعصب ويعاند ويزعل يومين مايكلمني بس آنا عادي تعوّدت الوضع طبيعي هذا طبعه يطنقر يومين والثالث يرضى لوول ،

اذذا صرخ وعصب قولي ،
1- اللهم اجعل خيره بين يده وشره تحت قدمه.
2- اللهم اجعل غضبه بردًآ وسلامآ علينآ كما جعلت النار بردًآ وسلاما على سيدنا ابراهيم.
3-اللهم ياحي ياقيوم اسألك بأسمك الاعظم ان تكفيني كل اموري مع زوجي مما يشوش خاطري ويسهر نآظري.
4- اللهم يا حي ياقيوم برحمتك استغيث اصلح لي شأني كله ولاتكلني الى نفسي طرفة عين.
5- وشغلي سورة البقره يوميا لأنها سبحان الله تطرد الشياطين وتهدي النفوس وتشرح الصدور وتوسع الرزق والحمدلله ...
6 - قولي اللهم لا تجعل له حظا مع غيري من النساء.
7 - اللهم اهدني لزوجي واهده لي واجعلني قرة عين له واجعله قرة عين لي .

ومن هالاذكار بس حبيت اعطيج نبذه عنهم، وعسى الله يهون عليج .. فكري صح ترا بينكم عيال :hjy5jewf:

 

[أحلى عروس 2012]

رد : ودي اقولها له بس مو عارفه شلون

هدي يالغالية
وواذا مانفع الحوار معاه دخلي واحد من اهلج

 

[Miss McDonald]

رد : ودي اقولها له بس مو عارفه شلون

.



حبوبة خطوة الطلآق موبسيطة !
فكري مليووون مرة

 

[ELFAD3Ah]

رد : ودي اقولها له بس مو عارفه شلون

الله يعينج

 

[Dancing^Queen]

رد : ودي اقولها له بس مو عارفه شلون

قولي لا اله الا الله


بعد قولي لا اله الا الله



حبيبتي
ماكو حياه سهله
ومحد مرتاح
بس حياتج تستاهل انج تحاولين عشانها
مو معقوله ريلج كله سلبيات
انتي معصبه الحين متضايقه
اقول قعدي مع نفسج
عددي ايجابياته لو كانت صغيره
كتبيها بورقه كتبي مواقف كانت حلوه معاه حتا لو كانت صغيره وسخيفه (مثلا لي راح الجمعيه اييب الكاكاو اللي احبه)
واهدي
بعدين قعدي اقري الورقه
وكتبي اكبر العيوب اللي تشوفينها بشخصيته
وفكري شلون تحلين الجوانب السلبيه معاه


طبعا انا ماعرف مشكلتج ولا شنو الموضوع بالضبط لانج كاتبه شنو تحسين فيه الحين وشنو مقرره بس
لكن اعطيج مثال
مثلا مايسمع ولاينقاش ويصيرخ
ليش؟
انتي اخترتي وقت مناسب والا ييتيه بعز المشكله وانتي منفسه عليه وكلمتيه اكيد بيدافع عن نفسه وفي ناس ماعندها اسلوب وعبالها كن الناس تهاجمها
عيل اختاري توصلينله اللي تبينه بطريقه ثانيه كلميه بدون صيغه اتهام اختاري وقت مناسب يبها له بطريقه ثانيه
يعني ان شاءالله المشاكل تنحل بس لما نحاول نحلها مو ننطرها تنحل بروحها

 

[ياشوقي للجوري]

رد : ودي اقولها له بس مو عارفه شلون

تعوذي من الشيطان واخر شئ تفكرين فية هو الطلاق
ولا الدخلين احد بحياتج ماراح تستفدين شئ يمكن
عندة ظروف او متضايق من شئ انت لاتسالينة عن شئ
بس تقربي منة وان شاءالله الله يسر الامور بينكم ويهدية لج يااااارب

 

[سارووه الاموره]

والله مادري شقوولج حبيت ادعي لج

عسى الله يوفقج ويهديه ويسخره لج ياارب ..:yaaaaaarb:

والله يعينج حاولي اتدخلين امه او احد بسالفه اذا امه تحبج حيل ..

 

[غارقة بأحزانها]

رد : ودي اقولها له بس مو عارفه شلون

بنات حبايبي لا تشجعون احد على الطلاق حرام
ترى الطلاق اخر الحلول
حبيبتي صاحبه الموضوع وسعي صدرج وتعوذي من ابليس
وفكري عدل
اللي كتبتيه اهني كلها سلبيات
الله يكون بعونج بس ابي اعرف
كل هالامور من بدايه زواجكم ولا تغيير مفاجئ
اذا كان تغيير مفاجئ صبري يالغاليه
ان الله مع الصابرين اذا صبروا وانشالله يتغير
في بعض الشباب اذا ياهم الياهل ينصدمون بالمسؤوليه ويلجئون لحيله الهروب والعودة لحياة العزوبيه
وترى هالعصبيه هذي لان حاس ان اهو مقصر وفي شعور بالذنب بس قاعد يكابر
كل هالسوالف مرت علي
بس ياحبيبتي اذا اهو مو معطيج فرصة للنقاش
كتبيله اللي تبين بورقة وطلعي اللي بقلبج باسلوب حلو وبينيله حبج وان انتي شاريته وودج ان يتغير
وذكريه بربه وانج خايفه عليه من عذاب ربه اذا اهو ماكان خايف الله فيكم تقربي
دزيله مسجات حلوة بين فترة وفترة حطيله كلام حلو ببطاقات صغيرة بملابسه
عشان اذا كان يخونج يحس بالذنب
لا تقولين اتركه قبل ما يتركني
ما بين الريال والمرة كرامه
لاتسوين شي تندمين عليه بعدين
يتغير انشالله بصبرج عليه ودعائج
والله ان قلبي معاج
الحمدالله على كل حال انا مريت مثلج بظروف عصيبه
بس الحمدلله الحين تغير مو 100% بس احسن من اول
​

 

[غارقة بأحزانها]

رد : ودي اقولها له بس مو عارفه شلون

حبيبتي بغيت اضيف شغله بالنسبه حق تدخل الاهل
انا لما انهار ادخل اهلي او اهله بالموضوع وساعات اروح بيت اهلي
ما اقولج اني صح
بس لما نرضى يقعد يهاوش يقولي انتي ليش كله فاضحتني:dddds:
مايحب احد يتدخل
وانا مادري شنو نوع زوجج بس خليها اخر شي لما تيئسين
والله الحياه مع الرياييل جهاد الله يكون بعونا بس:cxxxp:​

 

[lovely jojo]

الله يهديه...

 

[نفهمها صح]

رد : ودي اقولها له بس مو عارفه شلون

اذا اتعبتك الام دنيا فلا تحزن
فربما الله اشتاق لسماع صوتك
وانت تدعوه
لا تنتظر السعاده حتي تبتسم
ولكن ابتسم حتي تكون سعيد
للماذا تدمن تفكيير والله ولي تدبير
ولماذا القلق من المجهول وكل شئ
عند الله معلوم لذالك اطمئن فانت في
عين الحفيظ
وقل بقلبك قبل للسانك
فوضت امري الي الله
وتذكر ان الرب رحيم كريم
كلما ضلقت بي دنيا اتذكر حمدله اختي لتفكريين وخلج معه لصامت
وهوو بيستغرب وبيجي يكلمج صدقيني
والله يفك ضيققك