شرعا لايجوز توزيع منحة التموين

[أم منصور2000]

اللهم أنت ربي لا إله إلا أنت ، خلقتني وأنا عبدك وأنا على عهدك ووعدك ما استطعت أعوذ بك من شر ما صنعت، أبوئ لك بنعمتك على وأبوئ بذنبي ، فاغفر لي فانه لا يغفر الذنوب إلا أنت

 

[Hello_kitty]

الفتوى واضحه وصريحه الحلال بين والحرام بين

واللي ميته على الأجر ومساعده الناس المحتاجه تطلع من مالها ولا تروح تشتريلهم اللي يحتاجونه من الجمعيه

اهني فعلا تاخذ أجر الصدقه وجزاها الله خير..

اما التموين هذا تدفع عليه الدوله ملايين وتخسر عليه علشانه المفروض نصون النعمه و ناخذ قدر حاجتنا مو نستغل خير دولتنا

ونوزع فيه مسوين نفسنا حاتم الطائي

فعلا اهل العقوووول في رااااااحه

 

[حرم القيصركمودس]

رد : شرعا لايجوز توزيع منحة التموين

لا اهوة مو جذي الوله تعطي للمواط واهوة وكيفه ياكلها يبلعها يوزعها كيفه عادي
لان حقي اساسا الدولة حاطته حقي

بسس يعطيج العافيه حبوبة :aha:

 

[النشبه88]

http://www.youtube.com/watch?v=bYuFN_Wb820

بدفع صدقه الله بيدفع عني السوء واجري بيرفع .. بدفع صدقه الله بيدفع عني السوء واجري بيرفع .. فعل الخير بينفع فعل الخير بينفع :ggdw:

 

[بشورة الشمس]

بنات ياليت كل وحده تاخذ التموين مالها وتوديه للجان والله لما جيت التموين المحاسب سجل لواحد جدامي الحليب واهو ماخذاه فياليت تكون دفعت بلا عن ابونا صباح لانه اهو صاحب المنحه اما انا وديتها احياء التراث والحليب لاطفال انا بنتي فاطمتها فعطيته لولد رفيجتي يطلعها لاخر الشهر والله يعز الكويت ويديم ابونا صباح على روسنا :yaaaaaarb:
يمكن تدفع عنا العين شوي :rgewrg:​

 

[قطوة@@]

رد : شرعا لايجوز توزيع منحة التموين

تقريبا شهر ناخذ التموين و الشهر اللي وراه امي توزعه على الفقارى



و ماما ماراح تقطعع عالعاده

كلها دفعه بلا

 

[قطوة@@]

رد : رد: شرعا لايجوز توزيع منحة التموين

وسؤال مهم هل ال 1000 دينار بعد حرام نتصدق فيها واللي مو محتاجها ما يخذها قياساً بفتوى التموين ؟​

:080402ask_prv: :080402ask_prv: سؤالج عجييب


ننتظر الرد :s141:

 

[دراما كوين]

اذا في فتوى وحده تحرم هالشي
فاكيد في فتاوى غيرها تحلل

 

[منوووووله]

مشكوره عالنصيحه ووصلت المعلومه ..


الموضوع قلب هواش والواحد مايبي يتكلم لاتحسبونها فتوى عليه !!

عن نفسي باخذ الي ابيه والي يزيد هم باخذه لانه اصلا الي قاعد يوزع التموين شوف عيني ياخذ الزايد ويعطيه حق ناس


فأخذها بنفسي ووزعها بنفسي للناس الي تستاهل احسن ماخليها عند واحد ماعنده ضمير ؟




؟

 

[جوري وبنفسج]

السلام عليكم

رجعت لكم بفتوى تضع النقط على الحروف

بعثت سؤال ل 3 مشايخ واحد منهم رد وأنتظر الباقي

واللي رد علي الشيخ محمد حمود النجدي >> وهو معروف طبعاً للكل

وهذا نص السؤال :


السلام عليكم

شيخنا الفاضل لدينا إستفسار بخصوص منحة الدولة ببطاقة التموين مجاناَ لسنة

هل يجوز لي أن أتصرف فيها وأتصدق فيها كونها هبة ولي حرية التصرف بها ؟


الجواب :

وعليكم السلام

نعم لك الصدقة بما زاد عن الحاجة .

وأعتقد بعد هالأجابة صار الأمر واضح وضوح الشمس .​

 

[منوووووله]

مشكوره جوري عالتوضح :hjy5jewf:

 

[الحسن كله]

ولا ينقص مالٍ من صدقه

معاها
يعني برايج لو ماخذيتيه بيرجع لخزاين الدوله؟؟ ولا ببطون اللي يشتغلون بالتموين ؟:080402ask_prv:
الله أعلم​

 

[Grass]

رد : شرعا لايجوز توزيع منحة التموين

انا اخذ اللي احتاجه ... بس كلامج أختي مو مدعم بفتوى ... لما تطلع فتوى ان شالله انطبق

 

[* فطامي *]

اخر الزمان يكثر الفتاوي وكل وواحد يطلع فتوى من عنده من غير ادله من القران والسنة النبوية

حبوبه اذا عندج نص الفتوى ياليت تحطينه

 

[m!ss conan]

رد : شرعا لايجوز توزيع منحة التموين

عطيج العافيه على النصيحه

 

[آبـلـہ نـونـو]

رد : شرعا لايجوز توزيع منحة التموين


الله يهدي آلجميع ،

و أنآ فآهمہ نيتج صآفيہ و إن آلوآحدْ أحسن لہ يآخذ على قد حآجتہ

بس لو حطيتي مع آلموضوع رآبطْ لـِ آلفتوى أحسن لج و لنآ

..

 

[أمواج البحر]

رد : شرعا لايجوز توزيع منحة التموين

بس حبيت اوضح نقطة (مازاد عن الحاجه)

مازاد عن حاجتج انتي

يعني انتي استلمتي التموين واللي استلمتيه زاد عن حاجتج بهالحاله يجوز التصدق والتبرع فيه

اما اذا مثلا استلمتي العيش انتي اساسا ما تبينه

استلميته عشان تتصدقين فيه اهني ما يجوز

لانج بهالحاله ضريتي غيرج ممكن كان يبي ياخذ العيش من التموين نفسه

وهالشي نلاقيه بحليب اليهال والحليب الفريش و ساعات الدياي وهم الجبن

وايد يصدف ما نلاقيه بالتموين

مثلا انتي ولدج مايشرب انواع الحليب الموجوده بالتموين

لكن هم استلمتي حليب الاطفال عشان تعطينه وحده او تتصدقين فيه

انا فلنفرض رحت ابي نفس نوع الحليب اللي اخذتيه لكن مالقيته

بهالحاله طلعت الفتوى مايجوز تتصدقين فيه لان في غيرج يبي ينتفع منه

ان شاء الله وضحت الصوره

وعلى طاري بنت العز ... حبيبتي ترى ما ينقص من قدرنا اذا استلمنا التموين للعلم

 

[miss.eng]

يعني لما اقطع رزق هالفقير موحرام :gr4uu: احنا مانبيعه عليه نعطيه يسد يوعه :wqedqw: ويا حياتي شحادنا نشتري من الجمعيات ونعطي الفقير شي بلاش لان هالفقير المسكين مولاقي قوت يومه اما احنا سواء التموين بلاش ولا بفلوس نشتريه ونهديه له دفعا للبلاء .. شنو ملك الدوله وشنو حرام نتصرف فيه؟ .. اصلا بمجرد ماتهدين احد هديه يطلع من ملكج الى ملك الشخص الي اهديتيه ياه

 

[lolayasmeen]

الله يهديج انا ابي ادز ايميل حق الشخ عجيل النشمي وابي اعرف شنو هالفتوي
مع اني متاكده قال عن بيع التمويل مو اكثر الله يهداج

 

[Miss Cherry]

حبيباتي كلام البنت واضح وانا معاها باللي قالته


ياكثر اللي شفتهم يبيعون التموين ويتاجرون فيه ناس مادري شلون تفكر

واللي مو محتاج التموين مو ضروري ياخذه .. اما انه ياخذ فوق حاجته بس عشان ببلاش مايصير

والصدقه كلنا عارفين شنو الواحد يدفع من حلاله ويتصدق مو شي جايكم ببلاش ماتبونه صارت صدقه

عموما لو هي حاسبينها صدقه اهون من اللي يبيع التموين