يومياتي مع شركة هيلث كومباني

[عنيّد]

اشوف زيون وجسوت هاليومين صايرين رقيه وسبيجه :krkrkr:
اشعندكم انتوا متسلطين ها
خو زيون ادري فيها قلبها متفتت ع البطاط ، تبي تاكله باي شكل
بس ماكو ماكو نو وي مافيش لا تحاولين وخلي العبد ونصايحه تنفعج :dddds:

^
حلو الاسلوب الاستفزازي لوووووووووووووووول

..

بالنسبه للبطاط فانشالله من بعد اليوم بيكون مقاطعه لانه مامنه فايده
اما الذره فانا بجيك الاشعه مالتي يمكن القى شيرة ذره ببطني

خلاص من باجر انا معاكم بمطبخ البيت وبنشوف شنو آخرتكم يا شلة الانس :fun:

 

[عنيّد]

بسم الله الرحمن الرحيم

:eh_s(9): آخـــــــــر يـــــــــوم :eh_s(9):


اليوم #28 يوم الاثنين 7-2-2011



الريوق
فطيرة لبنه بالنعناع + عصير برتقال

رايي: أحبـــــــها



سناك #1
سلطة فواكه

رايي: منعشــه



الغدا
شيش طاووق + بطاط + سلطه

عادي ، وذبحوني بالبطاط مع ويههم


سناك #2
كيكة ككاو Chocolate Cake

رايي: حلــوه


العشا
فطيرة زعتر بالعجينه السمره

رايي: أحبـــها


.
.


باجر الميزاااان يا عنيداااان ، كالعاده مو حاسه بأي نزول ، واحساسي يشبه احساس الاسبوع الي طاف :gr4uu: بس اتمنى هالمره يخيب هالاحساس واشوف رقم حليو :rerrerek:
.
.

دعوااااااااااااااااااااتكم
:bye22:

​

 

[ام مهرة 2009]

قلللللووووووووووووووووش

مبروك عنيد الانجاز

باجر الميزان والوناسة ان شالله

 

[عنيّد]

ام مهرة ،، احلى زغرووووطه يختي ماتأصريش
اي والله فاهمتني انتي ، مجرد اني خلصت هالاربع اسابيع بالتزام يعتبر انجاز ، بغض النظر عن النزول
شكرا شكرا
:blueSmCLR:

 

[رسَــيــل]

موفقه عنيد .. وان شالله تنزلين نزول حلو
الله يوفقج .. ومتاااابعينج

 

[زيـنـه]

رد : يومياتي مع شركة هيلث كومباني

عنيد .. بالتوفيق بالميزان.. و بالمبارك خلصتي من الكراتين .. اتمنى لج التوفيق بالخطوات المستقبليه للتخلص من الوزن الزائد

ربي يوفقج و يوفقني و يوفق كل بنت تبي تنزل وزنها و ربي يعطينا علي نيتنا اجمعين .

 

[con estilo]

موفقة حبيبتي

 

[missnohaa]

يالله عنيد وينج ناطرينج ؟ بشرينا
:wqedqw:

 

[عنيّد]

!

آسفه ع التأخير بس لهيت اليوم

خلأقولكم بالضبط السيناريو الي صار اليوم ، ولازم ابديه من مراجعتي الي طافت
بعد ماخلصت اختيار الأكل بالمراجعه الي طافت سألت الدايخه أقصد الاخصائية لي زياره بعد ولا لا ؟ جان تقولي اي الثلاثا "على فكره انا من قبل هالمراجعه بعد كنت ساءلتها وقالتلي مادري اشكثر باقيلج المره اليايه نتأكد ، دايخه والله دايخه حسبي الله عليها"
طيب الساعه ؟ واخترت الوقت

حلو ؟

قبل يومين او ثلاث اتصلت السكرتيره تسألني بتجددين الاشتراك ؟
قلت لها لأ

حلو ؟

اليوم رحت حسب الموعد ، وطبعا انا كنت شبه مستنكره الروحه الي على ميزان فقط !
بس بعدين قلت لا طبعا لازم تكون هالروحه والمفروض هذي اهم مراجعه لان الوزن الاخير والقياسات بتكون فيها
بعد ماوصلت على موعدي ، السكرتيره كانت معاها وحده تحاسب او شي مادري ، المهم شافتني وقلت لهم موعدي الحين جان تقولي انتظري عالكرسي

نطرت ونطرت بحول عشر دقايق ، رديت لها متى بدخل ؟؟ انا مستأذنه من الدوام
جان تقولي انتي تبين توزنين بس ؟ قلت لها اي !
فقالت اي لان وحده قبل لاتيين بشوي دخلت ، قلت لها شكو موعدي الحين !!!!
جان تقولي بس انتي قلتي ماتبين تجددين لما اتصلت عليج
قلت لها شالعلاقـــه ؟؟؟؟؟؟؟ قالت لانه معروف اذا ماكو تجديد اشتراك فخلاص تعتبر المراجعه الي طافت اخر مراجعه
قلت لها معروف ؟؟؟ من قال انه معروف وانا اول مره اشترك معاكم ؟؟؟ وليش المره الي فاتت عطيتوني موعد ؟؟ وليش لما اتصلتي وقلت لج مابي اجدد ماقلتي لي ان موعدي يتكنسل ؟؟
جان تقولي افتكــــرت انج عارفه
قلت لها افتكـــــرتي بس مو اكيــــد ، انا ماعلم الغيب باللي تقولينه بينج وبين نفسج ، انتوا لما الواحد يجدد معاكم تعاملونه عدل ومن يطلع منكم تصير معاملتكم زفـــــت ؟؟
جان تحاول ترقع لا ما لا ومن هالكلام الغبـــي

لو ما اني متأخره وبروح اشتري الخاتم :lololoe: جان عرفت اشلون اهزأها اهي وهالطرطوره الي ينقال لها دكتوره ، بس اخ ماكان يسوى اضيع وقتي عليهم وكنت مستعيله وحاسبه حسابي اني ماراح اطول عندهم اكثر من خمس دقايق جليليــن الحيـــا
المهم قالتلي انتظري شوي وراح تطلع ، انا وقفت بالانتظار ثواني ، جان اقول مايسوى دام اني وازنه بالبيت اول مابديت بالوجبات واليوم فخلاص انا عرفت اشكثر نازله ، وعطيتهم احلى طاف ، يولون ومالت عليهم وعساهم مايتوفقون <<< من قلب :eh_s(20):

.
.
.


1.200- كجم

هذا كان نزولي هالاسبوع حسب ميزاني
هممم غالباً ميزانهم ينزل اكثر من ميزاني بفرق ربع او نص كيلو
لكن مومهم ، المهم اني وازنه على ميزاني "وهو الدايم" من اول مابديت بالوجبات فعارفه مجموع النزول وهذا اهم شي الحمدلله




هذا موجز اليوم ، وانشالله باجر بكتب لكم رايي بهالتجربه بالتفصيل من ايجابيات وسلبيات
وسلامتكم وتعيشون
:bye22:​

 

[coralia]

رد : يومياتي مع شركة هيلث كومباني

الله يوفقج يااارب:n2006107:

 

[بطة رشيقة]

موووووووووووووووفقه

 

[ام مهرة 2009]

مبروك النزول
الله
يتمم عليج بصحة وعافية

ولا تحترين ولا شي ما يسون

اشلونج مع اكل البيت ؟؟؟؟ تروالي جنه نازل عليج من السما ولا؟

 

[عنيّد]

رد: رد : يومياتي مع شركة هيلث كومباني

موفقة حبيبتي

موفقه عنيد .. وان شالله تنزلين نزول حلو
الله يوفقج .. ومتاااابعينج

موووووووووووووووفقه

الله يوفقج يااارب:n2006107:

يسلمو جدا جدا جدا :blueSmCLR:

يالله عنيد وينج ناطرينج ؟ بشرينا
:wqedqw:

كنت حايسه بالمباركيه مي سوري

عنيد .. بالتوفيق بالميزان.. و بالمبارك خلصتي من الكراتين .. اتمنى لج التوفيق بالخطوات المستقبليه للتخلص من الوزن الزائد

ربي يوفقج و يوفقني و يوفق كل بنت تبي تنزل وزنها و ربي يعطينا علي نيتنا اجمعين .

يبارك بعمرج ، اي والله مابغى تخلص هالحياة الكرتونيه
شكرا جزيلا زيون وربي يوفق الجميـــع :yaaaaaarb:

مبروك النزول
الله
يتمم عليج بصحة وعافية

ولا تحترين ولا شي ما يسون

اشلونج مع اكل البيت ؟؟؟؟ تروالي جنه نازل عليج من السما ولا؟

يبارك بعمرج ، لا ليش احتر مايستاهلون ، وعموما كان متوقع عقب هالفتره الي انا صابره فيها على غباءهم ان تكون هذي النهايه
اهم شي حصلت الي ابيه ، ومو مهم اهمه
اكل البيت ماااااله مثيييييييل ، للحين نازل علي من نص السما لاني ماكلت الا مشوي امس ، بس فرررررررق يااااربي بين ديايهم ودياينا ، يازين تتبيلة البيت والله ، مو دياي المستشفيات مالهم الله يزيد النعمه :dddds:

 

[just-me]

و أخيرا عرفنا شالمقندة و شصاير أمس

ولا تكدرين عمرج و هالشي متوقع خذوا فلوسهم و خلصت

مهمتهم مالت عليهم المفروض في Service after sell عشان ترجعين لهم مستقبلا

او على الاقل تمدحينهم حق ربعج و الاسرة

 

[missnohaa]

عادى عنيد انا ما استغرب يدورون مصلحتهم

طاف ولا يهمج ومبروك النزول وان شاء الله تنزلين اكثر باكل البيت قولى امين :yaaaaaarb:

 

[شوكولاته&فانيلا]

مبروك النزول عنيد الف مبروك والله فرحت لج من قلبي

وماعليج منهم مالت عليهم المفروض يحسنون المعاملة عشان تمدحينهم ويزيد عدد المشتركين

يالله على قولتج اهم شئ حصلتي اللي تبينه وهو نزول الوزن وربي يوفقج ياارب تستاهلين كل خير:blueSmCLR:

 

[@Miss Dio@]

رد : يومياتي مع شركة هيلث كومباني

اول شي مشكوره على التجربه وبس بعرف جم التوتال نزلتي لان انا ونفسج وزني ما ينزل بسرعه

 

[sheraZia_Q8]

الف مبروك عنيد
وصج ما يستحون :rgewrg: بطو جبديييييي @@
المهم كانت تجربه والحياه تجارب ولصتي منها
ناطرين رايج بالتجربه

 

[عنيّد]

يسلمو ماتقصرون ع التواجد المتواصل
ياحلاتكم والله
:blueSmCLR::hjy5jewf:


عندي كلام اشكثره ، بس عيزانه اكتب وكل يوم اقول باجر
مايصير اقوله بصوتي ؟ اسجله واحطه يوتيوب ؟ خخخخخخخ

 

[@Miss Dio@]

رد : يومياتي مع شركة هيلث كومباني

:jumpon: