لما تزوجتي ...... تنقبتي؟

[ام ريتاج.]

رد : لما تزوجتي ...... تنقبتي؟

انا منقبه قبل ماتزوج:wqedqw:

 

[CapTin Sro]

رد : لما تزوجتي ...... تنقبتي؟

اللي تقول النقاب فرض واجب
انا ماقتنع جذي يبيلي حديث نبوي صحيح و آية قرآنية يالله أقتنع
هذا واحنا دارسين تاريخ النقاب النقاب ما طلع اول شي عند العرب (منبع الاسلام)طلع بأماكن ثانيه اللي اهيه اولهم الفرس
هذه اول دليل انه النقاب مو شرط
ثاني شي لو النقاب واجب جان لمه نصلي نغطي ويوهنا
ليش بس الإيد والويه ؟
:fun22:
هذه شي ثاني :eh_s(13):
الشي الثالث العبايه حلوه وستر بشرط ما تكون مخصرة واكيد لها هيبتها بس نقاب ؟ ماعتقد
الا عاد اذا ويهج فل ميك اب ورايحه عرس او ويهج حده فتنه
ولكن هالشي مستحيل لأنه ماتوقع العرب بذااك الجمال اللي يصك عالتركيات
لوووول اتغشمر المهم اذا كان ويهج فتنه ويفتن الناس ومتمكيجه حدج حق عرس وجذي اي اهني غطي ويهج
وهالشي مو من عندي دقي على اي شيخ بيقولج جذي
وبث !
طبعا لا اذا طلب مني ماراح ارضى لأنه مو واجب
:flower:​

 

[مهمومه92]

ايه تنقبت عقب الزواج
بس الصراحه ف البدايه ماكنت مقتنعه وف النهايه الحمدلله الله هداني ولبسته :yaaaaaarb:

 

[مس ام نجود]

الحمدلله مو متزوجه بس لابسه عبايه ومتنقبه وبغيت اعلق على رد وحده
(اول ماتزوجت زوجي تحجبت)<<<<الاخت هندوسيه وتوها داخله الاسلامالحمدلله والشكر :krkrkr:

 

[مس ام نجود]

الاخت cap tin sro يرحم امك لعاد تكملين :eh_s(13)::krkrkr::krkrkr::krkrkr:ردك كانه رد طفله:krkrkr:

 

[CapTin Sro]

رد : رد: لما تزوجتي ...... تنقبتي؟

الاخت cap tin sro يرحم امك لعاد تكملين :eh_s(13)::krkrkr::krkrkr::krkrkr:ردك كانه رد طفله:krkrkr:

ههههههههههههه يحليلج والله
انزين ردي على كلامي هذا اذا عندج رد
ييبلي حدييييث من السنه ويكون صحيح او آية قرآنيه
قلت شي غلط آنا ؟
​

 

[CapTin Sro]

رد : لما تزوجتي ...... تنقبتي؟

ولا الاخت ماعندج رد مقنع تردينه فيه علي
أخاف ماعندج دليل ومتوهقه ​

 

[ana mo ana]

اي تنقبت ^_^

 

[BiiShOoO]

البس عباية بس من قبل لا اتزوج و ما يابلي طاري النقاب

 

[اخصائيه نفسيه 2]

رد : لما تزوجتي ...... تنقبتي؟

عادي اتنقب هذا زوجي انا ملك لربي وله

 

[الأماكن]

رد : لما تزوجتي ...... تنقبتي؟

بعد الزواج تنقبت

حلو النقاب

 

[كلهآ ملح ..}]

رد : لما تزوجتي ...... تنقبتي؟

اللي تقول النقاب فرض واجب

انا ماقتنع جذي يبيلي حديث نبوي صحيح و آية قرآنية يالله أقتنع
هذا واحنا دارسين تاريخ النقاب النقاب ما طلع اول شي عند العرب (منبع الاسلام)طلع بأماكن ثانيه اللي اهيه اولهم الفرس
هذه اول دليل انه النقاب مو شرط
ثاني شي لو النقاب واجب جان لمه نصلي نغطي ويوهنا
ليش بس الإيد والويه ؟
:fun22:
هذه شي ثاني :eh_s(13):
الشي الثالث العبايه حلوه وستر بشرط ما تكون مخصرة واكيد لها هيبتها بس نقاب ؟ ماعتقد
الا عاد اذا ويهج فل ميك اب ورايحه عرس او ويهج حده فتنه
ولكن هالشي مستحيل لأنه ماتوقع العرب بذااك الجمال اللي يصك عالتركيات
لوووول اتغشمر المهم اذا كان ويهج فتنه ويفتن الناس ومتمكيجه حدج حق عرس وجذي اي اهني غطي ويهج
وهالشي مو من عندي دقي على اي شيخ بيقولج جذي
وبث !
طبعا لا اذا طلب مني ماراح ارضى لأنه مو واجب

:flower:​

تفضلي الرابط هذا واسمعي الفتوى

http://www.binbaz.org.sa/mat/18627


بالنسبه لقولتس كان بالصلاه بالصلاه فقط اليد والوجه اذا كان بالبيت او بمسجد قسم النساء
اما اذا كان بمكان فيه رجال تغطيييييييييييييييييين وجهتس
هذا الشي من دينا تعلمناااه وعرفناااه
وبليز لاتناقشين كثير بالدين انا طالبه ولله الحمد حافظ القران كامل وعارفه كل شي
لاتقولين اني متشدده ولا متدينه بس الحمدلله نعمه من ربي اني اعرف بديني واقرى وابحث واسال مشايخه كباار
رغم صغر سني بس اللهم لك الحمد على النعمه

وبرضوا اللي ردوا وقالو مو فرض ولا واجب ياليت ردتس يكون لتس
ماله داعي الواحد يفتي على اشياء وهو مايدري عنها لانه مسؤول عنها يوم القيامه
وكانه اعتراض لامر الله ورسوله صلى الله عليه على وسلم .~
ردي هذا الثااااااااااني برضوا لغيرتي على ديني اللهم اسالك الثباات والهداايه ..~
ماسمحت لي اسكت ..!

 

[كلهآ ملح ..}]

رد : لما تزوجتي ...... تنقبتي؟

اللهم لك الحمد بنات بعدردي الاول والثاني بهالموضوع قالو بيلتزمون ويبدون بالنقااااب < بالخاص رسلو لي توي اشوفه
اساااااال الله لهم الهداايه والثباااااااااات ولناا يااااااااااااااربي ..~
شي مفرح وربي ..~

 

[CapTin Sro]

رد : لما تزوجتي ...... تنقبتي؟

انا كان كلامي واضح يبيلي آية او حديث نبوي
فتوى ما طلبتها انا
ودامج عارفة وطالبه وحافظه القرآن على قولتج ماعتقد بتصير صعبه عليج تييبين لي آيه او حديث

انزين انا عندي سؤال واحد بوهقج فيه
بالكعبه المشرفه
هناك ومثل ما انتي عارفه
المكان خلط حلو ؟
ومافي مكان مسكر حق الحريم يصلون فيه
يعني مكشوفين
ومثل ما انتي وأي بشر ثاني
عارفين انه هناك يتطبق شرع الله بالحرف الواحد
انزين السؤال اهوا
:080402ask_prv:

دام هناك متشددين بالتطبيق وماشالله حرف بحرف كلام الله ورسوله ماشي
لييييش مايفرض على المرأه تغطية وجهها اثناء اداء الفرائض
؟؟
D:
مع انه لاحظي وشوفي لمه يحطون بالتلفزيون ومادري اذا انتي رايحه هناك
الاغلبيه مو متنقبااات
:wqedqw:
وفي مكان اكثر من بيت الله تتطبق الشرائع الدينية فيه عدل ؟
​

 

[cola girl]

لووووووووووووول كل وحده تقول انا فاهمه بالدين اكثر منج مادري الباجي يهود مثلا محنا مسلمين

ولحد يفرض قناعاته على غيره مرتاحه بنقابج محد قالج قطيه بس ماتفرضين علينا كل وحده حره برايها

الحمدالله احنا محجبات ومستورين :ch12:

 

[القبله]

انا مو منقبه بس احب المنقبات طبعا النقاب الشرعي مو الاي كلام
و انا ادري النقاب فرض و خصوصا انه احنا في زمن فتنه بس الله يهديني
و عفيه بنات اللي ما تبي شي ختقول ما ابيه احسن لها من انها تحلل ما احرمه الله لانه هالشي كبير و ما يجوز يعني مثلا كلنا ندري الاغاني حرام و نسمعها بس ما نقول انها حلال نفس شي مع النقاب احنا ما نبي بس ما نجذب كلام الله و نحلل ما حرمه الله و اللي تبي فتوى وحده من الخوات ما قصرت و اللي مهتمه بامور دينها بتسأل سوري صاحبت الموضوع بس ردود بعض البنات تنرفز و احنا لازم انكون غيورين على دينا

 

[CapTin Sro]

رد : لما تزوجتي ...... تنقبتي؟

بنات انتوا تنتقدون ردي وما تجاوبون على سؤالي ؟!!

انزين اذا فرض ليش ما انذكر ؟؟
سألوا اي واحد يدرس تاريخ ومتخصص قولوله النقاب اصله وين ؟
انا ماييب كلام من عندي واتكلم
اللي تقدر تجادل بالحلوه تجادل
مو تييلي وحده بأسلوب يهال وتقولي طفله هههههههه
والله من ردها عرفت اهيه شنو لوووول
انزين اذا معاج الحق ردي علي مو تتهربين
وانا بسمع وبجادلج وان طلع معاج الحق بقتنع

بس انا واثقه انه نصكم بيتهربون بالفتاوي ماراح تييبون لي اللي طلبته
​

 

[قطوووة]

رد : لما تزوجتي ...... تنقبتي؟

عدد المتواجدون في هذا الموضوع » 18 , عدد الأعضاء » 8 , عدد الزوار » 10
‏قطوووة, ‏Peace.Luv, ‏CapTin Sro, ‏•´мs.B A S H O R A`•, ‏cola girl, ‏يادمووعي, ‏nwir72, ‏جوك احلى جو

 

[•´мs.B A S H O R A`•]

لا ما تنقبت و لا راح اتنقب

النقاب مو فرض بل من العادات و التقاليد بكل بساااطة

 

[قطوووة]

رد : لما تزوجتي ...... تنقبتي؟

بناااااااااااااااااااات مانبي فتاوي

سؤالي واضح

تنقبتي او لا!!!!!!!