تعالي ولا تحاتين معاي اكيد بتخسين

[دندونه@@@]

رجيم ينزل اكثر من خمسه كيلو بخمسة ايام"
لازم ما نتعدى ال1100 سعره حراريه

يبدا هذا النظام في
السبت 12\2\2011
ينتهي في
الاربعاء 16\2\2011

قياس الوزن في يوم الخميس 17\ 2\ 2011

اليوم الاول:
الفطور :نص كوب عصير جريب فروت +بيضه مسلوقه + قطعة خبز

الغداء :تشيز برغر مشوي مع خس وشريحة طماط + دراقه+سلطة جرجير فقط

العشاء:نص كوب اناناس +بطاطه مسلوقه + 4 ملاعق زبادي خالي الدسم

..................................................................

اليوم الثاني :
:082502bye_prv:الفطور : حليب خالي الدسم +كورن فليكس (يفضل مال الرجيم) +عصير كيوي بعد الفطور بربع ساعه (حبة وحده نحطها بالخلاط مع نص كوب ماي)

الغداء: تونه (نص علبه ) +ورقتين خس +ربع قطعة خبز اسمر +عصير جريب فروت+نص طماطه+ جرجير

العشاء :عصير طماط + تفاحه

...............................................................

اليوم الثالث:
:082502bye_prv:الفطور : بيضه مسلوقه +كوب حليب خالي الدسم + خياره

الغداء : سلطة خضار ورقيه بالليمون + بيتزا التوست بالجبنه وشريحتين طماط (قطعتين توست اسمر)

العشاء : طبق شوربة بروكلي بالليمون (بدون اضافة زيت او بهارات ماعدا الكمون والفلفل الاسود والملح )


.............................................................


اليوم الرابع :
:082502bye_prv:الفطور : جبنة قريش (شريحه ) +حليب خالي الدسم +توسته +شريحة طماط

الغداء : شوربة صدر دجاج بالخضار + سلطة جرجير والكرفس بالليمون

العشاء : عصير فراوله بالحليب(طازج) + كوب ذرة مسلوقه بالليمون


اليوم الخامس نفس الاول

اذا حسيتي بالجوع بين الوجبات تقدرين تسدين الجوع ب

جرجير- خياره –موزه –جزره- خس -شمندر–بوب كورن بدون زيت او زبده .....او كوب من العصاير اللي سبق ذكرتها لكم بالموضوع


اللي مستصعبه الدايت وتشوف ان كمية الاكل قليله اقولها جربي وانتي مو خسرانه شي غير الوزن واشربي الاعشاب علشان تخفف من شهيتج للاكل وبين الوجبات تقدرون تاكلون بس حاولو انكم ما توصلون لمرحلة صعبه من الجوع لانكم راح تاكلون كميه كبيره من الاكل وتخربون على نفسكم تعبكم
وبالامكان شرب المشروبات الحره من شاي وقهوه ونسكافيه ولاتيه بس بدون سكر او بسكر فواكه افضل ولازم نلتزم بالثلاث وجبات والعشا لازم ناخذه قبل الساعه 8 والفطور من 6 الى ال9 والغدا من ال12 الى ال3 كل وحده تنسق باللي يناسبها ولا تنسون الرياضه واللي ما تحب السبورت ترقص لان الرقص يحرق سعرات حراريه وينحت الجسم وعليكم بالهزززززززززززززززززززز علشان الخصر يبين والمؤخره تشد

وان شاء الله نتوفق بتطبيق هالنظام والالتزام فيه خمس ايام ....وبعد ما نطبقه راح انزل لكم برنامج تحفه على المزاج والكل راح يرتاح عليه ويحبه
واللحين ما عليكم الا تكتبون يومياتكم شنو سويتم وشنو كليتم وشنو خربطتم """
والميزان راح يبين لنا منو التزم بالنظام ومنو خربط من ورانا

 

[شيخة الغراشيب]

دندونه موفقه يالغلا وانا بعد بادي تخفيف من يومين قصدي رجيم وكوني حامل ماروم اغامر اشرب جاي اعشاب
اشرب جاي اخضر باليوم مره المفروض مرتييين وانا قبل كنت متبعه ارجمه كثيييره ومن ضمنها اشرب جاي اخضر
ماثبت لي الوزن بالعكس كان ينزل وزني والحييينن باديه اصك حلجي شوي واكل المفيد اللي يستفيد منه البيبي الله كريم

 

[روحي تحبك...]

رد : تعالي ولا تحاتين معاي اكيد بتخسين

دندووووووووووووووونه انتي وينج من زماااااااان


انا لي اسبوع اخفف اكل واسوي رياضه وما نزلت الا كيلو بس والله تعبت


خواتي يهاوشوني انتي صايره بطه صايره بطه

<< خبرج عطله نوم وسهر واكل ماكو حركه


بس انا متحديه نفسي الحين

وزني 74 وراح اخليه 60 باذن الله :yaaaaaarb:


وريجيم كتبته بتبعه ان شاء الله معاج من يوم السبت وبدخل كل يوم واكتب يومياتي



فدييييييييييييتج يا الغلا

 

[ريماااااس]

حبيبتي ماااااااااااااااااااااقصرتي يالغلا

وانا بعد وياكم
:wqedqw:

 

[دندونه@@@]

:blueSmCLR:

دندونه موفقه يالغلا وانا بعد بادي تخفيف من يومين قصدي رجيم وكوني حامل ماروم اغامر اشرب جاي اعشاب
اشرب جاي اخضر باليوم مره المفروض مرتييين وانا قبل كنت متبعه ارجمه كثيييره ومن ضمنها اشرب جاي اخضر
ماثبت لي الوزن بالعكس كان ينزل وزني والحييينن باديه اصك حلجي شوي واكل المفيد اللي يستفيد منه البيبي الله كريم

ياحياتي الله يهون عليج حملج وولادتج بكل سهاله ان شاء الله اما الرجيم خليه عنج هالفتره كونج حامل اكلي مثل ما تبين لكن على وجبات صغيره وابتعدي عن النشويات ركزي على الخضراوات والمشويات خاصه السمك والفواكهه وطبيعي تزيدين 12 كيلو غصب طيب فيج الزياده خاصه اذا كنتي تاكلين فيتامينات وكالسيوم وهالسوالف اللي يصرفونها الدكاتره صج تنفعنا لكنها بنفس الوقت تنفخنا بس والله كل شي يهون بشوفة البيبي بصحه وعافيه والا انا شللي زاد وزني غير الحمال وصلت للخمسه وتسعين كانت صدمة حياتي لكن تغاضيت عن الوزن وفكرت بمصلحة البيبي


سمعي الكلام وخلي الرجيم عنج وبشرينا بولاتج

 

[دندونه@@@]

روحي تحبك & ريمااااس

حياكم الله :wqedqw: وياليت كل وحده فينا تلتزم بالدايت وبالثلالث وجبات وبالوقت المحدد


وانشاء الله يوم الجمعه راح احط اسماء اللي بيشاركونا النظام بس ياليت كل وحده تكتب وزنها الحالي والوزن اللي حابه توصله واذا وحده فيكم تعاني من ثبات الوزن لازم تقول لان مو اي نظام يناسبها لازم تكسر ثبات الوزن بظام خاص علشان تقدر تطبق اي نظام ثاني.......
وفي شغله ثانيه وهي انه ياليت اللي تقدر تشرب لها حلول او شاي اخضر صيني اصلي على اساس نبدي النظام صح بعد ما نجري تنظيفات :ggdw: للجهاز الهضمي من البلاوي اللي كليناهاو سوري على هالطلب بس دايما دكاترة الرجيم يسوون جذي وهم مو احسن مني:lololoe:

 

[روحي تحبك...]

رد : تعالي ولا تحاتين معاي اكيد بتخسين

انا وزني 74 وبخليه 60

وللاسف عندي مشكله

بصعوبه اخسر وزن ويظل ثابت


شنو الحل فديتج؟

 

[أحلى عيون]

رد : تعالي ولا تحاتين معاي اكيد بتخسين

الله يعطيكم الف عافيه جميعاا

وعسي ربي يوفقكم ان شاء الله وتضعفون وانتم بصحه وعافيه

 

[دندونه@@@]

رد: رد : تعالي ولا تحاتين معاي اكيد بتخسين

انا وزني 74 وبخليه 60

وللاسف عندي مشكله

بصعوبه اخسر وزن ويظل ثابت


شنو الحل فديتج؟

حبيبتي باجر واللي بعده كلي على راحتج كل شي بخاطرج كليه حلويات معجنات و الخ ومن السبت امشي معاي بالنظام اللي حطيته لكم وبعد ما نخلص منه راح اسوي خدعه للجسم نخليه يحرق سعرات حراريه اكثر من اللي حرقها ايام الدايت ...واذا وزنج ثابت سوي اللي قلت عنه بالاضافه الى عصير الاناناس والكيوي شربي منه كوبين باليوم حطي حبتين كيوي وشريحة اناناس طازج بالخلاط مع نص ليمونه مقشره وثلث كوب ماي هذا مقدار كوبين واحد بعد الفطور والثاني المغرب او بعد العشا واهم شي لا توصلين مرحله متقدمه من الجوع يعني متى ما حسيتي بالجوع اكلي وجبه تسد جوعج وان شاء الله ما يخلص هالشهر الا وانتي منزله كم كيلو :yaaaaaarb:

 

[دندونه@@@]

رد: رد : تعالي ولا تحاتين معاي اكيد بتخسين

الله يعطيكم الف عافيه جميعاا

وعسي ربي يوفقكم ان شاء الله وتضعفون وانتم بصحه وعافيه

الله يعافيج يا قلبي وتسلمين على الدعوه الحلوه:hjy5jewf:

 

[دندونه@@@]

يللا بنات هاذي اسماء المشتركات بالدايت مكس واللي راح نبدي فيه من السبت.....
عربجيه & حلوه وجذابه & تبي ترتاح؟؟ & روحي تحبك... & ريماااااس



والمجال مفتوح للي يحب يشترك معانا:wqedqw:



ولا تنسون تشترون كل مستلزمات الدايت لاسبوع فقط ....
عصير جريب فروت 2 +اناناس طازج 1 + كيوي 4 حبات +فراوله +توست اسمر +تونه بالماي 1 +حليب خالي الدسم +بيضتين +بروكلي + خضار ورقيه اي كميه +سكر فواكه او سكر ذره .....كل وحده تشوف النظام وشنو متوفر عندها بالبيت وتشتري اللي ناقصها

 

[شيخة الغراشيب]

غناتي مشكورة فديتج ماتقصرين بس حاليا جم وزنج
وكم نزلتي بعد مأربيتي عشان اتحمسسس

 

[روحي تحبك...]

رد : تعالي ولا تحاتين معاي اكيد بتخسين

دندونه حياتي بغتي منج طريقة شوربة البروكلي

وشوربة صدر الدجاج بالخضار شلوون اسويهم لو ما عليج امر


وصج بغيت اسالج في رياضه معينه نمارسها مع الرجيم

ولا بس رجيم؟؟


<< وايد تسال

 

[LadY BuG 80]

رد : تعالي ولا تحاتين معاي اكيد بتخسين

:nbvppw::nbvppw::nbvppw:

مبرووووووووووووووووووووووووووك
مبروووووووووووووووووووووووووووووووووووووك
مبرووووووووووووووووووووووووووووووووووووووووووووووووووك


لشعب المصري و الامه العربيه سقوط طاغيه من طغيان الامه الاسلاميه :eh_s(13)::eh_s(13)::eh_s(13):


تعيش بلاد اثوره تعيش تعيش تعيش

والله مستاااااانسه الى الامام يا مصر :aha:​

 

[دندونه@@@]

رد: رد : تعالي ولا تحاتين معاي اكيد بتخسين

:nbvppw::nbvppw::nbvppw:

مبرووووووووووووووووووووووووووك
مبروووووووووووووووووووووووووووووووووووووك
مبرووووووووووووووووووووووووووووووووووووووووووووووووووك


لشعب المصري و الامه العربيه سقوط طاغيه من طغيان الامه الاسلاميه :eh_s(13)::eh_s(13)::eh_s(13):


تعيش بلاد اثوره تعيش تعيش تعيش

والله مستاااااانسه الى الامام يا مصر :aha:​

والله توقعت ان الاخ حسني مبارك ينتحر ولا يتنحى لكن الحمد لله الله ستر ولطف لكن ما نقول الا:denya: ومبروك للمصرين والله يكون بعونهم على الايام الجايه

 

[دندونه@@@]

غناتي مشكورة فديتج ماتقصرين بس حاليا جم وزنج
وكم نزلتي بعد مأربيتي عشان اتحمسسس

ما ادري يعني ليش الاحراااااااااااااااااااااااااااااااج:s141: اخر مره وزنت فيها قبل ادخل غرفة الولاده وصلت ل....


























































































95
رقم صعب ؟"؟":O_SHH_: واول مره اوصل لهذا الوزن الصعب والمحزن اني اتعب نفسيا اذا زاد وزني لانه مو حلو المتن علي لكن بعد الولاده شيلي من 5 الى 6 كيلو وزن البيبي والمشيمه والماي يعني قولي 88 ولما بديت رجيم كان تقريبا86 وحاليا 77 ولي شهرين و3 ايام بالضبط من ولدت يعني بلغتكم ربيت:080402ask_prv:


لكن ما اقول الا الحمد لله على العافيه والوزن مقدور عليه والعافيه ان راحت محد يقدر يردها غير ربنا سبحانه

 

[دندونه@@@]

رد: رد : تعالي ولا تحاتين معاي اكيد بتخسين

دندونه حياتي بغتي منج طريقة شوربة البروكلي

وشوربة صدر الدجاج بالخضار شلوون اسويهم لو ما عليج امر


وصج بغيت اسالج في رياضه معينه نمارسها مع الرجيم

ولا بس رجيم؟؟


<< وايد تسال

يا حياتي انتي تامرين وسبقتيني بسؤالج عن الرياضه توني كنت داخله ابكتب لكم التمارين المقرره يوميا بس ها لااازم نلتزم فيها

شوربة البروكلي (بصله مفرومه +كرفس مفروم +4 فصوص ثوم + ملعقه كبيره شوفان) تطبخينهم بماي بدون لا تحمسينهم بزيت او زبده وحطي ملح وفلفل وكمون حسب الرغبه او ربع مكعب ماجي



شوربة الدجاج بالخضار (صدر دجاج منزوع الجلد +خضار مشكله كوب او كوسا وبروكلي وجزر وملفوف اللي متوفر بالثلاجه + بصله مفرومه +ثوم + كزبره او بقدونس او كرفس مفروم ) قطعي صدر الدجاج مثل ما تحبين وتبليه بعصير ليمونه وفلفل اسود وشوية خل مع الثوم وقلبيه على البخار لين ينشف وضيفي عليه باجي المكونات مع الملح والكمون وذا حبيتي ربع مكعب ماجي مع الماي


وبالعافيه

 

[دندونه@@@]

الرياضة المقرره يوميا :

1-تسخين على اطراف الاصابع بدون لا باقي القدم تلمس الارض 40 مره وكل يوم نزيد عليهم 20

2-تسخين 40 مره وكل يوم نزيدهم 20 (التسخين اللي متعودين عليه ايام المدرسه)

3-جري بنفس المكان (عدي لل60 وكل يوم زيدي العد 20)

4- اللي عندها القرص الدوار تتدرب عليه 60 مره وكل يوم تزيد 20 واللي ما عندها عادي توقف وتثبت ايدينها على طاوله او مكتبه وتحرك الجزء السفلي من الجسم مع ثبات الصدر والاكتاف واليدين بنفس الاتجاه

5- تدرينات للزنود 40 مره وزيدها 20 كل يوم ..حركي اليدين بشكل دائري ثم عكسي الاتجاه صفقي من ورى ومن قدام رفعي ايدينج فوق ونزليها تحت انتبهوا هذه 3 تمرينات للزنود

6-ضمي رجولج وسوي نفس وضعية الركوع وكرريها ورى بعض وانتي شافطه بطنج وخلي ظهرج سيدا لما تركعين لا يكون منحني علشان لا يعورج ظهرج (40 مره وكل يوم نزيد اللي نقدر عليه)

7-رياضة المعده المعروفه 20 مره للمبتداه وكل يوم نزيد


واللي تقدر تسوي التمرينات مرتين باليوم يكون افضل وفي معلومه خاطئه كلنا نتبعها اننا نسوي الرياضه قبل الفطور وهذا غلط لازم نسوي الرياضه بعد الفطور بساعه ونص الى ساعتين علشان الجسم يحرق الكالوري هالمعلومه سمعتها ببرنامج اجنبي يتكلم عن الرشاقه وخسارة الوزن...واللي تحب تضيف اي رياضه من عندها اقولها زيادة الخير خيرين وانا من عندي راح ازيد ربع ساعه مشي على جهاز السير و10 دقايق جري ونص ساع رقص مكس مصري على خليجي على هبال والقصد احرك الاثقال العالقه فيني اللي مو راضيه تتحرك واي وحده عندها جهاز سبورت تعطي نفسها ربع ساعه تتمرن عليه بالاضاف للتمارين اللي ذكرتها

وبالتوفييييييييييييييييييييييييييييييي باجر الموعد شدو حيلكم
:n2006107::n2006107::n2006107::n2006107:
:n2006107::n2006107::n2006107::n2006107:
:n2006107::n2006107::n2006107::n2006107:


:yaaaaaarb: مايضيع مجهودنا عبث:yaaaaaarb:


لا ننسى اهم شي وهو اننا نحب نفسنا واجسامنا مثل ما هي ونحترمها وما نحقر اجسامنا بسبت اوزانا الزايده والحياة حلوه سواء خسينا والا ما خسينا بنعيش الدنيا مثل ما ربنا مقدرها لنا :hjy5jewf:

 

[دندونه@@@]

http://www.q8yat.net/showthread.php?t=364538هذا رابط لموضوع وحده من الخوات بالمنتدى جزاها الله خير حاطه فيه روابط لتمرينات الارداف والسيقان

وياليت اي وحده عندها روابط لتمرينات ممكن تفيدنا تضيفها بالموضوع وانا عن نفسي كل ما اشوف شي ممكن ينفعنا راح احطه لكم:friends:



امبي بنات شوفو هذا يونس من قلب يحرك كل قطعه بجسمجhttp://www.youtube.com/watch?v=1rfuNK1_ipk&feature=related

 

[شيخة الغراشيب]

دندزنه الله يقوي أراتج ان شاءالله وتضعفين بصحه وعافيه
وعقبالي ما أرجع حق الستينات يأرب