كنتي امس بالافينيوز ؟ تعالي اقول لج يا مغفله شصار عقب ما رحتي

الحالة
مغلق و غير مفتوح للمزيد من الردود.

:: Diva ::

New member
إنضم
29 يونيو 2008
المشاركات
14,408
مستوى التفاعل
2
النقاط
0
صباح الخير








الي راحت امس الافينيوز العصر
و قعدت بستار بكس الساعه 7


يا اختي .. انتي بنوته حلوه و رشيقه و دمج خفيف و ضحكتج حلوه
الف من يتمناج
شعرج حلو مصبوغ ولابسه تنورتج المبكره القصيره و جيجي حدج ستايل
شنو ناقصج عن باجي البنات ؟


قاعده مع البغل هالطويل العريض الي غير مكانه و لزق جتفه بجتفج
شوي وتقعدين بحضنه ما خاف عليج و لا على سمعتج و جدام خلق الله يسبج
على غشمره و انتي مستانسه انه حبيبج ..

لو يحبج ما يرضى عليج
بس كملي معاي اقول لج شنو صار عقبج ..



مسكتي جهازه و قمتي تحذفين صور البنات الي منزلهم من البي بي
و يجذب عليج يقول لج حبيبة واحد من الربع
و الثانيه اسمها مريم يقول لج لا هذي ابتسام رفيجة صاحبي

ما سألتي نفسج ليش يحتفظ بصور البنيات بجهازه ؟
و ليش حاط باس وورد على البي بي ام ؟
و لا تخيلتي شنو مصير صورج ؟



نكمل ؟


انزين قال لج جدام الكل و اهو يضحك لا تمسحين يا ( حماره )
و انتي تضحكين واااي دمه خفيف
و الناس تضحك عليج لانج اثبتي كلامه .. !!



خيتي .. حبيبتي
والله من شفتج حبيتج وربي كلج ذوق
و لو تتسترين شوي تلاقين الخطاطيب
طابور عند بيتكم ..
شنو في هالكبت زود الي معرضه نفسج للاستهزاء
و المصخره و الكلام و سمعتج الي تضيعينها ؟



ما خفتي لما قمتي وياه و حط ايده على جتوفج و وصلج لي طاوله فيها
ربعه ولمج جدام الاوادم كلهم يعني كول هذي مالتي
و انتي مستانسه
ونااااسه كل ربعه يدرون انه حبيبي .. انه لي انا بروحي ..
اعترف فيني بوجودي و اهميتي بحياته
الله شكثر يحبني


و خلاج تمشين معاهم
صرتي بروحج وياج 3 شباب
الاثنين الي ورا ميتين عليج ضحك
و الذيب الي محميرج يمشي بكل ثقه و يطالع الناس بعيونهم
هذي حمارتي !!


بذمتج ما خفتي من ابو ولا اخو ولا عم يشوفج ؟
انزين ما خفتي الحريم ينقدون عليج ولا يسمعونج شي ما يسر ؟


اوكي حريه شخصيه
كيفج
مالي شغل





بس ما تدرين شنو صار خلاني اكتب هالموضوع !!
لما مشيتي يا حلوه

رجعوا الثلاثه
و البغل الي لابس ازرق مخطط
الي كان وياج
قام يستعرض صورج ( الخاصه جداً جداً ) و الي بايقهم من الدي بي
على ربعه


جسمج و عرضج و اسمج صار عرض للي يسوى و الي ما يسوى !!
والله حرام

قلبي يعورني
مشيتي من صوب
و عيوز مبرقعه تقول عنج قربت القيامه
و ثانيه بدله و هاي كلاس تقول الله يهديها
وتعالي سمعي البنات الي ما خلوا فيج
شي الا و نقدوه ولا علقوا عليه


و انا وخواتي قمنا نتحسر عليج و على جمالج
و على الثقه الي عطيتيها للحمار الي كان وياج



وحده من خواتي قالت مستحيل كويتيه
بس انا اعرفج .. اعرف اسمج
و بيتكم و اعرف امج !

رديت عليها : ما ادري مالنا شغل احنا كل من عقله براسه يعرف خلاصه







خواتي بنهاية هالموضوع

الريال الي يحبج يتقدم لج
لو شنو تكون العقبات يااااخذج يعني ياااااخذج


الريال الي يحبج صج
ما يرضى عليج من الناس و ربعه واي شي يضر سمعتج
لانه يعتبرج شرفه و عرضه و لا يقبل ياخذ منج شي بالحرام


اصلا لو اختلى فيج بسياره ولا شقه ولا اصنصير او سينما او .. او
و بستيه و لا لميتيه ولا حطيتي راسج على جتوفه ولا مسكتي ايده ولا .. ولا
والله وبالله يشوفج سهله و ما يفكر فيج زوجه


الريال الي يحبج ما يعرفج
على ربعه و لا يستغل صورج
و لا يوريج لاحد مثل الدره الي يخاف عليها






بنات الي عندها بي بي
لا تضيفين اي شخص
و ان ضفتي كيفج
بس لا تحطين صورتج .. تكفين لانهم يبوقون و ينشرون
و حتى بالنت يحطونها

الله يخليكم
اتعظوا من الي صار قبلكم
سمعوا قصص البنات الي ضاعوا قبلكم
لا تطيحون بالفخ


انتي ما فيج شي غير عنهم
الي طيحهم فيها يطيحج انتي بعد !!




الله يهدي الكل
و الله يستر على الكل

سامحوني على الطواله :eh_s(8):
 

مباركيه

New member
إنضم
13 يونيو 2009
المشاركات
5,640
مستوى التفاعل
4
النقاط
0
الإقامة
كويت الحب
رد : كنتي امس بالافينيوز ؟ تعالي اقول لج يا مغفله شصار عقب ما رحتي

حسبي الله ونعم الوكيل

والله كلامج يعور القلب ..الله يهديهم والله يستر عليهم ويثبتهم أمثال هالبنت اللي تكلمتي عنها
 

أم الولد

New member
إنضم
16 مايو 2008
المشاركات
624
مستوى التفاعل
0
النقاط
0
,يماه كش جلدي من الكلام تدرين ليش لانه صحيح اللي قلتيه كله
ياليت رسالتك هذي توصل لاكبر قدر من البنات اللي يستخدمون البي بي
 

هدوء

New member
إنضم
2 أغسطس 2008
المشاركات
1,401
مستوى التفاعل
0
النقاط
0
لا حول لاو قوة الا بالله


الله يستر على الجميع ان شاء الله
 

مدام فاشن

New member
إنضم
7 فبراير 2009
المشاركات
5,899
مستوى التفاعل
0
النقاط
0
لاحول ولاقوة الا بالله

انا امس كنت بالافنيوز

وصدقيني الطيور على اشكالها تقع تلقينها اهيا مثله واخس منه
 

Killer^Girl

New member
إنضم
23 سبتمبر 2006
المشاركات
16,604
مستوى التفاعل
11
النقاط
0
واي شي يعور القلب
الله يهدي الجميع انشالله ويستر على بناتنا
 

al3sooola

New member
إنضم
19 فبراير 2009
المشاركات
1,538
مستوى التفاعل
0
النقاط
0
رد: رد : كنتي امس بالافينيوز ؟ تعالي اقول لج يا مغفله شصار عقب ما رحتي

حسبي الله عليه مو ريال زباله :eh_s(14): :eh_s(14):

لا والله مو اهو الزباله اهي الزباله
 
إنضم
2 مارس 2010
المشاركات
7,859
مستوى التفاعل
18
النقاط
0
الإقامة
دِنيَآ كِفَآ الَلّه شَرّهَـآ ..}
غبيه الى تصدق رجال بعلاقه محرمه


غبيـــه غبيـــه غبيــه

قبل لانتكلم عن نظره الناس لها

المفروض تحاتي نظره ملك هالناس

نظره ربي الى عطاها الصحه والجمال

ومن بعدها تفكر بثقه اهلهـا

الله يهديهـا :yaaaaaarb:
 

:: Diva ::

New member
إنضم
29 يونيو 2008
المشاركات
14,408
مستوى التفاعل
2
النقاط
0
رد: رد : كنتي امس بالافينيوز ؟ تعالي اقول لج يا مغفله شصار عقب ما رحتي

حسبي الله ونعم الوكيل

والله كلامج يعور القلب ..الله يهديهم والله يستر عليهم ويثبتهم أمثال هالبنت اللي تكلمتي عنها



:eh_s(2):

اللهم امين
 
إنضم
11 مارس 2009
المشاركات
3,873
مستوى التفاعل
3
النقاط
0
رد : كنتي امس بالافينيوز ؟ تعالي اقول لج يا مغفله شصار عقب ما رحتي

لا حول لاو قوة الا بالله


الله يستر على الجميع ان شاء الله
 

& ام خالد &

New member
إنضم
20 ديسمبر 2010
المشاركات
282
مستوى التفاعل
0
النقاط
0
رد : كنتي امس بالافينيوز ؟ تعالي اقول لج يا مغفله شصار عقب ما رحتي

@ الله يهدي الجميع .. والله شي يعور القلب صرت أكره الطلعه لهالاماكن والسبب أنه تمر عليج هالمناظر @
 

ام عفاف الكويت

**مشرفة قسم كويتيات مول**
إنضم
26 أكتوبر 2007
المشاركات
57,579
مستوى التفاعل
8
النقاط
38
العمر
41
الإقامة
في قلب زوجي وعيالي حفطهم الله
الموقع الالكتروني
www.om3afaf.com
قولي امين ياديفا
جعلي اشووف ولدج باحسن الرتب يارب
انا اللى بالغربه ماشفت اللى قلتيه بناتنا استخفو مع انه مسلمات
بس شتقولين لا رقيب ولا حسيب من الاهل
عورني قلبي عليها
 
الحالة
مغلق و غير مفتوح للمزيد من الردود.