تعالي ولا تحاتين معاي اكيد بتخسين

[روحي تحبك...]

رد : تعالي ولا تحاتين معاي اكيد بتخسين

هلا فيج دندونه وسوري حياتي عالاغنيه ما ادري انج ما تسمعين


بخصوص الانظمه الي محتاره فيهم... ما ادري كيفج بس انا الاسبوع الياي ابدا دراسه بالكليه

يعني دق مشي وابي ريجيم يساعدني على اني ما ايوع وايد بالكليه بعدين اطفش واروح اكل


يعني ابي شي يناسب الجو والمشي والروحه والرده << ان شاء الله فهمتي علي :yaaaaaarb:




وبعدين شنو يعني تلبينه اول مره اسمع فيها قوليلي شنو عادي اي شي اجرب دام انه يضعف


سكتي عرس ولد عمي بعد اسبوعين ومو لاقيه ثوب الكل يصارخ علي صايره بطه صايره بطه

من وين نيبلج ثوب


<< يعني انا سمنتي شوي صايره بالفخوذ ابي شي يخفي فخوذي تكفييين :yaaaaaarb:




اي صج نسي اقول


انه ريوقي اليوم كان حليب خالي الدسم وبيضه مسلوقه وخياره


وشوي بعد بمشي على جهاز المشي وسوي نط الحبل

 

[دندونه@@@]

وراج عرس ممممممممممممممم:bbbiu: يبيلج شغل:eh_s(10): طبقي التمارين بموضوع وحده من العضوات من ضمن الروابط اللي حطيتها لكم بالصفحه الثانيه في رياضه للمنطقه السفليه من الجسم طبقتها مرتين وتعالي شوفي العوار تحسين حركت العضلات غصب طيب هذا غير المدرب دانس الاسمر يحرك كل عضله فيج بطريقه تونس كأنج ترقصين

بالنسبه للنظام الجديد انشاء الله ماراح تحسين بالجوع لاني بطبق نظام الثلاث ساعات حيل حلو ويحرق سعرات اكثر ومافيه جوع ابداااااا واللي ابيه منج تروحين تشترين التلبينه لاني ابدخلها بالنظام ومن مميزاتها انها تحسسج بالشبع لوقت طويل بس ما اعرف وين يبوعونها بالضبط لان حماتي تشتريها من وحده وانا قاطه وجهي اخذ منهابس سمعت ان محلات القهوه والتمر تبيعها

 

[دندونه@@@]

اليوم الثالث للرجيم فل الفل :eh_s(15): كل شي ماشي ضمن الخطه وجبة الفطور كانت الساعه 6 ونص الصبح والغدا الساعه 2 ونص وقبل كل وجبه شربت كوبين ماي وكوب شاي اعشاب والرياضه مؤجله لاخر اليوم

 

[(غموض)]

مساء الخير

انا والله متابعتكم بس مابي اشترك بقروب لين اوصل لوزن في بالي يسمح لي اني اسجل

الحين انحرج منه ههههههه لاني بقروبات الي طافت نزلت لكن بالعطله خبصت وزدت كم كيلو

والحين لازم انزل لين اوصل للي وصلت له قبل

 

[روحي تحبك...]

رد : تعالي ولا تحاتين معاي اكيد بتخسين

دندونه حياتي والله ما اعرف يعني شنو تلبينه؟


اعشاب ولا اكل ولا شنو... ووين القاها اصلا



انزين ممكن طلب صغنوووووووووووووووووووووووووووووووون



صوري شوربة البروكلي << عقدتها هع

ابي اشوف لو شكلها نفس الشوربه الي سويتها ولا لا لو ما عليج امر اوك قلب


وان شاء الله باجر لنا لقاء

 

[دندونه@@@]

مساء الخير

انا والله متابعتكم بس مابي اشترك بقروب لين اوصل لوزن في بالي يسمح لي اني اسجل

الحين انحرج منه ههههههه لاني بقروبات الي طافت نزلت لكن بالعطله خبصت وزدت كم كيلو

والحين لازم انزل لين اوصل للي وصلت له قبل

حبيبة قلبي انتي ليش الاحراج شاركي معانا ولا تقولين عن وزنج عادي المهم قولي كم خسرتي لما طبقتي انظمتنا احس ان القروبات تشجع انج تستمرين وما تيأسين وتخليج تطبقين النظام بضمير ....عاد قروبنا مافيه احد غيري انا و حبيبتي روحي تحبك والباجي مدري وين راحو الظاهر ضيعوا الموضوع واحتفظوا بيومياتهم:krkrkr: الله يردهم لنا بالسلامه


خليج معانا وان شاء الله توصلين للوزن المطلوب واللي يطيب الخاطر شوفيني انا وين كنت ووين صرت من 95 الى 77 ويوم الخميس ان شاء الله ينزل الرقم حبتين المهم ما نيأس ونحب اجسامنا مثل ما هي لا للاحراج




ننتظر يومياتج:eh_s(15):

 

[دندونه@@@]

رد: رد : تعالي ولا تحاتين معاي اكيد بتخسين

دندونه حياتي والله ما اعرف يعني شنو تلبينه؟


اعشاب ولا اكل ولا شنو... ووين القاها اصلا



انزين ممكن طلب صغنوووووووووووووووووووووووووووووووون



صوري شوربة البروكلي << عقدتها هع

ابي اشوف لو شكلها نفس الشوربه الي سويتها ولا لا لو ما عليج امر اوك قلب


وان شاء الله باجر لنا لقاء

التلبينه عباره عن دقيق الشعير راح احط لج معلومات عنها...

اما الشوربه قضيت عليها قبل لا اشوف الموضوع حسافه والا كنت صورتها لج :eh_s(22):

 

[دندونه@@@]

(( التلبينة مجمة لفؤاد المريض تذهب بعض الحزن )) (( رواه البخاري في صحيحه ))



و اثبتته الدراسات العلمية الحديثة في فوائد التلبينه ؟؟؟؟؟؟؟
أثبتت الدراسات العلمية الحديثة في فوائد التلبينة ... ما يأتى :-

1- انقاص الوزن
2- ويزيل الاكتئاب

3- أن الشعير الذي تحتويه التلبينة يفيد في علاج :-

الإمساك لإحتوائه على الألياف .
4- أن التلبينه مطهرة للمعدة ومريحة للأمعاء
5- أن التلبينة علاج لمرضى الإكتئاب :-
وذلك لإحتواء التلبينة على :-

* المعادن : لها تأثير على الموصلات العصبية مما يهدئ الأعصاب فيل الإكتئاب والحزن ويتضح ذلك من حديث الرسول في قوله ( .... تذهب بعض الحزن ) وهذا يدل على أن الرسول أوتى جوامع الكلم .
* فيتامين b : لان النقص والتأخر في العمليه الفيسيولجية لتوصيل نبضات الأعصاب الكهربية إلى المخ والقلب يؤدي إلى الإكتئاب ،، وفيتامبن b يقوم بتنشيط هذه العمليه في جسم الإنسان .
* مضادات الأكسدة : والتى تساعد على ذهاب الإكتئاب لإحتواء هذه المضادات على فيتاميني ( a و e ) .
* الأحماض الأمينية : يساعد الحمض الأميني على العملية الحيوية للأعصاب والتى تؤثر على الحالة النفسية للإنسان .
6- التلبينة مهدئ للقولون .7- التلبية لحماية الشرايين التاجية للقلب من التصلب .
8- التلبينة مدرة للبول
9- لعلاج إرتفاع الضغط
10- لعلاج مرضى السكر
11- لعلاج الذبحة الصدرية
12- لبطئ نمو الاطفال
13- التلبينة مضادة لسرطان الأمعاء .

 

[دندونه@@@]

هذا فيديو طريقة التلبينه بس انا اخففها لاني ما احبها ثقيله
http://www.youtube.com/watch?v=sW391aVySbY

 

[(غموض)]

خلاص ابشري واعتبريني وياكم

والتلبينه بسأل امي عنها

لاني اول مره اسمعها

يالله سجلوني وياكم

 

[روحي تحبك...]

رد : تعالي ولا تحاتين معاي اكيد بتخسين

حيآآآآآآآآآآآآآآآج يآآآ غمووووض ويانا


:eh_s(9)::eh_s(9)::eh_s(9):



دندونه ياختج من شربت حليب خالي الدسم وانا كله لايعه جبدي واحس بوعه ودايخه

<<< اختي تضحك علي وتقولي هذي اعراض حمل لووووووووووول


والله كله داااااايخه وموقادره اتحمل الم معدتي منه

 

[(غموض)]

:eh_s(17):صباحكم ورد

الله يحيكِ يالغاليه فديتك:eh_s(17):

انا ما احب الحليب بس اشربه شسوي

 

[دندونه@@@]

خلاص ابشري واعتبريني وياكم

والتلبينه بسأل امي عنها

لاني اول مره اسمعها

يالله سجلوني وياكم

حياج يالغلا منوره القروب :eh_s(9):

 

[دندونه@@@]

رد: رد : تعالي ولا تحاتين معاي اكيد بتخسين

حيآآآآآآآآآآآآآآآج يآآآ غمووووض ويانا


:eh_s(9)::eh_s(9)::eh_s(9):



دندونه ياختج من شربت حليب خالي الدسم وانا كله لايعه جبدي واحس بوعه ودايخه

<<< اختي تضحك علي وتقولي هذي اعراض حمل لووووووووووول


والله كله داااااايخه وموقادره اتحمل الم معدتي منه

ياحليل اختج ضحكتني:krkrkr::krkrkr:شوفي اذا ما تتقبلين خالي الدسم شربي قليل الدسم واذا كلش شربي اي شي يريحج بس مو مشروبات غازيه بس غريبه :eh_s(10):تلوع جبدج منه خاصة اذا كنتي تشربين الحليب من قبل اخاف الرجيم قوي عليج :bbbiu:على العموم هانت باقي يوم ونخلص ونبدأ بنظام ان شاء الله يكون سهل علينا :yaaaaaarb:
واهم شي قبل الميزان ابقولكم لا تحبطون اذا ما نزلتم مثل ما كنتم تتوقعون لان لازم نتعب ونثابر للوصول للهدف بدون استسلام :eh_s(1):

 

[(غموض)]

صراحه انا عاجبني هالرجيم ودي اكمل عليه خمس ايام بعد

لانه احسه حيل ناسبني ومو متعبني مرتاحه عليه واحس في تغير بشكلي من غير ما اقيس

وغيرت الغدا اليوم كليت سمك مشوي

والعشاء شريت عصير فراوله مال المراعي يم يمي حطيته بالخلاطه ويا حليب خالي الدسم شويه وثلج طعمه فضيع

ويا ذره وليمون وفلفل اسود طبعا ماكليت بروحي شاركوني خواتي هههههه

بس والله من العصير حيل حيل شبعت

 

[دندونه@@@]

اليوم الرابع للرجيم منسده نفسي مو قادره اكل كلش ما اشتهي الاكل الظاهر خايفه من يوم الخميس والميــــــــــــــــــــــــزان الله يستر:eh_s(16):
بس لا للاستسلام اخس يعني اخس كلمتي اللي تمشي على الميزان غصبن عنه مو كلمته :eh_s(14):



















الخميس راح يكون يوم مفتوح والجمعه 18/2/2011 نبدا بنظام الثلاث ساعات لمدة ثلاث ايام (الجمعه - السبت - الاحد ) ونوقفه يومين(الاثنين - الثلاثاء ) وتالي نرد عليه ثلاث ايام ثانيه (الاربعاء -الخميس - الجمعه ) اليومين اللي بالنص بنتبع فيه نظام خاااااااااص مجموع سعراته الحراريه 900 سعره حراريه اما نظام الثلاث ساعات مجموع سعراته الحراريه1100 ويجي بعدهم يوم السبت 26/2/2011 يكون اوف وهو نفسه يوم الميزان

وراح انزل لكم الوجبات الاساسيه خلال طول فترة النظامين وجدول السعرات الحراريه للاغذيه والمشروبات .الخ
شرايكم حلو والا اغيره وان شاء الله اذا عجبتكم الفكره ابشرح لكم شلون راح يكون كل نظام
ومن وجهة نظري اشوف ان نظام الثلاث ساعات مدموج بنظام السعرات الحراريه انسب للكل لان كل وحده تختلف عن الثانيه بحاجاتها الغذائيه واحلى مافيه انج تاكلين اي شي تشتهينه كل ما حسيتي بالجوع لكن بشرط ما تتعدين السعرات الحراريه المحدده وهالطريقه تبعد الملل والروتين اللي يفرضه علينا الدايت هذا غير انج تقدرين تاكلين المتوفر عندج بالبيت من غير لا تكلفين على نفسج وتروحين الجمعيه تحوسين وتدورين على رف الدايت ويمكن تحصلين اللي تبينه ويمكن لأ لكن في اربع شغلات راح اجبركم عليها خلال النظامين لان نتيجتها روعه بالمره الجايه اقولكم عنها لاني مضطره اروح للبيبي اشوفكم على خير:ggdw:

 

[(غموض)]

اوكي انا معاااكِ لكن لازم تفهميني خطوه بخطوه والفري دي اقول ماله لازمه توني بدينا بالحمد

اجلوه اسبوع بعد

 

[روحي تحبك...]

رد : تعالي ولا تحاتين معاي اكيد بتخسين

دندونه والله يمكن الرجيم قوي علي احس بدوخه << ابوي يضحك علي يقولي شنو الي حادج لوووووووول


بس لازم لازم اخسر وزن وحتى لو وقفت عالميزان ونقصت نص كيلو ما عندي مشكله المهم فيه نتيجه بالاخير


اي تكفين الخميس يوم مفتوح << حدددددددي مشتهيه بيتزا من دومينيز يمي يمي


ومو مشكله دام هالاسبوع ما عندي دوام وايد بطبق نظامج الثلاث ساعات بس ابي يكون بالتفصيييييييييييييييل

عشان ما نتخربط ونحوس الدنيا اوكيشن قلبي




<< يا رب اوصل لي 65 وتحت يا رب يا رب:yaaaaaarb:

تعناج ويانا دندونه يسلمووووووو غناتي:eh_s(7):

 

[(غموض)]

اشتري دايجتسف بشوكولاته الكراميل لحسيتي بدوخه اكلي حبتين

لان يكون السكر بالجسم منخفض وهو حلو طعمه ومايخليكِ ادوخين

 

[دندونه@@@]

اوكي انا معاااكِ لكن لازم تفهميني خطوه بخطوه والفري دي اقول ماله لازمه توني بدينا بالحمد

اجلوه اسبوع بعد

حبيبتي الفري دي لاااااااااااااازم علشان جسمنا لا يتعود على الرجيم بعدين ما يتأثر يعني يصير قلة الاكل عنده عادي وما ينزل الوزن عاد احنا لازم نخدع الجسم ونخليه يضاعف مجهوده باليوم المفتوح ويعود نفسه يحرق اكثر وبذاك الوقت احنا نكون بدينا بدايت ثاني وعملية الحرق تكون اكبر واسرع فهمتي علي :eh_s(10):
فاشله بالشرح

اما النظام الجديد راح انزله لكم باجر او بعده بالتفصيل الممل ان شاء الله ادعولي اتفرغ ساعتين على الاقل علشان انسق النظام لان النونو متعبني :eh_s(2):ما ادري منو علمه حركات الدلع الزايد:bbbiu: