اليهالوة راح يخربون بيتى

[الحلوة ريا]

قوة بنات شلونكم ​

أنا متابعه للمنتدى من زمان لكنى قليله المشاركة وراح ادخل في الموضوع على طول ​

أنا متزوجة من سنه 98 الحمد لله ريلي إنسان طيب ومو راعى سوالف ولا خرابيط وساكنه بشقه بروحي وعندي سبعه يهال الله يخليهم لي ويحفظهم ​

مشكلتي باختصار أن زوجي ما صار يتحمل نجرتهم وأصواتهم وصار عصبي فكله طالع وما يرد البيت إلا الساعة 12 بالليل أو لما ينامون ​

مشكلتي بدت من جم يوم ولما كنا في وضع شيسمونه الساعة 1 الفجر واحد من عيالي صحا من النوم خايف وصار يطق باب دارى هنئ حبيبي زعل ووصلت معاة وعصب :rgewrg: ​

وقال أنا مو قادر اقعد معاج ولا اسولف ماكو حياة خاصة بسبب هاليهال وياحظ اللي مرتة عقيم أو ما تييب عيال عايشين حياتهم :eh_s(10):​

أنا هنئ قلتله احمد ربك على هالنعمه في ناس قاعدة تتمنى الياهل وقاعدة تعالج ومو حاصل لها ​

بنات بصراحة أنا حاسة أنى راح افقد ريلي بسببهم فماكو حل لهالمشكله ؟؟؟​

 

[Queenleo]

رد : اليهالوة راح يخربون بيتى

انزززين وديهم عند اهلج او عند اهله
وخصصي يووم بالاسبوووع لكم برووحكم من حقه يقعد معااج
حجزي غرفه بنفدق او شاليه واستانسوووا
وشركيهم بنواادي وومعاهد لاتخلينهم داايما معاكم

 

[باااربي]

نظمي حياتهم .. ....حطيلهم غرفه خاصة لهم تكون كبيرة فيها العاب
نطاطية
تلوين وسبورة
بلي ستيشن وتلفزيون ودي في دي
انا اعيالي اثنين اسم الله عليهم وعن عشرة ... ما ارتحت منهم الا لمن ضبطت لهم غرفتهم حتى اكل ياكلون فيها
راح تكلفج وايد الغرفة بس راح ترتاحين بعدين :eh_s(9):
الله يهديهم لج ويحفظهم

 

[FeShinGoOo]

رد : اليهالوة راح يخربون بيتى

والله هالرياييل ماينعرفهلم يبون يهال وهم يبون حياتهم نفس شهر العسل بدون ازعاج ولا مسؤليه ..

وخليه يستغفر الله ترى كلمته لا سمح الله موزينه ..

اتخيلي لو عيالج كلهم يروحون بحادث بسبة كلمة ريلج ترى موزين الواحد يرفس النعمه وبعدين محد طقه على ايده وقاله يحملج ..

يعني يوم ياب ياهل وياهلين وثلاثه واربعه وخمسه وسته ماحس انه تو مج ؟؟

كملهم سبعه تبارك الرحمن وتوه يحس ان الوضع غلط ؟؟


الله يهديه وانتي اتوقع صعبه عليج اتودينهم عند اهلج مافي اهل بيتحملون 7

 

[FeShinGoOo]

رد : اليهالوة راح يخربون بيتى

وحياتي اذا الكبير فاهم عوديه انه يتحمل المسؤليه معاج قوليله اذا اخوك بجى انت سكته اذا يخاف ينام نام يمه اذا يوعان وكله معاك جذي خليهم يتعاونون بينهم

 

[عيش و مرق]

مشاله شطارى عليكم يايبين سبعه كنه وايد لا اله الا الله


تووومج المهم ضبطى نومهم وقعدتهم والوقت الى تقعدين معاه العصر قولى لهم كل واحد بداره ويسوى الواجب او حطيلهم الالعاب الى بتلفزيون مثل اللوى وهسوالف

وعشيهم على الساعه 6 وسبع ينامون كل واحد بفراشه ومن عقب السبع تاخذون راحتكم بس لاتنسين حبوب المانع :eh_s(7):

 

[^noonaa^]

ماشاءالله الله يخليهم لكم يارب

ومثل ماقالو البنات خصصي يوم او يومين لج بروحج انتي وريلج

يعني طلعو واستانسو وخليهم على الاقل ساعتين بالبيت مع الخدامه

تراا الريااال يمل من الازعاج ولويه الياهال مثل اللي عندي
:eh_s(16):

 

[Gourges]

رد : اليهالوة راح يخربون بيتى

مادري استغفر الله ياربي ريلج مادري شلون صاير يعني ما اعتقد اليهال يايبتهم انتي بروحج علشان يلغي دوره ويتذمر :eh_s(4):


نظمي وقتهم ووقتج هذا الحل ...​

 

[زوجة عزيز]

رد : اليهالوة راح يخربون بيتى

الله يعينج

 

[dalloah]

رد : اليهالوة راح يخربون بيتى

نظمي حياتهم .. ....حطيلهم غرفه خاصة لهم تكون كبيرة فيها العاب
نطاطية
تلوين وسبورة
بلي ستيشن وتلفزيون ودي في دي
انا اعيالي اثنين اسم الله عليهم وعن عشرة ... ما ارتحت منهم الا لمن ضبطت لهم غرفتهم حتى اكل ياكلون فيها
راح تكلفج وايد الغرفة بس راح ترتاحين بعدين :eh_s(9):
الله يهديهم لج ويحفظهم



انا معاااك وانا مسويه لعيالي نفس الشي واحاول اذا كان ابوهم موجود انهم مايلعبون عندنا او حتى يسوون ازعاج لانه يااختي رجاال هاالزمان مايتحمل المسوليه وكله على الام والرجال اذا ماارتاح في بيته بيدور مكان ثاني يرتاح فيه والله يعيننا عليييييييهم

 

[G!RLooNa]

رد : اليهالوة راح يخربون بيتى

استغفر الله ياربي

يقول يا بخت العقيم اللي ماعندهم عيال!!!

و الله ماهمني بالموضوع غير هالكلمه !!!

خل يستغفر ربه لا يظل يبجي طول عمره على هالكلمه

 

[ام زاكي]

خلي لج يوم في الاسبوع تطلعين انتي وزوجج بروحكم وعاد دبري لهم احد يقعد معاهم ولا وديهم عند خواتج ولا بيت اهلج
وستانسي
واذا على الشسمونه اي وقت تلاقين فيه فرصه ضربي الحديد وهو حامي :eh_s(9):

 

[نفهمها صح]

رد : اليهالوة راح يخربون بيتى

شوفي رجاجييل اول الزواج يقولج جيبلي عيال انا ابغي عيال
بس بعدها يحس انه خلاص انربط بقووه ....مدري بسن معيين يفووق من صدمه.... مدري شفيهم
اذا عيالج بسن كبير ويفهموون فهميهم
انا اذا مصاروو هديين ابوهم بيهدكم ويهدني ...قوليلهم لما يجي بابا خلينا نصيير هديين
وهم شقه فضيحه وصغيره اي صووت يبين
الله يعينج

 

[أبله جهراويه]

رد : اليهالوة راح يخربون بيتى

ياااااااااااااااااااااااااااااااا الله

يااااااااااااااااااااااااااااا ربي
تدرين اموت ويكون عند بيبي:eh_s(2): :eh_s(2): :eh_s(2): الله يخليلج عيالج يارب:yaaaaaarb:
ماشالله تبارك الرحمن عليهم

زوجي ميت يبي يتزوج علي ان ما حملت:eh_s(11):
سبحان الله الانسان ما يملا عينه الا التراب
ومحد مرتاح بحياته :bbbiu:الحمدالله علا كل حال

 

[~.ąvȍƈaȚ.~]

رد : اليهالوة راح يخربون بيتى

و انتي الله يهداج ليش مكودتهم فوق بعض ماشالله ؟!

ما فكرتي بالمستقبل ؟! شقه و فيها 7 يهال tooo much و بخلال 12 سنه حرام عليج

جان عشتوا حياتكم و خليتوا فترة راحه بين كل ياهل و الثاني !!

ما ينلام الريال لي هد البيت و طلع

عالعموم نظمي وقتهم و سوي اقتراح الاخت اللي قالته عن الغرفه

و خل يستغفر ربه عن هالكلمه !! :\

 

[##سبحان الله##]

رد: رد : اليهالوة راح يخربون بيتى

استغفر الله

شنو يا حظ اللي مرته عقيمة

شقة صغيرة واهم كتاكيت اكيد بيكون ازعاج فديتهم الله الصغار :eh_s(7):

 

[بتبوتااا]

.بالله عشان ما استانس بوقت الشسمه يقول هالحجي ! مهما كان المفروض ما يتذمر ويتضايق ويطلع ويهج ويسوي كل هذاا @@!

غثني بصراحه :eh_s(14): خل يقول الحمدلله على النعمه الي اهو فيهاا عياله هذول ذخر له بالكبر واهم الي بيشيلونه بعدين ,

نرجع لمشكلتج حبيبتي

الظاهر انه ماشاء الله عيالج فيهم حركه حاولي انج تنظمين وقتهم ووقت ابوهم بالبيت
والله يكون بعونج حياتي .

 

[بتبوتااا]

.بالله عشان ما استانس بوقت الشسمه يقول هالحجي ! مهما كان المفروض ما يتذمر ويتضايق ويطلع ويهج ويسوي كل هذاا @@!

غثني بصراحه :eh_s(14): خل يقول الحمدلله على النعمه الي اهو فيهاا عياله هذول ذخر له بالكبر واهم الي بيشيلونه بعدين ,

نرجع لمشكلتج حبيبتي

الظاهر انه ماشاء الله عيالج فيهم حركه حاولي انج تنظمين وقتهم ووقت ابوهم بالبيت
والله يكون بعونج حياتي .

 

[sKntyny]

شلون الله يهداج اتقولين اخاف افقده بسببهم ..!!!

يعني عندج الريل اهم من عيالج سندج باجر بعد ربي ..

واذا اهو متذمر ليش يابهم عيل ..؟!

 

[BiiShOoO]

نظمي وقتكم و خصصي لج يوم لكم بس

الله يسخر بالكم