Think cafe

[الدلال]

السلام عليكم


صار لي فترة اتردد على هالكافيه

قريت عنه مره في مدونه للاخت شخبوطة كويتية وقلت الا اجربه

حيل حبيته , هادي واسعاره مناسبه, وعجبتني فكرته انه مو مجرد كافيه عادي للاكل بس , ويوفر خدمات ثانية :


- فيه غرفه الاجتماعات للاجتماع سواء للبحوث لجامعه و اجتماعات و غيره ..
-فيه مكتبه فيها كتب منوعه علميه ثقافيه مجلات وجرايد..
-يوفر مكاتب وكمبيوترات يمكن استخدامها مجانا وهم فيه طابعه وفاكس..
واهو مشروع كويتي

وراح احط لكم الحين كذا صوره للكافيه اخذتهم من زياراتي له







​

 

[الدلال]

 

[الدلال]

هذي غرفة اجتماعات صغيروونه واي احد يقدر ياخذها جم ساعه مع الطلبات بسعر زين

 

[الدلال]

وعندهم ركن كمبيوترات واللي يحب يشبك مجانا ,او هم بعد اذا مجموعه عنتدهم شغل وبحوث يحجزون كذا ساعه بسعر زين مع الطلبات





شبكت على كويتيات لووول

 

[ربي تقبل توبتي]

شكله حلو
عندك فكرة جم سعر الغرفه اذا بنحجزها
وين مكانه

 

[كيفي كويتيه~]

يعطيج العافيه

 

[الدلال]

بحط لكم صور من طلباتنا كل مارحنا, وهالطلبات دايما اكررها

وللامانه انا اروح حزة المغرب علشان اتقهوه واحلي ماقط طلبت اطباق رئيسيه ولا سندويشات ولا سلطات



قهوة تركية



كابتشينو



الكب كيك , الفانيليا احلى داخلها ستروبري



عجيييبة جيز كيك الاوريو



عاد هذي غراامي , حييل اتلذذ فيها



حياكم اتفضلوا لووووول




هذي تجربتي واللي حبيت انقلها لكم بهالكافيه, اللي هابة فيه هاليومين

وعجبني حيل بالوقت اللي يمكن ما يعجب غيري

واذا عجبكم موضوعي, رعصوا على التقييم اذا ماعليكم امر لوووووووووول​

 

[الدلال]

وهذا عنوانهم

شرق ,ق7, ش خالد بن الوليد ,مبنى 44 برج الجوهره ,الدور الارضي


ت :22954988

 

[الدلال]

شكله حلو
عندك فكرة جم سعر الغرفه اذا بنحجزها
وين مكانه

العنوان حطيته بآخر رد لي

والغرفه بصراحه ما اعرف بجم

انا حاطة رقم التلفون اذا حبيتي تستفسرين :eh_s(7):

 

[الدلال]

يعطيج العافيه

الله يعاافيج

:eh_s(7):

 

[emankuwaiti]

بالعافية

 

[mr000]

أمبييييه دلول شنو هالمكان يهبل..اموت عالاماكن اللي جذيه..يعطيج العافيه بعد قلبي..شكلي بطيح فيه عدل..وتستاهلين التقييم حتى بدون هالموضوع..

 

[روج كرزي]

الله وناسه يبيله اجربه ,,,,

 

[حقوقية]

خوش مكان .. تسلمين حبيبتي يبيله روحه

 

[الدلال]

بالعافية

يعافيج ربي يالغاليه :eh_s(7):

 

[Dare to challenge]

روووووووعه عاد انا من زمان واصلني ايميل وحبيت اشوف احد يروح له
وما شاء الله شكله يشووق وتقريرج حلوو
واحلا تقيييم

 

[Impt Engineera]

رد : Think cafe

المكان يونس يبيله ..
يعطيج العافيه واحلى تقييم لج ..

 

[3so0ola_94]

خووش تقرير
يعطيج ألف عاافية

 

[كويتيه عبسيه]

بالعاااااااااااااااااااااااااافيه على قلبج

 

[ام سعود ديكسون]

احب ادل الكافيهات الهادية اللي جذيه
وايد فكرته عجبتني حق الناس اللي ما تحب الخلة واللوية

تسلمين