(✿◕‿◕) تفسيــــــــــر الاحلام (◕‿◕✿)

[Petite]

رد: (✿◕‿◕) تفسيــــــــــر الاحلام (◕‿◕✿)

يعطيج العافيه حبيبتي

انا حامل بالشهر الأول

للحين أدرس

ماعندي عيال من قبل


حلمانه ان خالتي أم زوجي وحماتي مسافرين ..


مشكوره حبيبتي

 

[Petite]

رد: (✿◕‿◕) تفسيــــــــــر الاحلام (◕‿◕✿)

ونسيت شغله

كنت بسافر وياهم بس ما أذكر شنو صار وماسافرت

 

[بنت ًَالأدآريهً]

رد : رد: رد : (✿◕‿◕) تفسيــــــــــر الاحلام (◕‿◕✿)

ممكن اعرف حبيبتي متى حلمتي الحلم هذا ؟؟؟؟

هلا حبوبة حلمت قبل امس وكنت ابي اكتبه بليلتها لج بس ما وافقوا على عضويتي لاني توني مسجلة عشانج بس والله :eh_s(22):

 

[نجمة كويتية]

رد: (✿◕‿◕) تفسيــــــــــر الاحلام (◕‿◕✿)

هلا حبيبتي
تفسير الحلم يدل على الرزق الكبير ولكنه في نقص لعدم التدبير الجيد و بياض العين يدل على نقص في شيئ معين باختج والمحاولة في ستره والله اعلم

مشكووووووووووووورة :eh_s(9): بس في شغلة بتفسيرج ما فهمته وهو هالجملة ((بياض العين يدل على نقص في شيئ معين باختج والمحاولة في ستره)) شنو يعنييي مافهمت :eh_s(10):

 

[الليل بطوله]

رد : (✿◕‿◕) تفسيــــــــــر الاحلام (◕‿◕✿)

اشكرك على تفسير الحلم ولكن فعلا خالتي منعتني من الزواج بأبنها ولكن لم يتزوج بعد وفي حلم اخر حلمت بأنني في بيت خالي وكان السماء تمطر وكنت ادعي بأن يجعل نصيبي ممن احب الله يخليكي فسرلي هالحلم ويجزيك الله عنا كل خير

 

[عزتي مالها حد]

رد : (✿◕‿◕) تفسيــــــــــر الاحلام (◕‿◕✿)

جزاج الله خير

ويعطيج العافية

 

[نجمة كويتية]

رد: (✿◕‿◕) تفسيــــــــــر الاحلام (◕‿◕✿)

ابببببببب اببببببببببب

 

[sweet-love]

رد : (✿◕‿◕) تفسيــــــــــر الاحلام (◕‿◕✿)

فرفوشه حبيبتي يعطيج العافيه
انا حلمانه اني قاعده اسبح بالبحر معاي ياهل صغير وكان لابس طفاحيه بس انا قطيتها لان يعرف يسبح وكنا انا وياه نسبح على اليال مال البحر بعدين وصلنا تركيا ولماصعدنا نبي ندخل مبنى قديم كان في ناس تحذف صخر على اي احد يدخل عندهم بس انا دخلت وماخفت وماحاشني شي بعدين تذكرت ان بوكي طاح مني جان ارجع صوب البحر واقول في نفسي اذا اهي فلوس حلال راح الاقاهاوسبحان الله لما وصلت عند البحر كان الماي مرتفع بس صافي وشفت بوكي وكان واحد بياخذه بس بسرعه خذيته ورديت مكاني

انا متزوجه وحامل وهذا اول طفل
وبالحقيقه ولامره رحت تركيا ولاشفتها

 

[dyaanah]

رد: (✿◕‿◕) تفسيــــــــــر الاحلام (◕‿◕✿)

السلام عليكم

هذا الحلم لمرت اخوي حلمته من 4 ايام

تقول كانها هي و عمتها ام ريلها و مرت حماها و حماتها بسوق في اغراض متنوعه مستعمله و يديده

مرت حماها راحت اشترت جدور و ضحون للمطبخ و حماتها تمت حايره شنو تاخذ و بعدين راحت لواحد يبيع مباخر كبار و صغار و كان في مبخر كبير لونه اخضر بعيد فقالت له ابي هذا المبخر و خذته بس ما كان عندها فلوس و قالت لانها انا ابيه و الحين تعطيني فلوسه 20



حماتها و مرت اخوها اثنينهم حوامل
و السلام عليكم

 

[الغدق]

رد: (✿◕‿◕) تفسيــــــــــر الاحلام (◕‿◕✿)

السلام عليكم ورحمة الله وبركاته

ادري قلتي حلم واحد باليوم بس انا صايره ماأشبك وايد

بصراحة حلمت أني بطيارة وطايحه بالبحر وكان موج وعواصف ومطر
ومعاي اختي صغيرة عمرها سنتين واحنا بالبحر مايصير فينا شي ولا غرقنا وانا ماسكتها وخايفه عليها
وفجأة والا انا وياها طالعين من البحر عالشاطىء وكان اعصار وهوا قوي
ومطر وانا خايفه عليها لا اتطير او يصير فيها شي
وامسكها وابي ادخلها ببيت وفجأة والا اشوف بنيه اتشابها وكبرها كوبي اهي بس ملابسها غير
وواقفه بروحها واخلي اختي ببيت واركض واخذ البينه والا اشوف هم بنيه ثالثه وخذيتهم ثتينهم ودخلتهم
وبس هذا الحلم وانا متزوجة و توني حامل ماصارلي شهرين ومتخرجة ناطره الوظيفة

 

[عزتي مالها حد]

رد : رد: (✿◕‿◕) تفسيــــــــــر الاحلام (◕‿◕✿)

حلمت اني في سفينة ومعاي اربع حريم وحده منهم معاي بالدوام اسمها سارة ، هذي السفينة عبارة عن غرف وممرات
احنا الاربعه كنا بغرفة وسمعنا ( نفس امرأة تاخذ نفس سريع وصوتها عالي ) وكنا خايفين لاننا نسمع الصوت بس مانشوف المرأه
فقمت انا اقرى اية الكرسي بصوت عالي وامشي حوالين الغرفه وانا اقرى واعيد قراءة ايه الكرسي لين اختفى الصوت
كان في غرفة السفينة دريشه تشوفين فيها البحر وكان موج البحر على شكل رؤوس البشر وكان رذاذ الماي يحوش وجهي
فجأة ثار الموج وصكيت الدريشه قبل لا يثير الموج علينا

وجزاج الله خير

 

[دلوعه خطيره]

رد: (✿◕‿◕) تفسيــــــــــر الاحلام (◕‿◕✿)

هلا حبيبتي ما قصرتي لدعوتج والله يرزق الجميع انشالله
تفسير حلمج يدل على على حملج بالولد ولكن في عندج شك من ناحيه الجنس ولكن بتتقبلين الموضوع بالاخر والله اعلم

فرفشه ماادري شقولج نفسي يكون هذا الحلم رؤيه ويكون فعلا ولد مافي ارحامي تدرين يوم الاحد بروح اسوي سونار علشان اتاكد احلامي كلها ولد بس سويت سونار نهايالرابع قالت بنت وبعدها مارحت يااااااااااااااااااااااااااااااااااااريت يصدق تفسيرج

وانا فعلا مو مصدقه ان فيني بنت للحين موراضيه اقتنع لن غير حمالي بالبنات انا مجربه البنات بس هذا اختلاف جذري جذري بمعنى الكلمه وهذا الشي الي مصبرني



اسفه طولت عليج

يااااااااارب يااااااااااااكريم ارزقني بتؤام اولاد وارزق اختي فرفشه تؤام بنات مثل القمر ووفقهم

 

[احبة ولكن]

رد : (✿◕‿◕) تفسيــــــــــر الاحلام (◕‿◕✿)

مرحبا اختي انا حلمت اني سافرت مع اختي وزوجها وعيالهااا لندن عشان اختي تبي تتسوق ورحنااا
سوق طويل كلة محلات واختي الا تشتري منة اغراض وشفت محل بزاوية قلبي فز علية لان فية اغراض
مواليد وودي اشتري لنفسي بس قمت اقول لنفسي بالحلم خلاص انا ولدت مابي اشتري ورحت وخليتة
وعقب رجعتلة وخاطري اشتري منة حق بنت اختي ولقيت كنبل بيبي ابيض وطرافة مشكوكة حيييل حلووو
وودي اشترية لبنت اختي واقول لا لووو كانت اطرافة زرقة احسن بس ماشريت
انا توني والدة وعندي بنتين وبنت اختي حااامل وماادري شنووو فيهااا واختي الي سافرت معاها اكبر مني
وانا مسلفتهااا مبلغ كبير شوي​

 

[QYtiya.com]

رد: (✿◕‿◕) تفسيــــــــــر الاحلام (◕‿◕✿)

يعطيج الف عافيه اختي علا تفسيرج لاحلام البنات
والله يعينج علي كل يوم راااح اسدحلج حلللللم لوووووووول

شوفي يا طويلة العمر انا دايم تتكرر علي احلاموكلها معناها واحد
هي اني بالحلم اكتشف انه زوجي يكلم وحده غيري وهو يدري اني اكتشفه ويكووون عادي عنده كاني ما اهمه دااااايم هالاحلام تتكرر


الحاله متزوجه - عندي بنت - ادرس

 

[رومانسية زماني]

رد: (✿◕‿◕) تفسيــــــــــر الاحلام (◕‿◕✿)

هلا حبيبتي الله يسمع منج يااارب ويكوون اللي ببطني ولد كنت خاايفه يطلعو احلامي حديث نفس من كثر ماافكر بجنس البيبي الحمدلله طلع حلم صجي وموو حديث نفس الله يحقق رؤياااي مثل ماافسرتيه ويعطينى الولد مثل ماعطااني البنت وكل محرووووم يااااااارب

 

[نسمة الجنوب]

رد: (✿◕‿◕) تفسيــــــــــر الاحلام (◕‿◕✿)

السلام عليكم انا حلمي طويل شوي وشفته قبل شهرين تقريبا وكنت حامل وقتها
رأيت كأني عند بيت أهلي وقاعدة أمشي برا البيت على الرمل وقاعدة أمشي وأجمع فلوس بس جنها خردات 50 و100 فلس امشي واجمع امشي واجمع وبعدين جاني الرسول محمد صلى الله عليه وسلم وامرني ادخل البيت وانا مصره على جمع الفلوس من بين الرمل والاقي قطع ذهب صغيرة جنها دقات هندية واجمعهم بعد وبعدين لقيت عقد جنه فالصو او ذهب عيار 18 كل هذا والرسول صلى الله عليه وسلم يامرني ادخل البيت اكثر من مرة وانا ما اسمع الكلام بس اجمع آخر شي دخلت البيت وهو صلى الله عليه وسلم كان داخل معي قام صك الباب وانا وهو داخل البيت

 

[نسمة الجنوب]

رد: (✿◕‿◕) تفسيــــــــــر الاحلام (◕‿◕✿)

نسيت اقول لج انا متزوجة وعندي ولد وبنت وكنت حامل وقتها واللحين جبت بنت وانا موظفه

 

[بنت ريلي]

رد : (✿◕‿◕) تفسيــــــــــر الاحلام (◕‿◕✿)

قوه حبيبتي ..

حلمت ان ياتني الدوره وما كان معاي غيار .. فناديت اختي وقتلها بسرعه ييبيلي غيار .. راحت وردت يايبه معاها توست وصمون وعطتني اياهم !!!

الحلم الثاني ..

حلمت اني كنت اسمع صوت صراخ بالمطبخ ولما رحت شفت انه ابوي اسملله عليه انقطعت ايده وشوي رحتله وقعدت ابجي تحت ريوله فقالي لا تبجين كا انا ركبت ايد يديده وكانت التركيب عباره عن عود او عصايه يعني مو بشكل ايد ..

انا متزوجه وماعندي عيال

 

[خفايا الروح]

رد: (✿◕‿◕) تفسيــــــــــر الاحلام (◕‿◕✿)

السلآم عليكم ..

اختي انا حلمت حلمين بينهم فتره بسيطه وحابه احطهم ادري انه ما يصير حلمين بس احس انهم مرتبطين ببعض

الحلم الاول

حلمت انه مغسلة حمام بيت اهلي طافح الماي فيها وكان فيها حيتين لونهم اصفر وحده راحت الماي لما نزل الماي والثانيه امي مسكتها وكانت تقولي شوفي وماسكتها من راسها وكأن امي مركزه اني اشوفها وكنت حيييل مصدومه شلون امي مسكتها..


الحلم الثاني

حلمت اني بروح حمام بيت اهلي وقعدت ع البالوعه تكرمين وكانت تخوووف وفيها وسخ لونه اسود ولا تطلع لي دوده مثل الحيه لونها اسود وكبيره جان اقوم واطلع ولقيت اختي اللي اكبرمني هي مو متزوجه قلت لها شفت جذي وجذي وانا وياها كنا واقفين عند باب الحمام تكرمين وطلعت وحده صغيره قلت لها شوفي نفس هذي بس اكبر

وقلت لها فلانه ترى حمامنا معفن من تحت والبيت كله معفن لو كنت بمكان امي اغير البالوعه والمغسله وكانت صوره المغسله بعيوني كأني مركزه عليها وقلت لا الحمام كله لازم يتغير حتى السيراميك ..


وبس ..

 

[قلبي سلومي]

رد: رد : (✿◕‿◕) تفسيــــــــــر الاحلام (◕‿◕✿)

حلمت فيني اختي

اني اخذ ملابس ولدها واهي تقول لا تاخذين ملابس ولدي ابيهم وانا اقول لها

ابيهم حق ولدي

مافسرتيه :eh_s(15):