تعالوا شوفوا زوجي شيبي؟؟؟؟

[مملكة الانوثه]

:eh_s(17):

مساكم ورد حبيباتي
اول انا كتبت موضوع قبل هالمره هني وكلكم وقفتوا وياي ماقصرتوا
ومشيت على كلامكم

الحين عندي مشكله ثاانيه
وابي اللي انا اسوي صح ولا غلط
ولا فهموووني
:eh_s(16):

المشكله انا مثل ماقلتلكم مملجه وعرسي قريب حيل
امس كنت اتناقش مع زوجي عن بطاقة البنك
قلت اعرف بنات شكثر يعطون ازواجهم كرت االبنك
مايصير هذيل غبيات من هالحجي؟؟؟؟


جان يقووول انا اذا جيتي عندي باخذ بطاقتج؟؟؟؟
:eh_s(14):
قلت نـــعم؟؟؟؟ ليش
قال ايد وحده ماتصفق

وانتي تصرفين على اشياء تااافهه
خلي البطاقه معااي واي شي تبينه اسحبلج واذا بتطلعين اعطيج اياها
واحلفلج ماامسك منها ولا فلس؟؟؟؟
حسسني اني جااهل؟؟

:eh_s(2):
قال انتي الحين خذيتي جهاز جديد وسوني واشياء مالها معنا وانا اذا كانت البطااقه عندي اعرف وين تودينهم؟؟؟؟

وجادلته وقعت اقول انا مو جااهل عندك؟
وعااندت وعصب حيل وقال انتي من الحين هذا اسلووبج طحتي من عيني؟؟؟
لهدرجه خايفه على حلالج انا زوجج
:eh_s(14):
انتي تغيرتي انتي ماعاد تبيني انتي وانتي؟؟
جرحني باسلووبه حيل

قلت خلاص دام انا طحت من عينك خلني شتبي فيني ؟؟
قال انتي تدوورين الزله
انا اعلمج ويهدد
:eh_s(16):

المشكله اني اعلمه بكل شي اسوويه
حتى طليقي كنت اقووله سوالفه وشكان يسووي فيني كان ياخذ كرتي البنك بطق

ليش يسووي جذي؟؟؟؟؟



بنات سااعدوني الحين اهوا زعلااانه مايحاجيني
ويقوول طحتي من عيني ؟؟؟؟


اهوا حيل مو مقصر معااي يصرف علي واي شي ابيه يجيني
بس مادري شسوي
بليز ساااعدووني
:eh_s(11):

 

[الزيـــــ^^ـــــن]

شهالمواضيع اللي تتحجين فيها مع زوجج....؟

اللحين لي فات الفوت ماينفع الصوت

قوليله كنت اتغشمر اي شي رقعيها واهو يبي يختبرج دامه مومقصر معاج باي شي

الحجي ببلاش ترى جذبي الريال بلسانج

 

[مملكة الانوثه]

رد : تعالوا شوفوا زوجي شيبي؟؟؟؟

والله متحسفه حيل
والحين زعل واخذ عني فكره وانا مو قصدي بس اللي اقصده
اني مابيه يحط براسه هالشي؟

 

[الـوايـلـيـة]

اتوقع كلامه اختبار لج وانتي كبرتيهااا وزودتيهااا
ناطره بعد العرس وبتشووفين شنو بيسوي حزتهاا كسري الدنياا ع راسه
بس لو قايلتله حلالي وحلالك واحد ومن هالحجي لان الرجاجيل جذي عقولهم بهالامور صغيره
والله يسخره لج ويصلحه
اللهم اميييييين

 

[Roty]

اي والله اشهالمواضيع من صجج توكم وتسولفون بهالامور واشعندج قلتيله عن طليقج

سوري حبيبتي ادريمو وقته اعاتبج بس تضايقت عشانج

شوفي قوليله حلالنا واحد ونصيحه خلي بطاقتج عندج اشحقا عنده والله انا مرتين نسيت بطاقتي عند ريلي وتوهقت ماكو بسيارتي بانزين زين ماوقفت علي وثاني مره بسحب بروح صالون ومالقيتها فبوكي جان اعصب قلتله ليش مارجعتها جذي توهقني

وحرمت انساها عنده

بس للامانه حلالنا واحد مهما كان هذا بوعيالي

يعني حبيبتي انتوا توكم لازم تختبرينه اذا يستاهل ولالا

واهوا ليش مستعيل عالبطاقه مالا داعي وانا اقول هذي فلوسج وانتي حره وين تصرفينها

 

[شقاوه وحلاوه]

اول شي لا تتكلمين بعد عن اي شي عن طليقج .. باجر لا قدر الله اذا مد ايده عليج وعاتبتيه راح يقول لج عادي انتي متعوده علي جذي او راح يقول ما طليقج كان وياج جذي واستحملتي وقفت علي ...

ثاني شي حاولي تصلحين اللي صار دزي جم مسج حلو وبعدها دقي سمعيه جم كلمه حلوه ... وخلاص عاد من الحين لي بعد العرس بشهر سمعيه كلام حلو ... واذا اخذ البطاقه خليه ياخذها مو هو قال اذا طلعتي اعطج اياها طلعي ولا رديتي حطي نفسج ناسيه تردينها شوي شوي هو من نفسه يمل .. ( الرجال يتساير ما يترادد ) اخذي اللي تبينه بالهدااااوه بالدلع كثر ما دلعتي كثر ما خذيتي ...

والله يوفقج

 

[مملكة الانوثه]

رد : تعالوا شوفوا زوجي شيبي؟؟؟؟

انا علاقتي معاه من فتره طويله
واهوا بعد كان بياخذ بنت خالته وصارت مشااكل وصاارحني بكل شي
وانا بعد صارحته

بس اهوا مايختبر انا اعرف اسلووبه اذا اختبرني
بناات الحين شسووي تكفون

 

[Gourges]

مادري بصراحه الي قلتيله ياه معاج حق فيه ...

البطاقه مالتج ماتحتاجين وصي علشان تصرفينها وبعدين ما اعتقد انج ياهل ...

انتي معاج حق بس الاسلوب له دور بالتعبير ...

يعني كنتي تقدرين تتمسكين بمبدئج بس باسلوب دبلوماسي ..

حياتي فلوسي وفلوسك وحده بس كرت البنك لازم يكون معااي ليش لان انا ساعات احتاج شي ضروري ابي اشتريه وبعدين انا اشقا طول الشهر علشان هلمعاش فا عادي اصرفه احرقه عادي يا قلبي

ليش اقصر على نفسي وبعدين انت ريال البيت ولي احتجت شي انا عوونك واعونك واحنا الاثنين انكمل بعض ..
بس لازم تظل بطاقتك عندك وبطاقتي عندي .. هذا شقانا وكل واحد حر بس حق البيت فلوسي وفلوسك وحده لاتتحسس من الموضوع ما اقصد شي
بالمسايس اخذيه بس تمسكي بمبدئج نصيحه لانه صح ....

 

[عيالي ذيابه]

رد : تعالوا شوفوا زوجي شيبي؟؟؟؟

حبيبتي عاادي خليه ياخذها وانتي طالعه يعطيش اياها هو ماقال كذا ...؟؟

وحلالنا داايم وااااحد

والله يهديه لش

 

[ام الوردة]

غلطااااااااااانة غللللللللطانه

طليييييييييييييييييقج لااتجيبين سيييييرته ابد

واهو يقولج هالسوالف يمكن يبي يختربج عاد انتي خربتيهاااا

 

[Killer^Girl]

انتي غلطانه
شكو تفتحين هالموضوع من الحين !!!
شدعوا
اذا رحتي عنده يصير خير

 

[مملكة الانوثه]

رد : تعالوا شوفوا زوجي شيبي؟؟؟؟

مو انا فتحت الموضوع احنا نسولف عاادي عاادي والله ماكان قصدي
بس قهرررني حسسني اني جاهل

خاف اقول ان شاء الله ويحط اباله اشياء كثيره ويتمادا
ابي احط حد مابي اغلط مره ثاانيه ابي يكوون عندي شخصيه

 

[بوغاتي88]

بنات سااعدوني الحين اهوا زعلااانه مايحاجيني؟ تم التعديل بنات ساعدوني الحين اهوا زعلان مايحاجيني

 

[لـولـو الحلوه]

الله يهداج لا تبطلين مثل هالمواضيع وتييبن سيره طليقج

طرشي مسجات واعتذري له انه ماكان قصدج

واذا خذا بطاقتج وعطاج منها مافيها شيء مو معناته انج ياهل ؟!

 

[yam_yam]

الله يهديكم

 

[@بنت ابو متعب@]

قوليلـــــه

انا عم بمــــــــزح معك ,,, البي كله الك حتى لو بدي موووت انا بعشئك انا هههههههههههههه
الله يكون بعونك وحااولي تراضينة

 

[بوغاتي88]

خليه يولي وين قاعدين ياخذ كرت البنك لاتصيرين مثل سالفة اختي على ابو انه بينهم قصة حب وتزوجوا بعد قصة حب دامت 8سنوات المهم بعد الزواج بشهر كشر عن انيابه وقالها من اليوم ورايح انا باخذ كرت البنك وانا اللي بصرف بكل غباء من اختي راحت وعطته كرت البنك انا اقولج في البداية ماقصر معاها بشي بس مع مرور الوقت كل ماقالتله عطني شقولها ماعندي طيب وين معاشي وتخيلي المعاش يكون توا نازل يقولها ماعندي ابوي الله يطول بعمره فاتح لنا حساب ثاني ويحط لنا فيه فلوس والحساب ماكان يدري عنه المهم وتم على هالحال فترة ويوم قالت حق امي السالفة طبعا امي استخفت لأنها بالاساس ماكانت راضية على هالزواج وقامت قالت حق اخوي يراقبه وين يروح وين يجي حتى برنت طلع تليفوناته والصدمة كانت عنده 3خطوط وحاط شقة حق وحده واهو اللي يدفع الاجار وكان اجار الشقة 650دينار واختي كانت ساكنه عند اهله وشايفه الضيم والويل منهم الحمد لله الحين تعدل والتزم وكل شهر يروح العمرة من عقب الطق اللي طقوه عمامي واخواني مسكين اقولج لاتغلطين هالغلطة الشنيعة لأن صدقيني يااختي مافي ريال ملاك انا ما احرضج على شي بس قوليله بأسلوب راقي انج رافضه تعطينه كرت البنك يزعل خليه يزعل بالطقاق ولاتشوفين حلالج يضيع جدام عينج / ترى ياما حريم اوثقوا في رياليلهم وسوولهم توكيل عام تدرين الحين وين هالحريم في السجن المركزي وتهمتهم شيكات بدون رصيد وعسى الله يوفقج ويرزقج من اوسع ابوابه ويحفظج من كل شر

 

[awashamen7asha]

الله يهديج و يهديه لج
حبيبتي مثل ماقالو البنات لاتيبين طاري طليقج و لا تحسسينه انج منفصلة
و عليج بالدعاء ان يكون زوج صالح و على نياته و وولد حلال
سالفة الفلوس هينه حلالكم واحد و كلميه قوليله الكرت مايسوى زعلك و حلال عليك الكرت و صاحبة الكرت
ومايصير خاطرك الا طيب. ترا والله الرياييل حجي و كلام و ساعات يدورون اي شي ينرفزج بس دايما كبري مخج و دامه يحبج موعيب تقوليله يخصص لج مصروف و اذا ياكم عيال انشالله يزيد مصروفج . بس اذا الغرض بياخذ كرتج عشان تدخرون حق سفرة او سيارة او بيت ترا حلوة فكرته بس بشرط مايقصر معاج بالمصروف.

 

[مملكة الانوثه]

رد : تعالوا شوفوا زوجي شيبي؟؟؟؟

بوغااتي؟؟
فديتجج انا عشاان جذي رفضت تهاوشنا مابيه يحط اباله اني سهله وبسرعه اقول حااضر
ابي يحط حدوود اوكي احبك على عيني ورااسي وزوجي بس لازم فيه حدوود
خلااص اهوا بعد معاشه قوووي والله له عيوني اذا قاصره شي بس يقوول ايد وحده ماتصفق وانا ماخذ قرض قووي عشاان العرس وشهر العسل؟؟

 

[awashamen7asha]

خليه يولي وين قاعدين ياخذ كرت البنك لاتصيرين مثل سالفة اختي على ابو انه بينهم قصة حب وتزوجوا بعد قصة حب دامت 8سنوات المهم بعد الزواج بشهر كشر عن انيابه وقالها من اليوم ورايح انا باخذ كرت البنك وانا اللي بصرف بكل غباء من اختي راحت وعطته كرت البنك انا اقولج في البداية ماقصر معاها بشي بس مع مرور الوقت كل ماقالتله عطني شقولها ماعندي طيب وين معاشي وتخيلي المعاش يكون توا نازل يقولها ماعندي ابوي الله يطول بعمره فاتح لنا حساب ثاني ويحط لنا فيه فلوس والحساب ماكان يدري عنه المهم وتم على هالحال فترة ويوم قالت حق امي السالفة طبعا امي استخفت لأنها بالاساس ماكانت راضية على هالزواج وقامت قالت حق اخوي يراقبه وين يروح وين يجي حتى برنت طلع تليفوناته والصدمة كانت عنده 3خطوط وحاط شقة حق وحده واهو اللي يدفع الاجار وكان اجار الشقة 650دينار واختي كانت ساكنه عند اهله وشايفه الضيم والويل منهم الحمد لله الحين تعدل والتزم وكل شهر يروح العمرة من عقب الطق اللي طقوه عمامي واخواني مسكين اقولج لاتغلطين هالغلطة الشنيعة لأن صدقيني يااختي مافي ريال ملاك انا ما احرضج على شي بس قوليله بأسلوب راقي انج رافضه تعطينه كرت البنك يزعل خليه يزعل بالطقاق ولاتشوفين حلالج يضيع جدام عينج / ترى ياما حريم اوثقوا في رياليلهم وسوولهم توكيل عام تدرين الحين وين هالحريم في السجن المركزي وتهمتهم شيكات بدون رصيد وعسى الله يوفقج ويرزقج من اوسع ابوابه ويحفظج من كل شر

:eh_s(10)::eh_s(10)::eh_s(10): يجوز كلامج صح بس الحين خل تاخذه بالطلام الطيب و بعدين اذا انفتح الموضوع مره ثانية تحاول تقنعه باسلوب مقنع انها تحتاجه و ماتقدر تستغني عن معاشها. بس سالفت اخنج سالفة اشوة ان عندها ظهر رياييل قاموا عليه خلوه يتعدل . الله يثبته