أوعدج بعد قراءه هذا الموضوع ماتتأخر عنج أجابه الدعوه أكثر من أيام - موضوع من تجربتي

[حلا روووحي]

لاحبيبتي توريني وتسعديني بأسألتج والله سألي مثل ماتحبين


طبعا مثل ماقلتج فوق نفس الكلام

بضيف العجله من الشيطان يصحبها توتر وقلق وهم هذول من الشيطان

اذن انتفت الثقه بالله


الي نبيه انج تكونين مثل ماقلت واقعيه

يعني مشكلنج قديمه وتبين تحلينها ب3 ايام هذه عجله

وان ما انحلت قطعني عن الدعاء وقلتي الله مايستجيب هم هذه عجله


تدعين لي اخر نفس

لين يصير

بدون تعلق

وبدون توتر

+

اذا حددتي موعد تصدقينه من باب الثقه بالله مغير الاحوال بلمح البصر + من باب واقعي يناسب الظروف الي تمرين فيها


اذا ماصار وكملتي على الدعاء بدون احباط


انتي مو عجوله


الله يوفقج ويوفقج ويسعد كل البنات الي ردوا على الموضوع اوما ردوا


ابي اسمع اخباركم الحلوه قريب

الله ينولكم سعاده الدنيا والاخره اللهم امين

حبيبتي ريحتي قلبي الله يريحج دنياا واخره

انا حطيت مده معقوله وبعد حاااطه ببالي هذي شغله حتى لوماصااارت بكمل دعائي

بس انا عندي مشكله ثاانيه انا دايم افكر بشغله هذي 24 ساعه لان فاضيه لاشغله ولاعمله ايشلون اسيطر ع نفسي ومافكر فيهااا

اللله يوفقج يــاااارب ويسعدج

 

[miss_math]

جزاك الله خير

موضوع في قمة الروعة .. نعم لابد أن نحسن الظن بالله ( أنا عند ظن عبدي بي )

فالله سبحانه ارحم بنا من أنفسنا فـ لو قدر لنا شيء لا نحبه اعلمي أنه الخيرة به

واجتهدي بالدعاء والله لا يرد الله سبحانه يديك صفرا خائبين فقط اكثري وألحي من الدعاء ولا تيأسي

إن تأخرت الإجابة ..

قال النبي صلى الله عليه وسلم :

( لا يزال يستجاب للعبد ما لم يدع بإثم أو قطيعة رحم ما لم يستعجل – قيل : يا رسول الله ، ما الاستعجال ؟ قال : يقول قد دعوت وقد دعوت فلم أر يستجيب لي فيستحسر عند ذلك ويدع الدعاء ) رواه البخاري .

واحتساب الأجر شيء مهم ..

 

[Deep FeeLing]

حياكم الله بنات

الحمدالله الله يديمها علينا وعليكم

راحه البال والسعاده


حلا حبيبتي

شغلي نفسج بشي تحبينه حييييييييييل بحيث ان لو انشغلتي فيه تنسين كل شي

ماعندج

فكري بشي لو مشروع صغير المهم يدخلج ارباح وتحققين فيه نفسج وتلهين


وكرري المعوذات - ايه الكرسي - الكافرون - كل وحده 10 مرات بسرج بدون صوت


تأكدي


الامنيه تقذف للقدر

حتى تعود مره اخري

مانبي تعلق

سوي المستحيييييييييل وفجي التعلق

تعبي على النقطه


حياكم الله

 

[منو انا]

جزآاآاج الله خيــــر

 

[واثقة بجمالها]

مشكووووره وجزاج الله كل خير

والله يحقق دعائنا وطموحنا

 

[جروح صامته]

رد : أوعدج بعد قراءه هذا الموضوع ماتتأخر عنج أجابه الدعوه أكثر من أيام - موضوع من تجر

الله يكثر من أمثالك والله لايضرك على هالأسلوب الحلو
يارب تنولها مرادها وتعوضها خير عما فقدة أو شافت وتعطيها من خير الدنيا مافيه خير لها .......

 

[احلى دبه]

واااي موضوعج يهبل وياء بوقته ياسبحان اله كريم والله بس محنا حاسين


الله يجزاج خير الدنيا والاخره

 

[جيرازksa]

الله يجزيكي كل خير يارب

وربي عيني ادمعت من الكلام

من بعد اذنك انا حفظت الموضوع عندي عشان كل مانسيت ووسوس لي الشيطان اقراه اتذكره

 

[Muna 93]

جـزاج الله خير​

 

[مهمة]

هلا والله باختي الغاليه احب ابشرج اني صارلتي شغله حلوه من قريت موضوعجج وتفاءلت طبعا همي كله لحد الحين ماانفرج يعني مارجعت لطليقي ولاتزوجت انا همي ابي الستر والله بس

بس بعدين جتني حاله الياس لما اشوف الناس والمتزوجين عادي يعني ماتتطلقوا ولا جربوا الطلاق بس انا جربيته وايد حسيت بضيقه خلق حتى والله ساعات انهار احس عقلي مو معاي اعصب على اليعال واطقهم وحتى اهلي اعصب عليهم والله لااراديمن غير لا احس

بس انا ابي حل انا شنو ادعي فيه العمر راح وانا انطر رجعته ولارد يعني ادعي ربي يرده ولا يعوضني بزوج ثاني والله احس ضايعه والامور تفاقمت عندي ومدودهه اخاف انطر على الفاضي
ادري طولت عليج واذيج بمشاكلي بس والله محتاجه لحد يمي
ياعمري انتي دايما تقوليلي بدون حرمان وبدون تعلق ماني فاهمه يعني شنو
والله يوفقج يالغلا دنيا واخره

 

[مهمة]

مرحبا فيلي ديلن وينج مادخلتي الموضوع من زمان افتقدناج مع نصايحج الحلوه

 

[SOKAR MALE7♥]

جزاج الله الف خير يارب
وعسى الله يحقق لج ماتتمنين ونعم بالله سبحانه كريم ورحيم

 

[الدلـــع كله]

الله يجزاج الف خير
موضوعج رووعه واسلوبج ارووووع
جد كنت محتاجه لهكلام .. انا ادعي ربي والحمدلله والح بالدعاء بس استغفر الله مرات ما اكون واثقه بالاجابه .. واصير موسوسه
اهم شي لازم نكون ايجابيين ونبعد السلبيه من حياتنا نهائيا ...
الله يفرج همي ويهمج ويحققلنا امانينا عاجلا غير اجل

 

[ife88]

جزاك الله خير الجزاء

 

[حلا روووحي]

سبحان الله والحمد لله والله اكبر ولا اله الا الله ولاحول ولاقوة الا بالله

 

[حلا روووحي]

والله ينولج مرادج ويستجيب كل دعواتج ان شاءالله ولا يحرمنا ربنا الاجابة على دعاءنا ان شالله

 

[مهمة]

تكفييييييييين ديلب فلين ردي على تعليقي محتاجه حيل نصيحه منج والله محتاره واصله الى الياس من انفراج همي

 

[noooof_1]

استغفر الله واتوب اليه

 

[الحرير]

موضوع رائع
شكرا

 

[Deep FeeLing]

هلا والله باختي الغاليه احب ابشرج اني صارلتي شغله حلوه من قريت موضوعجج وتفاءلت طبعا همي كله لحد الحين ماانفرج يعني مارجعت لطليقي ولاتزوجت انا همي ابي الستر والله بس

بس بعدين جتني حاله الياس لما اشوف الناس والمتزوجين عادي يعني ماتتطلقوا ولا جربوا الطلاق بس انا جربيته وايد حسيت بضيقه خلق حتى والله ساعات انهار احس عقلي مو معاي اعصب على اليعال واطقهم وحتى اهلي اعصب عليهم والله لااراديمن غير لا احس

بس انا ابي حل انا شنو ادعي فيه العمر راح وانا انطر رجعته ولارد يعني ادعي ربي يرده ولا يعوضني بزوج ثاني والله احس ضايعه والامور تفاقمت عندي ومدودهه اخاف انطر على الفاضي
ادري طولت عليج واذيج بمشاكلي بس والله محتاجه لحد يمي
ياعمري انتي دايما تقوليلي بدون حرمان وبدون تعلق ماني فاهمه يعني شنو
والله يوفقج يالغلا دنيا واخره

اهلين مهمه


اول شي انتي مهمه عندي واااااااااااااااااايد فوق ماتتخيلين لاني متابعه مشكلتج من زمان


ثاني شي اسفه على التأخير بس بصير صريحه معاج لان كلنا بهالموضوع عندنا هدف

انا قريت ردج هذا امس وماقدرت ارد حسيت بالعجز

لان انتي من غير ماتقصدين نقلتي لي ولكل البنات مشاعرج هذه

فيااابنات ياريت هاموضوع نتساعد فيه وما نحسس بعض بهالشعور

لان انا شخصيا انحبطت مع ان لي تجارب ناجحه اشلون البنات

مابي هالجمل الله يعافيكم ولا ابي اناقشها احنا عيال اليوم خل ننظر للحياه نظره امل ومانأثر على الموضوع

والله اني عشت بحاله حزن من ردج ولما قدرت اتماسك رديت


الحين انتي مو تقولين صار شي حلو معاج



كملي

ان ترددتي او تشككتي بنفسج ماراح يصير اشياء ثانيه حلوه

اول الغيث قطرررررررررررررره:eh_s(15)::eh_s(9):



حمدتي الله وسجدتي سجده شكر ولا لأ ؟؟


اليوم وكل يوم دفعي لو100 فلس صدقه حمد وشكر وكأن الشي صااااااار


وقلتلج بالرد السابق

وخري عن المتزوجات وسولفي معهم بمواضيع عامه

واذا مصممه اطالعينهم

قنعي نفسج ان كل شي له نهايه وانتي بمرحله وبنتهي ماراح اتمين مطلقه طول عمرج بأذن الله

تفائلتي اكثر

واكثر

واكثر

بتردين حق زوجج اسرع واسرع واسرع

كلمه طليقي نبدلها بزوجي وبوعيالي


وماراح تستفيدين شي منهالاعصاب جان استفدتي منها هالمده الطويله الي فاتت


الحين الحين تعاهديتي

ان تظلين متفائله لو انتي تحت عاصفه

لو انتي بضيقه ما يعلم فيها الاالله سبحانه

انتي مو اثرتي علي

تشائمت يوم ورديت:bbbiu:

حدج يوم واحد اجازه غيره ماكووو

تتشائمين وتردين

شدي حيلج تكفين


تأكدي

انج دفعتي ضريبه الطلاق كامله بالوفا والتمام وانج جاهزه الحين للمرحله اليايه

انج اقوى

اكثر صبر

اكثر خبره من غيرج

وانج تستاهلين

انج بيدج مفاتيح السعاده وتقدرين الحياه الزوجيه بشكل افضل لانج محرومه منها وخسرتيها وتتمنينها

معناه

انتي بكل جداره جاهزه للزواج

اشبقى؟؟

التفائل

الصبر


وبس


خلج من الزوج الثاني الحين ابيج تخططين حياتج شهر بس مع زوجج الاولي


شهر بس وقولي مشكلتي انحلت

هالي صبرتيه شيصير لو صبرتي فوقه شهر

لاتركزين على ثاني التركيز يخلي افكارجج تتشتت

سوي دليت لاي رجل الا زوجج ركزي علييييه وبسسس


احنا مو اتفقنا نجذب على روحنا

عشان يصير

ليش مايرد


بيرد والله بيرده بدعائج وصبرج وثقتج بالله

من الحين متشككه واحنا ايام بس على الموضوع !!


عطي نفسج فرصه باللوك والتفكير اليديد

وشوفي

شخسرااااانه

بس مو من باب التجربه يا تصيب ياتخيب

لااااااااا

انتي لازم تثقين بالنجاح لانج تستحقيييييييييييييييييييينه


ثقه

ثقه

ثقه


مو تجربين الشهر وخلاص

ثقه عمياااااااااااااء


بدون حرمان يعني بدون حره وقهر وحسره على روحج وعلى وضعج


بدون تعلق

يعني ادعي وانسي

انشغلي

بأي شي



وضروري هالشي ترى مافيه ضحك قلت للبنت قبلج فوق اقريه اشتغلي على هالشي ادعي وانسي




وضروري بعد

تلبسين

تكشخين وتعيشين حياج مثل المتزوجه بدون حرمااان

يعني

اشتري هديه لزوجج ولاتتحسرين وانتي تدفعين

طبخي الاكل الي يحبه ولاتتحسرين ان مو موجود

كتبي مسج حلو بتلفونج وخشيه ولاتتحسرين انج مو قاعده اطرشينه

عيشي عيشه المتزوجات بالسنع والترتيب والحب والرومانسيه والكشخه واللبس


كانه موجود بالضضضضضضضضبط



وضروري

الوتر+جزء لو صغير من البقره+الصدقه+الدعاء بالحاح وبثقه وبدون حسرررررررره والم وانتي تدعين



اتمنى من كل قلبي ان الله يصلح امورج














اذا ماشبكت

لاني بسوي عمليه بعيوني يوم الاحد ولازم ارتاح 5 ايام ومااشبك

الله يوفقكم يارب