تجمع للي تربي عيالها بروحها single mothers

[أم عنوبي]

مرحبااااااا

شخباركم؟؟

بنات خليعي

(طليقي لان انا خالعته شان جذي بدل طليقي بقول خليعي هع هع)

ياب اللالف اليوم..! صراحه ماتوقعنا كلش من اتصال واحد من اخوي وياب الفلوس كلها وقال بفتح لها حساب لسارونه هالاسبوع


شي غريب والله متى نزل عليه هالكرم؟!

لووووووول حلووووه خليعي فديتج

تكفين غيري اللـــــــــــــــون يع يع

ومبروووووك منحة سارونه وووواااازينها أم ألف ربي يبارك لها فيها ويرزقها من أوسع أبوابه

سبحان الله الظنى يغير الأبو
الا اللي عندي جلمووووود حسبي الله ونعم الوكيل فيه
​

 

[أم عنوبي]

ام عنوبي لما طلعتي ماقال أهي طلعت من كيفها أنا ماطردتها او ماطلبج فبيت الطاعه يعني طلعتي شنو كان السبب مثلا

إمبلا طلبني في بيت الطاعه عباله فلم مصري يتلوني الشرطه ويقطوني عنده يخسسسسسسسي
وبيت الطاعه لازم يوفر لي سكن مناسب للمستوى المعيشي حسب معاشه والمجتمع اللي عايشين فيه يعني تتوفر فيه جميع الشروط اللي انا أبيها وطبعا شقتي كللللش مو مناسبه لي ولا لولدي صغيره ومافيها غرفة خادمه وبعيده عن بيت أهلي أبيها قريبه من أمي عشان ولدي صغير أحطه عند أمي لمن أروح الدوام هذي الظروف ياخذ فيها القاضي لاكن السبب الرئيسي اللي خلاني أطلع من البيت طحت عليه غراميات مع الخايسه مالته متزوجه وعندها بنت وطبعا غيرها وغيرها سهر وطلعات وهاملني وكنت حامل حتى خبز بالبيت ماكو ولمن شفت بعيني رسايله لها وكلمتها وتأكدت من خرابيطه وكان يمثل دور الملتزم وأذكار الصباح والمساء وقال الله وقال رسوله خررررررطي جان أشووووووته
وغير ان رافع علي قضية نشوز بيسويني ناشز عشان أرد له المهر الحقير لوووووول مسسسسخره
​

 

[أم عنوبي]

[/url][/img]

وصلت وصلت ياجماعه :eh_s(9):

ادري قديمه بس توها توصل منحه ولدي واخيرا

والحمدلله يارب:yaaaaaarb:

مبروووووووك للغالي ولد الغاليه
عليه بالعافيه يتهنى فيهم يارب

المهم المنحه وصلت ما طاحت في بطنه

ربي يفرح قلبج
​

 

[أم عنوبي]

بنااااااااااااااااااااااااااااااااااااااات تخيلووووووو تخيلوووووووووووووو محاميه الاخ اللطيف تقول حق القاضي هاذي تبي الطلاق عشااااااان الالف بالله هذا عذر صج ناس فراااااااقه

اطلق عشان الالف انا عندي اهلي قبل لا يقولون عن الالف الحمدلله والشكر بس ما عندها عذر جابت طاري الالف امس محاميي قالي مت ضحك وطلبت الاخت تأجل الجلسه حسبي الله ونعم الوكيل بس

هلا دودو شلونج حبيبتي
حسبي الله ونعم الوكيل فيه
نصيحه دودو حطي محامي ترا القضاة عندنا خواااااره يمشون على كلام المحاميين والأوراق
أو سوي مذكرات دفاع عند محامي وقدميها للقاضي والا ترا يضيع حقج نفسي

حسبي الله ونعم الوكيل فيه إستأنف حكم النفقه وطيح أجرة الخادمه الحقير
وسمعي آخر الأخبار تخيلي بكل وقاحه أمه داقه علي وكلمتني إخته يتحمدون لعنوبي بالسلامه بعد العمليه شعقبه بعد شهر ونص من العمليه
وطبعا قايلي ان أمه مسويه عمليه وأهو دافع مصاريف العمليه وما يقدر يدفع حق الخدامه طلعت أمه مو مسويه عمليه ولا شي النصاب.....وااااي حقير شلون متحمل نفسه النصاب هذا يروح ينتحر أحسن له
​

 

[unapproachable]

ام عنوبي ثانكس وعسى الله يوفقج ويفكج من عيال الحرام .. وصج تخرع سالفه المتزوجه اللي تكلمه يعني مادري هالحريم الخايسه شيبون عندها ريل وتخربط .. خلف الله علينا ونرقع بهالرياييل ويروحون للزانيات عسى الله لا يحرمنا الاجر ويكافينا شر عيال وبنات الحرام يارب

 

[BABY MASTER]

ام عنوبي تسلمين حياتي

وطلقيج هذا مو صج امبييييييه ليش جذي ليش هالحقاره واااااااااااي

حسبي الله عليهم

و لعيونج اغير اللون


اشرايج هاللون احلى ؟؟

هع هع هع

 

[Air Bag]

رد : تجمع للي تربي عيالها بروحها single mothers

منولة مبروك المنحة وعليج بلعافية أنتي و وليدج العسل تتهنون فيها وعسى ربي ما يضيعلج حق قولي آآآآمين

 

[Air Bag]

رد : تجمع للي تربي عيالها بروحها single mothers

أم عنوبي ربي يشافي عنوبي ويعافيه ويخليه لج
وعادي مو بس طليقج نصاب
أنا طليقي ومحاميته إلي ما تتسماش سوو العجب العجاب, عشان يطيحون أجرة المسكن قدموا مذكرة للقاضي أن بيت أبوي الله يرحمه مسجل نصه بأسمي والنص الثاني بأسم أمي, مع العلم أن أنا مالي أي نصيب فبيت أبوي لأني ماخذة حصتي من البيت!!!!
لووووووووووووووووووووووووووووووووووووووول
عاد لمن يبت ورقة من الإسكان أن مافي شيء بأسمي تعالي شوفي الحكم إلي مسخرهم فيه القاضي يكفي أن بلحكم مكتوب وقد تقدم المدعى عليه بإدعاءات باطلعة ولا اساس لها من الصحة دونما دليل موثق كاااااااااااااااااااااك
والنكتة الثانية قدم وصولات أجار أنه مأجر فبيت أهله ويدفع أجار مبلغ وقدره كل شهر طبعا" القاضي لم ينظر لها لعدم اقتناع هيئة المحكمة بصحتها ومنطقيتها, إي والله ما ينلامون ههههههههه ساكن عند أهله فبلاش ويقول مأجر
و غيره وغيره وغيره
غير شهادة الزور إلي ياب اخوانه يشهدون أنه يصرف على عياله كل شهر وأنه ينفق عليهم وديأ يطرش النفقة كل شهر
بس طبعا" هيئة المحكمة مو غافلين ويطلبون أدلة و تحويلات مالية وإلي مايثبت التحويلات ما يلتفتون لشهادته, طل بعينه يصرف, والله ما كان يعرف ولا يدري شنو كلوا وشنو لبسوا

 

[jawaa]

السلاااام بنات شلونكم وشلون عيالكم وبناتكم أنا طلعت من شقتي صارلي اربع ايام تخيلو انه النذل اللي ماعنده إحساس رد البيت مالقاني حط راسه ونام يعله مايشوف النوم وعاش حياته ولا جنه في شي صار ولا دز مسج ولا سال ولا في ردة فعل العن ام الإحساس شهالادمي حسبي الله ونعم الوكيل

 

[اثمان]

السلام عليكم



بنات اليوم الجمعه


كثروا من الدعاء


حسبنا الله ونعم الوكيل

 

[unapproachable]

thnx اير باااق واميييييييييييين يارب .. والله يكافيج شر شاهد الزور طليقج ويعقله عشان عياله

 

[unapproachable]

جوا .. عسى الله يهديه ويعقله والله يوفقج يارب

 

[unapproachable]

اثماان .. احنا بحاجه للدعاء وعسى الله يثبتنا وسوره الكهف حلوه اليوم

 

[الكيكة الأمورة]

السلالالام عليكم شلووووووووووونكم بنااات شخباااركم

مشتاقتلكم ياحلويييييييييين


للحين مادزلي منحة عيالي يقولي بفتح حساب لكل واحد وللحين ماكوشيء؟؟؟؟؟

الله كريم

بنات ولدي يشابه ابوه مرات مالي خلق اطالعه واهو ياحياتي يجي ويبوسني ويلمني وانا ما ابينله شي بس

استغفر الله مرات لما اطالعه اتذكر ابوه الاقي نفسي معصبة واقعد اتعوذ من ابليس

واسولف وياه عشان ما احسسه بشي

لاحول ولاقوة الا بالله

 

[jawaa]

بناااات ولدي طلع بويه اقزيمااااا ( ضايق خلقي عليه معور قلبي وخايفه يتم اثر وديته الطبيب عطاه دوا بس هم خائفه يبقى اثر لاحول الله ادعوله الله يشفيه حبيبي وانا اليوم حاسه أني ببلش استمرض. بروح الطبيب بأجر الحق على عمري أخاف أعادي ولدي ماعندي احد اخليه عنده

كيكه تعوذي من بليس حرام ولدج ماله ذنب دربالج

 

[jawaa]

بناااات ولدي طلع بويه اقزيمااااا ( ضايق خلقي عليه معور قلبي وخايفه يتم اثر وديته الطبيب عطاه دوا بس هم خائفه يبقى اثر لاحول الله ادعوله الله يشفيه حبيبي وانا اليوم حاسه أني ببلش استمرض. بروح الطبيب بأجر الحق على عمري أخاف أعادي ولدي ماعندي احد اخليه عنده

كيكه تعوذي من بليس حرام ولدج ماله ذنب دربالج

 

[unapproachable]

الكيكه االاموره واحنا بعد اشتقنالج وينج ياختج وشخبااارج؟ وان شاءالله تنزل منحة عيالج وتفرحين فيها وتشتريلهم كل اللي يبونه


جوا .. جربي تحطين فازلين على الاقزيما وحده بوحده ترى انا ولدي بالشتا كان يطلعله وعلى الله ثم على الفازلين بس حطيه اذا نام

 

[Air Bag]

رد : تجمع للي تربي عيالها بروحها single mothers

شلونكم سنغولات؟؟؟
عساكم بخير أنتو وعيالكم؟
كيكة والله ضحكتيني و ضيقتي خلقي بنفس الوقت, خفي علولد مقيريد ماله ذنب
جوا سلامته ولدج و الله يكون بعونج على العفيسة الي أنتي فيها الله يريح بالج إن شاء الله
منولة صاجة الفازلين يهبل أنا ماكنت اقتنع واضحك لي قالولي استخدميه بس امي تحطه حق عيالي وقمت اشوف تأثيره بعيني
تخيلي حتى الفازلين الأخضر مرات تحطه حق بنتي لشعرهاااا لووووووووووووووووووول و اعصب اقولها يما وين قاعدين تقولي قاعدين فبيتي ومو شغلج لووووول والله تعالي شوفي شعر بنتي عقب ما اغسله يصير ذهب مع أن بنتي شعرها خشن وباهت بس تعدل عليه

 

[jawaa]

بنااات اقرع ولدي ولا لا محتاره

 

[اثمان]

قرعيه اذا توه مولود ووزنى شعره وشوفى جم يساوى بجرام الذهب فلوس وتصدقى فيهم