ريلي زفني وانا ماسويت شي

[:: لورا ::]

السلام عليكم خواتي

اول شي انا اول مره اكتب مشكله خاصه فيني وبحياتي متعوده على الكتمان بس لان ماعندي احد استشيره غيركم :eh_s(2):

اول شي انا جريب عرسي بعد اسبوعين باذن الله .. وصارت مشكله مع ريلي .. والوقت حده غلط يعني ماتهاوشنا ألا بهالايام مع العلم انه انا ماقلت له شي اهوا اللي زعلني

السالفه انه انا اتصلت عليه ابلغه انه فوني مادري شفيه خرب جان يعصصصصصصصصصب علي وينفس " كان نايم "

بس زفني زف جنه انا سابته وقعد يكلمني باسلوب مو حلو يعني نظام زف وصوته عالي وانا مو متعوده على هالاسلوب كلش :eh_s(2):

وهديته جم يوم واهوا ولااااااااااااااا على باله ماجنه انا عروس بعد جم يوم .. وانا من لقافتي دزيت له مسج ولا يرد ويقول " اعتذري ويصير خير "


نعممممممممممممممممممممممممممممممممممممممممممممم !!!!!
:eh_s(14):
انا اللي ابي الاعتذار
جان يرد ويقول " اذا كل مره عصبت عليج وززعلتي ماراح نخلص ! "

مليييييييييييت وقلت له انا ماراح اكلمك ولابتشوف مني مسج


امبيه العرس وايد قريب احس اهوا اللي المفروض يتلزق فيني ويعتذر لي لانه غلط بحقي انا شكو اعتذر ليش شسوووووووووووووووووووويت بنات فهموني يمكن انا مو مستوعبة
:eh_s(2):

 

[زهراء الركابي]

رد : ريلي زفني وانا ماسويت شي

اذا تحبينه ميخالف سامحييييييييييه حتى لو انتي غلطانه <<<< زواجج قريب ومالا داعي الزعل والمشاكل

 

[:: لورا ::]

زهراااء انا دايما اساحله ليش الحين اهوا مايساحلني ولا انا مو عروس

ولا حتى مسج

 

[طمطومه الحمرا]

رد : ريلي زفني وانا ماسويت شي

هالمرة مشيها له
بس بعد الزواج علييج بالعين الحمرا لوول

 

[شمس 20]

تنازلي شويه وتسامحي منه عادي

لازم واحد منكم يتنازل مايصير

عشان حياتج ومستقبلج

 

[جـــواهر]

طنشي ولااااااااااااتدرين عليه

شنو يبي يسوي يعني بيأجل العرس ؟؟؟

لج اللي تبين اذا اجل العرس


ظنننننشي واثقلي عليه العرس مابقى عليه شي

خلي الشوق حااااااامي

 

[zaina alotibi]

رد : ريلي زفني وانا ماسويت شي

انتي الحين زوجته وبدت تسير بينكم مواقف وهذا اول موقف جدي يسير بينكم :
تصرفي بحكمة وعقل عاتبيه بهدوء .
وسامحي ياقلبي جدامج الطريج طويل بتزعلين وبتسامحين وبتنسين هذي بهارات الحياة الزوجية

والله يوفقج حبيبتي

 

[tbola]

رد : ريلي زفني وانا ماسويت شي

رايي من راي البنات سامحييييه

 

[~LiBrA~]

رد : رد: ريلي زفني وانا ماسويت شي

حبيبتي هذا خلاص ريلج وللاسف هذي الحياة الزوجيه مرات تصير مشاكل والي مو غلطان اهو الي يعتذر

ميخالف طوفي السالفه هالمرة ولا جنه صاير شي لان عرسج قريب خلاص ومو حلو الزعل هالوقت

والله يهديكم

 

[macintosh]

مثل ما قالوا البنات

طوفي هالمرة خصوصا الموضوع ما يستاهل ومابقى شي على عرسج

ماعليه ..

وبعدين وريه العين الحمرا

موفقه ياعرووس :eh_s(17):

 

[:: لورا ::]

مشكورين بنات

بس اي شووق اي بطيخ حتى مسج ماكو

واهوا عنده باجر عملية شسوي

 

[الأميرة جوري]

اللهيعينج كلهم جذي يفردون عضلاتهم بالاول بعدها يطخون ....

 

[:: لورا ::]

وااااااااااي ودي اطمن عليه باجر عمليته وهم مابي اكسر كلمتي وعقبها يستسهل الموضوع ويتعود انا اراضيه حتى لو غلط اهوووا علي

 

[honey lust]

هاذي هوشه خفيفه و السالفه ما تسوى
اهوه كان نايم و يمكن ما حس بكلامه او بطريقته جان زعلتي زعله خفيفه و خلاص يطيح الحطب بينكم
بس اذا بتقعدين كل ما صارت سالفه صغيره تكبرينها ترا مراح تخلصين و محد بياكلها غيرج لانه اهوه ريال عادي يطلع و يستانس و انتي تقعدين بحرتج
غيري اسلوبج معاه و طولي بالج

 

[:: لورا ::]

ادري انه الموووضوع مايسوى بس طريقته بالرد مو حلوووة

يعني بالمسج يقولي " تحجي لا تخبصين " او لما يقول " شهالفراغه اللي عليج "

احس هالكلام يجرح

 

[sawaranza]

دزيله معنك زعلتني وكسرت بخاطري بس انا ما هان علي كل هل مده ما اتطمن عليك والله يقومك بالسلامه من عمليتك

 

[حبك بلاني!]

خلاص الحين لا تكليمنه خلي عشان يحس بغلطته ويشتاق لج اكثر وعرس مابقى له شي واثقلي عليه العرس مابقى عليه شي

خلي الشوق حااااااامي ............

 

[lovely jojo]

المفروض اهو اللي يراضيج!!!

 

[amoona89]

مااعليه تساامحي منه وعديهااا له لانه خلاص العرس قرب وماله داعي الزعل
عسى ربي يسعدكم

 

[:: لورا ::]

احترت

مشكورين بنات