رد : اي وحده تبي تروح لندن و عندها سوال ( تم دمج الاستفسارات)
السلام عليكم راعية الجمس الله يسعدج دنيا واخره .....حبيبتي انا حجزة بورشستر25ونشاء الله تاريخ 20 راح نوصل 3العصر بتوقيت لندن حبيبتي ياليت بس اتحطيلي جدول امشي عليه اول يوم من مشتريات للبيت وخطوط تليفون وخط للنت وبطاقة للباص ومن اي مكان يكون جريب يم السكن واسفه جدن علي ازعاجج وياليت اتفيديني
تنور لندن فيج حبيبتي
بالنسبه لاول يوم اممممممممممممم اتوقع راح تنامين
بس ما ادري شنو الجدول اللي تبينه بس اوكي محاوله
اول شي تروحين لاجوررود مالنا استغاء عنه طبعا راح يكون حيل قريب يم سكنكم يعني مشي 3 دقايق واذا سريعه اقل لوووووول
تاخذين لج خطوط ليبارا يوزعونهم بمحلات التلفونات ببلاش وتعبينهم عندهم وايد خدمات حلوه هالخط يعني الاتصال على الكويت رخيص جنه داخلي عرفتي ويعطونج دقايق كل شهر تتصلين على خطوط الليبار تقريبا 100 دقيقه واذا عبيتي تلفونج 20 باوند يعطونج 10 زياده بس مشكله الخط ما فيه خدمات الانترنت يعني ما ينفع اذا تبين بي بي او عندج ايفون
وبطاقه الباص اسمها oyster card ينباعون بالبقالات اللي في ادجورود او بمحطات القطار وبعد هالبطاقه فيها طريقه اما تعبينها وكل ما تركبين باص او قطار يخصم عليج مبلغ يعني بالباص باوند و 30 بنس ولما يوصل 4 باوند بعد ما يحسب عليج خلاص يصير فري واذا انتي تروحين بالقطار وايد وتصرفين اكثر من 35 باوند بالاسبوع تقدرين تعبينه اسبوعي ب 35 ويكون مفتوح لمده اسبوع باصات وقطارات يعني لو تلفين من الصبح لليل ما يزيد عن ال 35 بس اتوقع التعبئه الولي احسن لج
وخط النت تاخذينه من اكسفورد وايد تحصلين محلات مال تلفونات عندج فودافون او تي موبايل او اوورنج كلهم نفس الشي وبعدين اذا خلصتي تروحين مطعم لبناني اسمه الارز بادجوررود لوووووووووول لازم تختمينها عدل
اما مشتريات للبيت ما ادري شنو تحتاجين بس عليج بجمعيه اسمها التيسكوو او سمرفيلد اثنينهم موجودين بادجوررود اسعارهم زينه وعندهم عروض اما اللحم والدياي الحلا في وايد محلات بادجوررود بس انظف شي الوادي الاخضر بس شوي غالي يعني المحلات الثانيه ارخص منه
على فكره انتي اذا اخذتي جوله باجوررود راح تعرفين كل شي من اول يوم
واي شي تحتاجينه بس سالي وما عليج ترى عندج اخت بلندن
الموضوع اتمنى الجميع يستفيد من عنده بس بشرط ادعولي الله يسهل علي ههههههه ولكم مني اجمل تحيه
