كرهتنا حياتنا// بس تنتحر كل شوي مودينها الطواااري.. يارب فرجها علينا مصيبه كبيره

[انثى راقية]

السلام عليكم..
اسالكم بالله تعدعون لها بالهداية والسمعة الطيبة والتوفيق..

هذي اختي عمرها 16 تقريبا..
بس صار 2 متوسط تعرفت على بنات مو كويسات اخلاقهم خايسة
بس المصيبة وحده من هالبنات امها الله يستر عليها اخلاق منتهيه.. وهالحرمة تزني من ورا رجلها وبنتها الوحيده مثلها.. اختي من بيت محافظ لاخر درجة وانا الكبيره وهذي بعدي..
بس وصلت 3 متوسط اعتفست زيادة دحلت اول ثانوي تعدلت وتركت كل شيء مو كويس..
طبعا الحمدلله كنت اراقبها وامي تراقبها بس بهذلتنا صديقاتها يطلعونها ويشهد الله
اختي توريني محادثات البنات كل شوي وحده تقولها ماتبين تخاوين...!! هذا تفكير بنات بعمر 16!! :eh_s(16): اختي نفسيتها تعبت جدااا ومن اول السنة وهي بس تنتحر ودينها المستشفى كذا مره يمكن 6 بس تبلع حبوب وتنتحر بس ربي يسلمها
حاولت افهمها تقولي انتي متخلفه ماتفهمين ماعندك اسلوب!!! لاني مااحب صديقاتها ولا حركات اختي :rgewrg: واذا نصحتها تقول ااااوف اووف يالله اعوذ بالله ماعندك اسلوب تعبتني نفسيااا
صرت اكرههاا وماابي قعدتهاااا وعلاقتها باهلي مشاكل وهواش... وماتعرف تتفاهم تبي تكون فري تجلس بالبيت لابسه للفخذ يعني شغل اجانب كفار.. :eh_s(11):
حاولنا فيه اعطيناها مصروف نطلعها نسفرها اوديها مولات مطاعم ملابس احسن شيء
مو مقصرين عليها بشيء حاولت افهمها كل شوي اقعد معاها اقول وش تبين طلعي اللي بخاطرك تقولي انتي حسوده..!! ليش اني اقولها انتي هبلا وصديقاتك كل وحده اذكى من الثانية...
وانا ماكذبت.. ضحكوا عليها حسدوها يغارون منها فيه صديقات يقولون لخويتهم تبين تخاوين..!!

تخاوي بالسعودي يصير لك بوي فرند...

بنات فكرنا نزوجها تقدم لها الحين اثنين بس خايفين نوافق وتفضحنا مع الرجال ماتطبخ
وتتدلع وتقل ادبها عليه ويطلقها...

اختي الله يهديها غلطت كثير بس ماتوصل انها تطلع مع شباب.. بس صديقاتها كانو يعطون رقمها لشباب وسوالف ووو... وكنت دائما انصحها سمعتك اهم من اي شيء والحين هي تقول ندمانه وضميري يانبني بس مااعرف ايش اسوي من التفكير تعبت نفسيااا صاارت سمراااا
وبس تنتحر وتبكي وتكره نفسها وكل الناس.. فشلت بدراستها كارهه حياتهااا...


وش اسوي معاها تكفون داخله على الله ثم عليكم تساعدوني..
ابي حلول سريعه.. ساعدوني ابي دكتورة نفسية تساعدني تكفون بس يشهد الله حالتي المادية مو عالية مره ياريت وحده ترحمني وتساعد باخصائية تكلمني مسنجر اوبالطريقة اللي تريحهاااا
تعبناا تعبنااا تعبنااا

والله ثم والله كل الكلام حاصل مع اختي ويشهد الله علي بكل كلمه
تعبت نفسيتي منهااا اخر شيء وش سوت عشان تنتحر راحت مدة شهرين تشرب كل يوم 6 قوارير رد بول وبور هاورس ومنبهات بس عشان تسبب لها اي مرض او جلطه او فشل كلوي
للعلم هي عندها كلية وحده طبيعيه والثانيه صغيرة...
ادعولها بالشفاء والهداية ونرفع روسنا فيهاااا....
​

 

[..MaYaR]

اختج حتى بالطيب واللين ما يبتوها هي عندهها اكتئاب عشان جي تبي تنتحر زين زوجوها بس عشان ما بتطبخ له؟؟
زين كل البنات حبيبتي جي فبيت اهلهم ما يطبخون لو امهم تحن فوق راسهم ووتترجاهم بس تعالي لما تتزوج تتفنن بالطبخ عشان ريلها لو تقدر تسوي له لبن لعصفورر ..

 

[انثى راقية]

والله فكرنا نزوجهاا بس مترددين.. نبي نفسيتها تتعدل وترتاح ملحقين على الزواج...

 

[ام متلق]

رد : كرهتنا حياتنا// بس تنتحر كل شوي مودينها الطواااري.. يارب فرجها علينا مصيبه كبيره

الحل بالاستغفار حاولي كثر ماتقدرين تقنيعينها تستغفر طوول ماهي قاعده وحاولي تجيبين لها داعيه تكلمها وخلي امج تتقررب منها اكثرر بالكلام الحلوو والهدايا وتلازمها 24 ساعه وتنقلونها مدرسه ثانيه تبدا فيها حياه ثانيه جديده وااذا عندها تلفون اشتروا لها تلفون مع الخط جديد ووحسسوها ان هديه مع الرقم ولا تلخلونها تحس ان شي مفروض عليها وشوفي تواريخ مهمه بحياتها وسويلها حفلات صغيره فيهااا مثلا عيد ميلادها .. ذكرى دخووولها الابتدائية اوول يووم .. ذكرى تخرجهاا .. اي شي واشتري مجموعه كتيبات تتكلم عن عاقبة المنتحرين والمدمنين على المعاصي واحذفيهم باماكن قريبه منها بدوون ماتطلبين منها تقراهم واشتري كتب ثانيه عن التووبه واجرها عند الله وشوفي اهتمماماتها وهوايتها .الاشياء اللي تستمتع فيهآآ وشاركيهاا فيهآآ او وفرووها لها اذا مافيها اضرر .. شووفي شنوالخلل اللي عندكم بالبيت وانتم مومنتبهين له وخله سلوكها يتجه الاتجاه الغلط هذا وحاولوا تغيروون من معاملتكم لها يعني ان كنتم مدلعينها حيل يمكن تكوونون افرطتووا بالدلع استعملووووا الشده بدون قسووه واذا كان العكس استخدموا اللين


والله يهديها ويصلحهاا واذا فادج كلامي بأي شي ادعيلي بالصحه ولعيالي بالهدايه​

 

[miss_ano0oma]

الله يهديها ماعليه سن مراهقه ليلحينها يااهل

 

[الغاليه ام احمد]

الله يهديها

حبيبتي اخذوا التلفون منها اهو الصله بينها وبين صديقاتها

 

[خشف العذارى]

رد : كرهتنا حياتنا// بس تنتحر كل شوي مودينها الطواااري.. يارب فرجها علينا مصيبه كبيره

حياتي اهئ ما فكرت بالانتحار الا عندها ضعف بالدين وبعيده عن ربها
قوليلها خل تلتزم بصلاتها وتقرا صفحتين ثلات من القراءن بعد كل صلاة ودعيلها
ومع الوقت اهئ اللي راااح تتغير
صدقيني لا دكتورة ولا بطيخ القراءن احسن علاج
الله يستر علينا وعلى بنات المسلمين

 

[نونه الزعفرانه]

الله يهديها يارب

 

[أميرة-]

رد : كرهتنا حياتنا// بس تنتحر كل شوي مودينها الطواااري.. يارب فرجها علينا مصيبه كبيره

ياقلبي الحل مو انكم تزوجونها ... لازم تعقل اول وتكون قد المسئولية


انا اشوف اختج مدلعه شوي بس الاهم من هذا مجتمع رفيجاتها الوسخ بعدوها عنه انقلوها مدرسة ثانية دخلوها دار تحفيظ قرآن او اي مكان يكون اللي فيه ناس نظيفة .. لانه مبين البلا من رفيجاتها

اذا عندها وحده من بنات خالها وبنات عمها بعمرها خل تسحبها معاها ليما تبعد عن رفيجاتها .. وشنو سالفة الانتحار هذي اعوذ بالله

اذا شفتوا التعامل معاها صعب تقدرون تستشيرون معالج نفسي ولا اخصائي تربوي

 

[غرقانة بالحزن]

رد : كرهتنا حياتنا// بس تنتحر كل شوي مودينها الطواااري.. يارب فرجها علينا مصيبه كبيره

لا حول ولاقوة الا باللة اللة يهديها واقري سورة البقرة
على طول وباستمرار واللة يحفظها لكم

 

[بوغاتي88]

حبيبتي اختج بفترة مراهقة يعني اكيد تبي تعيش بحرية بتشوف البنات اللي بسنها اشلون متحررين اكيد بتصير زيهم بس انتي ووالدتك حاولوا انكم تعطونها الثقة لان هالسن خطر جدا ومثل ماقلتي صديقاتها يؤثرون عليها حاولوا انكم تنصحونها وبعدين الزواج مو حل لها اهي طايشة في هالفترة كيف بتزوجونها ادعيلها بالهداية والله المستعان الله يستر عليها ويحميها :yaaaaaarb:

 

[مليت عزف الدموع]

رد : كرهتنا حياتنا// بس تنتحر كل شوي مودينها الطواااري.. يارب فرجها علينا مصيبه كبيره

الله يهديها

 

[مروج الصحاري]

اذكري الله هي بسن صعب

شوي شوي عليها

ميخالف يلي راح راح انتي لا تملين منها خليج معاها لوجه الله

قعدي معاها وخليها تسولفلك

خوفيها من النااس وكلامهم وسمعتها
خوفيها على روحها وكرامتها
خوفيها من الله وانه يمهل ومايهمل

خذوها عمره بالصيف 3 شهور كورس علاجي

شربيها ماي زمزم
حطي صدقه دفعة بلاء
غيرو رقمها وغيرو مدرستها ابعدو عن مواطن الفساد
واذا مافاد اشتكو للشرطه
اطلبي ربك وربك يستجيب

بس الموظوع يبي صبر

وانا بديره الغربه اطلب من الله انه يفرج عليكم ويرزقكم وينصركم ويوسعها عليكم يارب ويهدي اختك هدايته للمذنبين التنايبين ويتقبل منها يارب

طولي بالك وانا اختك راح تعقل دام معدنها طيب

وسترو على روحكم ترا الستر زين والناس ماترحم

وطمنينا عليها

 

[ام ريتاج.]

رد : كرهتنا حياتنا// بس تنتحر كل شوي مودينها الطواااري.. يارب فرجها علينا مصيبه كبيره

بس سؤل وين ابوج منها اوخوانج ميصير تخلونها تماشي بنات موزينين الله يهديها لكم ويستر عليها

 

[دغبووجه]

حبيبتي ودوها عمره خلوها تقعد هناك وتستغفر وتغسل بماي زمزم

وكلمي داعيه وقولي لها انها رفيجتج وتبي تتعرف عليها

تعالوا لها من الناحيه الدينيه بهالعمر صعب التفاهم معاه بالمنع والشده والاسلوب القاسي

اشتري اشرطه دينيه وليها تسمعهم خليها تقرا قصص عن بنات ضاعوا بسبب هالعلاقات

وخلي امج تدعي لها وتكون دايم يمها وتشاركها كل شي يخصها حتى لو تتكلم عن صديقاتها شاركووها

واسمعوا منها


وترى الزواج مو حل بالعكس يمكن تتعقد حياتها اكثر

بنتكم محتاجه احد منكم يحتويها ويهتم فيها اكثرر

فتره وتعدي ان شاء الله ... الله يهديها غصبا عنها

 

[بـنـت مـكـة]

رد : كرهتنا حياتنا// بس تنتحر كل شوي مودينها الطواااري.. يارب فرجها علينا مصيبه كبيره

الله يهديها ياااارب ويكفيها شر صديقات السوء ..

حبيبتي مالكم الا تدعون لها ربي يهديها ويشرح بالها .. حاولي تغيرون من تعاملكم معاها .. غيروا مدرستها .. غيرو تليفونها ..

ترا الحل مو بالزواج .. حاولي تاخذينها دورات تأهيل للنفس .. فهميها شوي شوي .. علميها عاقبة المنتحر .. قوليلها انتي اكسبي دنياك عشان تربحين بالاخره .. اما اذا انتحرتي انتهيتي من الدنيا وخسرتي دنيا واخره ..

حاولو فيها وبمشيئة الله راح تتغير ..

والله يهديها ويصلحها ويشرح بالها ..

 

[زعفرانة]

الله يهديها ويستر عليها وعلى جميع المسلمات والمسلمين

وبعدين غيرو طريقة كلامكم معاها عاملوها معاملة ثانية بحيث ان تتغاضون عن الاشياء الغلط اللي تسويها صدقيني بتنقد على نفسها وتمشي سيده

وكثري الاستغفار
وحطو فالبيت سورة البقرة دايم يمكن نفس والا عين سبحان الله

 

[ليلو جبريت]

رد : كرهتنا حياتنا// بس تنتحر كل شوي مودينها الطواااري.. يارب فرجها علينا مصيبه كبيره

محاولة الانتحار عبارة عن صرخة استغاثة توجها اختج لكم بطريقة غير مباشرة
فاكيد هناك شي مضايقها وتحاول تجذب انتباهكم لها
حاولوا تودونها لدكتور نفسي يساعدها على تخطي هالمرحله على اقل تلاقي شخص تفضفض له من دون ماتخاف ان يفضحها او يفهمها غلط

اما اذا تركتوها على هالحال راح تزيد الحالة سوء

انا متأكدة ان اختج تكره نفسها بدرجة مو طبيعية لازم تساعدونها لاتخلونها جي ​

 

[lady 33]

الله يهديها

 

[dlo3t 3boody]

الله يهديها