تزوجني وصدمني بنااات لحقوني

[akbar-_-3ayara]

بنات انا تزوجت عن حب :eh_s(7):



وبعد مشااااااااكل ابوي وافق بالغصب :eh_s(4): واهوا من اول ماعرفني وحبني انا مومتحجبه وقايلتله مومفكره بالحجاب الحين عقب ماملجنا من يومين يقولي ملابس ابيها طويله وتتحجبين وللعلم امه واخته مو متحجبااااااااات جان اطقها بجيه :eh_s(11): قال اذا تحبيني تحجبي انا ابي الله يوفقنا ويسهل طريجنا ماعليج من امي واختي وامج انا مسؤل عليج انتي بس وكل واحد بياخذ جزاءة :eh_s(10): وانا ابيج معاي بالجنه بنات شتنصحوني شسوي انا موكارهه الحجاب وادري ستر بس مترددده والحمدلله صلاتي اول باول واهوا المسيد مايخليه نصحوني بنات :eh_s(7)::eh_s(11):

 

[ام شووووق]

رد : تزوجني وصدمني بنااات لحقوني

مو غلط تتحجبين الحجاب ستر

شدعوه حاطه هالعنوان ترى هو صدمج بشي زين وبصالحج

 

[قاهره عذالي]

رد : تزوجني وصدمني بنااات لحقوني

ما فيها شي
ان المحب لمن يحب مطيع
سمعي كلامه وتحجبي

 

[منوة القلب]

عسى ان تكرهوا شيء وهو خيراً لكم



بعدين معاه حق هو مسؤول عنك



والله يوفقكم

 

[المغادره]

رد : تزوجني وصدمني بنااات لحقوني

الله يوفقك هويغار عليك
تقبلي طلبه والله يزقك الجنة

 

[الأبتسامة الدام]

ياحلوها من صدمة صدمج بشي زين صدقيني يمكن الله مرسلة لج والله ان مافي احلى من الستر واذا عقلج براسج لاتردين على احد واسمعي كلام ريلج ترى الدنيا صايرة تخرع والله يهدي الجميع

 

[tmtmt]

عفيه عليه
الله يتمم عليه
والله يهديج ويحببج بالحجاب

اول شهر الي بتحسينها صعبه
وشكلج متغير
بعدين بتحبين شكلج ان شاءالله

 

[مطيرية والعزليه]

رد : تزوجني وصدمني بنااات لحقوني

لاوالله جزاه الله الف خير.

لانه يحبج بيحجبج

 

[أم جرآح]

والله ع بالي شي جااايد ع الاقل لحجاب زين اهون مني انا خايفه اتنقب خخخ
اهم شي التوفيق والله عسى ربي يوفقنا​

 

[أوركيدا]

بالعكس استانسي لانه يحبج يبيج تتحجبين
الحجاب ستر
وكل شعره راح تكونين محاسبه عليها واكيد انتي ادرى

الله يهديج وتتحجبين وتنزلين موضوع تبشرينا انج تحجبتي
الله يوفقــــــــــــج

 

[فانتا ستروبري]

سمعي كلامه وهالشي من صالحج لو ما يحبج ما يقولج هالكلام

موفقة =)​

 

[ابدا يالغالي مانساك]

رد : تزوجني وصدمني بنااات لحقوني

من صجج تسولفين
زوج ويبي الستر لزوجته بشنو صدمج
لا مو من صجج
ياااختي باجر من يقيج من عذاب القبر ماينفعج الاحجابج وسترج

 

[ام النايف]

بدون زعل اختي .. عنوان الموضوع هو الصدمه !!!!
هذا امر من الله في القرآن اقرية مو من زوجك الله يرضى عنكم ويسخركم لبعض يارب في تفسير ما ورد في سورة النور: (.. وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ..)(31)
جاء في تفسير "بن كثير" لهذه الآية ما يلي:
"... وَقَوْله تَعَالَى " وَلَا يُبْدِينَ زِينَتهنَّ إِلَّا مَا ظَهَرَ مِنْهَا" أَيْ لَا يُظْهِرْنَ شَيْئًا مِنْ الزِّينَة لِلْأَجَانِبِ إِلَّا مَا لَا يُمْكِن إِخْفَاؤُهُ ... وَقَالَ بِقَوْلِ اِبْن مَسْعُود الْحَسَن وَابْن سِيرِينَ وَأَبُو الْجَوْزَاء وَإِبْرَاهِيم النَّخَعِيّ وَغَيْرهمْ وَقَالَ الْأَعْمَش عَنْ سَعِيد بْن جُبَيْر عَنْ اِبْن عَبَّاس : " وَلَا يُبْدِينَ زِينَتهنَّ إِلَّا مَا ظَهَرَ مِنْهَا " قَالَ : وَجْههَا وَكَفَّيْهَا وَالْخَاتَم . .... وَقَوْله تَعَالَى" وَلْيَضْرِبْنَ بِخُمُرِهِنَّ عَلَى جُيُوبهنَّ " يَعْنِي الْمَقَانِع يُعْمَل لَهَا صِفَات ضَارِبَات عَلَى صُدُورهنَّ لِتُوَارِي مَا تَحْتهَا مِنْ صَدْرهَا وَتَرَائِبهَا لِيُخَالِفْنَ شِعَار نِسَاء أَهْل الْجَاهِلِيَّة فَإِنَّهُنَّ لَمْ يَكُنَّ يَفْعَلْنَ ذَلِكَ بَلْ كَانَتْ الْمَرْأَة مِنْهُنَّ تَمُرّ بَيْن الرِّجَال مُسَفِّحَة بِصَدْرِهَا لَا يُوَارِيه شَيْء وَرُبَّمَا أَظْهَرَتْ عُنُقهَا وَذَوَائِب شَعْرهَا وَأَقْرِطَة آذَانهَا فَأَمَرَ اللَّه الْمُؤْمِنَات أَنْ يَسْتَتِرْنَ فِي هَيْئَاتهنَّ وَأَحْوَالهنَّ كَمَا قَالَ تَعَالَى " يَا أَيّهَا النَّبِيّ قُلْ لِأَزْوَاجِك وَبَنَاتك وَنِسَاء الْمُؤْمِنِينَ يُدْنِينَ عَلَيْهِنَّ مِنْ جَلَابِيبهنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ " وَقَالَ فِي هَذِهِ الْآيَة الْكَرِيمَة " وَلْيَضْرِبْنَ بِخُمُرِهِنَّ عَلَى جُيُوبهنَّ" وَالْخُمُر جَمْع خِمَار وَهُوَ مَا يُخَمَّر بِهِ أَيْ يُغَطَّى بِهِ الرَّأْس وَهِيَ الَّتِي تُسَمِّيهَا النَّاس الْمَقَانِع . قَالَ سَعِيد بْن جُبَيْر " وَلْيَضْرِبْنَ " وَلْيَشْدُدْنَ " بِخُمُرِهِنَّ عَلَى جُيُوبهنَّ " يَعْنِي عَلَى النَّحْر وَالصَّدْر فَلَا يُرَى مِنْهُ شَيْء..." والله اعلم

 

[بدوية بملامح كشميرية 86]

بالعكس استانسى يغار عليج والحجاب ستررررر

 

[ام النايف]

بدون زعل اختي .. عنوان الموضوع هو الصدمه !!!!
هذا امر من الله في القرآن اقرية مو من زوجك الله يرضى عنكم ويسخركم لبعض يارب :yaaaaaarb:

 

[دريم]

رد : تزوجني وصدمني بنااات لحقوني

سمعي كلامه وتحجبي

 

[MissChoco]

تحجبي باقتنااع مو عشان فلان وعلان ،، تحجبي عشان ربج

وانتي قوليله عطني مهله وفكري

 

[akbar-_-3ayara]

مشكورين وااايد بنات انا بصلي وبدعي ربي وان شاء الله قريب ابشركم بس ماتوقعته بيقولي اهوا قالها من زمان وسكت

 

[رتو الكيوت]

صلاتج اول باول الي بالمسجد شفايدتها وانتي ماكملتي فرضج وغطيتي شعرج ؟

تعرفين الحديث الي فيما معناااه الغير محجيه ماتتشم ريحه الجنه



ماتحجى وديني انا كامل الله يتوب علي وعليج ويهدينا

بسسس هو وياه حق يبيلج الجنه !!

ومو صدمه هذا واقع الحين بااجر مصيير السفور يتممون فرضهم ويتحجبون

ليششش التاجيل والتازيم ؟

 

[BNT-AL20]

رد : تزوجني وصدمني بنااات لحقوني

أنا لو مكانج أطير من الفرحة لانه مبين يحبج حيييييييل ويمكن اكثر من اهله الله يهنيج معاه ترى اللي مثله انقرضوا:yaaaaaarb: