السلامْ عليكمْ و رحمهْ الله و بركاتهْ
( افضّل قرايتها و سماعها )
يوتيوبيّه
النصْ
ي مخرج ثلاثه عقب دار الزمان و مال
على الدايري يا ليت ما شفت لك لوحه
لمحتك و انا سالي و في طرقتي رحال
و دق الجرس في صدري و نقض جروحهْ
يا ليتك مجرد لوحه و كبري و مدخال
و لا لك من الذكرى مسارات مفتوحه
بديت استعيدْ اللي مضى و أفتح الاقفالْ
عسى نعمه النسيان ما هيب مذبوحه
علاقه و زالت مير تأثيرها لا زال
أكابد نتايجها و الأشواق مسموحه
تخاطف عيوني كيف أحيل الغلا و أحتال
و لي عين مستوره و لي عين مفضوحه
علشان من حطت في قلبي لها منزال
تعلت عروشه و ابتدت تهدم صروحه !!
لها بالوصوف الفارقه مضرب الأمثال
ذكيه و لماحه و حلوه و مملوحه
تمازحني و ترمي علي المزوح أشكال
و أسيّر لها قلبي بجدّه و بمزوحه
تقول أنت شاعر و المشاعر على ما قال
ما باقي تغني غير في حي منفوحه
سقى الله قصيدك كان في حبها يختال
اغطيه بوشاح المحبين و أشوحه
قضينا و بأحكام القضا تحكم العقال
و كلٍ عن الثاني سحب روحه بروحه
لو ان الجفا قاسي يهون الجفا لا طال
عسى الله يوفق كل مسلم لمصلوحه
ابدفن محبتها تحت هيبه الرجال
و أبدعي لها و تروحْ بالستر مبيوحهْ
عساها تدوم بخير و تعيش بأحسن حالْ
و تبادلني الدعوى و الاعمار منقوحه
عليها السلام و رحمه الله من الأهوال
و من شر وقت يعترضها بساموحه
مخرج /
وشلون رحت بلا ( موادع ) ولا بنت ؟
...................وفي غيبتك فجَّرْت ينبوع عيني :-
في راسي أستفهام للحين مـ أيقن
...................( وش سبَّة غيابك وزفرة أنيني ) ؟
( ودي ) مجرد يوم واحد أكون أنت ,
...................( وآعرف تفكيرك ونظرتك فيني ) !
النص لـ / سدّاح العتيبي
و المخرج لـ / محمد احمد الحربي
تقديري / :eh_s(22)::eh_s(17):
